.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `"الكبدة دسلامة" .. قالها و هو عاطي للكلمة كل معانيها ربا عليها الكبدة و ولفها فحياتو و معاه و جنبو .. زير على خصرها بيديه و هز راسو فيها: امم شنو بغيتي ! ميرا .. «ضحكات ليه تا بانو سنانها و ميلات راسها فيه بكياتة» هههه والو غي شفتك واش فقتي .. سلامة .. «رجع غمض عينيه مزيرها لعندو» فقت المسرارة فقت .. ميرا .. واا شوووووف .. سلامة .. فيك الجوع «تݣعد من فوق صدرها و تقاد بلاصتو كيمسح وجهو» شنو بغيتي ؟؟ ميرا .. رايب بسيرو ههههه بلاتني بيه إيمان .. حرك راسو و وقف كيتعݣز من حداها دخل للحمام غسل وجهو بالخف و خرج لعندها كيمسح يديه و كيشوف فيها و تا هي كانو عينيها عليه توحشات الشوفة فيه و تشوفو بجنبها .. قرب لعندها كتر و حط يديه على حنكها مدوز ابهامو بحنية قبل ما ينطق بصوت خافت: وحشك قهرني المسرارة .. ميرا .. تا انا توحشتك بزاااف «نبرة صوتها تغيرات و الدموع تكونو فعويناتها» و كنت كنساين غي نشوفك خليتيني بوحدي .. بلمسة حنينة دوز صباعو تحت جفونها و قرب منها طابع قبلة على خدها بحنية: بلا دموع واخا ! انا معاك .. ميرا .. «تشبتات بيه حاطة يديها على كتافو و كتشوف فعينيه» تا دابا بقا معايا مبغيتش ناكل بغيتك غي نتا .. هز حجبانو بجوح بمعنى ياك و حط نيفو على نيفها كيحركو بالتقالة و نطق بصوت هامس رجولي: الا بقيت معاك هك ليلتك غنسبقوها ازينة السمية .. ميرا .. «جمعات شفايفها بحشمة و حناكهاوكلعاتهم الحمورية و خشات راسها فعنقو» بغيت نخرج من هنا .. سلامة .. تمشي لدارك ؟؟ حركات راسها بالايجاب وسط عنقو خلاتو طبطب عليها و بعدها عليه مقبل جبهتها: نخرج نفيني معاهم و نجي .. ميرا .. عيطني تيليفونك نقول لنور القمر تجيب ليا شي حاجة .. بدون تردد عطاها التيليفون و خرج من البيت هابط لغيسييسيون باش يخرجها و يخلص لي عليه .. دخلات لرقم نور من تيليفونو و دوزات ليها الخط ديك الساعة تا جاوباتها و هي كتنݣر: واااا كون بغات تمشي معاك كون نشات واش جالسة عند البراني !!! ميرا .. اعوذ بالله مالكي !؟ نور القمر .. صبري اميرا انا شوية و نصوني ليك .. قطعات عليها خلاتها كتبحلق فالتيليفون ما فاهمة والو .. فحين فالدار .. غي سد الباب و دخل قشعها حالسة كتفكر و تضحك مع إيمان ما حس براسو تا كان طار لعندها جارها من يديها داسها فحضنو كيبوس فراسها بشوق و خوف و حب .. لاكن هي مضورتش يديها عليه بالعكس تكمشات على راسها خايفة منو .. يوسف .. واش باغة تحمقيني ولا مال جد مك .. قفزات وسط حضنو ياله بغات دفعو تا حسات بمعتصم جرها من يديها دارها موراه واقف فوجه يوسف .. معتصم .. امال دينمك !! يوسف .. خا معتصم ماعنديش راسك عطيني بنتي نمشي نتق... بحالي .. معتصم .. «ضور وجهو بنص جيهة وئام» باغة تمشي ؟ وئام .. «لصقات فظهرو خايفة» لا .. يوسف .. وئام قدامي .. نور القمر .. واش كتفهم من شي بلاصة اخرى من غير عقلك وا ما بغااتش .. يوسف .. نووور خليك بعيدة .. معتصم .. من لخر اش بغيتي ؟ يوسف .. وئام .. معتصم .. مغتديهاش .. يوسف .. «بعصبية» واااش باغي تصعر ملة مي .. معتصم .. زيد نهضر معاك اصاحبي .. يوسف .. رجلي برجليها .. نور القمر .. «جاوبات ميرا لي كتصوني و خنزرات فيوسف» واااا كون بغات تمشي معاك كون مشات واش جالسة عند البراني !!! صبري اميرا شوية و نصوني عليك .. إيمان .. «تدخلات كتهضر بصوت هادئ» اخويا يوسف اولد عمي الله يهديك خليها براحتها واش مشفتيهاش كي خايفة .. طل عليها براسو كتبان ليه خاشية وجهها فظهرو و مزيرة على التيشيرت ديالو .. بقد ما بقات فيه و بقا فيه الحال حكماتو الغيرة و محملش كيفاش مخبية منو فغيرو .. شاف فمعتصم و قال: زيد خرج معاي .. معتصم .. مرييض فكـ رك لا .. يوسف .. زيييد اصاحبي .. جرو معتصم من قرفادتو خارج بيه من الدار خلاو وئام تخشات فإيمان كتبكي بالحس و نور القمر رجعات دوزات الخط لميرا .. نور القمر .. احبي شنو بغيتي ؟ ميرا .. معامن كنتي كتغاوتي ؟ نور القمر .. خو وئام بغا يديها و هي مبغاتش .. ميرا .. تت نقصي شوية من التجويق و شووفي تجيبي ليا حوايجي .. نور القمر .. احااااا بيتخرجي اليومااا .. ميرا .. الا بغا الله شوفي شتي الميكة لي جبت فديك النهار ! نور القمر .. سي مالها ؟ ميرا .. جيبي ليا وحدة فيها غي الشيلان و شي كسوة طويلة مستورة .. نور القمر .. «خرحات عينيها» بيديري الحجاااااب متقوليهاااش !! ميرا .. دابا واش غتحيبي ليا و لا غنبقاو فلوك لوك .. نور القمر .. انا جاية الله يعطيك الجوع هههههه .. خرجو على برا معنقو سد الباب موراه و وقفو قبالتو ناطق بنبرة هادئة: ماشي فعايل دير فبنت 16 لعام اصاحبي .. يوسف .. وا ختيي اصاحبي .. معتصم .. ندير كـ ري تيقت راك حاسبها ختك !! حيت انا قواا ااد منك و مقااو دها عليك منصيبش نصحك و انا فايتك .. يوسف .. باقي معاها ؟ معتصم .. هاديك راه القلب لا خطاتني نمو ت «شير بيديه قدام وجهو» نسا عليا بلاني انا غنهضرو فيك وئام مفششة لا من باك لا من مك لا منك مولفة الفشوش و الهداوة و الهضرة الزوينة نتا جيتي از بي مع السلام مع رابطلها بنادم فالطوموبيل باغي تصفيها لعدو ربو .. يوسف .. يتصاحب ليا معاها ؟؟ معتصم .. وااا نتا بكـ رك تصاحبتي ليا معاها و مانضتش قتـ لت عدو ربك .. يوسف .. لا غا دخلتي ليا وجهي فالحيط .. معتصم .. حمد ربك جات فوجهك فالحيط سمعني انمي البنت خوفتيها منك بهاد المعنى انا اصاحبي شمكااار و مقطع الوراق و المضا مكانش يخطاني يهضر معايا بنادم نشق دينمو و نزيد مع الطريق يا كنت كلمة جوج نوض الصمكة مع بنادم مقاااا ود فريي و يدي سابقاني اوليني «ضربو بظهر يديه لكتفو» فاش كنوصل ليها كنجمع دينمهم عمرك شتيني هاز عليها المضاا عمرك شتيني مخوفها مني يا شوفها دابا نخرج فيها عيني تخرج فيا يديها و رجليها و لكن عارفة راسها متفالطيش معايا ماشي خوف «حرك صبعو بلا» هي لاقية راسها معايا باغاني حيت نضر كولشي و مانضرهااش هي يا شحاال هادي «رد بيديه لور» كنا انا وياها غي فشد ليا نقطع عليك ماشي كنت نجبد دينمها من وسط ترينݣة الدراري و تاكلها عاود ماشي تسمع تاكلها تقول الضرب دالغصب و تولي دير الحاجة و تاكلها تا عرفت راسي غااا كنخور البنت عمرها ما تمشي بالعصى تولي غا تخاف منك و مور ظهرك دير ما قو د البنت كتمشي بالكلمة الزوينة و الخاطر و تاكلها بحوايجها اصاحبي فهمتيني و لا نزيد نشرح .. يوسف .. «حرك راسو ساهي» فهمت .. معتصم .. مغنعلمكش كي تدوي معاها راك عارف رخف و خليها بخاطرها .. يوسف .. رد ليها البال انا غنتحرك ! معتصم .. ها حنا فيه «ضرب يديه مع بعض» فيين غادي ؟؟ يوسف .. خرجات ليا شي خدمة فأݣادير شي يامات و نرجع رد ليها البال الله يحفضك اخويا .. معتصم .. سير كون هاني .. يوسف .. «تسالم معاه سلام عزيز» الله يحفضك الخاوة .. تمشا راحع لطوموبيلتو كولو ندم حل الباب و جلس فيها حاط يديه على الڤولون و حط راسو فوق منو كيندم راسو على الدقيقة لي تسرع فيها و خلاها تخاف منو لهاد الدرجة .. تنهد تنهيدة عالية كيحك جبهتو بالجهد مع يديه تا سمع الدقان فالواج و هز راسو غي شافها قدتمو شعرها مسندل على كتافها و عينيها كيسيلو بالدموع عقد حجبانو و برك حل الطوموبيل قبل ما يحل الباب سبقاتو هي و عنقاتو مخشية فيه كتبكي .. غمض عينيه بالجهد و مد يديه لرجليها هزها منهم و حطها فوق ركابيه كيدوز يديه على ظهرها: شششش اعجيلتي صافي .. وئام .. بيتمشي و تخليني حرام عليك .. يوسف .. يااا دلي واش انا نقدر اااا .. وئام .. قالي عمو معتصم غتمشي لأݣاديى .. يوسف .. و غنرجع اعمري .. وئام .. ديني معاك .. يوسف .. «بعدها عليه كيمسح فدموعها و كيرد ليها شعرها لور» تمشي معايا ؟ وئام .. ااه هىء عمرك خليتيني فمدينة و نتا مدينة غديرها دابا .. تفرݣعات كتبكي و رحعات تخشات فيه .. قهراتو و عرفات كي تقهرو .. ضمها بين يديه مزير عليها و خشا وجهو فعنقها ناكق بحنية: ما نمشيش و نخلي عمري .. وئام .. ت تديني معاك .. يوسف .. نديك معايا .. وئام .. و هىء «بعدات عليه كتمسح دموعها و تجر نيوفها» و ما تعاودش تخلعني .. يوسف .. هادي و التوبة .. وئام .. هىء يوسف .. يوسف .. «كيرد ليها شعرها مور وذنيها» اعمر يوسف امم شنو بغات برنسيسا ديالي .. وئام .. كنبغييك اخويا والله .. بقد نا فرحاتو كلمة كنبغيك بقد ما هرساتو كبمة خويا .. لاكن مع ذلك تبسم فوجهها و هز يديها لفمو مقبلها بحنية و قال: تا انا اعمري «رجع باس يديها» تجلسي معاهم مازال ؟ وئام .. و وفوقاش انمشيو ؟؟ يوسف .. غدا واخا !! حركات راسها و باستو فحنكو بالجهد و هبطات خلاتو تبعها بعينيه تا دخلات الباب و سداتو موراها عاد تحرك من تما كيحس بروحو رجعات ليه و النفس عاد بدات كطلع فيه و تهبط براحة .. فور ما سالا مع الغيسيبسيون طلع لعندها لقاها جالسة مدلية رجيلاتها من الباياص و كتلعب بيهم .. غي شافتو هزات فيه راسها بالزربة و ضحكات ليه ضحكة واسعة .. ميرا .. ساليتي ؟؟ سلامة .. اممم مالكي ؟ ميرا .. والو كنساين نور القمر تحي تجيب ليا حوايجي باش نخرج .. سلامة .. علاش مقلتيش ليا انا نجيبهم ليك .. ميرا .. حيت بغيت ندير ليك مفاجأة زويينة .. سلامة .. لي هي ؟ ميرا .. وا الا قلتها ليك مغتبقاش مفاجأة .. سلامة .. اتينا و كان .. ميرا .. هههههه اجي حدايا .. تقدم لحداها جلس جنبها و حطات راسها على كتفو كتحس بالحنان تا نطق بصوت حنون: مغتعوديش لراجلك ؟؟ حبسات الترماش بعينيها و تنهيدة عميقة طلعات ليها تا ضور يديه هلى كتافها و زيرها لعندو: خوي قلبك انا نهز عليك .. ميرا .. تا انا باغة نخوي و لكن «ضورات راسها بالشوية باست كتفو» تا نمشيو للدار ! دار بخاطرها و بقا مزيدها لعندو كيطبطب عليها و مرة يلعب فشعرها مستمتعين بالصمت لي ضاير بيهم و بقربهم .. ختارت ليها كسيوة فالأبيض و الأسود و هزات ليها شال فالأسود و صنيديلة بلا هزات ليها ستيك ديالها و ريحتها حيت عارفاها متقدرش ترش سبراي على ذاتها .. جمعات ليها كولشي فصويك صغير و خرجات لبيتها و هي كتهضر مع معتصم: نوض تݣعد توصلني لكيلينيك .. معتصم .. علااش اختييي ؟؟ نور القمر .. ميرا بيتخرج ندي ليها ما تلبس .. إيمان .. ربي ربي غتخرج و اخيييرااا توحشتها يا ختي نشوفها فالدار .. معتصم .. اجي نتي بعدا فوقاش الجلسة ديالك ؟؟ إيمان .. نهار الجمعة .. معتصم .. طلاق اتفاقي دغيا تفكي عليك الجرية .. إيمان .. «حركات راسها» ديكشي لي كاين .. معتصم .. «شاف فوئام و غمزها مبسم ليها و وقف من بلاصتو جلس حدا إيمان تا هزات فيه راسها و غمزها» شنو تما ازين تخوها .. إيمان .. «ذبلات عينيها فيه» بغيت نخدم اخويا بغيت نتلف وقتي بشي حاجة لا بقيت فالدار غي غنمرض .. معتصم .. «هز يديه دوزها على شعرها» واش منقص عليك شي حاجة انا ؟ إيمان .. «حركات راسها بلا و حناتو بيأس» صافي نسا .. شاف فيها مطول و شاف تقليقتها و مهانش عليه يخليها هكك تنهد تنهيدة مطولة زاطم على قلبو و قال: مترجعيش تقراي ؟ إيمان .. «هزات فيه راسها و عبسات» لا بغيت نخدم .. معتصم .. فاش ؟ إيمان ..راني قلت ليك غي نتلف الوقت نخدم «قلبات عينيها بغير اهتمام» فسونطر دابيل .. معتصم .. بشرط .. حلات عينيها على وسعهم و حركات راسها بالايجاب حتى بلا ما تسمع شرطو: مواافقة مواافقة والله الا مواافقة !! معتصم .. ماشي تا تسمعي الشرط بعدا .. إيمان .. ههههه واخا قولي .. معتصم .. «ضحك لفرحتها و هز صبعو فوجهها» ينهصرك شي حد يدوي معاك شي حد يقلل منك شي حد جي قوليها ليا .. إيمان .. «طارت عليه بتعنيقة كضحك» اااااا كنحباااك انا خووياا حبيبي .. ضور يديه عليها كيضحك حس براسو مرتاح و هو كيشوفها كضحك و فرحانة .. بعدات عليه و هزات تيليفونها ديك الساعة دوزات الخط لوليد .. طل عليها معتصم و شاف فيها: اوا لاش هو ؟؟ إيمان .. ههههه نقولها ليه .. معتصم .. برهوشة .. وئام .. هههههه و نتا مالك .. معتصم .. شوف البرهوشة لوخرى .. وئام .. هههههه انا برهوشة جات معايا و هاديك لي حداك راه عندها 27 عااام .. معتصم .. «بحب شاف فإيمان و خربق شعرها» بحال الا عندها 7 سنين .. إيمان .. بزااااف عليك مال هادا متيجاوبش .. مع قالتها مع داز الخط و دارتو فوذنيها: عاماين باش تجاوب .. وليد .. اش اوا بيتي ؟؟ إيمان .. ههههههه بينخدم .. وليد .. جاك العفو فاش بغا خاطرك تخدمي ؟ إيمان .. سونطر دابيل .. وليد .. لا .. إيمان .. هاء و علاش ؟ وليد .. فريع الكـ ر نشوف ليك حاجة اخرى ! إيمان .. بحالاش ؟ وليد .. تخدمي فغيسيبسيون ؟ إيمان .. ديالاش ؟ وليد .. médecin dentaire طبيب الأسنان .. إيمان .. بصح زعماا ؟؟ وليد .. yeap الدري صاحبي عاد حل كابيني ديالو خصو لي تجلس ليه تم !! إيمان .. ههههه اه اه نخدم .. وليد .. غدا و نجيبك تلاقايه حيدي تا نهضرو ! إيمان .. فينك بعدا ؟ وليد .. كنشوف مرتي المستقبلية .. قطع معاها بلا ما يقول تا كلمة أخرى خلاها كترمش قبالتها و رجعات حدرات عينيها ساكتة مدة تا سمعات نور القمر: ياله نوض .. وقف لاح يديه عليها هز لبها صاك و تمشا هو وياها تا لبرا .. شير لطاكسي طلع لور حداها و قال: خصني شي خرشاشة تا انا .. نور القمر .. باش تسكر و دخل مها فشي حيط ياك .. معتصم .. قاطع على قبلك الحب .. نور القمر .. وااا سير تخرا عاودها لمك هاد الهضرة .. معتصم .. تتت فكرتيني فمي .. جبد تيليفونو دوز الخط ليها و دارو فوذنيه: الحنانة .. مينة .. اولدي أݣلب الحنانة ديالو .. معتصم .. «حط يديه على قلبو و تنهد» الله و شحال القلب كيرتاح بهضرتك اميمتي .. مينة .. متجيش تشوفني اولدي و نشوفك راني محروݣة على الشوفة فيك و تا ختك غي كتسول فيكم .. معتصم .. نجي اميمتي نسالي شي شغال و نجي عندك .. مينة .. جيب معاك إيمان الا بغات اولدي .. معتصم .. «عارفها ماتبغيش و مابغاش يخسر خاطر ميمتو» شغانديرو فديك البݣرة خليني غي انا وياك نحطو الراس على الراس .. مينة .. «بحب» اجي الحبيب انا نساينك .. غي قطع مع مو شاف فإيمان و غمزها: اش فين كنا ؟ نور القمر ..ديني معاك نشوف خالتي مينة توحشتها .. معتصم .. نديك تشوفي خالتك مينة الحبيية .. نور القمر .. وا بقا تبتني راني درية صغيرة .. معتصم .. واراكي غا درية صغيرة شكون قالك كبرتي .. نور القمر .. بزاااف عليك عندي 23 عام .. معتصم .. امم و فعايل بنت تلت سنين انوض ابنتي الله يجيبك على خير «خاطب مول الطاكسي» غي هنا الشريف .. جبد خلصو و هز الصاك و هبط تسناها تا هبطات موراه سد الباب و لاح عليها يديه داخلين لكلينيك كينوغش فيها تا وقفو قدام الشومبغ دقات عليهم و حل ليهم الباب غي شافتو نور القمر تلاحت عليه كتبوسو .. نور القمر .. على سلامتك ابابا .. سلامة .. الله يسلمك «قبل جبهتها و شير ليها براسو لداخل» دخلي عاونيها .. نور القمر .. «نترات من معتصم الصاك» هي اللولة .. دخلات و سدات عليهم الباب خلات سلامة تكا على الحيط و قبالتو معتصم لي جبد تيليفونو كيخربق فيه تا سمعو قال: الڤيديو ما يتورا لحد .. ميل معتصم فمو لجنب فاهمو علاياش كيدوي ان لڤيديو ما تشوفو تا وحدة فالبنات .. و هز راسو فيه: غنتحرك عند الواليدة تا نتشاوفو .. سلامة .. «لاح ليه سوارت الموطور» سير .. معتصم .. نور القمر غتمشي معايا .. سلامة .. ديها .. فداخل الغرفة حطات الصاك فوق الناموسية و باستها فحناكها بجوج ناطقة بحنية: و اخيرا غترجعي لدارك .. ميرا .. مرضت هنا .. نور القمر .. تدخلي لطواليط هي اللولة .. حركات ميرا راسها و وقفات جارة فرجليها صنديلة الصبع تا للحمام سدات موراها الباب و تقابلات مع المراية لي كاينة تما شافت فراسها مطولة و هزات يديدتها دوزاتها على الضربة لي عندها فحنكة كانت برات ولكن الخضورية باقة فيها رمشات مرات متعددة و هي كتفكر أحداث من ديك النهار منساتش و مايمكنش تنسا محاولة اغتـ صاب و حياتها لي كانت تقدر تمشي فيها كانت تخسر كولشي و حتى راسها خبات وجعها قدامهم بالضحكة و تسترات على ما فقلبها داكاه تا يجي لي غيفهم همها و تحط راسها على كتفو و تقول هاانية و دازت..حنات راسها و ساست أفكار من راسها حتى توصل لدارها و ديك الساعة عليه تخوي ما فقلبها و تريح راسها قضات حاجتها و نقات راسها غسلات وجهها و حلات الباب خارجة لعند نور القمر لقاتها موجدة ليها كولشي فوق الناموسية تبسمات ليها بحنية و قالت: لهلا يخطيك عليا ! نور القمر .. واش بيناتنا راكي ختيي و صاحبتي قبااال ما تكوني مرت خويا .. تبسمات ميرا بحب و رجعات ضارت لجيهة حوايجها نصلات من على ذاتها اللبسة ديال السبيطار و هبطات عينيها كتشوف فذاتها كانو الضرابي تلممو و كيبراو لاكن الا تقاسو و لافورصات على راسها كيعݣروها لاكن مكانتش كتشوف أنها برات او قربات تبرا كانت كتشوف لحمها خسر و كاينين الضرابي لي يقدرو يخليو لي طرااس فيها..ميلات فمها للجنب و هزات الستيك دارتو تحت بيطانها عارفاها جابتو ليها غي هو حيت هو لي تقدر دير بلا ما تعݣر فجروحها هزات سوتيامات لبساتهم دغيا و حيدات كيلوطها لبسات الجديد لي جابت ليها و هزات شورط لبساتو و تبعاتو الكسوة من مور ما عاوناتها نور القمر تلبسها لبسات الصندالة فرجليها و مشات للحمام هازة الشال فيديها جمعات شعرها مزيان و قادات البوني مدرقة عنقها و لاحت الشال على كتافها عشوائيا بعدات اللور كتشوف فراسها و تبسمات خارجة عند نور القمر قائلة: قمر كي جيت ؟ نور القمر .. «شافت فيها و صفرات» سييير عالله جيتي كتغوتي .. ميرا .. ههههههه مريضة فراسك .. نور القمر .. منكونش بحالك نعيط لبابا ؟ ميرا .. عيطي ليه .. حركات راسها و خرجات لعندهم للباب طلات براسها و قالت: بابا دخل عند ميرا .. معتصم .. نتي مغتمشيش ؟ نور القمر .. عند خالتي مينة ياك نمشيي .. سلامة .. هي دابا .. دخلات نور القمر بالخف هزات تيليفونها و باست ميرا من حنيكاتها بجوج: جيتي فنة ابطيبيطة انا غنمشي نشوف خالتي مينة .. ميرا .. «بتساؤل» مامات إيمان ؟ نور القمر .. اه نجي بالعشية غنلقاك فالدار ان شاء الله راك مغتبقايش بوحدك كاينة إيمان و وئام .. ميرا .. صافي سيري تا نهضرو ولكن سمعيي «غمزاتها كتحرك راسها دوائر» فاش تجي بغيت نعرف شنو بينك و بين معتصم .. خرجات نور القمر عينيها و طارت من حداها كتويل خلاتها كضحك سلمات على سلامة و شدات فدراع معتصم خارجين على برا وقف قدام الموطور و شاف فيها .. معتصم .. غتكوزي و لا كيفاش ؟ نور القمر .. «مدات ليه يديها» عيطيني نصوݣ انا الا مبغيتينش نكوز .. معتصم .. «بدون تردد مد ليها السوارت» نكوز انا و ميكوزش حبيبي .. نور القمر .. «هزات الكاسك كتركبو» العار يا العار .. معتصم .. توحشت دينمك فاش كتشدي الموطور .. نور القمر .. كنجي شهوة مني ياك .. معتصم .. «ضرب راسو براسها بالكاسك» مقااااا ودة يا جدك .. ضحكات تا تجبدو عينيها و ديمارات خارجة من الباركينغ شادة الطريق و هرمون السعادة كيطلع فكل مرة كتكسيري خلاتو كيضحك بلا هواه تابعها فهبالها .. قدام الغرفة تبعهم بعينيه تا غبرو و ضرب الضورة داخل لعند حبيبتو مع حل الباب وقف فأرضو مفيكسي فيها عاطياه بالظهر و كتجمع فصاكها حوايجها كاملين غي سمعات الباب تحل تلفتات ليه بجسدها الشي لي زاد الطين بلة بابتسامتها الجذابة و عيونها البريئة حنيكاتها لي طالعين و حميمرين السر طايح عليها و النور بان فوجهها..صدمتو كانت كبيرة و كبيرة بزاااف مقدرش يفسر احساسو و بشنو خالج كيانو كان فقط مصدوم مبهوض فيها و رجليه كأنهم يبسو فالأرض عينيه فلاوها من راسها لرجليها من كسوتها الواسعة مامخلية تا حاجة تبان فيها و لا الشال لي على راسها تبت الشوفة فوجهها كيشوف وجها المطيبز و حنيكاتها هكك غي ديال الماكلة و عويناتها كيتبسمو ليه و نفس النظرة الجميلة لي كيشوفها فيهم ديما .. بصوتها الهادئ الحنون تمتمات مقربة لعندو: كي جيت !! شنو غيقول و شنو لا سكتات ليه القلب و زادت سدات ليه تا فمو عينيه فقط كانو كيترجمو الكلام لي فقلبو شحاال جات زوينة و شحال واتاتها السترة شحاال هبلاتو و سطاتو و لي زاد خلاه باغي يطير عليها هي أنها دارت بكلامو واخا مهضروش و غي لاح ليها الهضرة لاكن دارت بيها رغم كل ما دازت من منساتش..من أول ما عرفها و هو غريق فيها غريق فتصرفاتها و كلامها و كياتها و فكل مرة كانت كتنجح فأنها تخليه هبيل بيها مكانش كيضن أنه فهاد الوقت المحدود غيطيح حبو على شي وحدة او حتى عليها بالظبط.. صح بغاها و بغاها ليه مراة يكمل معاها حياتو و كان يقول الحب يجي من بعد نعاشرها بالتي هي أحسن و ماتمشي غي فين مشاك الله و هادشي ما كتب عليه رب العالمين..غرامو طاح عليها و عشق كل انش منها عشق قلبها و عشق عيونها عشق اي تفصيل صغير فيها عمرو قالها و عمرو رد عليها فاش كتقولها هي لأنه ببساطة الحب عندو بالأفعال متلا الحبس لي كان غيدخل ليه على ودها بلا ما يفكر و لا يتردد كان قادر يمشي فيها و لكن ميسمحش فدقتها غي هكك كلمة كنبغيك كتجيه تقيلة و باش يلوحها ليك خصو شحاال و شحال..زادت قربات عندو و هزات يديه حطاتها على حنكها و ميلات راسها فيه: قولي .. سلامة .. «بصوت مبحوح دوز يديه على حنكها» ضروري نقول ! ميرا .. «ركزات فعينيه» كولشي باين فعينيك .. سلامة .. عرفتي شنو فقلبي .. ميرا .. «حركات راسها و عضات على شفتها» لي فقلبك كبير و بزاااف و غي ليا انا .. سلامة .. و غيبقا غي ليك نتي الا على مو تي المسرارة «قربها ليه تحنى قبل جبينها و جرها وسط يديه عنقها بالجهد تا حسات بضلوعها داحسو مع بعضياتهم» الله يرضي علييك .. فور ما سمعات كلمة الله يرضي عليك ضورات يديها عليه و خشات وجهها فصدرو كتحس بكمية الحنان و الأمان لي خارجة من داك الحضن الوحيد لي طول حياتها حسات معاه بهاد الحساس و بهاد الدفئ و الأمان..بعدها عليه شوية و دوز يديه على جفنها تا غمضات عينيها و رجع هبطهم لحناكها نيفها و شفايفها كأنه كيرسم ملامحها فحين هي بقات مغمضة عينيها تا حسات بشفايفو تحطو جنب فمها بلا ما تحس طلقات تنهيدة خفيفة..قبلها قبلة خفيفة حنينة هادئة و رجع حطهم على شفايفها و بنفس الحنية طبع عليهم قبلة و بعد عليها كيشوف فيها كيفاش سادة عينيها و مندامجة فشنو كيدير فيها..تبسم بالجنب و هز يديه قاد ليها الشال و خاطبها بهدوء: المسرارة .. حلات عينيها فيه و سرطات ريقها كترمش فيه: نمشيو ؟ سلامة .. نمشيو .. رجعات لصاكها سداتو و تقدم لعندها شدو منها و شابك صباعو مع صباعها و جرها جنبو كيتمشا بالشوية على ودها خرجو من كلينيك وقف بالجنب شير لطاكسي حل الباب لور ركبها و ركب جنبها حط الصاك حدا رجليه و رجع شد فيديها بلا ما يهضرو و لا يتكلمو تا وصلو لقدام باب الدار هبط و هبطها خلص مول الطاكسي و هز الصاك و رجعها جنبو..وقف قدام باب الدار حل بالساروت و دخلها فيديه ناطق و هو متلفت لعندها: رجعتي النور لدارك .. تبسمات ليه و كلامو دخل لوذنيها كيف البلسم على الجروح لي فقلبها قبل متحتال تهضر حولات عينيها لوئام لي جاية كتنقز تلاحت على سلامة معنقاه من ظهرو: عمووو سلامة .. حرك راسو بلا حول و تلفت لعندها عنقها بدورو كيطبطب عليها و بعدها عليه نقبل جبينها: المفششة ديالو .. وئام .. «بدلع ضحكات ليه» انا واحد فيهم !! سلامة .. «كمش عينيه فيها كيتمازح معاها» عندك بزاف ! وئام .. «حركات راسها باه» عندي يوسف و عندي بابا الشايب ههههه عندي عمو معتصم و عمو وليد و نتا .. سلامة .. «رجع قبل جبينها بحنية» الرضى .. قربات وئام لميرا باستها فحنكها و عنقاتها بحذر شديييد خايفة عليها: ميراا ختيتو على سلامتك .. قربات وئام لميرا باستها فحنكها و عنقاتها بحذر شديييد خايفة عليها: ميراا ختيتو على سلامتك .. ميرا .. «عنقاتها و دوزات على شعرها» الله يسلمك احبيبة ديالي .. وئام .. «شداتها من يديها مدخلاها للدار و حاضية معاها خلاو سلامة واقف كيحيد صباطو» اجي تشوفي إيمان صوبات ليك الكيكة لي كتعجبك قالت .. ميرا .. بصااااح .. وئام .. والله قالت ليك منجمعش الطبلة تا يجيو يفطرو .. إيمان .. «بفرحة مشات لعندها كتسلم عليها» الحبيييبة نورتي والله .. ميرا .. النور نورك احبيبتي .. إيمان .. جلسي جلسي نسخن ليك اتاي فين سلامة ؟ سلامة .. «حط الصاك على جنب» هانا .. إيمان .. مرحبااا ههههه صافي هي غتجريو علينا .. سلامة .. «جمع فيها حجبانو» هضرة دوالو .. إيمان .. ناري طلق طلق البشرة هي تنضحك معاك .. طارت لكوزينة الفرحة غتخرج ليها من وذنيها حطات اتاي يسخن رجعات هزات مسيمانات سخناتهم ليهم و حطات ليهم قدامهم و هزات موس كتقطع الكيكة حطات طريف فطبيسيل ليها و طريف أخر فطبيسيل لسلامة و قالت: ها هي كي كتعجبك الزين ديالي .. ميرا .. لهلا يخطييك كترتي ههههه .. إيمان .. ويلي هادشي قليل فحقك اصاحبتي والله الا بقات بلاصتك قداش .. سلامة .. الخالة ؟؟ ميرا .. ااه خالتي فين هي ؟ إيمان .. مشات عند شي مرا من العائلة مريضة قالك غترجع بالعشية مفخبارهاش راك خرجتي اليوما .. ميرا .. مكانتش فالبال .. إيمان .. فيها خير حسن ليك اصلا دارك غتزيدي غي تمرضي تم فاش بت معاك راه كنتي كل ساعة كتفيقي مكتنعسيش فخاطرك ݣاع .. ميرا .. «تنهدات بالجهد و ميلات راسها هازة كويس اتاي فيديها» تا انا كنت باغة نرجع .. سلامة .. «حط الكاس من يديه بالزعاف» منين هكا و خاطرك ماهانيش و النعاس متشوفيهش علمي واحد منهم مكانش لي يبزز عليك .. ميرا .. كنت باغاك نتا لي تخرجني .. سكتاتو و حداتهم ليه ما خلات ليه فين يزيد تا كلمة و رجعات هبطات راسها هزات طريف د كيكة كتاكلها خلاتو غي كيشوف فيها و متبع حركاتها .. إيمان .. «ضحكات كتلطف الجو» هههه فخباركم غنخدم .. ميرا .. «بالخف ضحكات ليها حيت كانت عارفاها باغة تلف و تخدم» حلفي خلاك معتصم ؟ إيمان .. بدلوه ليا اخويتي ههههه هاداك ماشي خويا «شافت فسلامة» اخويا دغيا قالي اه ماعرفتو كي دار ليها .. سلامة .. فين غتخدمي؟ إيمان .. قالي وليد فواحد الكابيني دونطيغ دشي صاحبو .. سلامة .. تا نهضر معاه .. إيمان .. واخا اخويا .. عم الصمت غير صوت وئام و إيمان لي كيتسمع فالطبلة اما هي فكان الجسد حاضر معاهم اما العقل سارح بعيد مراهش هنايا الكاس فيد و عينيها كيشوفو فيه و ضورو فيديها تا وقف على طولتو و جرها من يديها معاه داخلين للبيت..نوغشاتو الشوفة فيها بحال الا هازة الجبال على كتافها مباغيش يشوفها هكك و لا حتى يحس بغبينتها يهز هو و يتحمل هو و يتضر هو و تبقا ليه هي بصحيحتها..سد باب البيت موراهم وقفها قدامو و حيد ليها الشال من على راسها تبع ليها البانضة باش شادة شعرها و طلقو ليها على طولتو مور ظهرها مد يديه للكسوة من لتحت كيهزها و بلا ما يحتاج يهضر هزات يديها كانت حرفيا باغة غي راحتها معاه ماباغة تا حاجة أخرى كيما بغات تكون..نصلها ليها كاملة و هبط يديه للشورط حيدو ليها خلاها واقفة قدامو بدوبياس مكانش عندو الوقت لي يتمنضر فذاتها و لا يفكر فيها جنسيا كان باغي غي يريحها و يريح بالو معاها ضار للبلاكار جبد بيجامة على شكل كسوة سميطات حد الفخاض و رجع شاف فيها ضور يديه مور ظهرها حيد ليها السوتيامات و هز الكسوة لبسها ليها..بصمت مرة أخرى جرها حتى للناموسية تكا هو اللول و جابها فوق منو و رجليها بين رجليه حطات راسها على صدروو يديها على عنقو و همهمات براحة..هادشي لي كانت محتاجة و لي كانت باغة لا شيء آخر..محتاجش يقولها هضري و لا يولي يسولها بخاطرها و غي لقات راحتها قلبها تشرح و بدات كتخوي كل ما فيه متفكرة ديك الليلة بأدق تفاصيلها حلات فمها و لسانها تطلق كيعاود بما يخالج شعورها.. "ماخرجتش زكارة فيك و لا درت لي قالي راسي خرجت باش نديرها ليك مفاجأة كنت باغة نشري كولشي و نجي قبل ماتوذن تا العصر كنت باغة غي نفرحك و نفرح معاك هادشي لي كان فخاطري ولكن غي دخلت لداك المحل «زيرات على كتافو» دخلت حيت عجباتني الكسوة كانت زويينة و طويلة و مستورة دخلت نقيسها و كنت فالول معلاباليش سمعتو كيهضر فالتيليفون و كيقولو اجي و انا قلت ماشي شغلي لبستها و جاتني زوينة فرحت بيها قدااش جربت معاها الشال و جييت زوينة كنت باغة نجي هكك تا للدار و كنت باغة نقوليك قطعت الشانطي بوحدي بلا ما نخاف كنت باغة نطلب منك السماحة حيت خبيت عليك كنت باغة غي نتصالح معاك و لكن .." جالس مفرق رجليه و مربع يديه و ضاحك تا تقدمات عندو امرأة كبيرة فالسن هازة طبيسيل عامر بالحلوة و مداتها ليه مدوزة يديها على شعرو: هاك اوليدي الحبيب بصحتك و راحتك .. مليكة .. شتي الفرزيات اماما .. الأم .. راها فيديك اش بغيتي تاني ؟؟ مليكة .. اقيدي عندك الشيبة كبرتي و باقة ديري الفرزيات .. وليد .. «كياكل و كيهز ليها حجبانو» حضيني .. مليكة .. مرييض .. الأم .. بعدي من ولدي قالك مريض ولدي محامي قد الخلا تقوليلو نتي مريض «جلسات حداه و حطات يديها على فخضو» قولي الحبيب كي بقات ماماك صحيبتي الغزالة شحاال ما شفتها .. مليكة .. واا غي سوليني انااا راه تا انا مي هاديك .. الأم .. اجمعي راسك الحليب لي رضعاتو ليك حرام فيك ما تسولي فيها ما تصيفطي ليها ميساج غا غاترة ايهاي هاي هاي راها مقلقة منك بعدا .. مليكة .. راه مييي هاديك نوضي جمعي راسك راه فيها الفشوش هي خصني نسول فيها صباح و عشية و ليل و نهار شنو كليت شنو فطرت شنو شربت فين مشيت .. وليد .. نتي لي مولفاها ليها .. مليكة .. واايييه انا و المشكلة منقدرشاي نقطعها ليها .. الأم .. شوفي بعدا انا وليدي لي رضعت ايقيل يسول فيا و يصيفط ليا الكادويات .. مليكة .. غا تيكدب عليك .. وليد .. الا مليكة الحاجة صليو على النبي و فريو المنامة علاش جيت انا لهنا .. مليكة .. قلتي ليا شوفي شي درية باغة تزوج !! اوا راه كاينة .. الأم .. اياه اولدي الله يفكرك فالشهادة كاينة واحد البنية واليديها باغين يزوجوها الله يهديهم الدرية كتفتن بالزين .. وليد .. «عقد حجبانو» خطيني الواليدة حاجة بزز هربت منها .. مليكة .. اتا لا راها باغة تزوج غي عندها شروط .. وليد .. لي هما ؟؟ الأم .. تقرا و تخدم و صافي .. وليد .. «حك على حاجبو بابهامو و قال» فين هي الدرية بعدا ؟؟ الأم .. راها مع الدريات برا نعيط ليها و كان !! وليد .. خليك انا نخرج .. مليكة .. صبر نخرج معاك نوريها ليك و منها نشوف داك الراجل عندي فين زاد .. خرجو جنب جنب تا لباب الفيرما لي كانو فيها شيرات ليه بيديها لجيهة البيسين فين كانو جالسين البنات و قالت: ديك الزعرة لي لابسة الازرق .. بغات تمشيي و جرها من يديها بالجهد و قال و هو كيشوف جيهة البنت: شحال فعمرها الدرية كتبان صغيرة؟ مليكة .. نتا لي صغير راه عندها 23 عام .. وليد .. شحال فعمري انا ؟؟ مليكة .. ربعين .. وليد .. واش كتخيبري عليااا ؟؟ مليكة .. هههههه وا سير هضر معاها واش تقبل بيك و لا لا !! وليد .. عيطي ليها «هز فيها حواجبو» طلقيني اااامليكة معنديش مع التبرهيش .. ضحكات عليه و رفعات صوتها كتنادي: لبنىىى لبنىىى «شيرات ليها بيديها تجي» ها هي جاية نمشي نشوف راجلي .. تبعها بعينيه تا مشات و رجع شاف قدامو كيشوف فالشابة الصغيرة لي جاية بخطوات تابتين تا لعندو بكسيوتها حد سيقانها نص كم موردة و شعرها الأشقر كيلعب مع حركاتها بيضاء البشرة و عيونها السود وقفات عليه ناطقة باحترام و هي مادة ليه يديه: وليد ياك !! وليد .. «سلم عليها و حرك راسو» هو هادا ! لبنى .. انا لبنى مليكة عيطات ليا فين ماشت ! وليد .. انا لي قلت ليها تعيط ليك .. لبنى .. اا «تدعقات هازة فيه راسها و قالت باستغراب» واش بغيتيني فشي حاجة ؟ وليد .. نهضر معاك تهدني و تكالماي نجلسو ؟ لبنى .. و واخا .. تمشى قدامها و هي موراها جامعة يديها و ملوية شفتها باستغراب..وصل لجليسة دايرينها بطبيلة و ضايرين بيها كراسة مدرقة على الشمس و بعيدة شوية على الدار جر كرسي جلس و تبعها بعينيه تا جلسات و حطات يديها بجوج فوق الطبلة كتلعب بصباعها تا شافتو سكت بزاف عاد هزات فيه عينيها لقاتو حاضيها حاط كوعو على جنب الكرسي و صبعو الكبير و السبابة على حنكو و لوخرين تحت فمو رمشات فيه و حبسات الضحكة ناطقة: هههه فاش بغيتي تهضر معايا !! وليد .. علاش كضحكي ؟؟ لبنى .. ضحكتيني ههههه فكرتيني غي فاش كنت كندير شي زبلة فليسي و كيصيفطوني عند المدير كيدير فيا هاد الشوفة نيت .. وليد .. كنتي كتزبليها بزاف ؟؟ لبنى .. «هزات كتيفاتها» تا زين ما خطاتو لولة هههه .. وليد .. وكان «شير بيديه التانية لجيهتها» عارفاني علاش جيت ؟ لبنى .. «كمشات عينيها» جيتي لعائلتك .. وليد .. «بلا تطوال الهضرة» جاي نكمل ديني و الا كتاب معاك ابنت الناس .. لبنى .. «بصدمة» ااا !! ماعندوش مع قاليا و قلت ليك و شنو قالو ليه معندوش مع دي و جيب فالهضرة و يطولها و يجبدها عندو ديريكت خودها و لا خليها لاكن هادشي فقط كينطابق مع الناس لي مكيعرفش و هضرتو كتكون محدودة معاهم غير الناس لي قرابين ليه و معزتهم فقلبو الله يجعلو يهضر تا يصبح عليه الحال ماعندوش المشكل..لاح ليها الكرة و خلاها هي تدي الهضرة و تفهمها مبغاش يحرجها و يقول عرفت واليديك باغين يزوجك غينقص منها و ها مي من شيمو و لا رجولتو لي ينقص من بنت الناس جا على اساس طالب بيديها و تسدات مدام .. خدات دقائق و هي كتشوفيه مصدومة و هو بدورو كان كيشوف فيها بهدوء تا تقلبو ملامحها لملامح خجولة و حنات راسها ناطقة بخفوت: كون هضرتي مع ابا نيشان .. وليد .. ماعليش مولات الشي هي اللولة خصك تعرفي عليا شي حوايج ابنت الناس ديك الساعة نقصدو الدار .. لبنى .. بحالاش !؟ وليد .. هزي فيا راسك و هضري .. هزات فيه راسها كترمش بالدعقة و الزربة لي دار ليها هزات يديها مسحات على حاجبها الأيسر بتوتر و عينيها كتحاول تركزهم فيه لاكن بلا خاطرها كيتلفو من عليه لأي جيهة .. وليد .. سولي اش فخاطرك .. لبنى .. احم شحال فعمرك ؟؟ حل فمو يجاوبها تا بدا تيليفونو كيصوني جبدو من جيبو تا كيلقا اسمها لي مقيد عليها من نهار دارو ما بدلو و لا حيدو و لا فكر أنه يحيدو "عيون الغزال" تبسم و دوز الخط داير التيليفون على وذنو و كيشوف فلبنى: اش حب الخاطر ؟ إيمان .. لقيتي العروسة و لا لا زوينة خايبة بيضة سمرة فاخرة قولي .. وليد .. هاهي قدامي الا قطعتي و خليتيني ندي معاها اللغا راه نجييها معايا .. إيمان .. اها وا شوف تݣعد راني كندير الرفيسة و ميرا راها خرجات من الكيلينيك دوز اجي و لا والله تا نخرج فيك سمي .. وليد .. اهياتا مالنا !! إيمان .. اجي و كان اجي .. وليد .. انا جاي نشوف ملة مك على هادشي .. قطع معاها و وقف على راس لبنى و مد ليها تيليفونو: قيدي نمرتك غنحاول نلقا وقيت نخرجو و نطرقو مسمارنا قبل ما نرجع لخدمتي .. شدات من عندو التيليفون يديها كيترعدو قيدات نمرتها و هزات فيه راسها: مخدامش هنا ؟ وليد .. مراكش .. لبنى .. الله يسهل ليك .. وليد .. «حرك ليها راسو و هو كيدخل نمرتها جمع التيليفون فجيبو و ميل راسو فيها» تهلاي فراسك غنصوني عليك واخا !! حركات ليه راسها و هز يديه خربق على شعرها خلاها مبلوكية من كمية الرجولة و الخشونة لي فيه تبعاتو بعينيها تا شافتو كيشير لمليكة لي جات كتجري لعندو سلم عليها و غبر على عينيها.. ركب فطوموبيلتو و شد طريقو راجع للحومة و عقلو غي مع هضرتو معاها مغيخفاش عليه أنها باغاه يجي باي طريقة إيمان ماتخفاش عليه و تا حركة منها و لا كلمة منها ما تخفى عليه لاكن مباغيش يوهم راسو مرة أخرى أنها تقدر تكون ليه و تكسرو و تكسر جناحو و قلبو و تخليه راجع للغمامة لي ياما حاول يحيدها من قلبو..ساط أنفاس سخونة من فمو و حط يديه على الزاجة و يد كيصوݣ بيها مركز فالطريق مكانش باغي يفكر فهادشي حيت غيرجعو لور و بزااف ميمكنش فكل خطرة يرجع لور و يعاود علاجو من الأول حيت حرفيا هي مرض بالنسبة ليه مرض خصو دوا قبل ما يولي بسيكو و يخرج على حياتو و حياتها .. فمكان آخر..كانت جالسة و حداها مينة كتلعب ليها بشعرها و تهضر معاها و ضحك معاها تا دخل و معاه سهام شادة ليه فيديه و كتمسح دميعاتها و هو عاقد 11 فحجبانو..