.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `•• عند شامة •• حيدات التليفون من يدها بنطرة ، جاتها لوجبة تل بين يديها فين تبخ سمها فمرات خوها و تغرق ليها الجرح و مغاديش تفلتها نبيلة [ كاطلع و تهبط فيها ] : بسيف ما يطج لا حالتك بحال العيالات [ وركات ليها على الضبرة الخامجة ] لا ولد لا بنت الي يربطوه حداك فالحة غافتخنان و البكة و شكى [ ربعت بفورمتها لفايضة فوق السداري كاتبجح عاجبها راسها ] راجل قد ما صبر كايتسيف و صديق من حقو جاتو من كلشي باقي يجيب عشرة حسن و جود منك و يقوم بيهم ، كون ساعفني من غدا يسخن جنابو بلي تولد لو تريكة و يكمد فيها عظامو و تمتعو شامة عيات عاضة فالصبر عيات من الحگرة و حشيان المعاني فين ما تجمعو كاتسمعها المنقي فخيارها ، نبيلة لسانها قطران ماتحن ما تخلي محنت ربي تنزل جايبة الجهد و طاغية على الليام ماكدير بحساب لا مريض لا بحساب لي كبدتو مشوية ولكن حتى لهنا وجمع و طوي شحال قدها ترجع لخاطرها حتى لشي نهار يركبها الكونسير من شي جهة أخرى بالفقايص و الغدايد شامة [ عرات معاها على لاص ] : تراجلك راه قاد و مقدود منين جاب التانية و لاحك هنا تبوردي [ كاترعد عليها ] الجمل شاف غاحبدتي مشافش لحدبة لي هاز على ظهرو [ مبقاتش حاسة براسها ] ولا بقات ف تربي ولاد الناس و تبرحي بلي والداه من كرشك بنادم راه ممنوضش الگرون عطاتها بيها الوجه حددات ليها السرعة سكتت ليها الحس ، نبيلة رجعات بحال الحنش لمقطوع لو راسو ذاتها و وجهها رفداتهم لبرودية ودنيها صفرو ، هاكوا هاكوا على صفرت الهيدورة نخضت فيها سمها ، و كون ما حضرات عقلها و دهبت شيطان كانو ليوما يهزوها مكوفرة لقبر جاب الله كاين الله حضرات عقلها لا تفوت فيها شي ضربة و هي مسيوسة من صحة كي الگصبة ضربة وحدة الله يرحم الله يرحم ناضت تالقدام قمقومها و بدات تحلف فيها بسم تيتقاطر من شواربها نبيلة [ مغددة ] : ولما نجيب الخويا صديق مرا عزبة و خيرها فايض [ فرمتها زعما ] تكبر فوسط حجرو و تزلگو عزارة فين ما شفتي هاد الوجه يابنتي يا شامة قولي تفو عليك أبنت الحرام [ لحست صبعها و علماتو فدخلة صالون ] وراه نجية مي والداني مع ليه••• ود لما خليتك تدويزت دتاي فمجمع دالنسا ضربت فيها و خرجات خلاتها كاترعد بالعصاب وليني هي لي قح•• بة جاية طامعة فيها مترجية تحن و تحس بيها منين مرا بحالها بحالها و تقريبا وضعيتهم مشابهة شامة [ كاطلع النفس غابزز و تبرگم بين ضراسها ] : الله يلگيها ليك حكلة زحلة ابنت الحرام ، خرجتولي على حياتي دعيتكم الواحد وحدو ياخد فيكم الحق لا نتي لا خوك ••••••• كاين المكتوب و كاين الزهر ، كيف كاين لي راگد على الحرير و كاين لي موسد الجمر ، كاين لي زهرها البحر و كاين لي زهرها نقطة من قاع النهر و كاين لي زهرها ماهو من البحر ولا من النهر مكتوبها كوز و عطاها بالظهر ، فهاد الدنيا كاين لهاني و كاين لي كايعاني كاين قليل السعد و الزهر و كاين لي سعدو برامل من قاع البحر ، كلا و مكتوبو فدار لباطل و لي عواج فالدنيا ف لاخرى يتقاد خاص غير اليقين بالله يْصَّمْدْ همومك و يلملم جروحك ، الدنيا ماكتعطيش للي من ضربة لولة كايغيب ، حرب الدنيا سلاحك فيها خاص يكون الصبر و تهزها منين خفافت ف أنا اريد و انت تريد و المولى صاحب المُلك يفعل ما يريد راكبة حداه شادين الطريق لدار ما دوا معاها ما تكلم حدو صونا لختو تعلمها تخرج و جمع و طوا ، معامن غايهضرة مع وحدة حزق ليها لفريخ كلمة جوج نتوما سبابي نتوما لي وصلتوني لهاد الحالة ، رجع كايربط يدو بلقنانب لا يفوت فيها شي دقة يصيفطها تلاج مع ابو لهب.....فرانا قدام الاقامة و شافها نطرت السمطة كتساين فيه يهبط و على مبان مناويش شامة [ زامة قناتفها ] : ماغاتهبطش تنهد مستغفر لي خالقو و هبط سبقها ، تبعاتو بيه فيه حمدت الله منين ماخلاهاش بلاكة تبقا تغدد غامع جنابها تيتقطع شي عرق فراسها و هي شلا هضورات ناوية تفرگعهم فوجهو....دخل لدار و ديركت لاطيراس يبنج ريتو بشي برمة كتامية تكالميه شعل جوانو و بقى بخ ياما تبخ حتى حس براسو مزاجو تريگل و قصد الصالون تلاح ف السداري مقابل معاها لقاها فين خلاها كاتفرك ف يدها و لي فيها مهناها حامية البيضة ف خرز•••تها شامة : فين كنتي بايت لبارح صْدِيقْ [ موسع خاطرو بان ليه التحقيق مطول ] : فدار المرحومة شامة [ صغرات عينيها ] : نبيلة قالت ليا يومين هادي ما وصلتي تم صْدِيقْ : داوي على لي فحد السوالم خطفت فيه الشوفة باغة تحيد الشك لي كاينخر فيها من جيهتو أواه على هو شنو مشا يدير تالحد السوالم على قلة فين يبات هنا شامة [ زلگات فالهضرة بلا متحس ] : انت ومن مشيتي جمع غوباشتو هاهي غاطلع ليه الشاربونة السيدة تحلو عندها الكروات مبقاو عندها فرانات رجعت تسولو معامن مشا و معامن جا ضسرت صْدِّيقْ [ ساط فيها كِي الجمل ] : مع خلا دار عشتك [ قندش طالع لو لخرا لراس ] هادشي لي مترجية تسمعي سيدة بلا أحم بلا دستور قلباتها لو دموع كاتنحط وتعاود تقولي ضربها بالقرطاس كانت باغة غالفرصة فين تهرنط ليه فوق راسو.....