.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = ` واااا سبااااݣ سلامة كيطايف اصاااحبيي » الجملة لي كتسمع وسط الدروبة من أفواه الشباب لي كيجريو متوجهين لبلاصة وحدة .. كلشي داير يدو على فمو شي ضاحك شي مخنزر شي كيشوف بلا حول للي طاح بين يديه و هوما كيشوفو فالمنظر لي قدام عينيهم .. منظر مولفينو و عندهم أكثر من عادي خصوصا فأوقات بحال هادي .. قبل المغرب .. قبل فطور رمضان خصوصا اليوم الأول .. تسمع صوت شاب من وسط عباد الله ناطق بصوت تقيل: صاف اصاحبي رخيه اصاحبي يمشي بحالو .. بهدوء هز عينيه جيهة المتكلم .. عينيه السوداويتين و نظرتو الحادة .. شعرو الأسود كيقطر بالعرق بحكم الحسانة لي داير شعرو مرازي .. وجهو حمر عروق جبهتو بارزين .. العرق كيتقطر من لحيتو الخفيفة .. طلق قبضة يدو من كول الشاب لي كان بين يديه و وقف معتادل كيضور عينيه على الناس لي معرفهم امتا تجمعو .. حك على لحيتو و حدر عينيه للشاب لي مضروب و الدمايات كتقطر من فمو و مرخي عينيه كيتقلبو .. تحدر لعندو حاكمو من عنقو بقبضة يديه و تمتم بنبرة حادة و صوت رجولي قاصح: تولي تقرررب ليها بلابز عينيك نجبدهم لدين أصل مك .. «زير صباعو على عنقو» .. بنتييي اولد القحـ بة تقرب ليها نحـ وي طبـ ون مك .. الا كنتي راجل لزااا مل بوك نشوفك بساحتها .. قبرك نحفرو بيدي القو اد .. طلق منو و هز عينيه جيهة الدراري كاملين رادف بصوت مرتافع مزلزل البلاصة لي كانو فيها: هاد الهضرة ليكم كامليين يقررررب شي حد لبنتييي ندفن عدووو ربووو .. نطق واحد من الشباب بصوت هادئ: اسلامة اخويا راه ختنا هاديك مكاين لي يقرب ليها الا معاوناهاش منضروهاش .. هز فيه حاجب ميل راسو معاه .. قبل ما يردف: ما ديرها ختك ما ديرها بنتك عطييوها التيساع سمعتييي تشوفها فالزنقة قلب الطرييق .. بخطاوي تقال تمشى خارج من وسطهم مخليهم طارو لعند الشاب كيهزوه من الأرض .. دار يديه فجيابو و على عينيه نظرة حادة .. طول طريقو ما هضر ما تكلم تا وصل لدار سفلية حل باب الحديد و تمتم بصوت قوي: السلام و عليكم .. على صوتو خرجات عندو شابة فأول عشريناتها .. بعيونها البن الكبيرة المشفرة .. و شنيفات منفوخين بشرة بيضاء و شعر أسود جامعاه لفوق بمقبط .. بضحيكة واسعة تقدمات لعندو معنقاه متمتمة بنبرة فرحة: بابا .. ضور عليها يديه مطبطب على ظهرها و قبل راسها بحنية: الله يرضي عليك .. شدات فدراعو مشية معاه لجيهة الكوزية كتهضر بابتسامة فرحة: عرفتيي صوبت ليكم واحد الفطور غزااال ابابا واعر درت مسيمنات معمرين كي كتبغيهم نتا و درت لخويا فيصل لي كيش لي كيبغي هههه .. حيت غيجي يفطر هو و مرتو عندنا و هي قالت ليا صوبات حريشة بالطون و الزيتون و صوبات كيكة الشكلاط لي كتعجبك .. حرك راسو بدون اي تعبير على وجهو و قبل راسها مرة أخرى: نمشي نصلي .. تبعاتو بعينيها بضحيكة و رجعات كتقاد شغلها بفرحة و كتحط فالطبلة مبتاسمة رغم عيائها .. مدازش بزاف تا سمعات الباب كيضور بالساروت .. طلقات كلشي من يديها و توجهات بالجري للشخص لي قبالتها .. لحية سوداء كتيفة و عينين سود صغار بشرة بيضاء شعرو اسود مرجعو لور .. فتح يديه بضحكة واسعة تا تعلقات فيه مضورة يديها عليه: خووويااااا .. فيصل .. بنت خوووياااا .. نور القمر .. «هبطات من حضنو و قبلاتو فحنكو» .. توحشتك .. «شافت فمرتو لي كانت حداه و عنقاتها بالجهد» أموونة .. إيمان بملامح هادئة بشوشة ... عيون سوداء مشفرة كبيرة و شعر أسود ... فتحات ليها يديها بفرحة و ضحيكتها على فمها: الكبيدة دأمونة، نور القمر .. كتغبروو بزاااف دخلو .. فيصل .. فين بوك؟ نور القمر .. كيصلي .. «توجهات الكوزينة» راه فالبيت .. فيصل تمشى كيضرب على درعانو .. توجه لواحد من البيوت دق جوج دقات و حل الباب داخل كيشوف فيه جالس على السجادة و هاز كفوفو للسماء .. تبسم و تكا ظهرو على الحيط ناطق بنبرة مازحة: غي جندخ ليا الباشار و جي هز كفوفك للسما، ما لقا منو تا رد فعل .. هبط يديه بالشوية عليه و وقف كيجمع الصلاية من الأرض طاويها حاطها فوق سريرو نصل الضراعية من على جسدو تا بقا صولو من الفوق و عضلاتو كيبانو .. فيصل: دعيتي معانا شي و لا لا؟ سلامة .. «بصوت تقيل» كون كان الخوخ يداوي كون داوا راسو .. قرب منو بالشوية من مور ما لبس تيشيرت ديالو .. تسالم معاه بعناق أخوي و قال: فين غابر؟ فيصل .. غااا الخدمة اخوياا كتارت عليا و صافي .. سلامة .. «تبسم بالجنب» مول الطاحونة والسانية ولمرا التانية حتى ليلة ما يبات هانية .. فيصل .. «حرك راسو كيضحك» زيدني اخويا .. سلامة .. الله يسهل .. خرجو من البيت متوجهين للصالة فين كاينة الطبلة الفطور و التلفازة .. جلس فيصل فوق السداري هاز تيليكوموند فحين هو توجه للكوزينة فين عارفها غتكون .. حنحن تا شافت فيه .. طلقات من يديها كلشي و توجهات لعندو مرمية فحضنو: خوياا لاباس عليك! سلامة .. «قبل راسها مدوز يديه على شعرها بحنية» بشوفتكم .. إيمان .. تا انا توحشتك اخويا راااه داك القرد لي مكيبغيش يجيبني .. نور القمر .. دابا يسمعك هههه .. سلامة .. «غمض ليها عينيه و حلهم» ماعليش راجلك .. إيمان .. سير اخويا تجلس احنا نحطو دابا المغرب اتودن دابا .. حرك ليها راسو و رجع بخطواتو لباب الدار حلو و تكا بكتفو مكروازي رجليه و عينيه كيضورو تا بان ليه جاي كيجر رجليه .. على شعرو كسكيطة و عينيه عليه كيحك لحيتو الشهبة .. سلامة .. «كيطلع فيه و يهبط» حتى لين؟ هز فيه راسو و رجع حدرو كيتفوه: كون مقلتش ليك حبس كنتي تقـ تلو .. سلامة .. «بلا مبالاة» مو تو خير من حياتو .. «طرطق عنقو فاش سمع صوت الآذان» دخل تفطر .. دخل هو اللول جالس فوق الكرسي هاز تمرة كيكسر بيها صيامو .. و كلشي على الطبلة كيكسر صيامو متله .. إيمان .. فين معتصم واش ماجاش؟ دخل الأخير ريحة الݣارو كتشم فيه من بعيد .. وقفات إيمان من بلاصتها عنقاتو بحب و باستو فحنكو: خوياا لاباس؟ معتصم .. «طبطب على حنكها» بخير .. «شير بيديه لفيصل» نتا عاد شفتك .. فيصل .. و لا عليك .. معتصم .. «شاف فنور القمر و بصوت حنون قال» نور القمر .. نور القمر .. «هزات فيه عويناتها رمشاتهم» لاباس اخويا؟ معتصم .. «هز فيها حاجب و حرك راسو» لله الحمد .. فيصل .. نهار مجباااد هو .. نور القمر .. غي حيت النهار اللول .. «مسدات يديها» حيد ندوز .. فيصل .. «خوا ليها الطريق» دوز ابنت الفقيه .. نور القمر .. داك الفقيه راه خوك .. فيصل .. و نتي اش؟ نور القمر .. بنت خوك .. تخطاتو داخلة للحمام وقف موراها سلامة كيسوس يديه داخل لبيتو بقاو بتلاتة قبالة الطبلة ... فيصل .. الملايكة كيصليو الشياطين كياكلو .. إيمان .. حشاكم .. «وقفات» بغيتي يجي سلامة يعلقني من وذني نو نو نو .. «تخطاتهم و مشات للحمام آخر» نمشي نصلي ليا ركيعات .. فيصل .. «تبعها بعينيه» لا لا تربيتو .. معتصم .. «كيمدغ و يحرك راسو» نتا لي خرجتي ليه من الجنب .. فيصل .. انا تربية الواليد الله يرحمو .. معتصم .. «ضور وجهو» ايييه كان يديك معاه لقهوة تيرسي تا خرجتي بحالو .. فيصل .. هههههه هو لقهوة تيرسي و الواليدة تدي سلامة معاها للجامع .. معتصم .. و نور القمر تشدها الواليدة .. فيصل .. اييه اليام هههه كنا نتجمعو فالطبلة تاليتها كتقلب .. معتصم .. مكيقلبها غي باك والواليد .. فيصل .. مكانوش كيتفاهمو و كانو صحاب .. معتصم .. الحماق .. «وقف هاز كاس اتاي فيديه» انا جاي .. فيصل .. انا تابعك اسير .. وقف الأخير هاز فيديه كاس اتاي و خرج تابعو لباب الدار .. خرج من بيتو كيمسح على لحيتو و خرجو من موراه من البيت شدو فدراعو .. إيمان .. علم اخويا داك العوج يصلي بيا .. نور القمر .. تا يكون كيصلي براسو بعدا .. إيمان .. ههههه والله ما كدبتي مكيحطش جبهتو ݣاع .. نور القمر .. بابا نطلبك طليبة؟ سلامة .. «جلس بلاصتو و هز فيها راسو محركو بهدوء» آمري بنتي .. نور القمر .. بغينا نخرجو مور التراويح نتمشاو شوية .. إيمان .. ااه عافاك اخويا .. سلامة .. غنخرجكم .. نور القمر .. «بفرحة برقات عينيها» نت نت العزززز بابا .. «تلاحت عنقاتو» .. احسن اب فالعالم .. إيمان .. «كضور عينيها» و متدابزش فالطريق ياك؟ .. «هز فيها حاجب و هي ضحك ضحكة صفرة» ويلي ضرب و طحن ليا البشار .. حنات راسها للطبلة كتاكل و تهضر مع نور القمر تا دخلو الدراري مكملين فطورهم .. فيصل .. عرفتي شي نعسة من مور هاد الفطور .. معتصم .. تجر معايا لواحد البلان و ديك ساعة مو ت ماشي غا نعس .. فيصل .. لفين؟ معتصم .. «حرك ليه راسو» تا نقولك .. إيمان .. انا غادي نخرج .. فيصل .. «شاف فيها» فحيط؟ سلامة .. معايا .. فيصل .. مأكدة راه تخرجي فحيط و متخرجيش معاه يعصبك .. نور القمر .. تا واحد فيكم مكيعرف .. الخرجة مع بابا مكاينش بحالها كنمشي مرتاحة .. فيصل .. معايا كتمشي خايفة لمك .. معتصم .. مبقيناش مقنعينها حنا .. نور القمر .. انا مقلتش هكا ولكن الخرجة معاه هو غييير .. إيمان .. الصراحة تقال والله الا الخرجة مع خويا سلامة فشكاااال .. فيصل .. اياه سيري اختي عنداك تجي كدمعي عليا .. سلامة .. كول و سكت .. معتصم .. لا نتا مخدم مود صيلونص سحاب ليك كولشي بحالك .. سلامة .. «حط المسمنة من يديه هز الما شربو و ركز فيه نضرتو» شحال فعمرك نتا امم؟؟ إيمان .. «بالزربة» 37 عام اخويا .. سلامة .. 37 عام و باقي كتعاند ليا مع .. «شير بيديه لجيهة فيصل بلا ما يشوف فيه» بشري 30 عام ياله قفلها .. فيصل .. فاش كيبغي يقمع شي حد كيقمعو بيا انا .. سلامة .. «صغر فيه عينيه» انا بلان؟ معتصم .. «تبسم بالجنب» لي فبالك .. سلامة .. «ضور لسانو داخل فمو» حضي وكان .. معتصم .. عين ما شافت قلب ما وجع .. إيمان .. «هزات تيليكومند زادت الصوت» خليونا نشوفو الحموضة لي دارو هاد العام .. فيصل .. ماكاين الحامض قدك .. نور القمر .. طاح الحك و صاب غطاه .. إيمان .. اعطاااااتك ههههههه .. فيصل .. ياااك الطويلة يا سلوم الجيارة .. نور القمر .. «قلبات عينيها لسلامة» ياك ابابا انا زوينة!! علا عينيه فيها و تبسم ابتسامة خفيفة بالكاد كتبان و حرك ليها راسو بالايجاب خلاها قلبات راسها كضحك لعند فيصل .. نور القمر .. شفتي ياله سد فمك و كول .. فيصل .. غاا كيكدب عليك .. «مخاطب معتصم» دابا هادي زوينة اخوياا؟؟ معتصم .. «بنظرة حنونة و نبرة صوت أحن» غزالة .. إيمان .. صافي ياله جلس تاكل و هني السوق .. نور القمر .. غي كتبغي دير راسك فيا .. فيصل .. زيييدووونييي .. الحال كيتبدل من دار لدار كاين لي جالس فطبلتو بوحدو و نواستو هوما حيوط دارو و كاين لي وسط عايلتو و الغبينة وسطهم كاين لي ضاحك و خالق ساعتو كيفهم و كاينة هي .. طبلة طويلة عريضة مليئة بكل ما تشتهي الأنفس الصمت مطبق كيتسمعو فقط ضربات السكين مع الطبسيل طبلة كبيرة لاكن خاوية .. مترئسها رجل الشيب مكتسي لحيتو و شعرو .. عينيه على طبسيلو و بين الحين و الآخر يطلعو للمرأة لي حداه .. الأخيرة بشال خفيف على راسها ... شعرها البني باين من القدام .. حنحنات بصوت خافت و تمتمات بهدوء: ميرا .. ركزات بعينيها تجاه الفتاة لي قبالتها .. يديها على حنيكتها المطيبزين و شنيفتها المنفوخين مقلوبين .. رمشات بعويناتها السود و بصوت حنون هامس تمتمات: ما فياش الجوع بغيت نطلع لبيتي .. غزلان .. علاش ابنتي !! .. «شيرات بيديها لجيهة الطبلة» ماعجبكش هادشي نقولهم يوجدو ليك شي حاجة اخرى؟ ميرا .. «حطات الفورشيط من يديها و هبطاتهم لتحت الطبلة و بهدوء هزات عينيها فمها» بغيت نطلع لبيتي ما فياش الجوع .. طولات فيها الشوفة لمدة قصيرة و حولاتهم لراجلهم قائلة: رحيم؟ رحيم .. «تنهد» سيري .. ميرا .. «وقفات دافعة الكرسي بشوية» مور التراويح غنخرج انا و آية .. رحيم .. دي طوموبيلتك .. ميرا .. «عقدات حجبانها بنرڤزة و حركات راسها بلا» مبغيتش غنمشيو فطاكسي .. رحيم .. لي بغيتي لي بغيتي .. عطاتهم بالظهر كتمشى على طراف صباعها .. خطواتها مكيتسمعوش .. بكسوة حد فخاضها مبينها فورمتها الملييئة .. طلعات فالدروج تا لبيتها سادة موراها باب البيت .. تقابلات مع التصاور لي معلقاهم فالحيط فكادر و تمتمات بنبرة حنونة: غيكونو كيدوزو رمضان التامن بلا بيكم .. «هزات يديها مدوزاهم على الصورة لي كانت لشخصين كبيرين السن» سمحولياا سمحوليا .. بعدات بخطوات للوراء راخية جسدها لسريرها يحضنها و يحضن أحزانها .. حطات راسها على الوسادة و عنقات راسها كتنهد .. الوقت كيدوز و هي من بلاصتها ما تململات حتى جوعها ما حاساش بيه .. تدق باب البيت و تحل .. دخلات شابة بجلابة سوداء و شعرها البني مطلوق .. صندالة الطالون فرجليها .. رمشات بعينيها السودوتين فجسدها الملقى على السرير و قالت: ميرا حبيبة ديالي .. ميرا .. «بصوت هادئ» آية .. «شافت فيها و تبسمات» الاسمراني ديالي .. أية .. «قربات منها مقبلة حنيكاتها» بيطيزة ديالي التراويح ياله بداو خليت عمي رحيم عاد خرج لجامع .. «دوزات يديها على شعرها الأسود» نخرجو دابا و لا بلاتي؟ ميرا .. «رمشات فيها» عارفاني فين باغة نمشي! آية .. كي ديما .. ميرا .. نمشيو دابا! آية .. وي بحرا تا حنا نخرجو شوية نشمو الهاوا .. «وقفات حالة البلاكار ديالها كتقلب فيه و كتعوج فمها» شنو تلبسي! ميرا .. لي جبدتيه .. آية .. جبت طوموبيل د بابا حسن نمشيو فيها .. ميرا .. «سرطات ريقها .. و بنبرة مرعدة قالت» تصوݣي بالشوية! آية .. عشرين كيلوميتر فالساعة الا بغيتي .. ميرا .. «ضحكات ليها براحة» نتي مكاينش بحالك فخبارك .. آية .. ههه عارفة .. «جبدات ليها جلابة زرقاء مطرزة بالكحل» هاكي هادي كتجيك قتا لة .. ميرا .. «كمشات عينيها» .. مزيرة شوية لا! آية .. لي صام راه صام الصباح .. لبسي ياله قبل مايسدو بابهم .. حركات ليها ميرا راسها و شدات من عندها الجلابة كتلبسها بالشوية عليها .. هزات صنيديلة بلا فالأسود دارتها فرجليها و هزات مشطة ماداها لآية .. مشطات ليها شعرها و طلقاتو و هزات ريحتها رشاتها عليها .. وقفات قبالة المراية و حنحنات: ندير شوية الماكياج! آية .. ديري لا بغيتي انا دايرة .. ميرا .. ندير غي ݣلوز ما فياش لي يكتر .. دارت لمساتها و شدات فيد آية خارجين من الدار لي كانت خاوية غي الخدامات لي فالكوزينة .. ركبو فالطوموبيل و نطقات ميرا: بالشوية عافاك! آية .. كتيقي فيا ياك؟ ميرا .. كتر من راسي .. آية .. وا تيقي فيا فهادي مغاديش نآذيك .. ديمارات آية خلات ميرا زيرات على السمطة بيديها و ففمها غي يا ربي يا ربي .. وصلو قدام وجههتهم و بلاصات الطوموبيل .. ضورات راسها فالبلاصة و تمتمات: يكون مشا يصلي التراويح! آية .. «هزات تيليفونها» كي ديما .. ميرا .. شحال الساعة؟ آية .. التسعود و نص ما بقا ليهم والو و يساليو .. عم الصمت وسط السيارة و عينيها تركزو على باب الدار قبالتها .. كتساين بكل جوارحها يبان قدامها .. خارج من الجامع كيمسح على وجهو .. دار يديه فجياب ضراعيتو و خطى كيتمشا راجع أدراجو للدار .. عينيه فالطريق قبالتو مكيهضر مع حد غير لي رمى عليه السلام .. هز الساروت كيحل باب الدار و دخل .. مخلي عينيها معلقين فالباب وقلبها كيضرب بالجهد .. ميرا .. زاد كبر و زاد زيان .. «شافت فآية بعينين مدمعين» يكون تزوج؟ آية .. معرفتش .. «حركات راسها» الزواج راه مكتاب الا كتاب ليه راه يتزوج يبقا يساينك و هو مكيعرفكش؟ ميرا ..خصو يعرفني يعرفني ضروري .. آية .. خصو يعرفك و يعرف بلي كاينة واحد الغزالة كتحماق عليه يرد ليها البال .. «جمعات فيها حجبانها» ولكن راه كبير و نتي عارفاه مغيبغيش يتفلا غيبغيك للزواج ديريكت .. ميرا .. «بعينين لامعين» بصح! آية .. نتي تقدري تعيشي .. «حولات عينيها للحومة» فهاد المستوى! ميرا .. معاه .. آية .. «هزات كتافها» لي بان ليك .. نمشيو؟ ميرا .. «تنهدات» نمشيو . وقف عليهم داير يديه فجيابو .. شاف ففيصل لي مقلوب على كرشو ناعس و حول عينيه لمعتصم لي شاد تيليكوموند كيخربق فالتلفازة .. سلامة .. البنات! معتصم .. «شير بالتيليكومند جيهة البيت» منين دخلو لتما ما خرجو .. سلامة .. قضيتي! معتصم .. «حرك راسو» قضيت .. سلامة .. شنو البلان!! معتصم .. مكيعرفهاش ضسر عليها باغي نمرتها .. سلامة .. راه داها عمرو ينساها .. معتصم .. دا عزاه تا من عندي .. سلامة .. «توجه لبيت البنات دق دقة خفيفة» نور إيمان .. حلات باب البيت مبسمة .. بعباية طويلة و صندالة فرجليها .. و موراها غزلان بجلابة و جامعة شعرها كوب شوڤال .. إيمان .. واجدين اخويا ݣاع ما نعطلوك .. سلامة .. «شاف فيهم بتركيز و هز يديه كيشير بصبعو لوجههم» ديك التخرميز .. نور القمر .. غي شوي ابابا .. سلامة .. منعاودش الهضرة .. عطاهم بالظهر خلاهم شافو فبعضياتهم و رجعو لبيت كيمسحو المكياج الخفيييف لي دايرين .. دارو ݣلوز و فاغاجو و خرجو لعندو .. معتصم .. جيب العشى معاك .. سلامة .. رجليك عندك .. معتصم .. راك خارج خارج اعشيري مالك .. مجاوبوش شير ليهم بيديه شدو فيه و تحركو خارجين من الدار .. سلامة .. فين تمشيو! إيمان .. نتمشاو اخويا نخرجو غي من هاد الحومة .. نور القمر .. نمشيو لسونطر نتمشاو تماكين .. سلامة .. «وقف على الشانطي كيشير لطاكسي» مرحبا .. حل ليهم باب الطاكسي لور ركبو و ركب القدام مربع يديه حاضي الطريق كيسمع لتوشويشهم لور .. وقف فالبلاصة لي باغي خلص و هبط دارهم قدامو و خلاهم على راحتهم مشيين و هو موراهم .. عينيه على جنابهم حاضيهم بجوارحو كاملين .. بعينيه بقلبو و بعقلو .. إيمان .. «ضورات عينيها شافت فيه» خويا بغيت الصوفة .. نور القمر .. تا انا بغيتها .. حرك راسو و وقف شاد نوبتو و شير ليهم براسو جاو جنبو .. حك على لحيتو كيمد الفلوس لمولاها و تلفت ليهم مشير ليهم بحجبانو: بالصحة .. رجعو قدامو و هو داير يديه فجيابو و تعب النهار كامل رجع عليه .. كيحس بضلوعو كيضروه و مكرهش غير يسد عينيه و ينعس .. لاكن خاطرهم ماقدرش يخسرو .. عارف نور القمر مكتخرج تا بلاصة بلا بيه و إيمان راجلها قليل فين كيخرجها .. ماطاوعوش قلبو يخلي خاطرهم مغبون على خرجة خفيفة .. حول عينيه لجنبو فاش سمع صوت أنثوي بنبرة باكية مرعدة ناطقة: عافاك ا آية ياله نمشيو واش عزيز عليك تجبدي الصداع .. محتالت تكمل هضرتها تا سمع صوت ديال شي دري موراهم بالجهد: والله القحـ بة لا بقات فدين مك سحاب لكر ك زوينة راك غا ديال الحـ وا .. بتقالة هز حجبانو و شاف إيمان و نور القمر لي وقفو مخرجين عينيهم و شير ليهم براسو جاو حداه .. ضور راسو للشخص لي هضر كيشوفو جاي جيهة البنات و رجع عينيه ليهم .. كيشوفيها كترعد و عينيها مدمعين كتجر فصحبتها و خوفانة .. الأخيرة كانت واقفة مربعة يديها و كتساينو يوصل لعندها .. وقف متبع المنظر بالهداوة تا وصل لحداهم و شد آية من دراعها مخرج فيها عينيه: انا القحـ بة تسبيني .. آية .. «دفعاتو من يديه» احيييد يديك عليااا مبغيييتش نعطيك النمرة صحة يااا على باشااار .. ميرا .. طلق منها اخويا عافاك خلينا نمشيو بحالنا .. مد يديه دافعها بالجهد تا تزدحات الأرض بالرخوة لي كانت مرخية و قال جار آية من شعرها: حسابي مع هاد القحـ يبة .. ميل راسو معاه بتقالة مبسم بالجنب .. شاف فنور القمر و قال: من هنا متحركوش مفهوم!! نور القمر .. «كتشوف فميرا كتمسح يديها لي تجردو و نطقات بأسف» نشوفها ابابا .. مجاوبهاش .. توجه لعند ميرا بخطوات تقيلة تحنا لعندها هازها من دراعها من الأرض وقفها .. فيكسا نظرو فيها حاني راسو لعندها و تمتم: مزيان! تبلوكات مخرجة عينيها فيه .. مقدرات تحرك مازال بقات فقط كتشوف فيه بصدمة .. شير ليها براسو لجيهة نور القمر و إيمان: سيري عندهم .. ميرا .. «بصدمة» ااا !!! سلامة .. «ساط بنرڤزة و شير ليهم جاو لعندو» بقاو معاها .. خلاهم و توجه تابع الدري لي جر آية معاه بالسيف عليها .. تابعهم بعينيه تا وصلها قدام طوموبيل و كيتعافر معاها يطلعها .. طرطق عنقو و قال: اييه صاحبي .. تلفت الدري كيشوف فيه .. ما جا فين يهضر تا كان دخل فيه براس مطيحو الأرض .. شاف فآية و شير ليها براسو: رجعي لصاحبتك .. مزادتش معاه الهضرة الخوف راكبها من ساسها لراسها رجعات كتجري عندهم بلا ما تشوف موراها باقي .. سلامة .. «تبعها تا مشات و تحدر عند الدري جارو من قفاه» لي حاس براسو مسمار كدقو المطرقة .. «ضربو لحنكو ضربات متتالية خفيفة» تحݣر على النسا الرعواني .. «جمع معاه بتصرفيقة خلاتو يتزلزل فبلاصتو» دير عقلك ا .. «طلعو و هبطو» رويجل .. لاحو من يديه و تمشا راجع لعندهم كيزرب لا يكون وصلهم شي حد .. غي قشعهم من بعيد واقفين آية معنقة إيمان كتبكي و نور القمر معنقة ميرا .. سلامة .. «شاف فيهم مزيان» داركم! آية .. «شافت فيه و طلعات ليها تنخصيصة» شكرا اخوياا و هئ سمح لينا .. إيمان .. نوصلوهوم اخويا منخليوهمش فهاد الحالة .. نور القمر .. «كطبطب على ميرا» شوفها كيف مهدودة الله يعطيه دقة الكلب لاخر .. سلامة .. فين جات داركم! آية .. كاينة طوموبيلتي راها مبلاصية لهيه .. ميرا .. «بصوت مرعد مخشية فنور القمر بطول قامتها مقارنة معاها» م مانركبش فطوموبيل .. آية .. و شنو باغة تمشي على رجليك!! .. «جبدات تيليفونها كيصوني» ماما ا ميرا خليني نوصلك نمشي للدار .. ميرا .. «حركات راسها بلا» لا لا منمشيش فطوموبيل .. آية .. «شافت فسلامة و قالت بترجي» عافاك اخوياا ممكن توصلها راه معقدة من الطوموبيلات و خصوصا معايا .. سلامة .. نتي؟ آية .. انا غنمشي لطوموبيلتي .. سلامة .. «حرك ليها راسو» زيدي .. وقف تا تمشاو قدامو بربعة عاد تحرك موراهم حاضيهم .. ميرا .. «مخاطبة نور القمر» سمحوليا .. نور القمر .. «بابتسامة» هههه مكاينش لاش ديك سمحيلي مالنا اش درنا ݣاع .. إيمان .. «جبدات تيليفونها» خويا فيصل كيصوني .. سلامة .. اريه .. مدات التيليفون لنور القمر و هي مداتو ليه وصل لعندها عنقها بدراعو من كتافها و دار التيليفون فوذنيه .. سلامة .. شتما! فيصل .. خرجتو و لا حرݣتو فينكم؟ سلامة .. شباغي؟ فيصل .. باغي مراتي نمشي لداري .. سلامة .. «بصوت مرتافع شوية» إيمان .. إيمان .. نعام اخويا .. سلامة .. باغة تمشي لدارك! إيمان .. لا لا .. «غبنات وجهها» هضر معاه اخويا بغيت نبات معاكم .. سلامة .. «حرك ليها راسو» سمعتيها؟ فيصل .. اصاحبي راه خدام غداا خدام .. سلامة .. من بعد؟ طوموبيلتك فالباب تهزك منين و تحطك فين بغيتي .. فيصل ..ما بلانش .. سلامة .. بغيتي تمشي هز كر ك و قو د .. «قطع عليه و دار التيليفون فجيبو» فريع الكر .. نور القمر .. ماتعصبش صافي بغا يمشي خليه يمشي كنشوفوه من شهر ل شهر كي الهلال .. إيمان .. انا والله ما نرجع معاه يغبني فديك الدار بوحدي انا راه مكرهتش ندوزو رمضان كامل مجموعين .. قاطعاتهم آية ناطقة: ها هي طوموبيلتي .. سلامة .. قادة تصوݣي؟ آية .. اه اخويا شكرااا بزاااف مرة أخرى والله .. سلامة .. «حرك ليها راسو» تيسري .. آية .. «قربات عند ميرا باستها» توصلي للدار صيفطي ليا ميساج .. ميرا .. «بعياء» ردي بالك فالطريق صافي .. شيرات ليهم بيديها ركبات فسيارتها و انطالقات مخلياهم واقفين بحيرة مع ميرا لي حطات الراس على نور القمر و غمضات عينيها .. سلامة .. فين ساكنة! ميرا .. «هزات فيه راسها و صوتو جاب ليها التبوريشة» ف طريق موزار .. سلامة .. «مخاطب إيمان و نور القمر و تيليفون فيديه كيكتب» غنشد ليكم طاكسي لباب الدار معتصم غيتعرض ليكم .. نور القمر .. و نتوما!! سلامة .. طاكسي نوصلها .. ميرا .. عافاك لا طوموبيل لا .. سلامة .. «حك على جبهتو كيحكم أعصابو» نجيب ليك طيارة اختي .. ميرا .. «بعيون دامعة شافت فيه و حركات راسها» بلاش ما تعدب راسك ا انا غنمشي بوحدي .. طلقات من يدين نور القمر و ربعات يديها حنات راسها و دميعتها طاحت على خدها كتمشا بخطوات تقالين و عقلها كيرجعها لنظراتو ليها و كيف عاونهم تبعها بعينيه معصب تا الحد شاف فنور القمر و مد يديه لجيبو جابد منهم الفلوس عطاهم ليها و شير لأول طاكسي بان ليه تحنى لعندو و قال عاقد حجبانو: عين هارون؟ الطاكسي .. مرحبا اخويا .. سلامة .. «حل ليهم الباب لور و سدو عليهم» معتصم غيتعرض ليكم .. شير لطاكسي تحرك و تبعها من اللور تا جرها من يديها قابلها معاه مخنزر فيها .. سلامة .. «بصوت قوي و نبرة قاصحة» الفشووش معنديش معاه و غتزيدي و غتسدي عليا فمك قبل مانصور ليك وجهك فالأرض .. ميرا .. «قفزات بين يديه و حركات راسها بالزربة بخوف» و واخا .. سلامة .. «مازال على نفس تخنزيرتو» قدامي .. طلق من يديها تا زادت قدامو و تمشا من مواراها خلاها شمات الهوا و تنفسات من الخلعة لي كانت فيها و وقف موقفها معاه كيشير لطاكسي هزات عينيها فيه كتشوف نظرتو القاصحة و حجبانو ملاقيين ماترخاوش سرطات ريقها بصعوبة و حلات فمها فيه كمية الرجولة و الخشونة لي فيه عمرها شافتها فشي شخص آخر كانت كتشوفها من بعيد و دابا زادت غرقات فاش قربات ليه و هضرات معاه تبسمات بلا ما تحس على راسها و حنات عينيها لأرض متمتمة بينها و بين نفسها: ها هو عرفك .. سلامة .. طلعي .. شافت فيه لقاتو حال ليها الباب لور زربات طلعات تا سد عليها الباب و ركب القدام .. سلامة .. طريق موزار الشريف .. «شاف فيها و طلع حاجب» ميرا .. «رمشات فيه باستغراب» اا اااه حدا EST .. تلفت لقدامو خلاها تكات براسها على الكوسان اللور مزيرة على الباب بيديها و عينيها عليه كتحاول تكالمي راسها بشوفتو مدة من الزمن كان وقف فين قالت ليه هبط من مور ما خلص الطاكسي و حل ليها الباب هبطات .. سلامة .. منين! ميرا .. غي سير شكرا انا نكمل بوحدي .. سلامة .. «طلع فيها حاجب و ضور لسانو وسط فمو» شنو قلت ليك قبيلة! ميرا .. غي مبغيتكش تعد... قاطلع كلامها كيدوز يديه على لحيتو: ختيي داركم .. حركات راسها بالايجاب و زادت بخطواتها و هو زاد جنبها كتمشا و عينيها كيهربو ليه و ترجع تجمعهم لا يعيق بيها تا .. تـتـمـة الـبـارت 5 ميرا .. واخا نسولك؟ .. «حرك ليها راسو بصمت و قالت» شنو سميتك! سلامة .. سلامة .. ميرا .. «ابتسامة واسعة بانت على ثغرها» انا ميرا .. سلامة .. زينة السميات .. ميرا .. ههه بصح!! شاف فيها و حرك راسو و رجع شاف قدامو بدون كلمة .. ميرا .. «بنبرة طفولية» كانو كيضحكو عليا كيقولولي الجنية .. سلامة .. «بهدوء» عاجباك سميتك؟ ميرا .. «تنهدات» عاد ولات كتعجبني .. سلامة .. «عوج فمو» مدام عاجباك كلام الناس ميهمش .. ياله بغات تهضر لقات راسها واقفة قبالة دارهم عوجات فمها و هزات يديها مشيرة لبتي ڤيلا: هاهي دارنا .. هز راسو فالڤيلا و رجع شاف فيها: سيري .. ميرا .. «بنبرة حنونة خلاتو هز فيها عينيه كيرمش بتقالة» سلامة .. سلامة .. «دوز لسانو على شفايفو» شنو! ميرا .. شكرااا بزاااف بزاااف على هاد النهار عمرني نساه ليك .. سلامة .. «غمض ليها عينيه و حلهم» على واجب تيسري اختي .. حركات راسها و حدرات عينيها عاطياه بالظهر كتمشا بالشوية و مشتيها تقيلة مخلياه متبعها بعينيه و متبع طايتها لي كانت عاطية العين بلا ما يحس على راسو تبع غريزتو و شهوة عينيه غي دخلات مع باب الڤيلا عطى بالظهر و توجه للشانطي كيشير لطاكسي .. غي دخلو للدار حطو صنادلهم و جلسو .. فيصل .. علاش مباغاش تمشي لداركم اختي؟ إيمان .. واش نتا مريض واا كتقيل النهاار كامل النهار كامل خارج كنبقا غي بووحدي اش فيها الا بقينا هنا ياك عندك الطوموبيل خلينا ندوزو هاد رمضان بيخير .. نور القمر .. علاش اخويا حنا كنقصرو معاك فشي حاجة؟ فيصل .. مولف داري .. معتصم .. «خنزر فيه» الا سمعك قلتي هاد الهضرة نهارك ما طلع فيه شمش .. إيمان .. «عينيها دمعو» مبغيتش نرجع لديك الدار منجلسش فيها على الأقل غي هاد رمضان .. فيصل .. «بحدة» تهزي قداامييي قلت ليك هنااا راه مغنجلسش .. نور القمر .. «شفتها ترعدات بالبكية» نوض نوض سير بحالك تا حنا مباغينكش .. شاف فيها فيصل بصدمة فحين هي وقفات من بلاصتها ما جات فين تخطي خطوتها تا تشدات من يديها شافت فيه و ترمات فحضنو مزيرة عليه و قالت: بابا .. هز يديه كيدوزها على شعرها و عينيه على فيصل لي كيحك فشعرو مغزف غي بوحدو بعدها عليه حرك ليها راسو: بيتك .. «شاف فإيمان» تبعيها .. خرجو من قبالتو ضور راسو بتقالة لجيهة فيصل و قال: سمعتيها اش قالت الباب وسع من كتافك .. فيصل .. اخويا اخويا راك عارفني .. سلامة .. تت تت تت ما تعاودش ليا الزابور ديالك نوض تقـ ود بحالك .. معتصم .. سلامة اصاحبي هنينا .. فيصل .. «وقف قبالتو مخرج فيه عينيه» راني خارج قلتها ليك من اللول .. سلامة .. «ببرود شير براسو» الباب .. فيصل .. «بصراخ» إيماااااان .. سلامة .. «ضربو لفمو بيديه» داري ميتهزش صوتك فيها .. فيصل .. «بعصبية» دار الورثة دار مي و با .. سلامة .. «هز حجبانو بخفة و تبسم بالجنب» مزياان .. «هز قبضة يديه ضربها بيه لكتفو» كاين الرعواني لي مكيبغيش يجلس فدار مو و باه .. دفعو من طريقو و تمشا دخل لبيتو خلاه كيشوف فمعتصم بصدمة: واش سبني؟ معتصم .. مني انا عبر على طبـ ون مك .. فيصل .. مكنرتاحش اصاحبي هناا غا كنعس هنا كنحلم بيهم .. معتصم .. جلس اصاحبي بلا ما يخرج يقلبها على دينمك .. فيصل .. تحرك معايا نجيب حوايجي و حوايج ختك عليها شي غضبة عاود .. معتصم .. زيد اخا كديروها قد راسكم و توحلو فيها .. فيصل .. لي تشفا يتبلا .. خرجو من الدار كيتناݣرو مخليينو متبعهم بعينيه و رجع سد عليه باب بيتو متكي فوق سريرو يديه تحت راسو و دماغو سارح بعييد .. عكسها هي .. منين دخلات لدارهم و البسمة على فمها مامفارقاهاش طلعات لبيتها بفرحة حيدات حوايجها بقات بملابس داخلية و تكمشات بلاصتها كضحك بفرحة .. هزات تيليفونها ديك الساعة صونات لآية .. آية .. وصلتي كي وصلتي مزيان!! ميرا .. فوق مزيان اختي فوووق مزيان .. آية .. ههههه عاودي ليا شنو!! شتي هاد سلامة صدق راجل .. ميرا .. وصلني تا لباب الدار ا آية عرفتي قليل الكلام و واخا دغيا كيتعصب ولكن باينة حنين .. آية .. هههه اختي عرفتي كي دار لهاداك الحمار لي داني دقة وحدة دوخو .. ميرا .. و ختو ضريفة بزاف .. آية ..انا وحدة؟ ميرا .. بجوجهم خوتو لا!! انا لي كنت كنشوف معاه غي إيمان قليل فين كانت كتبان معاه البنت لوخرى معارفاش حتى سميتها .. آية .. اوا المهم بجوجهم ضريفات اصلا .. ميرا .. «بصوت هايم كتفكر لقائها معاه» عشقتو ا آية .. آية .. ههههه نتي راكي مريضة بيه ماشي غا عشقتيه .. ميرا .. ديكشي كبر معايا شنو بغيتيني ندير .. آية .. ماديري والو .. «تفوهات» بايبي انا غنعس غدا ان شاء الله عارضة على راسي عندكم .. ميرا .. ههه داركم هادي مرحبا بيك .. آية .. بنوي شيغي .. قطعات معاه و تقلبات على جنبها عاضة على شفتها كتفكر فيه و صورتو بين عينيها ... يديه فالبلوزة متكي على الطموبيل مكروازي رجليه كيشوف فيه معصب غي مع جنابو هز حجبانو بخفة فاش شافو لاح الساروت فالأرض بشنتة .. معتصم .. تقطعت .. سلامة .. «هز يديه كيشوف الساعة فمعصمو» الوحدة العشية مازال العاطي يعطي .. معتصم .. «رجع اللور كيشوف فيه كيفاش مبرد» دمك بارد اصاحبي .. سلامة .. «تقدم لجيهة الطوموبيل لي كان كيصوب فيها و تحنى هز هو الساروت كيكمل عليه الشغل» مصايمش بالجميل .. معتصم .. «هز يديه كيمسحها فالبلوزة» كون غا بقيت فالحبس .. سلامة .. هاداك هو سرك .. معتصم .. سري نيت مسبب فإعاقة لواحد قرب لختك .. سلامة .. بنتي .. معتصم .. اختك اصاحبي ختك كتبقى تحسسني بحال شي واحد شارف .. سلامة .. 38 عام فين غنزيد .. معتصم .. هااا هي معواالش تزوج!! .. سلامة .. بنت الناس مزال ما كتبها ربي .. معتصم .. نتا لي عينيك مسدودين بنات الناس عطاهم الله .. سلامة .. «وقف و شير بيديه لي فيها الساروت» غتبقا واقف ليا فوق راسي .. «شير بيديه للمحل لي كان كبير و طوموبيلات واقفين مكلفين بيهم المعلمية» سير قضي ليك .. معتصم .. امباغيش اخاي عيان ما قادش .. سلامة .. حيد ليا من حدا راسي .. «ضور راسو عاقد حجبانو» أستغفر الله و أتوب إليه .. رجع لخدمتو تا سمع تيليفونو كيصوني هز شيفون كان فوق الطوموبيل مسح بيه يديه و جبد تيليفون من جيبو .. سلامة .. «حنحن كينضف حلقو» بنتي .. نور القمر .. «بصوت ناعس» بابا صباح الخير .. سلامة .. مسا الخير .. نور القمر .. ههه عاد فقت شوف راه البارح بليل نسيت ما قلتهاش ليك حيت راك شفتي شنو وقع ديك البنت ميرا .. سلامة .. «عقد حجبانو و حك على لحيتو» امم مالها! نور القمر .. لقيت واحد البراسلي ديالها مكتوبة فيه سميتها فجيب عبايتي يقدر يكون طاح ليها عارف دارها نديه ليها! سلامة .. معندك فين تمشي .. «شاف فمعتصم لي مركز معاه» مور الفطور و يحن مولانا .. نور القمر .. «عضات على لسانها» احم و نمشي معاك!! سلامة .. فييين انور فين!! نور القمر .. وا عافاك عافاك بغيت نشوفها عجباتني ديك البنت عافاك و على الأقل تعطيني نمرتها نبقا نهضر انا وياها وااه ماعندي صحابات مكنخرج مكندرج غي الدار و الماكلة و النعاس واش ابابا مكنبقاش فيك .. سلامة .. «حنا راسو كيشوف فصباطو و كيسمع لتغبانها تا سالات» واخا من هنا لتما ربي تما .. نور القمر .. «بنبرة فرحة» راه كنقول ليك نتا مكينش بحالك هههه و دابا خصني شي نمشي لمرجان خاصني شي صخرة .. سلامة .. «بنبرة تحذيرية» نووور .. نور القمر .. وااا شنووو .. سلامة .. اش خاصك اااش و كان!! نور القمر .. صافي انا نصيفط ليك لي باغة فميساج و جيبولي و دابا باش نبدا نصوب .. بلا ما يتزايد معاها فالهضرة قطع و دار التيليفون فجيبو راجع لخدمتو .. معتصم .. «كيلعب يتيليفونو فيديه» شنو بغات!! سلامة .. مباغيش تخدم سير هزها من الدار باغة شي صخرة .. معتصم .. دابا !! سلامة .. دابا .. «لاح ليه سوارت طوموبيل» سيي معاك طوموبيل الحاج .. معتصم .. مرحباا .. «حيد البلوزة» الله يعاون .. حرك ليه راسو بلا ما يشوف فيه و غطس فخدمتو .. ركب فطوموبيل من نوع هيونداي و ديمارا محرك بيها تا لباب الدار حل الباب بساروت و دخل كينده باسمها: نور القمر .. خرجات من البيت كتجمع شعرها ببيجامة على شكل كسيوة غي شافتو قلبات عينيها و توجهات داخلة الكوزينة بدون ما تعطيه وجه دازت من حداه تا شدها من دراعها جارها لعندو مطلع فيها حاجب: الصباحاتو لله اش كاين؟؟ نور القمر .. «خنزرات فيه» نتا لي اش كاين ؟؟ و طلق مني .. «كتجر يديها محاولة من الافلات من قبضة يديه» معتصم .. «زاد زير عليها و خرج فيها عينيه بعصبية» ما طلعيش لياا فكر ي و لبسي تقو دي و قدامي .. نور القمر .. «قربات ليه ناطقة بتحدي» ما نخطي معاك تا خطوة واخا تلاقا السما مع الأرض .. معتصم .. «هز فيها حجبانو بحدة» عارفاني الا عاودت الهضرة كنعاودها بالعصى .. نور القمر .. كتعاودها بالعصى و الطعين فالظهر .. معتصم .. كتجبدي لي فااات انور القمر و غتجيبيها فعضامك .. نور القمر .. لي فات هادي ست سنين ياك .. «عينيها دمعو» كانت غتكون عندو ست سنين و كابر معايا .. معتصم .. «زير على فكو مغزف» نتي لي درتي لي درتيي تحمليي مسؤوليتك .. نور القمر .. «طاحت دمعتها على خدها بقهرة رمشات فعينيه بضعف» كنت بنت 17 لعام و هازة فكرشي روح .. «سرطات ريقها» كرش الحرام و و باه .. «ميلات فمها لجنب» فالحبس سامح فيا و سامح فلي كان فكرشي نتا لي فرطتي فيا .. معتصم .. علامن دخلت لحبس؟ .. «ضحك باستهزاء» على ود شكون دخلت لحبس!! .. «مخضها بين يديه» جاوبيني .. نور القمر .. «بضعف» .. على ودي .. معتصم .. علاش !! ااا حيت حݣروووݣ حݣرت الزا مل بوهم .. «مد يديه شادها من وجهها مزير عليها و خرج فيها عينيه» شنو قلت ليك امم متحيدييهش غنتزوج بيك متحيديييهش انا غنقول لخوك كلشييي و نرضى بلي قالها و لي دارها فيا مهم لي فكرشك ميتحيدش و نتي شدرتيي !!! نور القمر .. كنت صغيرة و خايفة و قلت ليك قبل ما تمشي .. «طرفات بعينيها و دموعها هوادين» ما تمشيش بقا معايا انا محتاجاك كتر من كلشي .. معتصم .. «نتر يديه من وجهها و قال بصراخ» واااش كضحكييي علياااا و لا مال عدو ربك فهاد النهار كنشوووفك مضروووبة قداام عيني و نسكت وااش هبيلة مع كر ك .. نور القمر .. فرطتي فيا و فرطتي .. «حطات يديها على كرشها» فولدنا و لا بنتنا .. بعد عليها كيطلع فيها و يهبط و نظرتو تحولات لبرود عكس داخلو فداخلو كان حاسبها غالطة و هي لي غالطة فعلاقتهم مكانش ضارب حساب لسنها و لي طاحت فيه فديك الوقت كي عمرو ما ضرب حساب لسنها كيتعامل معاها كشخص فنفس عمرو غير مبالي بأن بينهم 14 سنة .. معتصم .. واخا اختي لبسي عليك نديك تاخدي اش باغة .. نور القمر .. ختي .. «بعصبية مكتومة» ختك كتنعس معاها ااا و لا ختك كتشدها فالسطح كتحـ ويها .. مكملاتش هضرتها كان جمع معاها بطرشة تا تردخ راسها مع الحيط شدات على راسها دايخة فحين هو مراقبها ببرود .. معتصم .. تمشي تلبسي و لا!! .. نور القمر .. بعد مني الحݣار .. «هزات فيه عينيها» من ديما حݣار ما عرفتش اش بغيت فيك تفو .. هز يديه مرة أخرى ضرب ليها فمها بظهر يديه تا شدات عليه متألمة و قال: غتزيدي هضرة أخرى غتخرجي من هنا لسبيطار .. نور القمر .. «بالدموع» مبغيتش نمشي معاك .. معتصم .. غتمشي .. «خرج فيها عينيه» سيري تلبسي .. نور القمر .. حݣار .. معتصم .. «حرك راسو» ما شفتي والو حيت نتي كي الحمار الا ما كليتيها ما تقادي .. نور القمر .. حاشاك .. خلاتو واقف و رجعات لبيتها كتمسح دموعها وقفات قدام مرايتها و خرجات ليها ابتسامة واسعة .. نور القمر .. مازال كيبغيني .. حلات بلاكارها كتجبد فجلابة لبساتها بالزربة و هزات شال لايحاه على راسها باهمال و وقفات عليه قالبة وجهها: زيد .. طلعها و هبطها مزيان و شير بيديه لجيهة سيقانها لي كانو كيبانو من الجلابة قصيرة: غدخلي تبدلي عليا داك الخرا و لا نشرݣو على دين مك .. نور القمر .. «شافت فراسها» شراها ليا بابا .. معتصم .. واش هضرت و لا لا ؟؟ .. «غوت» هضااااارت و لا لا!! قفزات بلاصتها و حركات راسها بالجهد بالايجاب: انبدلها انبدلها .. رجعات كتجري لبيتها مخلياه تبسم بالجنب و حرك راسو: نرجع ندريسي دين مك مازال كتخافي .. على الغوات خرجات إيمان من بيتها لي كتبات فيه هي و فيصل كتلبس الفوق دالبيجامة و كتفوه غي شافتو عقدات حجبانها: مالك كتغوت!! معتصم .. أمووووونة .. إيمان .. «خسرات فيه وجهها» خرية هادي .. معتصم .. راه غنجي ليك .. إيمان .. هههه كنضحك اخويا ويلي مالك .. معتصم .. دابا نهجرو ليك .. إيمان .. نمشي حسن مانقلبوها و تجيب سبتك عليا .. تبعها بعينيه تا دخلات للحمام و رجعهم لبيتها فاش بانت ليه خارجة بكسوة طويلة ساتراها كاملة و نفس الشال على راسها .. نور القمر .. «بنفخة» نمشيو .. معتصم .. «شير ليها براسو» قدامي .. نور القمر .. «بصوت مرتافع» إيماان انا مشيت لمرجان مع خوك نجيب شنو خاص .. «زادت قدامو» ياله .. حرك راسو بلا حول و تحرك موراها ساد الباب بساروت شير ليها بيديه لجيهة الطوموبيل لي تركب فيها و حل ليها الباب خلاها طلعات كتركب السمطة و دارت يديها على حنكها مراقباه كيفاش واقف مع واحد من ولاد الدرب كيفاش عاقد حجبانو و كيهضر معصب و يهز فيديه لوقفتو و طولتو و وسامتو ما وعات على راسها تا شافتو جاي مقدم لجيهتها حنات راسها بالزربة كتسغفر و تعاود تا طلع قدامها و ديمارا بصمت .. الطريق كاملة ساكتين تا وصلو لمرجان هبطات هي اللولة كتشوف فالزنقة بفرحة خرجاتها معدودين على رؤوس الأصابع و اي خرجة كيما كانت حتى لو كانت فيها تمارة كتفرحها مشات كتجري لجيهة الكروسات فين محطوطين جرات وحدة و شافت فيه كضحك: جبتي فلوس زايدين ياك! معتصم .. «تنهد و نيم عينيه فضحيكتها» كاينة كارط خويها ݣاع الا بغيتي .. نور القمر .. «جرات الكروسة و تبعها مبسم» بغيت ناخد شكلاط ناخد بزاف عرفتييه ياك داك الشكلاط الح... قاطع كلامها بهمس حدا وذنيها: الحار .. نور القمر .. «تبسمات ليه و هزات يديها كتقاد الدرة بتوتر» عاقل! معتصم .. ناسي كلشي .. «شاف فيها و بدون اي تعبير على وجهو» غير لي كيخصك .. «ضرب على صدرو جيهة قلبو» محفور هنا .. نور القمر .. «هزات حجبانها فيه و رجعات كتشوف قدامها» خليك عاقل .. «تبسمات بجنب» فعرسي تعرف شنو تجيب .. معتصم .. «باستهزاء» ترجعي هجالة فليلتك .. نور القمر .. دابا تشوف .. خلاتو و زادت سابقاه كتسارا بين الكولوارات كتهز لي خاصها و هزات الشكلاط لي بغات و هو موراها حاضيها و حاضي لا يحط شي حد عليها العين وقفات قدام لاكيس كتحط و رجعات لور خلاتو خلص و هز شاكوش و هز كاسكيط كيحك على شعرو: باقا شي حاجة! دارت صبعها على فمها ساهية كتفكر غافلة على عينيه لي مكرهوش ياكلوها حركاتها و كياتها و جمالها كيخليه غارق فبلاصتو .. نور القمر .. «حركات راسها بلا» صافي هادشي لي كاين ياله نمشيو .. معتصم .. شغاديري لينا للفطور! نور القمر .. السـ م ناكلوه كاملين و نتهناو .. معتصم .. كلشي من يديك حلو .. نور القمر .. امم عارفة راك فايت كليتيه من يدي بعينيك مغمضين .. معتصم .. «كمش عينيه» موكلاني السـ م ابنت القحـ بة و بايتة حدا راسي مقابلاني .. نور القمر .. «بلا مبالاة» نتا لي درتي علاش .. معتصم .. «بمكر» اش درت فكريني .. نور القمر .. تلاقيتي مع واحد ختنا كانت صوبات طوموبيلتها عندكم و سلمتي عليها بالتعناق و البوسان .. معتصم .. و نتي غرتي و فاش لقيتي راسك ماقادش عليا درتي السـ م دالفيران .. نور القمر .. اممم و كليتيه و نتا ضاحك .. معتصم .. هاديك غي التيقة لي داير فيك .. نوؤ القمر .. هاداك غي العشق لي كتعشقني .. ركبات فالطوموبيل خلاتو حال فمو فيها ... بــيــن أحــضــانــك أحــتــرق قـبـلـكـ لـم يـكـن الـحـب إلّا نـسـاءً لا تـفـقـهُ مـن لـغـة إلّا الـسـريـر قـبـلـكـ لـم يـكـن الـحـب إلّا نـسـاءً لا تـفـقـهُ مـن لـغـة إلّا الـسـريـر في بعض المرات باش نعيشو مزيان و نحسو براسنا مزيان كنلوحو مورا ظهرنا شي حوايج لي مغاديش يخليونا نعيشو حياتنا كيف حنا باغيين مكنساوش انما كنتناساو كنخليوها كيما بغات تجي تجي كنحبسو قلبنا و كنخدمو عقلنا .. دادشي لي كان طاري لنور القمر .. حبسات قلبها فهاد اللحظة ميݣيدهاش فطريق عارفة فيها الروح طيح قبل كان بإمكانها تكون سهلة ولكن دابا كتجيها صعيبة صعيبة لدرجة كتشوف راسها قادرة تزطم على قلبها و تشوف بعيد .. طريقها