.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `لجو كان سخون بزاااف.. الحرارة قاتلة ..تحط بيضة فسطح ترجعها مسلوقة..فواحد لبيت مكواني فسطح..منو لشمس..حداه لعش ديال لحمام ودجاج ريحتو عاطية..كانت جالسة فوق سرير كلو مشرگ داير بيها لقطيط ديالها يحوم عليها يمين وشمال يتحكك عليها باش تنوض تعطيه ماياكل يومين هادي ماداق النعمة حتا من لما مالقا لي يعطيه يروي عطشو خصوصا فهاد النهار..حلات عويناتها زرق بشوية عليها رميشاتها مزال فازگين باينة عليها بكات ليل كلو حسات بلحرارة كتشوي لحمها يلاه طلعت شميشة وباينة نهار كيف غادي يكون..قادة جلستها وحطات ايديها على حافت السرير علامات وجها ممخبينش كمية لالم والتعب ولارهاق ولحزن غير بنظرة وحدة تقدر تعرف بلي داز عليها بزاااف رفعات ايديها كطبطب عليه تلمس ليه ظهرو وهو كيرفع قزيبتو ناحيتها عارفاه ميت جوع وعطش هي براسها ماداقات النعمة يومين هادي عينيها على لباب كتسناهم يجو يحلو عليها ويرأفو على حالها غير هاد النهار لي باين غادي يكون شاعل بهاد الحرارة...جراتو لحجرها وبدات طبطب عليه لعلى وعسى تنسيه شوية فجوعو.. كتكسل فوق فراشها وتقلب مرة يمين مرة شمال..حسات بسخونية طالعة معاها رمات لغطا من عليها...وناضت كتنگر وتأفأف.... هنية:يييخ على صباح ياربي سلامة شهاد النهار لمطنطن..(لبسات صندالتها وناضت طافجة لطواليط حلات روبين نزل منو لما سخون بدات تأفأف تاني جمعات شعرها لفوق وجرات رجليها ناحية لبيت فين ناعسات كتنگر وتبرگم)انوضو اخانزات لبيطان..انوضو اخانزات الرجلين 11 هادي الله يحرق لبوكم الشقف...(بدات تنفض فيهم وتجر من عليهم لغطا وهوما كيرجعو لغطا ويتمخشو فبلايصهم..طفجات منهم رجعات لطواليط عمرات واحد سطيل صغيور بلما ورجعات كباتو عليهم حتا ناضو مفجوعات) اسماء:هئ هئ هئ اشنو درت اربي تعطيني هاد لعائلة وهاد لحياة سمية:(هزات ايديها لسما)ياربي نموت ونرتاح يييخ هنية:(جرات معاهم بقرصة حتا ناضو من مكانهم يضربو رجليهم مع لارض وينگرو بوحدهم.) مصطفى:(صوتهم برزطو فمخو حل عينيه بغضب وناض طافج حل باب لبيت ولسانو سابقو)الله ينعل زا** بوكم صبا..واش منعسوش مع كر*فهاد الخربة هنية:(بخوف وهدوء شديد)رجع اوليدي نعس رجع رتاح ليك هاد بنات لحرام غادي يحمقوني مصطفى:لواليدة نقسم بربي ونسمع شي قو** رجع هضر نخلط لحزاق كامل هنية:سير اوليدي رجع نعس راني مفرشاك برضى ومغطياك بيه مصطفى:(سد لباب بزفرة ورجع لبلاصتو وحلف نعاس لايجيه حرقاتو داتو بسخونية لجو وناض طافج يشوف مايحنجر..لقاهم كيوجدو طبلة لفطور بسكات خايفين لاينوض ليهم يخلطهم جر رجليه لطواليط طرف حالتو وشافهم جالسين كيتسناوه يجلس مكانو هز راسو لفوق وبدأ يتبومبا عليهم كيف شي قريد حاكمها.. هنية:(كتحط قدامو لمسمن وزيت والعسل وتكب ليه فاتاي)كول انوارت داري..فطر اسيد الرجال(حطات ايديها على كتفو كضربو ضربات خفاف.وهو عاجبو لحال حاس براسو شي حاجة كبيرة بحال الى كان هو لاكسجين ديالهم وهادشي لي وصلاتو ليه هنية بتربيتها ليه خلاتو يحس براسو بلي هو الكل فلكل كلشي بامرو وتحت اذنو هوالراي وهو الشوار هو عنتر زمانو وشيخ الدار وياويل شي وحدة فبناتها تقلقو ولا ترفع صوتها عليه ولا حتى تهضر بلا اذن منو...على خلافهم هوما لي كيسمعو غير نگير والغوات ولقريص هادشي باش كبرو وحلو لعين عليه) مصطفى:(كيقطع من لمسمن ويغمس فلعسل ويدوز باتاي حتا حد ماكيهضر من غير صوتهم كيمضغو لقمة...كسر صمتهم بامر موجهو لاسماء)سيري حلي عليها خليها تهبط تفطر.. هنية:(حطات كاسها بغضب وطلعات حاجبها فيه)من داك البيت والله لاخرجت حتا تربى مصطفى:(غمض عينيه بغضب ورجع حلهم)لواليدة خلي ديلمي مهدن لانقلب هاد طلبة علىء زا**ل بوكم..(شاف فاسماء بغضب حتا قفزات من مكانها)نوضي تقو**مسمعتيش اسماء:(ناضت تجري لكوزينة حطات يديها فوق تلاجة وجرات ساروت وطلعت لصطح تجري ) هنية:(عاقدة غوباشتها)بغيتي ضسرها علينا ياااااك!!! مصطفى:(بنفاذ صبر)لبنت يومين مرمية فصطح ماواكلة ماشاربة وزيدي عليها هاد النهار كيداير بغيتها تشوا تماك هنية:وشدخلك نتا فيها فين مانهضرو معاها تنوض دافع عليها ياك هيا لي جبدات سمية ومبغاتش تصبن ليها حوايجها شكون ختك فيهم واش هادي لي جالسة معاك ولابنت لحرام لي لفوق؟؟؟ مصطفى:(ضرب يدو بجهد على طبلة حتا ترفعو لكيسان لفوق وتكفحو)هاد لموضوع تسد.. لبنت غادي تجلس وغادي وتفطر وماكاين لي يحل دلقوشو عليها ونقسم بربي اسمية تقربي ليها نتي وديك لفعة نگرد زام**بوكم بجوج. هنية:(بغضب ونفاذ صبر)تبارك الله وصلاة على نبي لا قتلهم نتا گاع على قبل بنت الزنقة.. مصطفى:(دور وجهو ناحيتها)راها بنت ختك هاديك! هنية:(حطات عينيها فعينيه)ماعنديش بنت اخت باها ممعروفش غير هني بالك من هاد ناحية.