هرنط ياما تهرنط مدلية خناينها كلام نبيلة لعب على الكارط مير عندها ولات كاتشوف غا الضرة داخلة عليها كاتشالي و العائلة دايرينها ضحكة يشمتو فيها و يقرقبو بها الناب....بدات كاتصيح و تريعد مرارتها غاتفرگع شامة [ شدت شدة لعمى فالظلمة فهضرت نبيلة ] : منين باغي تجيب الضرة تشرك حقي فيك من اللول خليني فدار با ماشي يانا لي تمرمد بيا و ختك تحفر فيا نيابها و ترضني قرقابة دناب فوق الصواني دمجامع الشيطات صافي صبرو تجلف و تقشر معاها ولات كاتبان ليه ظلمة وسط عينيه عاطياها غالتخارف و تبوحيط ركبها تكلبين المصعورات عرات ليه على مولاي عابد الشرقي بقات ليها غاسنسلت لبيتبول لي مركبتهاش لو.....ضحك سارط لمرار مع هاد الخليقة راه هاجرو و فات الهجران لديك الجيه ، ماهو مزوج بحال الناس ماهو زوفيري دراسو الحاصول وحل وحلة دلكلاب و الكفرة لي مايشهدو بنبي.....خلاها كاتقلا فزيتها و نشر يديه على المخاد مبجح ف الگلسة الفقصة لي عوالة تحفرها فيه يحفرها هو نيت فيها منين محامداش الله و شاكراه و الزيغة عندها ربات لكتاف صْدِّيقْ [ لاح سم كلامو على جرحها ببرودية ] : شرع لله مغايگلعو لي حد لا نتي لا غيرك نهار نوي نعمر داري شامة [ خطبات جنابها كاتندب ] : هاويلي و غدااااايدي گول من زماااان ناوي الغدر و مطمر.....شفتي صحتي راااابت گلتي جاتك لوجيبة تشفي فيا العديان [ ناضت كاتمشي و تجي قدامو كيف الحمقة ] گول ليا غاااااافاش قصرت معاك واااااش أنا لخاطري وصلت لهاد لماصل [ ضربت على گاشوشها و غوتات ] وااا العافية كاااادوب فكبدتي كتشوي نهار على خوه ، وااا حس بيا را ربي لي عالم بشنو هازة هنا [ كاضرب جهة قلبها بجهد ] هنا هنا هنا المو•••ت واقفة ليا روحي غاتزهق شي حاجة تحركت فيه ولا نغزاتو من جيهتها ماكيناش هاد الهضرة جاتو زايدة ناقصة فات عليها وقتها و كاسيطتها تصدات علاه نهار كان كايصبر فيها و نوا يشد فيدها و يجرها من ديك الحالة دارت ليه فيها موتة حمار و سدات عليه گاع لبيبان منين يدخل و يعونها من الطبيب النفسي هو اللخر شد ليها فيه رونديڤو و حلفات لا مشات ولا تسمعت عليها كلمة مسطية.....وحتى دبا راها ما تندب لخاطر برد و النفس نفرات منها لا باقي صابر فراه داير غابوجه لحاج البودالي باها و وصيية المرحومة مو الله يجدد عليها الرحمات جمع الوقفة مخليها كاتشاگي و تلاگي كيفحالا خارجة من بويا عمر ولات كاتهز و تشخشخ لي جا قدامها كاتزف بيه للحيط ما منعها ما قرب ليها تعوم بحرها شحال قدو يراري بوحدة فاتت التلاتين من عمرها و العقل والو صْدِيقْ [ قبس واحد الطرف ديال الزاج و زاد ] : تفرگعي نتي گاع شامة [ زفت بڤاز جابتو ف الباب منين خرج ركبتها سعرة لحمير ] : و الله ضرة لكانت ليك ولا كااااانت ليك....يرزيني و يزحفني لا شمتيها خلاها كاتندب و تحير و قلب الدورة رجع منين جا ولات كاتبان ليه الدار بحال الحبس عامرة بالسلبية ، سمح ففراشو و فمحالو و رجع مجلوق بين الديور لي عندو غاباش يتلف المكتوب لي هبط عليه.... زدح باب خرشاشتو كايتنهد و عفط على فيتاس ما ضرب لفران تالباب قهوة العائلة الي من خير باه الله يرحم القبر و ما خلا وهبها لو وهو باقي ف الحياة و صديق مكانتش كرشو كبيرة دخل معاه حتى نبيلة ختو كايبقى رزق بوها و من حقها......القهوة جات فبلاصة شعبية ف الحاج فاتح ، منين شدها بدل فيها شلا اصلاحات رجعت كلها زاج كاطل على الشاريع خسر عليها فلوس صحيحة باش دهزها ، و حتى هي قسمها على جوج نص قهوة عادية و نص قهوة الشيشة بدخلتو ديريكت تلاح فوق الفوطوي فقنت معزول على الكليان علمهم يقادو ليه الجمر ناوي يريب السوفل فالشيشة هاد العشية لعل و عسى يفوتو حريق دالراس لي ركباتو فيه شامة.......قاد المعسل و زند الجمر و بدا يخرخر و كيبخ عاطي الجهد ناشر درعانو متبع خبار الريسطو و لاصال ديالو من الكاميرات لي انسطلاهم مع التليفون ، لكليان اللهم بارك عندو الداخل كثر من الخارج و حتى الجودة كاتلعب لعيب ف المشارع قد ما خرجتي فلوس كادخل الضوبل و التريبل منهم ■ على برا ■ سطاسيونا قدام القهوة بسكوتر هبط و كابلجو بسلسلة و دخل مع باب القهوة الي شافو من الخدامة لي خدامين ف القهوة كايسلم عليه كايبقا كليان معروف و من معارف مول الشي ، شير بصباعو لمول لپريصة غير بيدو عطاه شنو بغا كيف العادة و قصد الكوان فين عارفو غايلقاه مكواني مهدي [ تلاح فكنابي مقابل معاه ] : واش العود هز راسو لفوق سايط