كاملة ساكتة رافضة تزيد تشرك معاه الهضرة كتر من هك وصلها قدام الدار هبط ليها لي خدات و نطق مخاطبها: نقصي من المشي و المجي .. نور القمر .. كندير لي قالي بابا .. معتصم .. زيدي تا لي كنقول ليك انا .. زور القمر .. «شاف فيه هازة حاجب» بصفتك ااش! معتصم .. راجلك صاحبك بات لي كان فكرشك حو ايك .. «بعصبية خرج فيها عينيه» كيما بغيتي حسبي طبـ ون مها المهم نتي ديالي و راني عارف شكيدور ليك فداك الراس .. «هز صبعو كيضورو جيهة ناضرو» راك تربية يدي و قسما برب الكعبة و مديري عقلك و تدخلي سوق راسك تا نكحل عليك حياتك .. «وقف حدا الباب و جرها من قب الجلابة جابها قدامو و هو كيحل الباب بساروت» لي قرب لهاد الباب نقطع دينمو طراف قدام عينيك نشوف لاين حدك .. «دفع الباب حتى تحل كولو و جرها من قبها دافعها لداخل» تبرهيش دز ب .. نور القمر .. «خنزرات فيه» غي سير تفطر راه صيام مدايزش ليك .. معتصم .. «حيد الكاسكيط لاحها بالجهد كينهج» قو دي من قدامي .. غي شافت حالتو مزادتش معاه الهضرة طلقات رجليها تا لبيتها و سدات عليها كتسمع فيه كيسب تحت نيفو كانت عارفاه تقطع و عارفاه ساهل يتعصب ماشارب ما كامي الا جيتي حداه يقـ تلك بلا ما يحس على راسو قفزات فاش سمعات الباب تسد بالجهد و الساروت دار عاد خرجات من بيتها حاطة يديها على قلبها تبعاتها إيمان خارجة بعباية الصلاة: مالو واش تعصب؟ نور القمر .. اممم عصبتوو و تقطع .. إيمان .. «تنهدات بضيق» الله يهديه .. نور القمر .. آمين .. «ساطت النفس بحنق» نمشي نتوضى نصلي و نقرا شوية القرآن باش نبداو التوجاد .. تفرقو كل وحدة رجعات لشنو كدير و كل وحدة عقلها فين طاير .. و الناس حال و أحوال .. فبيتها متكية تيليفون بين يديها و كتلعب بشعرها عينيها على الانستغرام ديالو لي فيه فوطو دبروفيل و تصويرة وحدة واقف جنب البحر .. ميرا .. «هزات عينيها فآية» شنو بان ليك؟ آية .. الا ما طمعاتش فيه ختو راه يجيبو ليك هو و لا هي الا طمعات فيه هزك الما فبراسلي الذهب .. ميرا .. «هزات كتافها» مكيهمنيش الذهب كيهمني هو .. آية .. كون عطيتيه ليا انا حسن ليك .. ميرا .. «شيرات لجيهة طابل دو نوي» سيري لهيه هزي لي بغيتي .. آية .. «تݣعدات من بلاصتها بالزربة» حلفي بالله .. ميرا .. «ضحكات بخفة و قربات منها مقبلة حناكها بحب» واش انا نعز فيك شي حاجة اختي الحبيبة هزي لي حبات قلبك حسبيها ديالك .. آية .. «بلهفة وقفات جيهة المجر» كنحبك انا والله حتى كنحبك .. تبعاتها بعينها كتشوف فيها ببسمة مشرقة على وجهها و قالت: دابا قوليلي .. آية .. «كتشوف فلي بواط ديال الذهب لي كتجبد» انا اصلا مفهمتش كي جاتك الفكرة تلوحي براسلي ديالك عندها .. ميرا .. بغيت نشوفو مرة أخرى و نهضر معاه مرة أخرى ما شبعتش منو .. آية .. ههههه تخايلي يهربو ليك بيه .. ميرا .. منضنش .. آية .. معرفتش ها حنا كنساينو اختي .. ميرا .. «طلات من السرجم ديالها على الطريق ما بان ليها حد جاي» على الله .. آية .. شوفي هادا كي جاني؟؟ ميرا .. «شافت فيها و تبسمات بحنية» زوين احبيبتي .. آية .. هههه ناخدو صافي .. «وقفات عندها معنقاها بالجهد» كنبغيييييييك انا كنبغيييييك .. ميرا .. حتى انا الزين ديالي .. جلسات حداها كتفرح بلي خدات خلات ميرا رجعات للسرجم كطل وكتقلب بعويناتها بهدوء .. هبطات من الطوموبيل كضور عينيها فالڤيلات تحركات بالزربة لصقات فسلامة و قالت: ناري ابابا هادو كي كيقدرو يعيشو هنا انا بعدا دارنا منقدرش نخويها تجيني الغمة نسكن بوحدي هنا الا ماكانتش مطرطقة بالباشار منجلسش فيها .. سلامة .. كل و طبايعو .. نور القمر .. «عوجات فمها» مرتاحيتش فهاد القنت و بعيد كون معطاكش فيصل طوموبيلتو كنا نبقاو فطاكسيات .. تمشا بالزربة تا قرب لحدا الڤيلا و قال: نور .. نور القمر .. ابابا .. سلامة .. متعطلييش جوج كلمات نلقاك حدايا سمعتي .. نور القمر .. «حركات راسها» كون هاني .. قرب باغي يصوني ماجا فين يحط يديه تا كان الباب تحل و قابلاتو بابتسامة على محياها كترمش فيه: احم السلام! سلامة .. «بهدوء» وعليكم السلام .. «شاف فنور القمر و رجع للور خلاها منها ليها» نور القمر .. السلام اختي البارح فاش يمكن بقيتي معنقاني سلت ليك هادا .. «جبدات الݣورميط وراتو ليها» من يديك حيت مكتوبة فيه ميرا عرفتو ديالك .. ميرا .. «عينيها مرة ليها مرة لسلامة لي جابد ݣارو كيكميه بعيد» ااه دياليي والله شحال قلبت عليه .. نور القمر .. «ضحكات و عطاتو ليها» ههههه هانا ها أمانتك كنت غنجيبو ليك قبل الفطور و لكن بابا كان خدام مسالاش يجيبني عاد جابني دابا .. ميرا .. «لسانها تلجم» اا ب باباك!! نور القمر .. «حركات راسها و قالت بحنية» نطلبك طليبة اختيتي! ميرا .. «الصدمة مازالة مأترة عليها» امم و واخا .. نور القمر .. الا الا بغيتي تعطيني نمرتك نبقاو نهضرو ما عندي صحابات من غير مرت خويا و كيجيني الملل بزااف غي الا بغيتي .. ميرا .. «سرطات ريقها و حركات راسها بالايجاب» نعطيك احبيبتي .. نور القمر .. «بفرحة جبدات تيليفون عطاتو ليها» شكرااا لهلا يخطييك باينة فيك الضرافات .. ميرا .. «تبسمات ليها فوق نفسها و هي كتقيد نمرتها» شنو سميتك! نور القمر .. «بحماس» نور القمر كاين لي كيعيط ليا نور و لي كيعيط ليا قمر نتي ختاري باش تعيطي ليا .. ميرا .. «نبرتها خلاتها تعطيها خاطرها بلهلا يطريه ليها» قمر .. «هزات يديها جرات ليها حنكها» حيت نتي قمر احبيبتي ماشاءالله .. نور القمر .. هههه تا نتي والله غزالة بطيبيطة فاش كنت صغيرة كنت غليوضة و كان بابا ديما كيقولي بطيبيطة تا انا انبقا نقولها ليك .. ميرا .. «بحنية» قولي لي حبيتي الزين ديالي .. سلامة .. «بصوت قوي خلا ميرا تقفز بلاصتها» نووور .. نور القمر .. «شيرات ليه و شافت فيها» خلعك راه صوتو هكك لا غوت موصيبة .. «قربات سلمات عليها» نوصل للدار نصيفط ليك ميساج باي باي .. شيرات ليها ميرا و شافت فيه حرك ليها ليها راسو خلاها تبسمات ليه و شيرات ليه بيديها تبعاتهم بعينيها تا ركبو فالطوموبيل و رجعات أدراجها داخلة للدار و فوذنيها كتعاود فقط كلمة "بابا و خويا" فوقاش تزوج و فوقاش ولد حنات راسها طالعة لبيتها نيشان دخلات على آية و قالت بنبرة هادئة: عندو بنت و ولد .. آية .. «عقدات حجبانها» كيفاش اجي اجي عاودي ليا باش نفهم هادشي ماداخلش ليا لراسي .. جلسات حداها و بدات كتعاود ليها شنو وقع من أول ما وصلو للباب تا لفين مشاو .. جالسة فالطوموبيل كتشوف فيه بنص عين .. نور القمر .. بابا .. سلامة .. بنتي .. نور القمر .. احم خديت النمرة ديال ديك البنت .. سلامة .. «شاف فيها و رجع شاف فالطريق» ما عليش .. نور القمر .. عادي الا جات لعندنا للدار شي نهار؟ سلامة .. الزنقة بوحدكم لا .. ضحكات بفرحة و تجبدات باستو فحنكو: نتااا مكااينش بحالك .. هزات تيليفونها صيفطات ليها ميساج بينما وصلا للدار عاد يوصلها و حطات تيليفونها كتشوف فالطريق بعويناتها .. دارت يديها على حنكها كتشوف فيها كيفاش عينيها دغيا تغرغرو و قالت: راه البنت كبيرة اصاحبتي كيفاش غادي يكون ولدها .. ميرا .. «هزات كتافها بطفولية» و باش غنعرف انا و قالت ليا بابا بابا .. آية .. قلتي عطيتيها نمرتك صافي خليها تصيفط و شدي معاها الهضرة تا تقول ليك اش كاين .. ميرا .. راكي عارفاني مكنعرفش نجبد لبنادم لسانو .. آية .. «وقفات كتلبس حوايجها» نتي غي بضرافتك و حلاوتك تخلي بنادم يعاود على حياتو من نهار حل عينيه .. «باستها فحناكها» انا غنمشي و نتي هبطي جلسي مع ماماك شوية .. ميرا .. «وقفات هابطة معاها» واخا توصلي للدار علميني .. وصلات معاها تا للباب و رجعات للصالة فين كانت جالسة مها شادة كاس اتاي فيديها و حداها طبسيل ديال سلو تبسمات و مشات لحداها تخشات فصدرها و سكتات .. غزلان .. بنتي الحبيبة .. «دوزات يديها على شعرها» شكون جا قبيلة؟ ميرا .. واحد البنت نسيت عندها براسلي ديالي .. غزلان .. بنت من؟ ميرا .. «باستهزاء ضحكات» بنت الناس اماما .. غزلان .. عرفتها ابنتي ولكن شكون باها شكون مها كنعرفوهوم كيعرفهم باباك؟ ميرا .. «تهزات من عليها» كنعرفهم انا .. رجعات طالعة لبيتها عاقدة حجبانها من سيرة الزفت لي كل مرة تهضر فيها فوقما عرفات شي وحدة هزات تيليفونها كتلقى ميساجها تبسمات و ديك الساعة جاوباتها و تكات فبلاصتها عاطيينها للجموع تا صبح عليهم الحال .. نص رمضان اللول داز .. واقفة فالكوزينة كتشوف فديكشي لي محطوط قدامها و تبسمات هازة راسها فيها: نتي لي صوبتي هادشي! ميرا .. ههه انا ماشي شي حداااݣة ولكن كنعرف نصوب شي حاجات معلماني خالتي .. نور القمر .. «كتشوف فلي نيم و بريوات و بسطيلات صغار فبواطات قدامها» هادشي كيحماق عليه بابا غي كيشوفو قدامو كيبدا غي ياكل .. ميرا .. «سرطات ريقها على سيرتو» بصح زوينين .. إيمان .. «دخلات عليهم الكوزينة» ناري طلع ليا خوك فصحتي .. نور القمر .. علاش تاني؟ إيمان .. «سلمات على ميرا بالوجه» الزين لاباس عليك .. ميرا .. الحمدالله و نتيا كي بقيتي!! إيمان .. هانا فاقصني داك الزمر .. «وجهات كلامها لنور القمر» شتي هاد الزين الا ما زوجناها لسلامة مانرتاح و لا لخويا معتصم .. نور القمر .. «بسرعة» لاش معتصم دالزواج!! إيمان .. الصراحة والله ما كدبتي خويا مامزيانش نشوفو ليك مع سلامة خلاص تا هو يبقا هاكك .. ميرا .. «باستغراب» علاش مامزوجش! إيمان .. و منين اختي يقيل بوحدو كون غي كان يخرج و يقيل فالزنقة بليل نقولو مصاحب وااا السيد من الخدمة للدار بزااف .. ميرا .. كيفاش مامزوجش و نتي .. «شافت فنور القمر عاقدة حجبانها بريبة» إيمان .. مالها هي !! نور القمر .. مالي انا؟ ميرا .. ياك باباك! إيمان .. ههههههه الااااا دابا هاد الزمرة راه من صغرها كتقوليه بابا .. نور القمر .. «بابتسامة» منين عرفت و انا كنعيط ليه بابا حيت ماما الله يرحمها كانت كتخليني معاه بزااف و كان كيجي من القرايا كيجلس معايا و يخرجني نلعب فباب الدار تا وليت نقولو بابا .. إيمان .. و عمي الله يرحمو كان ديما كيغير منو كيقولو ديتي ليا البنيتة لي عندي .. نور القمر .. سلامة خويا ماشي بابا لي والدني ولكن بابا لي كبرني و رباني و قراني و مازال كيقريني .. إيمان .. منين كانت هو عندو 30 واليديهم ما تو و هي كانت عندها 15 لعام ديكشي علاش هاكاك دايرة معاه ديما كنقولها راك غضيعي عليه الخطابات هي كتقولي لا راه مكنبانوش بصح بحال اب و بنتو .. هوما كيهضرو و هي قلبها كيضرب بالجهد لي عرفاتو خلات الضحكة على وجهها توسع كتر تنهدات بالجهد و هبطات راسها كتحاول تمنع الضحكة تا .. إيمان .. يسلط عليه بوقفاز و بورتيلة و حريق الراس كل ليلة .. كأنها لقاتها سبة و هزات راسها كتقهقه بخفة و صوت ضحكتها الرنان كيتردد وسط الدار خلاتهم تابعينها فضحكتها .. إيمان .. هههه اويلي مالكي كضحكي!! نور القمر .. ههههه وا ميرا اصاحبتي .. ميرا .. ههههه ضحكتيني شنو هو بوقفاز و بورتيلة؟ إيمان .. «هزات كتافها» و انا عرفت كنسمع ميمة الله يرحمها كتقولها .. نور القمر .. دابا هي مغتفطروش معانا؟ إيمان .. لا انا مفهمتوش كيقبل العراضات بلا ما يتشاور معايا مبغيتش نمشي عندها .. نور القمر .. راه ماماك هاديك واخا هكك الا معتصم نسا تا نتي نساي .. إيمان .. معتصم ما مسوقش اما انا اختي راها خلاتني غي صغيرة عندي 17 عام مشات تزوجات و دارت ولادها مع راجل آخر و خلاتني معاكم كون ما خالتي لي شداتني و دارتني بنتها و درتوني ختكم كون راني شي باطرونة صحيحة ولا قاتـ لني معتصم .. نور القمر .. تا نتي اصاحبتي سيري فطري معاها ما تهضري ما تقولي والو نتي جلسي بين خوك و راجلك و تفرجي بعينيك .. إيمان .. نفس الهضرة قال خوك .. «تجبدات بلاصتها» من تما غندوز لداري تا ليلة 27 و نتجمعو .. «شاف فميرا» تا نتي نديرو حنينة و نجلسو مع بعضياتنا .. ميرا .. نجيي .. إيمان .. نمشي نجمع حويجاتي .. خرجات من الكوزينة و تقادات ميرا مع نور القمر باغة تعاونها .. ميرا .. شنو غديري! نور القمر .. خليتيلي ما ندير راك بحالا جبتي فطورك .. ميرا .. والله ما عنيتها هكك غي حشمت نجي بيدي خاويين .. نور القمر .. عارفااك عاارفااك دابا نتي لي قوليلي شنو مشهية نصوب ليك .. ميرا .. «ميلات راسها لعندها حاطاه على صدرها بحكم فرق الطول بينهم» .. مسمن .. نور القمر .. هههه مرحبا نصوب ليك مسمن .. ميرا .. معمر .. نور القمر .. مرحبا .. مبرا .. «كضور عينيها» .. بالشحمة .. نور القمر .. لا بالكرعين حسن هههه نوضي عليا نوضي .. ميرا .. انغسل ليك الماعن .. نور القمر .. الا غي جلسي دابا نغسلهم .. ميرا .. «دفعاتها دازت لاڤابو» والله تا نغسلهم ولكن الا هرست شي حاجة هههه .. نور القمر .. دات الباس اويلي هههه هرسي الكوزينة كاملة مكانش لي يقوليك علاش .. ضحكو كيتعاودو نور القمر كتعجن و ميرا كتغسل الماعن تا دخلات عليهم إيمان .. إيمان .. هانا مشيت كيساينوني برا .. نور القمر .. بابا معاهم؟ إيمان .. يمكن .. «قربات باستهم» تا نهضرو بسلامة .. خرجات إيمان على برا لقات فيصل و معتصم و سلامة واقفين فالباب .. إيمان .. السلام و عليكم .. سلامة .. باغة تمشي؟ إيمان .. ماشي مشكل اخويا .. «حطات راسها على دراعو» نمشي نشوف مي ههه .. معتصم .. «جرها لصدرو كيعنكش فيها» ختي الغزالة غتجلس بعقلها .. غزلان .. اياه صبغني .. فيصل .. «حيد ليها الصاك من يديها» سويعات قلال ماداو ما جابو .. إيمان .. اييه بصح عندكم الحق تا انا نمشي نشوف خوتي و نشوف مي اياه على الراس و العين .. معتصم .. «ضربها لقرفادتها» بلا طنز .. قلبات عليه عينيها و مشات لعند سلامة حطات جبهتها على صدرو .. إيمان .. الا صوناو ليك قالو ليك راني فالكوميسارية متغوتش عليا .. سلامة .. «بابتسامة جانبية قبلها فراسها» ديري عقلك .. إيمان .. كون هاني .. بعدات عليه و مشات لوموبيل طلعات لور طلعو فيصل و معتصم من مور ما تسالمو مع سلامة و نطالقو بالطوموبيل لوجهتهم .. `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
امتى تيتحطو الاجزاء
ردحذف