(على هاد لكلمة دخلات عليهم ولقطيط فيديها هازاه فصدرها وكترمي نضرات حقد وشر لهنية لي بسابها كتعيش لويلات) مصطفى:جلسي تحنجري هنية:(طلعات فيها وهبطات شافتها جاية تجلس ولقط فيدها)هاداك لوسخ حتا هو غادي ياكل معانا فطبلة وحدة ....:(شافت فيها مطلعة حاجبها)ريحتو مسك وعنبر وبيديا غادي نوكلو هنية؛لا نوضي ضربيني نتي كاع ابنت لحرام ..حبسناك ترباي رجعتي دايرة لگرون ....:(ببرود شديد كتقطع لمسمن وتعطي لقطيط ياكل معاها)وشكون قاليكم تحلو عليا؟(شافت فيها بكل كبرياء كتقلي ليها السم)مانعاودش ليك شحال ديال لكالم عشتو هاد يومين.. (هنية يلاه جات تهضر تسمع صوتو كيزفر بغضب) مصطفى:مغاديش تسدو دلقوشكم علينا هاد صباح بربي حتا نريب عليكم هاد لخربة وبلي فيها.. هنية:(شافتو بداك لوضع وسدات فمها عارفة ولدها مازال ماتكيف اللهم تسكت وتخلي لحساب من بعد اما لينا فكانت كتاكل بشوية عليها وتوكل لقط على اقل من مهلها لي شاف حالتها مايقولش كانت مرمية فبراكة وسط سطح منها لشمس والبرد ماواكلة ما شاربة عاطيتها لبكا بصمت ولكين هادشي كولو كتبين عكسو ليهم بحالا كتقوليهم ديرو لي درتو عمركم تهزموني.) (كتدخل وتخرج من لكوزينة واقفة على شغلها وفرحتها باينة فعينيها..هضرات بالروسية بطريقة فصيحة تحلف عليها بلي تزادت وخلاقت فموسكو وهي غير بنت كازا وفافقر حي كان شاهد على معاناتها والامها.. هبة:بغيت كلشي يكون هو هاداك لخدامة:ماتخميش الالة كلشي واجد كنتاضرو غير لاوامر ديالك هبة:(حركات ليها راسها بلايجاب مع بتسامة لطيفة رتسمات على شفاها.. وخرجت من لكوزينة في اتجاه الغرفة ديالها توجد حالتها..حلات غرفة دريسينگ وجبدات منو قفطان فلبيج وحلات شعرها على طولتو ورجعات جمعاتو لفوق وخرجات زغيبات من قصتها لبسات صنيديلة هابطة وحطات شوية من لمكياج خفيف بزاف وشافت راسها فلمرايا مرأة فلاربعينات من عمرها زينها مسرار وجمالها فتان... عويناتها الزرق ورموشها الطوال تحير فيهم مزال كيما كانت جذابة ومثيرة والعمر غير مازادها فالزين ورزانة مرأة كاملة التفاصيل والكمال لله وحده...مصات فمها من لكلوز وشدات لاسونسير نازلة لطابق الصالونات...قصرها فروسيا مختارة كلشي فيه بعناية ..خلاتو قصر روسي بلمسة مغربية..طابق لارضي كلو صالونات مفتوحة مع جبص عصري وديكورات مغربية ..جامعة بين البساطة والرقي وبين البلدي وتقاليد بلادها..صالونات مطلة على الجردة الشاسعة وفيهم لي مطليين على لابسين الضخم فطرف لاخر...تحل بيها لاسونسير.. وخرجات بشوية عليها مزالها هادئة ورزينة..واخا الغنى والجاه والسلطة والمكانة لاجتماعية لي ولات فيها ولكين ماتبدل فيها والو مزالها درويشة ومتواضعة وتابتة عارفة بلي هاد النعم لي جاتها ماهي إلى فرج من عند رب العالمين عليها..شنو لي غادي يخليها تتكبر وتشوف راسها شي حاجة وهي مجرد انسان بحالها بحال غيرها؟عند بالها بلي لكل سواسية وبلي عمرها تنسى اصلها وفصلها ومنين جات ومن فين خرجات..عمرها تنسى بلي هي بنت لعربي لي قتلاتو بيديها وضربات عليه الحبس..بطريقة مباشرة اوغير مباشرة العربي كان لو سبب كبير فشي لي فيه هي دابا... توجهات لصالون مفرش بالازرق لملكي مع دوغي..ميدة من افخم انواع الخشب منقوشة بنقش مغربي مع صوندريات محطوطين فلقنات...حطات لخدامة صينية بلكيسان وبراد ديالهم مزين بلعقيق على الجوانب وبدات تحط فبلاطوات لحلوة انواع واشكال كل بلاطو فيه نوع معين حطات المكسرات وانواعه الشوكولا الفاخرة وصينة أخرى خاصة بلعواصر.. خدامة:تبغي مني حاجة اخرى الالة؟ هبة:(دورات وجها فشي لي محطوط كان كلشي واجد ومتول كتسنى غير وقت وصولهم)لا شكرا ..غير يوصلو قولي لشيف جورج يوجد راسو على حساب لغدا لخدامة:واخا الآلة(نصرفات تحت انظارهاو هبة جالسة تستنى قدوم ضيوفها لعزاز على قلبها) (السلطة.. الغنى...الجاه... المال...كلهم مجموعين فعائلة ديمتري..معروفين فوسط لبلد وخارج لبلد..شركاتهم لخاصة بلادوية ولانتاج وتصنيع الجلد والمجوهرات وحتا التصدير ولاستراد خلاتهم يتربعو على عرش لغنى فروسيا وفاروبا وحتا فافريقيا والوجهة القادمة ليهم امريكا..كلشي وصلو ليه بفضل رب العائلة"هولاكو"خلا مكانتو تكبر ويحتاكر على السوق الداخلية والخارجية بفضل حنكتو وذكائو وتخطيطو الناجح للامور...ابتعادو على طريق لحرام من تهريب المخدرات ولاسحلة والتحف وحتا البشر ..كان ليه فضل كبير فعيشهم فهدوء وسلام..شادين طريق لحلال ومبعدين من رزق لحرام... هولاكو:(جالس فمكتبو كيدوز شي أوراق بين ايديه...شكو كان فمحلو الصورة كتوضاح ليه شوية بشوية..عقد غوباشتو لمعروف بيها ودوز ايديه على ليحتو بطريقة خفيفة دلالة على غضبو...