دخان كثير عينيه تعسلو و الحمورية خلوظات بياضهم عظم حلقو كايسبح و يعاود طالع هابط ف قرجوطتو صْدِيقْ [ بحروشية مصمدة ] : هاهي عند مولانا جاب الدري لمهدي قرعة دالشيشة ديالو مع تيو بميكتو و جبد المعسل مونس عشيرو فتجباد الحناجر بالدخاخن مهدي : طلقها فيد الله مدبرها حكيم [ جبد جبدة مطولة لايح دخانو للجنب ] ماحدها مزير الطرح معاك [ الدنيا زعما ] خلي الفلوكة تعوم بحرها ، غاتبقي مورك على الگصبة توكان يوحلو لك شناقرها ف لعصبة [ غاتبقا شاد مع الحياة ضد حتى يطرطق فيك شي عرق قبل الوقت ] صْدِيقْ [ تنهد كايجر و يعاود ] : تفوت غاراس و ترصى فين بغات [ شقلب الهضرة ] واحد الحاج فين شدها مهدي : كايتنغم بالتقاعد ياله حط السلا•••ح و حط معاه فريع الك••ر صْدِيقْ [ مص طريف دحامض لمحطوط مع لقطعة ] : ما دوزش قليل ف السربيس فنا فيه شبابو مهدي [ كايجر و يعاود ] : سنانو رابو فيه شدوها قاروري بناتهم جامعاهم شلا حوايج و تواشي كبرو فدرب واحد و توارتو الصحبة من الجد للاب و من الاب للولد وعلاش لا وهوما من كازاوة الحرار بالسمية و الوثيقة تولدو جدودهم فوق ترابها و ها لحفايد كايحفرو فصخرها ، وخا صديق كبر من مهدي بسبعة دسنين ولكن عقلية وحدة ملساهم كيف تيقولو ناس زمان فركان واحد كايحرك الخباز عشرتهم غييير و صبحة خطيها تلاوي و الحشية من تحت الدف ••••☆☆•••• ■ عند سليمة النهار كامل و هي مغيبة السخانة فيها تگدي و تعاود ما فاقت غاعلى يد خدوج كاتقيص فراسها صابتو زاند تحط عليه البيضة تقلى ، مرضها يخ منو كايشدها شدة العمى ف الظلمة ، عاوناتها تنوض تغسل وجهها و رجعات معبزاها لفراشها العظم الصحيح علاش توقف مكاين ، جابت ليها جبانية الحسوة بالسميدة و شوية الحلبة و القزبر يابس تصمد بيها قلبها و تجمع معدتها من الردان ، تعافرت معاها تكملتها و لاحت دوليبران فكاس دلما دوب على مولانا تصبح فيها غامايمشي لطبيب ، مطات ليها لكاس قرقفات عليه و رجعات غطاتها ، خدوج كاطيح النقطة عندها منين كاتشوفها مسهوطة هاد السهطة كلها تحلف شاربة فانيدة لفار ، بقات حدا راسها كاترطب الزيوفة و تحطهم فوق راسها و تحت طوابگها ، سردات توكان تقاشر بالخل و خشاتهم فرجليها يجبدو الصهد الساكن فكسدتها ، كون ما ليل هدا تهزها فوق كتافها لكلينيك سعيد [ واقف فعتبة لباب ] : كيف بقات خدوج [ حطات زيف على نوضرها ] : والو غامازايدة كاترتر فيها العوافي سعيد [ تلفت بيه ] : واش گالسة ديري لوحي عليك عبايتك نهزوها لسبيطار الحساني خدوج : على زين سبيطارهم فالحين غاينغزو بنادم بالبراوات بحال لحمير [ ناضت وقفت ] خليك حداها نجيب ماطيشة و القهوة نديرها على نواظرها لربما ترجع فيها الروح دخل سعيد قرب حداها كايشوف فيها وجهها صفر هارب منو الدم حالتها تشفي العدو ، رجعت خدوج هازة فيدها زيف حياتي و طرونشات مطيشة دواور مغرقاهم فالقهوة خدوج : هز راسها نصيب كي نحزمو عليهم تعاونو بجوج لبقو ليها ديك تلبيخة و عگب سعيد مشى لبيتو خلاها منها ليها غدا صابح خدام معندو كيف يدير يغيب بقات معاها فين ما نشف الزيف كاترجع ترقدو و تصمرو على قلقولتها مرة تديها عينيها و هي گالسة حداها و ترجع تفيق راسها دايخ عليها مرة تنوض تجدد لما دلبانيو.....شويا ضربات على التليفون خارج من تحت مخدة سليمة كايشعل و يطفى خشات يدها جبداتو مقاداه مع كمارتها حققات فالشاشة مزيان كاتقرا فسمية لي معيطة و تعاود ، محمد مجبدة قد العلام خطفات شوفة فبنتها و رجعات حققات فالسمية من جديد ، بركت على البطون دجنب و سداتو مرجعاه تحت راسها ، مبغاتش تبقشو ولا تفرت فيه ماملفاش معاها هاد دخول الشبوقات ولكن هاد شبوق لي مصوني فنصاصات الليل خاصو حضية و سرحة نيت تشوف هاد خيتي عندها فين زاطمة عاود ، بقات معاها توكان هبطات حرارتها و دردبت لبيتها تحط راسها ترتاح صبح عليها صباح اليوم شويا كاتقد تحرك و منين شافتها خدوج قادة ديباني راسها لبست حوايجها و مشات معطلة لخدمة خلات الفطور واجد و حتى الغدا وصاتها غايجي سعيد يخطفو ليها و يرجع يخدم ، تعافرت مع عظامها بشوية بشوية كاتحرك وسط الدار باش مايشدش فيها لمرض لي ماشي هدا وقتو گاع فطرت بحسوة شاطت من البارح و طريف دالخبز شافت المخينزة مطحونة مع الليمون باين خدوج لي صوبتها قبل ماتمشي ، جبدات صفاية صفاتها و هبطات عليها قرقفات على الكاس ، بقات مرة تنوض مرة تگلس دوزات الصباح غافتعافير مع المرض ، سمعت تلفون كايڤيبري تحتها طلعت سميتو مبندة ف لافيشور محمد [ دخل سخون كايهلل ] : فين كنتي مخشية عدو ربك مخلية عدويا الليل كامل وانا كانپوانتي [ كانعيط ] سمع صوت كحبتها صدرها واكل الدق القاصح محمد [ دخلو الشك ] : شنو عندك مال صوتك مسلوخ سليمة [ محيلتها الكحبة ولا العطسة ] : المو•••ت دزت منها غاربي شاف فيا محمد [ بان على صوتو بحالا تشوش ] : شواقع خليتك لبارح واقفة على رجلك سليمة : غاتانزل عليا البرد صلاني لگاشوش [ بدات كاتكحب ] عظامي هارمين عليا محمد [ ماتعرفو طانز ولا مشوش ] : شفتي الطبيب ولا قضيتي غابدوا لعرب سليمة : شربت دوليبران محمد [ تشربن منين سمعها اش گالت ] : دوليبران داوات حتى كر•••ها [ شاف شحال فساعة ] من هنا لساعة نلقاك فين كانحطك سليمة : فين غانمشيو والله العظم صحيح علاش نوقف ما عندي محمد [ نيرڤاتو ] : غانشد رونديڤو مع طبيبة تشوف هاد الحالة ديالاش سليمة : غابلاش منهنا العشية نولي بخير محمد [ ختمها بلي بغا هو ] : راني دويت و دكشي لي كان ناضت كاتعافر مع جنبها لاحت عليها غير عباية من عبايات خدوج و شال خفيف دخلت الحمام حكت سنانها من الزفورية و فصدت صالون تكورات فوق السداري كاتسناه يعلمها تهبط ■ عند نادية من صباحتو الله وهي حانية على لماكينة كاطرق فالبياسات لي خاص يخرجو لماليهم ، حتى لي يعاونها يديهم لمصبانة يتصلحو مكاين يدها وحدها....ويد وحدة ما كاضربش الرش ، وليني ماعند لميت ما يدير قدام غسالو عاضة فالصبر مرة مرة كاتصوني على مولات الراندة تشوفها واش فينات لپياسات لي عندها حيت ماليهم واقفين على راسها بالتعياط مشوگين حتى هوما كايزربو فيها تتصدق معكلة فشي حاجة و تالماكينة تقولي سمعاتها وو قفات ما بقات باغة تخدم تپلونطات راسها ، الزهر المكوز عندها حرام ياخد كونجي يخليها وخا غامرة وحدة تفكرو بالخير و تقول الله يقوي خير زهري فهاد السويعة طلعتي ولد الناس ، ناضت كاتخور فيها تشوف مالها عياات ما تخوخ فيها ولا هي نعلات الشيطان و خدمت ، شافت حتى عيات و هبطات طلبت واحد السيد خدام مع الدروگري يطلع يشوف لا عرف كيف يدير ليها ، جاب معاه دوزانو و بدا يبقشش فيها لقى كروة الموطور عندها تكالت و جاب الله كانت من قبل عندها وحدة سوكور تعابزو معاها بجوج تركبوها كاترحم ليه فواليديه عتقها مدات ليه شي بركة حلف ما يشدها منها و تهي محكراتش عليه هادي هي الجورة الزينة بلا طمع......گلسات على ماكنتها عاد رجع فيها اللون و بدات هوووورر ما تهووووورر كاتخيط نادية [ تنهدات ] : اا لله هادو هوما الجيران الملاح ولا بلاش سير الله يكتر من متالك رجعت دمرات كاتخيط تدخل خوها من المدرسة و تهزت تحط غداهم ضربات على وجهو شافتو صفر نادية : ياسين مالك ياسين [ سخفان ] : ماليش نادية : غسل يدك أنا نحط لغدا مجاوبهاش و دخل لبيت تلاح فوق السداري مغمض عينيه....مشات هي حطات لي قسم الله طاجين الدجاج بالفريت عارفاه كايعجبو و مشات تنوضو لقاتو عاطي وجهو للحيط نغزاتو من يدو ولا هو فهاد الحياة نادية [ كاتحرك فيه ] : ياسين نوض تغدا ماحدو سخون كاتحرك فيه أو والو طاح لما ف ركابيها جفلت بالخلعة دوراتو بيدها بجوج لقات عينيه مقلوبين و لكشكوشة سايلة من جناب فمو طارت عليه كاتحرك و تعاود كاضرب لو على وجهو ، ركابي باش تنوض مبقاوش عندها نادية [ كاتضرب على وجهو و تعاود الخلعة بلجت لسانها ] : ياسين ياسين لامن حد يجاوبها السيد مغيب ، بزز باش حضرات عقلها و ناضت كاتجري بحال لحمقة لفوق التلاجة هزات قرعة دكوكا خازنينها لبحال هاد الموصيبة ، و من صبع رجلها خبطاتو مع الحاشية حسات بالضو ضربها ولايني فين هي باقي غاتعقل على شي صبع....رجعت عندو بالزربة جراتو فوق جحرها و بدات كاتعافر معاه تحل لو سنانو لي كنززو على لسانو ، حلات القرعة بيدين كايترعدو رفدها بوفالج ، و بدات كاتخويها ف فمو نصها داز غا مع الجناب ، حلقو مسدود تگولي نقطة ما هبطات فيه تخلعت تخلعت بزاف اول مرة تكون بوحدها فاش كايوقع معاه هكا گعداتو شويا يديها فاشلين و رجعات كاتشربو ف كوكا من جديد كثر من ربعة الدقايق و مكاين حتى اشارة بلي راه معاها ، شويا بدا كاينين و يتجبد و يتركل وهي شاداه و كاتخوي ف كوكا ماطلقاتوش ولا خلاتو يتمرمغ و يضرب راسو كاتبكي و تخوي و هو ربي لي عالم بيه الموت وااقفة على نيفو ، بقات معاه بقات توكان شافتو بدات ترجع فيه الروح هيلي طلقات سراح النفس فگاشوشها ، هاد الكريز عصراتو مسكين تبال فحوايجو.....منين شافتو شويا ولا كايرمش و حبس من التركال هزاتو مدرعاه حطاتو فوق السداري و رجعات كتعافر معاه يشرب من كوكا باش يطلع معدل السكر فدمو....قلزات گالسة فوق راسو كاتنحط فالدموع و تعاود حسك ريتها بحالتو كل مرة كايطرا معاه هكا تيقولو هادي اللخرة ليه لا خرج من هادي راه مبارك.....عگبت خرجات عمرات سطل دالما و جابت زيف رطب و نقي حيدات ليه حوايجو و مسحاتو كامل من ريحة لبول بدلت ليه و رجعت غطاتو و صمرات قاعها فوق راسو على هي بقات تفاوت من حداه تصدق غافلة عليه و منين ترجع تلقى غا لخشبة راشية و الروح داها مولانا....