غي شافها مازال كتبكي تم راجع خارج تا قفزات نور القمر شداتو من يدو: اجي لهنا فين غادي .. معتصم .. حݣروها ليا نضرب دينمهم انا يحݣرولي بنتي .. نور القمر .. واراهم غي بنات ا معتصم الله يهديك .. معتصم .. نطحن مهم انا يدفعولي بنتي يطيحوها .. سهام .. هىء هىء ديما كيحݣرو عليا مكيبغيونيش نلعب معاهم .. معتصم .. «خنزر فنور القمر» طلقي والله تاطلقي طلقيي .. مينة .. اجلس اولدي منوليش نخليها تخرج عندهم غي اجي تجلس نولي نديها تا لجردة تلعب تا تشبع و نجيبها .. معتصم .. «تحنى هزها بين يديه كي الكميشة و عنقها عندو و هي تخشات فعنقو كتنخصص» صافي ابابا صافي احبيبي متبقايش تلعبي معاهم .. سهام .. و هىء هىء تبقا تجي هىء تخرجني .. معتصم ..نجي احبيبي علاش منجيش .. سهام .. «زادت تخشات فعنقو» صافي .. مينة .. وا حيدي منو خليه يجلس براحتو .. معتصم .. «زيرها لعندو كتر» غي خليها خليها مرتاح .. نور القمر .. خالتي ههههه قوليلي علاش توحمتي فاش جيتي تولدي هاد الشحط .. مينة .. «كمشات فمها بالضحكة لي شداتها و شافت فمعتصم» وحموو حار يا بنتي توحمت على قهوة كحلة بلا سكر .. معتصم .. باين العربون .. نور القمر .. والله يا خالتي من حرو ما كاين .. مينة .. عاد توريني فيه راه من صغرو حار شكان يدير بالزبايل هو داك الجدورة تاع وليد و سلامة زيدي عليهم تا داك الهبيل د عبد العالي .. معتصم .. هههههه الواليدة بعدي من العموووم .. مينة .. راه خويا هاداك ماشي تا لوسي شحال كان يحامي عليا من باك الله يجدد عليه الرحمات .. معتصم .. جدر تا داك الواليد .. نور القمر .. اذكرو امواتكم بالخير .. مينة .. هههههه الله يرحمو و يوسع عليه ضيقة القبور شنو نحط نتغذاو .. نور القمر .. غادي تسمحي ليا اخالتي انا والله الا جيت غي نشوفك راه مرت خويا سلامة جات اليوم للدار حشومة نخليها بوحدها راكي عارفة نعوضها ليك مرة أخرى .. مينة .. ههههه الله يرضي على الغزالة ديالي عويد الند ديالي .. نور القمر .. «عنقاتها بحب و باستها» خالتي الغزالة .. معتصم .. جا و لا باقي ؟ نور القمر .. قالي شوية و يوصل غيطلع يسلم على خالتي عاد نمشيو .. معتصم .. الا درتو شي حاجة خليو ليا حقي .. مينة .. كرشك اولدي لي غتخرج عليك .. بيديها معنقاه و متشبتة بيه كأنه آخر حبل نجاة عندها فهاد الدنيا لسانها كيخرج الكلام و عقلها مدهي براحتو مع محبوبو لي لقا .. "كنت كنشوف فراسي تا سمعتو هضرتو هو داخل لعندي و قالي بالحرف الواحد جا معاك الحجاب الجنية ماهضرتش و ماجاوبتوش حوايجي لحتهم فساشية و بغيت نخرج هكك نخلص الكسوة و نزيد بحالي نرجع للدار و لكن ما خلانيش «حركات راسها بلا» حبسني و ضاربت معاه ضربني و ضربتو دفعتو و غوت ولكن غلب عليا مقديتش عليه بقا كيضربني لوجهي تا طحت لأرض كنبكي و كنغوت سدو عليا الباب من برا و سدو المحال ضربني بلا رحمة بلا شفقة غوت و بكيت حيد ليا حوايجي و خرجت فيه عيني ولكن «الدموع نزلو ليها و صوتها ترعد» ضربني ببونية تا طحت ماقاداش نتعافر كنت حاسة بيه كيحيد ليا حوايجي كاملين خلاني ملابسة والو و رجع كيضربني «زيرات على سنانها بالجهد» كيضربني و انا ماقاداش تا نهضر هىء ك كونت باغة غي هىء هىء نغيب و ماغيبتش كنت هىءهىء باغة غي امتا يسالي داك العدا ب ولكن ماسالاش تما" زير على خصرها بيديه تا هزات فيه راسها و دميعاتها كيهبطو على خدودها مدات يديها دوزاتها على حنكو و تمتمات بنبرة حنونة: شنو كنت غندير كون مكنتيش نتا فحياتي .. سلامة .. «بصوت رجولي مبحوح» متفكريش انا معاك و ديما معاك .. رجعات راسها على صدرو و غمضات عينيها: عرفتي اسلامة غي عرفتو باغي يغتـ صبني و يفتك بلحمي ما حسيتش تا كيفاش دفعتو و ضربتو محسيتش تا كيفاش وقفت و دافعت على راسي و واخا هكك مقدييييييتش هىء عرفتي شنو دارلي شدلي راسي و خبطولي مع الزاجة تا دخت و طحت الأرض مبقيت عقلت على والو تا فقت و حليت عيني الدنيا ضايرة بيا و راسي كيضرنيي لقيتو جالس قدامي كيكمي و كيشوف فيا غي شافني فقت وقف و شنو قال «هزات فيه راسها مخرجة عينيها و كترجف» دابا عاد تحلى فيه الحو ية وجديلي راسك ليوم نديك عروسة عند راجلك «حركات راسها بلا و غي كتشوف فيه» منخليهش واخا نعرف نمو ت و انا كندافع على راسي مخليتوش قلبني و قاسني تملس فيا و فاش كنتركل كيعضني عضني هنا «حطات يديها على ظهرها» و لا كيضربني ما لقيت غير الحيلة هىءهىء ج جرحت راسي بضفاري و خليت دمي طوش و دار ضاية تحت مني غي شافها هىءهىء عا عاف و بعد منييي «لاحت راسها على كتفو كتنهج كأنها كتعيش نفس الحاجة من جديد» عرفتي شحال حسيت براحة واخا ݣاع الحريق لي كنت كنحس بيه حسيت بالراحة بالسيف ب باش لبست لتحت و لقيتو جا عندي لاح عليا كسوتي لبستها و خرجني برا هكك لاحني فطوموبيلتو لور و صاݣ بيا تا لشي درب لاحني فيه و دفل عليا «شهقات بالجهد كأن الروح غتفارقها و ضربات جبهتها مع صدرو» قالي حزات عليك دمك اما كون قلبتك على جوج جوايه و ابنت القحـ بة هىء" انهارت على صدرو كتبكي بحرقة كتبكي من الحݣرة لي رجعات حسات بيها كتبكي على راسها و من شنو عاشت خوااات قلبهااا بجاااهد و فرغاتو خرجات كل شهقة و كل دمعة كل تنخصيصة مخلات فخاطرها تا حاجة..كان بدورو مخليها على خطرها فقط محاوطها بيديه و كيسمع ليها و لمعاناتها كيسمع و فكل كلمة مكيكرهش يرجع لعند أمير يهرسو عضم بعضم لاكن كيبرد شوية فاش كيتفكر الدراري و شنو دارو فيه خدا أسوء عقاب عمرو يبرا منو و ديما غتبقا محفورة فيه واخا يعيا ينسا..بكات حتى شبعات و ماحكرش و لا حاول يقطعها فيها واخا مع دمعة كان كيحس بروحو كتحرق معاها و قلبو كيتزير عليه و لكن الا ماخرجاتش طيح ليه بكريز و يمرض كتر و كتر تا سكتات بخاطرها..هز يديه لشعرها و غلغل صباعو وسط منهم كيحك ففروة رأسها و تنخصيصها فقط لي كيتسمع وسط الغرفة تكالمات مزيان و هزات راسها فيه حاطة ذقنها على صدرو و كترمش فيه هبط عينيها ليها و تبسم ابتسامة خفيفة من شكلها الطفولي كانت كتبان بحال شي بنيتة صغيرة باغة طلب باباها على شي حاجة مد يديه كيمسح حناكها و تحت عينيها و رموشها و غمزها محرك راسو: شنو !! ميرا .. فيا الجوع .. عقد فيها حجبانو بطفوف و الضحكة تحبسات فيه دوز يديه على حنكها و قال: اها نوضي تاكلي .. ميرا .. مسخيتش نوض الراحة هنايا «خشات وجهها وسط صدرو» .. سلامة .. سبقي كرشك ماعليش مغنهربش فوقما بغيتيني انا هنا .. ميرا .. ههههه نسولك ؟؟ سلامة .. اممم .. ميرا .. غتشريلي دهاز ؟ سلامة .. حقك هاداك و عادتك هاديك .. ميرا .. «كضحك» و شحال غتعطيني فالصداق !! سلامة .. «صغر فيها عينيه..و بدا يطنز عليها» تكفيك 40 الف ريال .. ميرا .. هي شحال بالدرهم ؟ سلامة .. الفين المسرارة .. ميرا .. «خرجات فيه عينيها و ضرباتو لصدرو كضحك» كضحك عليا هههههه هادا مسوايا عندك .. سلامة .. «شد يديها طلعها لفمو قبلها و تبتها من خصرها ناطق بكلام معناااه كبير عندو و عندها» مسواك عندي ميتقاس لا بفلوس لا بكلام مقامك عاليي و كبير ماجاي يبان لا بدهاز لا بغيرو .. وقف قدام الدرب و هبط كيجبد عضامو طلع مع الموبل حتى للدار و دق فالباب تا حلات ليه نور القمر كضحك: اعلى السلامة اسي العريس .. وليد .. حيدي حيدي من وجهي .. نور القمر .. غي كتخطبو كتبدلو تت تت تت مصدقتيش عنداك غي تقولينا كولشي جا على غفلة .. ضحك و خلاها كتسد الباب و دخل تا لقاع الدار لقاهم جالسين كيهضرو معتصم فيديه سهام لي نعسااات بين يديه توجه نيشان لمينة عنقها و باس راسها و يديها: شوف ليك الناس كيكبرو كيشرفو هي غي مازادت زيانت .. مينة .. الله يمسخك «باستو فحنكو و ملسات عليه» راك نتا لي شارف اما انا باقة ندݣ و ندردݣ عليك .. وليد .. الله يا ودي لاش كلينا من عندك القليل .. مينة .. كنتو باسلين .. نور القمر .. زعما دابا اخالتي الربح راهم باسلين تا دابا .. معتصم .. معليييش خودي راحتك دابا تا نشدك .. خرجات ليه لسانها و جلسات جنبو مخليين وليد و مينة كيديو و يجيبو فالهضرة تا وقف و وقفات معاه سلمات على مينة سلام عزيز و خرجات هي وياه ركبو فالطوموبيل راجعين للدرب كيهضرو تا حبس قدام الباب هبطات هي اللولة و تبعها هو حلات ليهم وئام و دخلو..نيشان مشات لبيتها بدلات عليها حوايجها ببيجامة بيتية و خرجات لعند إيمان لقات وئام كتقطع فملوي طريفات و إيمان متكية على البوطاجي كتلعب فتيليفونها.. نور القمر .. وجه ايخان الصهد و الرفيسة واش نتي شوية ؟؟ إيمان .. تشهيتها اختي .. وليد .. اجي نتي نتفاهم معاك .. إيمان .. «حطات التيليفون كضحك» ههههه كي جاتك عروستك .. وليد .. اجي غي اجي نتفاهمو .. إيمان .. حجارك يشدوك اخويا بعد مني هههههه .. وليد .. الله ينعلها قاعدة .. نور القمر .. اجييي نتا عاود لينا على عروستك كي دايرة ؟؟ وليد .. اش بغيتي بيها .. نور القمر .. والله حتى تقول غي كي دايرة .. وليد .. زعرة بيضة .. نور القمر .. اييييي على الزعرررة عجباتك عجباتك ؟؟ هز فيها حواجبو و حول عينيه لإيمان لي كانو ملامحها هادئين كتشوف فيه و ترمش بتقالة..دوز يديه على وجهو و رجع عينيه لنور القمر ناطق بالجواب الصريح و بلي كاين: وي عجباتني .. نور القمر .. «شاف فإيمان بنص عين» الله يكمل بالخير سيرعالله .. خربق ليها على شعرها و خرج من الكوزينة خلاها سرحات ساهية لبعيد و عقلها غاب ما خرجات من سهوتها غي على صوت ميرا و هي داخلة لعندهم ببيجامة طويلة نص كم جامعة شعرها لفوق و ابتسامة جميلة على وجهها..قربات لحدا وئام جرات كرسي حداها و غمزات نور القمر: مالها ؟ نور القمر .. بيرها غارق .. إيمان .. ماماليش الزين ديالي غا سهيت .. ميرا .. فيا الجوع .. إيمان .. هانا غنحط دابا شوية معتصم مغيجيش ؟؟ نور القمر .. تت عند خالتي مينة .. إيمان .. اوك «قلبات عينيها» كانت سهام تم ؟ نور القمر .. ختك اه كانت .. إيمان .. «بغيرة كتحاول متبينهاش» اهاه !! نور القمر .. كتغيري من ختك ؟ إيمان .. انا لا علاش انغير ؟! نور القمر .. اوا واخا ضربوها البنات و هبط حيح عليهم و هزها عندو و جلسها عندو و نعسات عندو .. إيمان .. «خسرات فيها سيفتها و ضارت جابدة الݣصعة كتكمل شغالها» التابعة يا لاطيف .. نور القمر .. راها ختك الصغيييرة .. إيمان .. تعطيني التيساع لا ! ميرا .. مكانش كيصحابني نتي مغيارة هك ههههه ويتك ويتك على الزين .. وئام .. ههههههه من حقها تا انا كنغير الا يوسف عامل شي واحد بحالي .. نور القمر .. خزعبلات انا مكنغيرش .. ميرا .. هههههه ما عندك كبدة !! نور القمر .. نتي سكتييي بعدااا هههههه فكراتني غي فاش جات جرات على دعاء من وسط الدار .. ميرا .. «قلبات عينيها من سيرتها» ما لقيتي ما تجبدي .. إيمان .. حماية الممتلكات الخاصة هاديك سميتها .. ميرا .. هااا نتي فهمتيني اليوم تبات فبيت حدا بيتو غدا تبات حداه بعدو تبات تحتو اوا فكها فيمن وحلتيها ديك الساعة .. نور القمر .. بابا ميديرهاش كون كان وليد و لا معتصم و لا فيصل نتيييييق .. إيمان .. ميرا واش فخبارك ؟؟ ميرا .. شنو لي فخباري ؟ نور القمر .. على آية من مور ما جابتك فديك النهار .. ميرا .. ااه مالها ؟ إيمان .. هي لي عطات الساروت ددار د أمير باش مشا هلكو عصى شوفي اه مكنحملهاش و الله ياخد فيها الحق ولكن دارتها زوينة .. نور القمر .. ااه الصراحة قالي معتصم ههههه ضربو بالسمطة بالبزيم هلكو ملامح وجهو خربقهم ليه .. ميرا .. «ضحكات عاجبها الحال» غزا فيه الله يعطيه موصيبة فهاد النهار .. نور القمر .. تعطاتو اودي قالكم معتصم باغي يورينا شي حاجة .. ميرا .. شنو هي هاد الحاجة ؟؟ نور القمر .. بحالي بحالك ولكن باين البلان على داك التامل ههههه اصاحبتي رطب والله الا وجهو رطب كتر من وجهي .. ميرا .. كيقيل يسواني فيه .. نور القمر .. حلفي بالله !! إيمان .. واراها باييينة وجهو صفا من نيتي .. ميرا .. ههههههه عافاكم بدلو هاد السيرة و حطي لينا ناكلو راني غنمو ت بالجوع .. بالخف إيمان رجعات لشغالها حطات الݣصعة بالشهوة و قاداتها مزيان خرجو من الكوزنية وحدة من مور وحدو شدات ميرا بلاصتها حدا سلامة و نور القمر جلسات بين وليد و سلامة و إيمان جلسات جيهة وليد و وئام جلسات حدا إيمان قالو باسم الله و تجمعو كياكلو و الكليمة مطلوقة مبردة عليهم الدعوة..`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