عينيه متبعين كل حرف وكل رقم وكل فاصلة محطوطة فالأوراق لي قدامو..دمو فار...ونار شعلات فيه...كيحس براسو غادي ينفاجر... كيفاش قدر يدير هادشي؟؟علاش؟؟ وكيفاش ؟وشنو السبب لي يخليه يدير هادشي كلو...!!!علاش يخونو ويخون ماماه بهاد الشكل..؟؟ عارف ولدو شكيسوا وعارف بلي الى كان فدنيا هولاكو واحد..فولدو الضعف ديالو..ناض من مكانو طافج هز المكتب بين ايديه ورماها حتا تشتت لي فيه..غادي يحماق!!كلشي فيه كيغلي...كلشي فيه شاعل..فلحظة تحول لبركان متنقل..كيغمض عينيه ويرجع يحلهم لعلى وعسى تطفا لكية لي فقلبو ...لي جاتو من لقريب ابنو لوحيد ..لابن لي رافع بيه الرأس فين مامشا..وريثو لوحيد ..سيد العائلة المستقبلي..وسيد سلالة ديمتري. يطعنو فظهرو....تحنى على لفوتاي وجلس..شابك ايديه وحاني راسو . كيفكر ويخطط ويفصل...مرة مرة يغمض عينيه ويرجع يحلهم... ... رجل فاواخر لاربعينات من عمرو....شيبات خفيفة كتبان على جوانب شعرو...لحية كثيفة مغطية فكو..مزال محافظ على لياقتو البدنية..طول فعرض...كيدوز على ليحتو مرة مرة بدافع الغضب ممزوج بتفكير...مزال كيما كان حديتو قليل..وذكائو كبير .يفهمها فسما قبل ماتنزل لارض...رجل كاريزماتيك.. صاحب سرعة بديهة وحنكة كبيرة ..جبد تيلي من جيبو وحطو على ودنو في انتظار الرد ......... (صوت موسيقى كلاسيكية هادئة...كيتسمع من احد الغرف فڤيلا منعازلة عن المدينة..دايرة بيها مزرعة كظم جميع انواع الحيوانات المفترسة (اسود-فهود-لبؤات-افاعي-كلاب بوليسية..وبزاف ديال الحيونات لاخرى..مهتمين بيهم اشخاص محترفين فهاد الميدان..مربينهم ومخلينهم موالفين البشر...فجنب لاخر من المزرعة كيتواجد إسطبل خاص بلاحصنة ..وانهار على ضفاف المزرعة ونافورات وعدة مسابح...مكان يخليك تستنشق طاقة إيجابية وتخوي اي حاجة سلبية شاغلة تفكيرك...ڤيلا غريبة نوعا ما..كلها تماثيل ولوحات ورسوم....لوحة ضخمة مرسوم فيها عينين زرقين ورموش سوداء طويلة وكثيفة..كيرسم رموش عينيها بكل دقة واحترافية.. حط شيتة من يدو..ورشف من كاسو بهدوء...رمق اللوحة بتركيز كبير وغطاها..ظغط على زر توقف لموسيقى..سد الغرفة الصغيرة برقم سري وخرج...صدرو عريان.. اوشام كتغطي جانبو لايمن على طول دراعو لحدود يدو...كيحط رجلو بكل هدوء فكل خطوة كيخطيها..قمة الثقالة و الرزانة...رجل ثابت فخطاه. ...كيدوز على ليحتو بطريقة خفيفة..طويل بزاف وكتافو عراض...سيكس باك مرسومين بدقة كل انش فيهم مخدوم عليهم مزيان..جر رجليه قدام مرايا طويلة ودوز على ليحتو بيدو بثات...نفس تغوبيشة باباه...نفس عقدة لحواجب..نفس لعيون...كيدي من هولاكو بزااف...تحنى على لارض وبدأ طراكسيون الصباحي..كيطلع ويهبط..ظهرو عريان واوشامو بارزة بشكل كبير...كيتسمع غير صوت انفاسو... جامع تغوبيشة..وجسمو مسايرو يطلع ويهبط باحترافية..تبسم على جنب فاش حس بيه كيخبش على لباب...ناض من مكانو وحل ليه لباب..بمجرد ماحل ليه لباب ترمى عليه..طولو يخوف..كيتخشى فيه ويخبش فيه فظهرو... بيبرس:شوووش .....كالما كالما ليو (كيهضر بهدوء كيحاول يهدئو..20 يوم هادي غايب عليه ..مامتتعودش يغيب عليه كيما هكا..بدا يترخى حتا نزل وهو كيلمس على ظهرو.. خرج من لغرفة ونزل في اتجاه المطبخ وليو غادي معاه عارف كل مكان فلڤيلا...عطى لاوامر للخدامة يعطوه لفطور ديالو ويدوشو ليه..رمى كلامو ليهم وجر رجليه الطابق العلوي بعدما تكلف الشخص المسؤول عن ليو وخرجو في اتجاه مكانو. خادمة:(كتهضر بخوف)قلبي غادي يسكت اختي..واش كاين شي حد كيربي سبع؟؟ خادمة2:(تبسمت على جنب) كون تشوفي شكاين فهاد لمزرعة كون تهربي.... خادمة:(بخوف)شنو كاين؟ خادمة2:جميع الانواع ديال الحيوانات المفترسة مجموعة هنا خادمة:(شدات فقلبها)اناااري كتهضري بصح؟؟؟ خادمة2:اه علاش غادي نكدب نتي جديدة غادي يجيك هادشي غريب فالاول ولكين غادي توالفي (بسمة جانبية) خادمة:(قربات منها وهضرات بشوية)علاش كيربيهم هنا؟ خادمة2: حنا هادشي كيجينا غريب ولكين الناس لعندهم لفلوس هادشي عادي عندهم(وجهت كلامها قبل ماتنصارف)قابلي خدمتك وماتهتميش بحاجة اخرى..واحسن حاجة ديريها ماتغلطيش سي بيبرس مايرحمش داكشي علاش خدمي بسكات(رمات كلامها وخرجات خلاتها تصرط ريقها) ...حط سيگار فمو وبدأ ينتر وعينيه كيشوفو فزاج لي مقابل معاه...مراقب لاشخاص لي مكلفين بلحيوانات لي فلمزرعة من بعيد ومنطق بحتا حرف....هكا طبعو..وهكا لكراكتير ديالو...ماتعرفو فاش يفكر ولافاش يخمم...ماعندوش مع كترة لهضرة... كلمة وحدة كتخرج من فمو ومتبقاش تعاود...تعيا تقراه ومتلقالوش تفسير...تعيا تفهمو ومتلقالوش جواب...ذكي وسريع البديهة وهاد الصفة كيتشاركها مع باه...معروف بكبريائو وقصحوية الراس...طيح السما على لارض الى قاليك هاديك حمرة فهي حمرة متقنعوش بلي هي خضرة..