قاصت حرارتو صابتها هابطة بزاف السيد ولا ثلج فديك الساعة ما فكرتش جوج مرات عيطات على ماماها لي جات كاتجري كاطيح و تنوض ف الطرقان غالجواد وقفو معاها توصلوها لدارها سميرة [ تتقلب فيه و تعدد ] : أميمتي على كبدتي أميمتي و معندي من غيرك اوليدي و بحوايجها ددار ركباتو على ظهرها و دردبت بيه هابطة فالدروج ، ربي يسر من عندو فجارهم عندو طاكسي حمر رفدهم ديريكت لكلينيك مابغاتش نادية تغامر تلوحو ف السبيطار دالمخزن ما توصلو النوبة تيعگدهم و يدي مول الأمانة أمانتو ، طلع جارهم ولد الناس جرا معاهم فهاد لأجر حتى دخلوه و شدوه ضارو بيه الفرميلات شي كايعبر لو ضغط الد•م و معدل السكر فيه و وحدة اخرى كاتحاول تاخد منو تحليلة الد•م ، عروق يديه بكترت ما ضعيف غبرو عياو يخرگو فيدو مسكين بزز باش خداو دوك القطرات يحللوهم ، علقو ليه السيروم على ما جا الطبيب يدوز ليه و خرجو سميرة كاتمشي و تجي لتحت فين كايتسناو گاع الناس كبدتها مشويا كاتعدد و تعاود سميرة : و الله يا ربي الله واش هاد المكتوب و الله يا العالي فاش قصر تتجي الدقة ف كبدتي نادية [ شادة راسها بين يديها ] : اجي گعدي لا حتى نتي طواطاي بالسكر سميرة [ قربت ليها مفقوصة ] : فين كنتي عليه توصل لهاد الحالة نادية شافت فالناس لي معاهم ف القاعة جراو معاهم العشرة بسبب صوت سميرة لي كان عالي نادية [ كاتبرد الطرح ] : هو من المدرسة دخل لكريز شادة فيه سميرة [ بغا تسوط فيها ] : و فاش تمشي نتي تجيبيه منها خلتيه ضارب ديك الطوالة كلها على ركابيه حتى دمو بسال منو السكر نادية : واش أنا مالفة نمشي نجيبو ولا غاليوم راه ديما كايجي على رجليه سميرة [ تخبطات حداها ف الكرسي ] : حيت ربي عطاه عدوة ماشي خوت حيت موالداهش أما كون ولداه كوراك تمشي على الزاج و تگولي زليج تهزت من حداها تبدل ساعة بختها وهي خاصها غافين تخوي سمها فيها و ترجعها هي لي مامزياناش ، شحال من مرة كتحلف بلي يمكن غامربياها ماشي بنتها فين ما هضرات طلبقها طليها و طلطلها بالفاعلة و التاركة واش الامومة جات تالجهتها و تفطمات منها كاتعرف تكون أم غا لياسين الحاجة الجيدة ليه الكلمة الزينة ديالو مسبقاه على كلشي ، مكاتحسدوش ولا مغيوظة من جيهتو بالعكس خوها و من دمها كون صابت تقسم معاه صحتها وليني ملقات كيفاش....گلسات على الدروج فالدخلة ديال الكلينيك و هزات يدها للرحمان ملك العرش الودود الشافي لا شفاء الا شفائه شفاءا لا يغادر سقما نادية [ قلبها مضيوم ] : ياربي شوف من حالو و جبر صحيحتو و طول ف عمرو ياربي راك عالم و عالي بلي ف القلب فرج همي و يسر أمري و ما تكلني على حد ياربي رفع الضيم على قلبي خلاوها ناس زمان خبار ناس عند ناس و سر البرمة عند الكسكاس واللهم خسارة المال ولا خسارة الرجال هادي هي تعت شامة ، من بعد ما جدبت و تحيرت و ندبت عرفت هادشي ماشي هو الحل و السلاك واخا تطلع واخا تهبط و طيح و تنوض هدا مكتوبها ، ماشي التفرعين و غوت عليا نغوت عليك هو الي غايحل مشاكلها.....هاد الصباح فاقت بكري صبحات كاتجمع و تعاود فالروينة لي رونات بيديها سكنات غافجميع الزاج لي مرمد الدار ، گاع لفازات الغاليين شخشخاتهم و بالسيف ماشاريهمش من جيبها الحبة و البارود من دار القايد.....منين سالات طرفت حالتها و لبست حوايجها و قاصدة عيادة الطبيبة عفاف كانت ديجا خدات رونديڤو عندها تبالي بصحتها الجسدية هي اللولة حالتها ماهي حالة بنات ربعطاش لعام كاسبين الصحة عليها هاد الاكتئاب فاش دخلات سفها و ساسها خلا جلدتها تلصق على العظم من الشوفة تورقها ركبوها شلا نواقص و أمراض.....شدات طاكسي لحي حساني فين كانت العيادة لي جات فطاج التالت ضربات الدروج على رجليها كاتحرق فالسعرات الحرارية صابت الدنيا خاوية شوية ، عطات للمساعدة لاكارط ناسيونال تاخد منها المعلومات لي محتاجة منين سالات رجعاتها ليها و علماتها ترتاح فوق الفوتويات فقاعة الانتظار تتجي نوبتها • لداخل عند طبيبة طلعاتها فوق الميزان عبرات شحال فيها من كيلو و عبرات حتى ضغط الد•م صدق هو هداك مزيان مخير گاع ، من بعد گالت ليها تجبد فوق البياص و تهز حوايجها لفوق تعري كرشها.....دهنت ليها الطبيبة كرشها بجيل و هزات لاپاراي كادوز عليها من لفوق لتحت و الجناب ، فلاتها فليان دصح ، شادة معاها تقرقيب دالناب كايتعارفو ، مني سالات عطاتها كلينيكس تمسح و سبقاتها لبيرو لي كان فاصل بينو و بين بلاصة ليزاپاراي باب سكة د لألومنيوم.....