قلبو قاصح..ودماغو حجرة..البنية ديالو قوية...وشخصيتو شجاعة...اسم على مسمى (بيبرس)ولي كتعني القوي الشجاع-السيد الفهد-المقاتل-الجريء-المقدام....كلها دلالة على اسمو وكما يقال الشخص شبيه اسمه.. .وهاد الصفة نطبقت على بيبرس بشكل كلي... هبة:(وقفات من مكانها بعدما جاتها لاخبار بلي ضيوفها وصلو..رتبات نفسها ومشات تجري لطريق لباب الفرحة خارجة من عيونها كيبرو ويلمعو بسعادة عارمة..واخيرا صاحبتها وختها ونصفها لاخر غادي تلاقى معاها هادي كتر من 8 اشهر ماتشاوفوش..حلات لهم لخدامة لباب..ورتمات هبة فحضن مروى تعنق وتبوس..توحشاتها وتوحشات لحديت معاها.. معندهاش فهاد دنيا من غير عائلتها صغيرة وصاحبتها مروى... مروى: توحشتك توحشتك بزااااف هبة:حتا انا والله...(عصراتها بين ايديها وحسات بدمعة هابطة من عينيها)عمرك تغيبي عليا امروى بحال هكا.. ماعندي لي نحط عليه الراس من غيرك الين:احم احم...وانا اطاتي نرجع بحالي هبة:(جراتها لعندها وعناقتها حتا هي)وانا نقدر نفرط فيك ههه نتي راك لفريزة ديالنا... الين:توحشتكم اطاتي والله شحال وانا كنقول لماما نهبطو عندكم.. هبة :ايوة دوزو بعدا دخلو منبقاوش واقفين فلباب...(شافت فلخدامة ونطقات)لوسي عطي الضيافة... لخدامة:واخا الآلة(توجهو لصالة وهبة سعادتها باينة عليها...بدات الخدامة ضايفهم من كل حاجة والين عينيها كيضورو فكل اتجاه كطلق ودنيها لعلى وعسى تسمع صوتو... مروى:ايوة كيدرتي مع لمشروع الجديد؟ هبة:هاحنا غاديين التشكيلة جديدة خاصني نخرجها مع الربيع.غير سكتي كلشي مخربق ليا... مروى:علاش مالكي؟ هبة:هولاكو غادي يفتاتح شركة خاصة بلانتاج فامركيا. وانا مايمكنش ليا نبقى هنا وهو لهيه فكرنا بلي نمشيو لامريكا فترة معينة حتا يقاد الشغل تماك..وقلت نطور من لمشروع ونحل شي فرع تماك مروى:الله يسخر حتا هادا نظر..صعيب بزااف تخلي راجلك تماك ونتي هنا احسن قرار شديتيه هو هادا هبة:داكشي لي كاين..الله يسخر لامور مروى؛امين الين:طاتي...فين بييرس؟؟ هبة:والله ماعرفت ابنتي..بيبرس كنشوفو فساعة لعشا غير كيتعشا معانا ويخرج تاني...طول النهار غايب انا وماشبعتش منو مروى:غير مع لخدمة اهبة ماتنسايش عليه مسؤولية كبيرة هبة:مابغاش يخدم مع باباها حاولنا معاه بكل طرق .لي فراسو فراسو..ختار يرسم طريقو بوحدو مروى:مايكونش ولد هولاكو الى مادارش هكا.. نسيتي اول مرة خرج من كرشك عاقد غوباشتو..تقول هولاكو محطوط ههههه هبة:ههههه وانا نقدر ننسا بيبرس صعيب بزاااف..انا لي والداه من كرشي ومكنفهموش طبعو صعيب غير الله يهديه...أجي فين لوكاس ماجاش معاكم؟ مروى:لا راه كان جاي معانا..غير هو تاصل بيه هولاكو ومشا لعندو هبة:اااه مزيان..وسامي شخبارو مروى:لاباس الحمد لله..قريبا غادي يجي لروسيا يستقر هنا هبة:اربي بصح؟ مروى:الين بغات تكمل دكتوراه هنا معرفتش شنو عجبها فهاد روسيا ماكاين غير لبرد والتلج(كتشوف فبنتها وتهضر)وسامي قتارح عليه باباه يشد عليه لخدمة لي هنا مع هولاكو..راك عارفة والفت جو المانيا ولعيشة تماك.. ماعنديش مع لبرودة هنا هههه هبة:ماغاديش تجي معاهم؟؟ مروى:غادي نبقى نطل مرة مرة وصافي غير هو مغاديش نطول لغيبة هنا.. الين:وبيبرس اخالتي غادي يرجع لاسبانيا؟ هبة:لا احبيبة بيبرس غادي يستقر هنا انشاء الله الين:(تبسمت بلا هواها..كانت خايفة لايكون غادي يرجع تاني لاسبانيا... وهي السبب لي مخليها تقرا هنا هو) هبة:لوسي قولي لشيف يحط لغدا لخدامة:واخا الآلة...محتاجين حاجة اخرى هبة:لا تقدري تمشي.. مروى:(بتردد)هبة كاين واحد لموضوع بغيت نهضر معاك فيه هبة:الله يسمعنا خير (كتشوف فيها بتركيز) مروى:(حطات كاس العصير من بين ايديها ونطقات)من نهار لي جينا فيه هنا وحنا عايشين النهار بنهارو تزوجنا ولدنا كبرنا وليداتنا وشفنا مستقبلنا..(حدرت عينيها ورجعت طلعتهم فيها) متشوفيش بلي نسينا ماضينا!!! هبة:(بعدم فهم)والله امروى مافهمتش!!!..شنو بغيتي تقصدي؟؟ مروى:هبة هادي مدة وانا نفكر نهبط لمغريب ..توحشت ميمتي ..بغيت نزور قبرها..بغيت نعرف عائلتي فين؟خالي فين تلات بيه لايام؟؟...ماتشوفيش بلي رمينا كلشي ورا ظهرنا وتناسينا اصلنا؟ هبة:(مروى كتهضر وهبة شريط حياتها كلو كيدوز قدام عينيها..من نهار حلات عينيها حتا لحظة لي فيها دابا...تدكرات خوها معتز وماماها وشحال من لعصى كلات من عند باها...تفكرات باها لعربي والظلم ديالو والظغيان لي كان كيمارسو عليهم...حسات بدمعة طاحت من عينها لهاد الدرجة سخات بماماها وخوها؟!!.. عمرها زارت قبرهم من نهار لي دفناتهم وهي لي كانت تقول نتبعهم واخا يكونو فجهنم بمجرد مابدات حياتها فدولة جديدة ومع ناس جداد..رمات كلشي ورا ظهرها ..علاش ماتفكراتهمش هاد سنين لي دازو؟علاش ماجا فبالها ترجع لبلادها وتزور قبر مها وتخرج صدقة على روحها ورح خوها.. .واش قلبها قصاح؟واش الشي لي هي فيه خلاها تنسى هادشي!!...حسات بصباع مروى كيمسحو دمعتها...) مروى:متبكيش..انا مابغيتش نحل معاك هاد لموضوع باش تفكري لي عشتيه..انا جيت ناخذ رأي ديالك واش تبغي تمشي معايا لاسبوع لماجي لمغريب؟ هبة:(رمقاتها بنظرة حزينة حاملة بزااف... حلات ليها جروح قديمة ولكين الشي لي قالت مروى كلو صحيح..وجا لوقت لتمشي تزور قبر مها وخوها...هضرات بصوت مليء بالحزن)انا معاك امروى... مروى:(حظناتها كتخفف عليها كتبقى هبة اكتر وحدة شافت تكرفيس فحياتها..لولى لطف لاقدار بيها كون راها مزال كتعاني) لوكاس:(كيسرع فخطواتو بتوتر....كيحاول يسرع باش يوصل دغيا لمكتب عندو..حاس بشي حاجة واقعة مع هولاكو...صوتو ماعاجبوش ..حل لباب ودخل لعندو...كيشوفو جالس فوق صوفا شاد راسو بين ايديه...اول مرة يشوفو فهاد لحالة...من وضعو عرف بلي واقعة شي حاجة وحاااجة كبيرة...دغيا جر رجليه لعندو وقف عند راسو.. لوكاس:هولاكو... مالك ؟؟ هولاكو:(بعد صمت لفترة نطق بانكسار شديد)كنحس براسي فحلم الوكاس ...باغي شي حد يفيقني منو.. لوكاس:شواقع؟؟؟؟؟ هولاكو:(جر لعندو سيگار وشعلو رجع راسو ورا صوفا ونفخ دخان لفوق)لماضي ماباغيش يخليني...حتا قلت صافي تسگمات تعاود تعواج... لوكاس:هولاكو..راك حيرتني أصاحبي..دوي شواقع ؟؟؟ هولاكو:(رمى ليه شي وثائق وخلاه يقرا بصدمة) لوكاس:ميمكنش(بعدم تصديق)بيبرس مايديرهاش؟؟؟ هولاكو:دارها...دار لي مدرناهش حنا.... لوكاس:ولكين كيفاش؟وعلاش؟ هولاكو:كنتسناه يوصل باش يشرح ليا لوكاس:(جلس جنبو بعدم تصديق)علاش ختار هاد طريق؟ هولاكو:(طفا سيگارو ومسح وجهو بيديه)معرفتش..(شاف فيه)ولد هولاكو اكبر تاجر أسلحة فاوروبا.!!!!...(تبسم بعدم تصديق)عرفتي شكون لي شاد "لانيگرا"؟؟ لوكاس:(خرج عينيه بلهفة يعرف شكون وكيتمنى من اعماقو مايكونش هو) هولاكو:(نطق بانكسار) ولدي...! لوكاس:(كيمسح وجهو بعدم تصديق)واش مأكد ؟؟؟هاد لوثائق يمكن يكونو ماشي صحاح ؟؟ هولاكو:مأكد مليار فلمية..مدة هادي وانا كنقلب وراه..السبب لي مخليه يرسم طريقو بوحدو هي هادي...عارف بلي طريقي وطريقو مايقدروش يتجمعو بجوج...(بعدم تصديق)الشركات لي حال غير تمويه كيدرق فعايلو...(على اثر هاد الكلمة دخل عليهم) بيبرس:(تبسم على جنب فاش شاف لوكاس ) مرحبا... لوكاس:(هز عينيه فيه)امورك مزيان بيبرس:(رفع ايديه لفوق )كيما كتشوف... هولاكو:(هز فيه عينيه شابك ايديه مع بعضهم وكيشوف فيه .نطق بهدوء)خبارك وصلات!!! بيبرس:(بسمه جانبية)تعطلات بزااااف... هولاكو:من امتى؟؟ بيبرس:3 سنين هولاكو:درتيني بيدق انا وماماك؟ بيبرس:طريقي وخترتو نتوما خارجين من هادشي! هولاكو:(ناض من مكانو صاعر لوكاس مشا يجري لعندو وشدو)واش تصطيتي.!!واش هبلتي!!!واش عارف فين حاط رجليك؟؟؟ بيبرس:(ناض من مكانو)عااارف ...ومزيااااان... هولاكو:(كيصرخ باعلى صوتو)واش عارف هاد طريق شحال بقيت حتا خرجت منها ؟؟...واش عارف شحال شفت وشحال عانيت باش قدرت ننسا؟؟؟.كل مرة كنخاف واحد فيكم يمشي من بين ايديااااا...باش تجي نتا وترمي راسك فالنار؟؟ بيبرس:عارف شنو كندير..مرتاح فهاد الطريق...وانا لي خترتها بمزاجي...ومتحاولوش ترجعوني منها... مستحيل نخرج منها حتا نبغي انا نخرج...(خرج من عندهم وزدح لباب وراه.) هولاكو:(بعد من قبضة لوكاس وضرب واحد ديكور محطوط برجلو حتا تشتت..شاف فلوكاس ورجع هضر بحدة)سمعتيه شنو قال؟ شفتي ردة فعلو؟؟؟؟كيهضر بكل برود بحالا مواقع والو...( كيمشي ويجي على طول لغرفة بحال شي مسطي..لوكاس غير ساكت ماقدرش يهضر عارف صاحبو فاش يوصل لهاد لحالة.....جلس على صوفا مكسور كيحس بخنجر مغروس فقلبو .هو لوحيد لعارف هاد طريق شنو فيها..هو لوحيد لعارف بلي هاد طريق غادي تخرج منها اما قاتل او مقتول.) لوكاس:(كيحاول يخفف عليه)تكالما أصاحبي اكيد غادي نلقاو حل هولاكو: ولدي وعارفو شكيسوا...يوقع لي وقع الى دار حاجة فراسو مستحيل يرجع منها لوكاس:(تبسم على جنب)الى دار عكسها فماشي ولدك هولاكو:(شاف فيه ورجع راسو لصوفا كيحاول يلقى حل قبل ماخسرو.) لينا:(واقفة فلكوزينة كدوز شي ماعن بين ايديها حاطة ليكيت فودنيها وخاشية تيلي وسط صدرها..عشقها هو لواي واي...ظل تشطح عليه وتسمع ليه..حسات بيها واقفة ورا ظهرها..رمقاتها بنص عين..ومتسوقاتش ليها...رجعات زادت صوت وبدات دندن مع لاغنية حتا حسات بيها جرات لكيت من ودنيها.... هنية:(حاطة يدها على جنبها وكتهضر بجدية)ياك مايصحابيلك نسيت الشي لي درتيه فصباح... لينا:(ساست ايديها من صابون وشافت فيها)شنو درت؟؟ هنية:كترمي ليا لهضرة وتبرگي بعينيك..