كان محمد كايتسنا فيهم ف البيرو، سليمة غالبسات تبعت الطبيبة بيه فيه تشوف اش عندها الطبيبة [ حيدت النظاظر من عينيها ] : سليمة يا سليمة شنو لي كايعصب بنت قدك ياله قالت باسم الله فالدنيا شافت ف محمد لقاتو تهو كايحنزز فيها محمد [ بتساؤل] : شنو عندها الطبيبة [ تبسمات ] : عندها بزاف ولكن ان شاء الله تبع الدوا و غاتولي مزيان ياك ا سليمة قبطات البيسي كاتكتب فلوردونونص و كاتهضر الطبيبة : المعدة هلكتيها بالاعصاب لا بقيتي على هاد الحال غاترزاي ف مرارتك رخفي فيك النفس راه تاحاجة مكاتعوض الصحة [ امپريمات ورقة لوردنونص و كاشاتها و مداتها لمحمد ] ها دواك و بالشفاء نتلاقاو من هنا عشريام ف الكونطرول خشات يدها تحت طابگ محمد كاتعكز عليه و تهو دور يدو على نصها مدرعها و مكاليها لا طيح حاس بيها الدوخة غالباها......تشوفهم من بعيد تقول غاراجل و مراتو نفس هاد الفكرة لي طبعات فراس شامة منين طاحت عينيها عليهم خارجين من عند الطبيبة حيزها عندو و كايتمشى بيها غا بالشوية عينيها تعلقو فيهم و مبقاو بغاو يهبطو ، جاو مواتين من گاع الجوايه و باين غامن الاهتمام لي عاطيها كايعشق فيها و زيد التعنيقة باش معنقها خلات شامة تحس بفراغ كبير فين هي و فين هوما يمكن عمرها عقلات على داك الثور بيمن مزوجة عنقها حتى بضحك لحمو كايتعانق مع لحمها غير عند تخضخيض و منين كايبغي يفش نبولتو فيها ، حققات فسليمة جاتها زوينة وخا مهلوكة بالمرض فصالتها مقومة طارة و طوناج [ طولة و تجريدة ] جاتها تستاهلو و يستاهلها الطول هيبة سبحان الله كايعطيك واحد لوشاغم كبير فعينين الناس وهدا حال سليمة طولها مقومها و عاطيها واحد الشاغم خطير ، سبحات الله لا تقيصها بعين الحسد و غير صوت المساعدة كاتعلمها بلي الطبيبة كاتسنها هو لي رجعها لواقع و ناضت تشوف حل لراسها ••☆••برات العيادة [ عند سليمة و محمد ] ••☆☆•• راكب حداها داير السمطة صايگ ماشي هو هداك ضرب الشوفة عندها بانت ليه ساهية و ماشي فهاد العالم محمد : غارقين لك لبابر ف البحر سليمة [ شافت فيه ] : غاراسي كايفتل الدوخة حكماتني ستغفر الله ما حملش يشوفها بهاد لحال من اللول عارف صحتها على قد الحال اي حاجة كاتشد فيها بحال دجاج البيزانة محمد : مطالعش لك الرشوق على ريح البحر حركات غا راسها و قلب هو الروايض لكافي النزاهة فعين الدياب يفوج بيها شوية عوض ما يرجعها الدار تزيد تشد الفراش •☆☆ • فالعيادة الفوق •☆☆• [ عند شامة ] عطاتها باكية دكلينيكس كاتحصر على هاد الحالة لياش وصلات صاحبتها فين هي شامة دلجامعة و شامة دلمراهقة منين دخلات عندها فالبدية معرفتهاش تبدلات بلا قياس ضعافت و صفارت و الروح بغا تخرج منها تسلگمت كيفحال الكل•ب الرومي عفاف [ الطبيبة ] : وصافي طيبتي دوك العينين لبكى معندو ما يبدل شامة [ كتمسح فخناينها ] : ماشي لخاطري [ بدات تشهق ] كانشوف شبابي و حياتي ساحت فلرض معرفت منين نبدا نجمع فيها عفاف : ولبكى عند بالك غايحل شي حاجة غاكتزيدي تمرضي فراسك شامة [ قلبها طايب على صْدِّيقْ ] : ولي شواني كثر كنشوف فيه كلاني لحم و بدا يخوخ ضراسو بعظامي باغي يرجعني شفاية ففام عيلتو و ديك العقروشة دختو عفاف : وهانتي قلتي هو ما جبد معاك لا هضرة على ضرة لا والو غاختو لي قالت شامة [ صوتها تمجهد وعلا ] : علاه كون ما الدخان جاي من جيهتو غاتشعل فيا ختو العافية عفاف [ عطاتها كاس دلما ] : انا جاتني غير بغات تفقصك و الصلاة على النبي شامة [ بدات دور فراسها كاتحلف و تعاود ] : والله صْدِّيقْ ما يصبر انا لي معاشراه و عارفة حد صبرو تلقاه ما خلا لا حاحة لا ملاحة فهاد ست شهور بدات كتحاول تخشي ليها الهضرة وسط لكلام غا بالتي هي احسن عفاف : گاع الرجال هكاك همهم هو لي مقيم بين فخادهم و تنتي ا صحبتي راه ست شهر ما حبا وسطك راه قاصحة شكون يصبر هاد الوقت كامل شامة [ هزت راسها فيها ]: واش انا لخاطري واش عرفتي شنو هي ترزاي فولدك مزال عاد كمل ربع شهر ف الكرش و يگزرو معاه حتى الوالدة لي تقاصت بالمرض [ هزت براسها كاتبكي و تشهق ] وخا نظل نهضر مغاتحسيش بيا [ خبطت گاشوشها ] أنا لي هازة الضربة و تحسكت من الجهد ماشي واحد آخر عفاف [ ربعت يديها على البيرو ] : وعاجبك هاد الوضع لي نتي فيه دابا شامة [ كاتمسح فخناينها ] : كون ما الحنش قرصني غاتلقايني عاضة فالصبر و گمدت الجمرة ف قلبي و جاية نشوف حل لراسي [ رجعت كاتنخصص تاني على سبة ] منقدرش ا عفاف حتى نتخيلو يجيب عليا الشريكة غانموت مافيهاش قيمتي غايتجفو بيها الركاني وسط العائلة عفاف [ مساعفة معاها ] : حضري الله فبالك واش نتي اللولة و اللخرة غاطيح فبحال هاد المشكيل شامة [ دموعها مسرسبين ] : انا لي عارفة بيمن مزوجة أنا لي شارباه فوق لما صبرو رق من شعرة [ قطعات اللجام بلا مضرب حساب لهضرتها ] تلقا گاع زكوك الشايطات مشا وجا فيهم عفاف [ باعتراض ] : فهادي ما نتافقش معاك ماباينش عليه سهمو من الحرام شامة [ قندشت ولات كاتشك ف كيلوطها ] : هي غاتعرفي راجلي كثر مني عفاف دوزات هضرتها من ورا ودنيها عرفت السيدة ماشي فطبيعتها غير ما غادة ف الخسران عفاف : كيف ما درنا معاك وحلة [ ناضت ] نوضي دبا غانشوفو حريرة صحتك بالي بيها ترجع فيك غا الروح عاد فكري فالباقي دوزات ليها فلياها بالمزيان و كمدات لها شلا تحاليل ها دفقر الد•م ها دجرثومة المعدة و نقص الحديد الحاصول زممات شلا و شالي من التحاليل باش تعرف منين تبداها......