الى كان ولدي مدسرك انا نحدهم ليك لينا:(باستفزاز)لحساب مع ولدك ماشي معايا(رجعات حطات لكيت فودنيها وبدات تغسل لماعن...محسات براسها حتا شافت شعرها بين ايدين هنية تجر وتعاود) هنية:شوفي ابنت لحرام ياك مايصحابيلك راسك غادي تقلبي عليا ولدي...عارفاه عينو فيك.. ولكين والله لاكان ليك... لينا:(جرات ايديها من شعرها بزز ورجعت هضرت بتحدي) ايوة هاد الهضرة قوليها لولدك ماتقوليهاش ليا انا... بقاليا غير شمكار نكون معاه هنية:ههههه شوفي فيا...وحق هاد السالف وحق نواضر لبينهم ابنت ختي فاطنة لاكان ليك...ولدي نزوجو ببنت لاصل معروف باها ومها شكون...ماشي وحدة لقيطة ماعارفة حتا لحيوان لمنوي لخارجة منو شكون مولاه...(هزات صبعها فوجها)ونعاود نقولها ليك لاخر مرة ..راه مراعية فيك وجه الله ومخلاياك هنا ولكين وحق سيدي ربي ابنت فاطنة وتقلبي عليا عوينتي ونوارت داري والله ماتضلي ماتباتي هنا(جرات شعرة من نواضرها ورجعت نطقات)وها العهد بيني وبينك... سمية:(دخلات عليهم تجري لكوزينة)مي مي..خديجة برا معاها بنتها.. هنية:(دغيا دارت عندها... لفرحة خارجة من عينيها..تاكدات ليها هضرت جارتها مينة ملي قالت ليها بلي سمعات خديجة غادي تجي تخطب من عندها....ساست حوايجها وصايبت زيفها وعطات امرها لسمية تحل لباب..) هنية:(كتشوف فاسماء لي مزال مامصدقاش بلي خديجة برا)سيري دغيا وجدي راسك...اش كتسناي اسماء:(لفرحة خارجة من عينيها)واش جايين على قبلي؟؟ هنية:وعلى قبل من غادي يجو...سيري دغيا وجدي راسك.. اسماء:(لفرحة خارجة من عينيها)واش جايين على قبلي؟؟ هنية:وعلى قبل من غادي يجو...سيري دغيا وجدي راسك..(شافت فلينا لي دموع تحجرو فعينيها)مسحي خنانتك وجدي اتاي والحلوى وفاش تدخل لمراة وبنتها دخلي ضايفيهم وغبري..(كتسمع صوتهم طالعين فدروج وسمية وراهم) هنية:مرحبا والف مرحبا نهار كبير هادا ملي جيتو تزورونا خديجة:(كتسلم عليها بلوجه وتنطق)ترحب بيك الجنة اختي هنية هنية: مريم كيدايرة ابنتي وكيدارين دراري مريم:لاباس لحمد لله..كون تشوفي ضسارتهم شيبوني اختي هنية:هههه ايوة حتا نتي لي جا من عند الله مرحبا بيه كيبقاو ملائكة..(شيرات بيدها لجهة الصالة)دخلو دخلو مرحبا بيكم ماتبقاوش واقفين...(توجهو لصالة وجلسو هنية فرحتها باينة فوجها..وخديجة ومريم شادين معاها حديت على الحي والجيران..هضرة نسائية عادية جمعاتهم.. حتا شافوها داخلة عليهم لابسة بيجامة فلغوز طالقة شعرها على طولتو وحاطة شوية ديال لمكياج شابكة ايديها ولحشمة باينة عليها .. هنية:زيدي ابنيتي..زيدي سلمي على خالتك اسماء:(تحنات تسلم عليهم وصوتها بسيف يتسمع)مرحبا بيكم مريم:ترحب بيك ملائكة الرحمان... هنية(حطات ايديها على ضهر بنتها وكتهضر بكل حب)اسماء بنتي عندها معزة خاصة فقلبي ...كان الحاج الله يرحمو يسميها نحيلة الدار..حنينة وخفيفة على لخاطر...الله يسگم ليها لايام خديجة:تبارك الله وصلاة على النبي..الله يحفظها ليك ويخليها لخوتها هنية:امين ياربي (نطقات بصوت مرتفع )لينا والينا جيب ضيافة خلااص... لينا:(مسحت دمعة بطرف صباعها وهزات صينية فيها لكيسان وبراد اتاي سكار محطوط فبواطة ديالو ونعناع وشيبة فصينية صغيرة...هازة لبلاطو بين ايديها وحانية راسها ماكتشوفش لجهتهم...بينما هوما كيطلعو يهبطو فيها كل شبر فيها فحصوه باتقان كيشوفو زايد فيها وناقص..شافت فيها خديجة برضا وتبسمات وشافت فبنتها وتبسمات حتا هيا...ولدها عرف يختار لبنت كتفتن بالزين... عمرهم شافو وجها كيداير حتا ليوم..هنية حكمات عليها بالنقاب ملي كانت صغيرة وهادا كان شرط هنية على لينا الى بغات تخليها تمشي لمدرسة وداكشي لي كان..مخشية فالنقاب وسندري بدون اقتناع منها وكلشي كان فداءا لقرايتها...وفاش شدات لباك حلفات هنية بحلوفها بلي تجلس وتقابل ليها شغل الدار ماكاين لامعهد لا افاك...خصوصا فهاد لوقت قليل لكليات لي يقبلو طالبة تدخل بنقابها داكشي لاش هنية فرتكات هاد رمانة وحكمات على لينا تجلس بينما بناتها مزالو كيقراو معاودين لباك جوج لمرات وهادي لاخرى ليهم...وهادشي كولو دارتو هنية كخوف منها تتزوج لينا قبل بناتها ولاتقرا وتوصل وبناتها لا...داكشي لاش حرمات عليها زنقة.ولخروج ولقراية ..وحكمات عليها تشد لبنت فالدار كاين غير شقا وتمارا..ومصطفى حتا هو معاونها فهادشي اصلا ماباغيش حد يشوفها ولايقرب ليها وهو عارف بلي لينا الى مشات حتا بانت لشي حد غادي يطيح فيها طيحة لعمى فظلمة فاللهم يبقى مخشيها فالنقاب ومانع عليها لحياة باش تبقى ليه بوحدو (فوسط شركة كبيرة كلها زاج...طوابقها كتار.. وموظفين ديالها منغمسين فلخدمة..تسمع صوت خطواتو فالارض ...متجه لغرفتو الخاصة...كيرمقهم بطرف عينو.. كلهم ملتزمين بلعمل ديالهم ومركزين مع خدمتهم..خوفا منو وتقديسا لتعاليم ديالو الصارمة...شاب بعمر 28سنة..قدر يكون رئيس لاشهر مافيا فروسيا...شاب فاواخر لعشرينات قدر يكون الرقم 1 فالتهريب الدولي..عاقد صفقات مع رؤساء دول ومنظمات سرية وغيرها من جوانب لفساد لخفية... شخص سلطوي قوي لعزيمة ..شجاع وعندو قوة رهيبة فتحدي ولاقناع.....مستحيل يتراجع على اي حاجة دارها فبالو وبما انو اختار هاد الطريق فلا هولاكو ولا غيرو غادي يخرجو منها حتا يبغي هو بقرارات نفسو يخرج...حط يدو على بواني لمكتب وحلو..غرفة باثاث من لجلد لاسود..ومكتب على جنب فوق منو تماثيل صغيرة...صباغة حائطيةسوداء...ونوافذ من لقنت لقنت كيشوف إطلالة لمدينة كلها قدامو...عشقو للون لاسود خلاه يمسي اسم لمافيا ديالو باسم (نيگرا) ولي كتعني بالإسبانية السوداء...توجه لمكتبو وسكرتيرة وراه حطات بضع ملفات وطلعاتو على الجديد...الشركة كانت خاصة بلمجوهرات وهي الشركة الرسمية لفروع لأخرى مع لعلم هي مجرد تمويه فقط لأعمالو لمشبوهة ...وزع بعض لامضاءات ونصارفت سكرتيرة هازة ملفات معاها ...بقا حاط راسو على شي أوراق متبع ليهم لعين..حتا سمع صوت تيلي كيصوني شاف سميتها وتبسم بحب: بيبرس:ميبيدا(حياتي بلاسباني) هبة:لو كنت حياتك بصح كنت جيت تتغدا معانا!!! بيبرس:مكرهتش اميمتي ولكين عندي لخدمة بزااف هبة:شوف كيدير وجي راه مروى هنا والين حتا هيا بيبرس:لفريزة جات!... واخا واحد نص ساعة ونجي! هبة:صوق بشوية...كنتسناوك.. بيبرس:اوكي(رجع حط راسو على بعض الوثائق ونغامس فشغلو) الين:غادي يجي؟؟ هبة:غادي يجي احبيبة...غير قلت ليه الين هنا قالي ليا لفريزة جات !!!!(بسمة جانبية) مروى:ايوة ربيه امروى بين ايديك وحضني وبوسي دغيا نساني... هبة:(ضحكات من كلامها)متغاريش...راه الين بحال ختو متنسايش راهم فنفس لعمر..شكون سماها لفريزة ماشي هو؟؟؟ الين:(حسات بقلبها نغزها ملي سمعات "بحال ختو."عمرهم كانو خوت وعمرهم غادي يكونو... هي بنت لوكاس وهو ولد هولاكو...تبسمات على جنب واستاذنات منهم في اتجاه لحمام ترتب نفسها وتستعد لقدومو.) لينا:(حطات ليهم صينية ديال اتاي ودخلت جابت طبسيل ديال لحلوة ولقريشلات..رتبات كلشي فوق لميدة ...وسلمات على خديجة وبنتها ورجعات لكوزينة تكمل شغلها) خديجة:(حطات كاس ديال اتاي فوق لميدة وهضرات) الله يكبر بيك اختي هنية كيما كبرتي بينا هنية:هادا واجب عليا مرحبا بيكم خديجة:لهلى يخطيك...ايوة بلما نطول الهضرة انا جيت قاصداك هاد النهار ولمقصود الله.. هنية:(گادات گلستها والفرحة كتشقشق من عينيها)الله يسمعنا خبار لخير خديجة: وهو فالحقيقة غير لخير..كيما ماتعرفي ولدي عز الدين خدام مع لبوليس هادي عامين...كنشوفو غير من لكونجي لكونجي..ساكن فرباط وغير بوحدو..وراك عارفة اختي هنية الزوفري عيشتو مكرفسة ماكاين لي يونسو ولا لي يطيب ليه ويقابلو...داكشي لاش صيفطني عندك هاد النهار..طالب راغب فيد بنتكم على سنة الله ورسوله هنية:(لو كانت صابت دير لعرس فهاد لحظة ديرو طالقة ودنيها وكتسمع لكل حرف اسماء كتر منها حنيكاتها توردو وغير مهبطة راسها حشمانة شابكة ايديها وقلبها كيضرب بزربة)مرحبا بيكم الآلة خديجة...قصدتونا بالحلال وبينتو على نيتكم الصادقة... مريم:داكشي لاش اخالتي دخلنا عليكم هاد دخلة بلا برية بلا تيلفون...لحلال ماكيتسناش خديجة:ولكين اختي هنية دري وصانا ناخدو راي لبنت الى كانت موافقة تسكن معاه فرباط!! هنية:وعلاش ماتكون موافقة رباط وكازا مابينهم والو لوقت لي توحشاتنا تجي... خديجة:داكشي لي كاين..هي فالحقيقة ماكنتش عارفة بلي عندكم هاد زين تبارك الله ولكدوب على الله حرام...لبنت كتفتن غزالة..ختك فاطنة الله يرحمها ولدات الزين الله يحجبها...الدري شافها مرة وحدة فسطح..لصق فيها..ولا يحلم بيها ليل نهار..حتا من لخطبة بغا يديرها هاد السبت الى كانت موالماكم هنية:(كتصرط ريقها مامصدقاش الشي لي كتسمع..كيفاش بنت فاطنة؟؟طلعت حاجبها وفهمت لقصة قرصات اسماء لي كانت مصدومة كتر منها وطلبات منها تخرج)سمحيليا ولكين مافهمتش؟اينا بنت بغيتو تخطبو؟؟ خديجة:لينا بنت ختك!! هنية:(دغيا تبدلات صفتها)لبنت مكتفكرش فالزواج..وأصلا انا مانقدرش نعطيكم جواب الى ماتشوارت مع ولدي مصطفى هو راجل الدار خديجة:ماگلتي عيب تشاوري معاه وردي لينا جوابك..ونتمناو توافقو علينا هنية:(ضربات الطم وسكتات كتحس بفرحتها رجعات فخاطرها دايما لينا منكدة عليها حياتها حتا گالت صافي ربي بغا يفرج على وحدة من بنياتي تخرج ليها لينا تاني من جنب) خديجة:(حسات بلوضع ماشي هو هداك غمزات بنتها ينوضو..وداكشي لي كان بعدما سلمو عليها خرجو فطريقهم لدار) اسماء:(رجعات لعند مها تبكي وتغوت وختها توميتها تابعاها)شهادشي لي كنسمع امي..كيفاش بغاو بنت زنقة عليا انا هنية:بنت لحرام دايما منكداها علينا...