توادعت معاها كاتصبر و توصي فيها ما تبقاش تجبد لو بلان الضرة توكان تجي منو هو الهضرة ماشي تسبق العزو بنهار و كيف هبطات من عندها نيشان لدار گالت يمكن يكون رجع لمحالو ساعة كيف خلاتها خاوية لقاتها شامة [ علقات صاكها فطاجيرة ] : ماشي مشكل شحال قدك طلاوط بين الديور مرجوعك ليا و لبين دراعي و اول حاجة بدات بيها هي وجدات حمام مغربي بقوامو غافالدار بالشموع و التبريمات و لحناني ، طلسات شعرها بالسدر مخلطاه بالما مغلي دليازير و التومة و البصلة و الزعتر و مسامر من القرنفل وشي حبات د الحلبة غرقات شعرها مزيان بهاد التخليطة و دازت طلسات لحمها بتبريمة بلدية جابتها من عند لعشابة كاتصقل اللحم صقيل كمدات عظامها حتى رطابت و اراك لفريك حك يما تحك هادي تنفع هادي ضر رجع جلدها كايبري سلتت شعرها من السدر و ختمتها بگوماج دايزو لكلام ياله كيف بان فيها شويا اللون و ضارت الدورة الدموية فكسدتها......تلوات فبينوار كي الزرمومية واقفة قدام لمراية الي فالحمام جبدات من المجر تحت لاڤابو شلا برودويات ها ديال الوجه ديال التحت ديال الجسم و البزا•••زل بنفس نكهة دلعسل و بركت طلبق و طلس ، وها العروسة رجعات واجدة و العريس غابر ليه الاثر ، قومت حالتها بالنقى و التاويل لا يصدق جاي و يلقاها كيف خلاها بحالا صيطين عليها بايگو المهم هو دارت مجهود و ساست الغبرة و الغمولة على كتافها سليمة دوزات النهار معاه مفارقهاش دار ما فجهدو يخرجها من لمرض عوض ما ترجع لدار و تكوانا فالفراش يطحطحها و يهدها صدق ما رجعها لخربتهم تأدن المغرب محمد : شويا دبا [ مطا لها ساشية الدوايات ] تقا••تلي معاهم [ شربيهم ] تتجمع صحتك سليمة [ شداتهم من عندو ] :لا تهزش لهم غانتبعو تيسالي قرب باسها من جبهتها كاتجيه ماعندها صحة للمرض دري صغير صبار عليها محمد : هكا نبغيك الله يرضي عليك سليمة [ رجعات ليه البوسة فين باسها بمعزة كبيرة ] : أمين و الله يسهل عليك حتى انت نزلات فين ما موالفة تنزل تبعها هو بعينيه تغبرت من قدامو و حرك الروايض لدارو....غادة شادة فالحيط دقة دقة كاتعكز مبغاش تخسر السوفل ، غادة و تفكر فين ما تجمعات بمحمد كايتفاجى خاطرها فشوشو لي مفششها خلاه كيف الجوهر وسط عينيها تعيا تهضر مغاتوفيهش ولو حتى شوية من حقو ، واقف معاها حسكة راجل يحنت الف رجل ، ولد الكبرانية و الدار الكبيرة لفايضة بالخير تتفكر و تعاود شمن خير سعات فيه و بسبابو ربي حط هاد ولد الاصل فطريقها.....غادة و فرحانة بمحنتو و محبتو و صبرو عليها مارضاتش لبال لدوك جوج عينين لي مقرقين الشوفة فيها جاريين معاها العشرة منين ياله هبطت من طموبيلتو خشات الساروت ف القفل و مبغاش يتحل عرفات شي واحد من والديها نسى الساروت فالباب من لداخل ، دقات مسندة على العتبة كاتسناهم يحلو و هي الدوخة شاداها...شرع سعيد الباب يشوف شكون طلعت غابنتو حيد من العتبة و خلاها دخل سعيد : فين كنتي و فين هي موك [ كايشوفها واقفة قال صافي راه برات ] كيف بقات صحتك رجع سمع الدقان و قلب الدورة حل تاني و ما تمنبع غاخدوج فوجهو سعيد : قربلتوها فالزنقة تاني تكلا وحدة فيكم جاية وحدها خدوج علقات عبايتها فالعلاقة لمصمرة ورا لباب و زربت حتى على سليمة نصلت ليها جلابيتها خلاتها غاكتشوف كاتغمز فيها و تعاود باش تخليها منها ليه خدوج : بقيت تخلصت حسان مول الحانوت على شي كريدي هزو من عندو منصف و هي سبقاتني طلعات سعيدة [ تلاح فوق الفوتوي فالمراح ] : حطو لينا لكاين شي مايتكال را قتلنا جوع خدوج [ جرتها معاها ] : صبر نعمر أتاي جرات بنتها لبيت موركة على يدها غارسها ظفارها فيها تقولي كلامونيط وكايزير فبوطة سليمة قطعت لحس صابرة على تزييرة حتى تعرف مالها تاني، دخلتها لبيت و سداتو عليهم و هي تسيف حيدت وجه الضحكة و الغمزة و لبسات وجه باسم الله الرحمان الرحيم وهي واقفة على راسها كيف المقدم خدوج [ حاطة يدها على جنابها كمارتها مكاتبشرش بالخير ] : هاكيني على صوبيصة ولاو الشوافرية ما يوقفو بك تالزك دالدرب....