(جرات رجليها لكوزينة وشافتها كتوجد لغدا وليكيت فودنيها جراتها من شعرها وبدات تضرب فيها)اشنو لي فيك ماشي فبناتي لبنت لحرام؟اشنو لي مخليهم يتزعطو فيك وبناتي لا.؟؟..شكون فيقهك ابنت زنقة!!!...مخليين بنات لاصل ويجو لعندك نتي ابنت لكلب (تجر وتعض وتقرص وضرب وتنتف...كتحاول تخوي غضبها و سمها كلو فيها لعلى وعسى تبرد..حسات بشي حد جرها من تحت ايديها وردها ورا ضهرو) مصطفى:لواليدة اشنو كديري(كيصرخ باعلى صوتو)يااااك قلت ليكم حتا شي واحد منكم مايقرب ليهااااا؟؟؟ هنية:حيد من قدااامي نربي جد بوها لكلب...حيييييد مصطفى:ضربيني انا ماشي هي ...الى كنتي غادي تبردي ها انا قدامك ديري مابغتي فيا وهي خليها عليك.. هنية:ياااااك...ياااااك اولد كرشي(كضرب فكرشها وتهضر)...رضعتي من بزولتي حتا نشف لبني...ماخرجتي من كرشي حتا شتتي عظامي.. فلخر تحامي على بنت لكلب قدامي(دفلات فوجه لينا لي كانت ورا مصطفى ورجعت هضرات) ايوة سمع هادي..لكلبة لي وراك..جاو. فيها لخطاب...عز دين ولد خديجة..جا يخطب فيها مصطفى:(عقد غوباشتو وجمع ايدو قبضة) هنية:ماسولتيش راسك فين شافها وهي ماتخرجش ماتدرج وحتا الى خرجات كتخرج بنقاب؟؟ كيدار حتا شافها وتزعط فيها وزربان على زواج بيها.... مصطفى؛(كيطلع النفس ويهبطو بزربة ) هنية:انا نقوليك!!..لكلبة لي وراك ضل فسطاح هي وياه يتمعشقو وحنا ماجايبين اخبار...حتا طيبو خبيزتهم عاد جاو يخطبو.. لينا:(كتبكي وتشهق)والله ماكنعرفو وعمرني شفتو!! هنية:اسكتي ابنت لحرام...مو بفمها قالت ليا كتشاوفو فسطاح لينا:(كتشهق) والله ماكنعرفو والله مادرت شي حاجة (محسات براسها حتا جاتها تصرفيقة فحنكها من عندو لأول مرة يضربها ..دايما كان كيدافع عليها ويحامي عليها..واخا عارفاه عينو فيها....ولكين على لاقل كتحس بشوية امان معاه..وهاهو هاد لامان تقلب عليها فرمشة عين مافيقها من حبل افكارها غير صباعو مغروسين فشعرها جارها وراه وهي تغوت لربي لي خلقها دخلها لبيتو وسورت عليها وهضر بطريقة امرة ليهم )حتا حد مايحل عليها لباب... ( زدح لباب وراه وخرج لعند عز الدين) مصطفى:(الغضب عامي عينيه كيحس بنار شاعلة فقلبو..كلام هنية كيدور فراسو ويتكرر فودنو..كيفاش جا يخطبها وباغيها لزواج ؟كيفاش تجرا يتمعشق معاها فوق راسو وهو ماجايب خبار؟لعرق كيصب من جبينو وقلبو غادي يخرج من مكانو..وجه بصرو لباب دارهم وجر رجليه لعندهم كيدق ويضرب فلباب..خديجة كانت جالسة مع بنتها مريم ولدها عز الدين كيعاودو ليه على لبنت والضيافة لي ضايفتهم هنية..قفزو من مكانهم فاش حسو بلباب غادي يتهرس على راسهم...عز الدين ناض من مكانو ونزل مع الدروج يعرف شواقع..شافو قدامو صدرو كيتهز ويتحط بلاعصاب.. عز الدين: مصطفى ياك لاباس شهاد الدقان؟ مصطفى:(شنق عليه وجرو من تيشورت لي لابس)ياولد القح** وصلتني خبارك الزا** عز الدين:(بعد ليه يديه بجهد وكيحاول يكالمي راسو)هضر مقاد راك وسط داري..شنو واقع؟ مصطفى:نتا لي غادي تقول ليا شنو واقع (رجع شدو من كول تيشرت)يصحابليك داري مافيها رجال باش تزلل على بناتها اولد لقح** عز الدين:(ضربو بروسية حتا طيحو)هادي باش تعلم تهضر مقاد (خديجة سمعات لغوات ناضت تجري وبنتها وراها) خديجة:اويلي شواقع..(كتشوفهم مشانقين وكل واحد فيهم كيضرب فلاخر)واكواااااك اعباد الله...واعباد الله ....وااااجيراااان عتقووني(دراري تجمعو لعند دار خديجة كيفكوهم مصطفى كيهضر وينهج ودراري شادينو) مصطفى:قلب على زام*بويا...ماتعتبش باب داري اولد لقح**معندناش راجل يتزلل على مرأة ويطلبها لزواج الشماتة عز الدين:(كيهضر وينهج وحتا هو وصل لفان ديالو)هادشي كلو حيت قصدت بابكم.وجيتكم بالحلال..!!! مصطفى:اشمن حلال اولد لكلبة ونتا مقنت لبنت فسطاح؟؟؟ عز الدين:حتارم راسك ماشي من اخلاقي ندير هاد لفعايل لبنت مانعرفها ماتعرفني لمحتها مرة وحدها وعجبتني وقصدتكم لحلال خديجة:(وقفات قدام ولدها صاعرة مخرجة عينيها لمصطفى وساست ايديها قدام وجهو بعدما وجهات كلامها ليه) مابقيناش بغينا لابنتكم ولا النسب ديالكم عطونا غير بتيساع!! مصطفى:ولقيتو ديلمنا موافقين عليكم اصلا(رجع وجه كلامو لعز الدين)قلب ستة تسعود اولد لقح**معندناش بنات لزواج وبربي ونشوفك كتزلل عليها مرة أخرى نقطعو لزا** بوك من جدر(ساس يدو من ايدين دراري لي شادينو..وخرج من عندهم كيتبومبا لقرودة كيشطحو فوق راسو..شد واحد الركنة وبدأ يتكيف مع راسو...هنية بيدقاتو كما لعادة خلاتو يصدق كلامها ويكدب لينا..لي اول مرة يمد يدو عليها...رما تبويقة تحت صباطو وعفط عليه ..جر رجليه لعند لحانوت حداه وشرا حلويات وشكلاط وشيبس وبزاف ديال السقاطة وجر رجليه لعندهم) `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