و مالك خليتيه يمشي بلاش ديك الساعة طلعيه يشرب أتاي و ياكل الحلوة سليمة واخا مطحطحة مالقاتش حسن من هاد لوجيبة واخا الخز طالع لخدوج فكرت اللهم تفرگع الرمانة دابا لا تصدق مفلتاها و تحط قاعها لضس تسنا تاني فوقاش يتجبد الموضوع من جديد و المشكل الجمعة ما بقى لها والو و وتصدق سالخاها خدوج سليمة [ من نيتها ] : وراه بصح باغي يطلع ياكل الحلوة السيدة مشا بالها بعيد سافر و دلح فالجبال بسباب شنو سمعات خدوج [ خبطات جنابها ] : أويلي على القح*** بة و مالفة ربعة ياكل ما يزلغ بيه لا نتي لا هو [ كانت غاتلاح عليها كون ما خافت سعيد يسمعهم ] ياكلها لمو ولد الشايطة سليمة [ عرفتها فهمتها عوجة ] : واش كانبان ليك منونخة گاع لهاد الدرجة [ فرنست ] السيد ناوي المعقول و جاي على حسابو حققات فكمارتها مزيان تعرف واش بالصح ولا غاطالقاها تسرح باش تسلك بعظامها صحاح سليمة [ قرات افكارها ] : و حق من بعث محمد ياله الا ناوي يجي هاد الجمعة هو ومو خدوج [ صغرت عينيها ] : و منين كاتعرفيه ياله بغات تجوبها سمعو سعيد كايهلل على برا سعيد : واش غانباتو هنا خدوج [ ساطط من منخرها كاتبرگم ] : يالطيف على ميمون سلط عليا ربي [ وصلت لباب و دارت عندها كاتحلف ] يابنيتي و ديري فيها راسك ناعسة الله يا كبيدتي تنيبك و نعرف كنيبك [ نسلخك ] مشات لكوزينة و زربات على اتاي و شي حلاوي و ملاوي دشحمة سخناتهم و حطات ليه يحنجر گعدت معاه تكلا و شبع و بدا يتگرع بقات حدا راسو تبدا لماتش و سلتت تزرگت لبيت سليمة سليمة [ شيرات عليها بيدها تسكت تتكمل المكالمة معاه ] : لا وليت شويا الحمد الله ماتهز هم محمد : و عليه شدي فراسك ما تجيبيناش تالمعقول و تلواي سليمة [ كاتفرنس و خذوج كاتخنزر فيها و تمص ف الحامض راضية و مراضية على الوضع ] : لا كون هاني من هاد الجهة محمد : الجهة لي عوال نريحها راه عندك قفلها [ ساط الدخان ] سيري دابا ترتاحي سليمة : ياله تصبح على خير قطعات و شافت فخدوج واقفة وقفة دالعسكري فالقشلة على راسها كاتهز و تحط نافخة شلاقمها ماتعرفها علاش طاوية و شنو كايزغغلل فعقلها خدوج : خلاتها مي الله يرحمها لي سبق زلالتو على قرايتو يخشي صبعو فخوارتو [ تلاحت حداها ] ما جبتيها بقلم نترجاو فيك الخير تختاري العلام المسگد سليمة [ زربات عليها ] : من ناحية مسگد مسگد و خيرو فايض خدوج [ صغرت شوفتها ] : هي أش سليمة [ عينيها كايبريو ] : تعقلي على الاستاد لي كان جا بغاني نرجع نقرا نهار خرجت خدوج [ ساطت ] : ايه مالو سليمة [ بفرحة ] : اوا راه هو هدا و قبل حتى ماتكمل الهضرة ترفعت خدوج واقفة مقندشة مقطعة اللجام و بدات تعربط خدوج [ تسيفت ] : و فرحانة بيه تهجريه گولي يامين الناس تفلق الهوتات الصحاح ونتي ديما شادة العكس عزيز عليك الكرفي و الحزقة توقف عليك حتى لباب الدار جراتها كاتحاول معاها ترجع تگلس و تنقص صوتها لا يجيبو الجيران خبارهم سليمة [ كاتجر و تعاود ] : وغا گلسي مالك سبقتي العيب من الدقة وتحيد خدوج [ تنطرات منها ] : تگلسي على الجمر....الشوهة و حلان الزكاك لي شفت من ورا قرايتك نزيد عليها حتى شوهة زواجك بواحد تسروال مكايكسابو سليمة [ شافت فيها ] : نعلي الشيطان راه غاطموبيل علاش راكب ساوية گيمة جوج ديور من هادي عندنا خدوج [ مامتيقاش ] : تلقاه غاكاريها ولا مسلفها من عند شي رعواني من صحابو سليمة [ ساطت فقصتها ] : و دبا هالعار غاگلسي سمعي عاد حكمي مالك قليلة دالنية خدوج [ جمعت يدها كانت غاتصليها معاها لودن ] : علاه نتي ديال الثقة منين ما جبتيش ليا ولد عيشة نولي نصرف عليه نحمد الله و نشكرو منين خرجات بعدا ف معلم سليمة [ قلبت عينيها ] : استاد مشي معلم خدوج [ رجعت گلست ] : كايقري ضمياطي راه فكفة وحدة الحزقة و التفرعين سليمة [ قربات تندب ] : واش يحسابك گاع لأساتذة مكحطين رجوع الله [ شافت فيها ] هو بلا والو دارهم عندهم لي يتحرق ما يتم و كاين غاهو عند مو و باه او واحد ختو ف كندا و حتى هو عندو رزقو و شلا پروجيات بسميتو خدوج [ ما تاقتش ] : يا بنت لهبيلة واش لي كاسب هاد الخير كامل غايفني صحتو ف تعليم مع ولاد الشعب يشيبوه قبل الوقت سليمة [ تنهدات مفقوصة ] : استغفرك ياربي وا السيد حر فراسو هو عزيز عليه هاد الضومين و باغيه نوض انا نگول ليه لا كنتي لباس عليك خليه و زيد وا شويا دلمنطق خدوج [ تحتات على صندالة من لرض و هبطات عليها لفخد ] : المنطق مالفا بيه ولا غاليوم ادوي [ زادتها ضربة تانية ] كاتفقهي هافاش بغيتي سليمة [ شدات فيدها لا تزيدها شي صلية لوجه ] : وا دبا غير شوفيه و تعرفي عليه و سيري نتي سولي عليه گاع مالك اش خاسرة بلاطو دالحلوة و بسطيلة دلحوت و طبسيل دلفاكية خدوج [ زيرت زيف حياتي على راسها ] : علاه حسابك غانخليه و الله يا جدو لونكيط لي يدوز منها ما نعاودو لك غاجي و تناسب مع خدوج و حتى نكون بگرة بگروني ديك ساعة نعطيك لمن والا سليمة [ حست بالضيم طاح على قلبها بلا موجب شرع ] : هادشي كامل ديراه غاباش طرطقي ل لويساتك المرارة ياك مهاماكش أنا تلفتات عندها مقادة معاها تشوف هاد الزريعة لمسوسة لي عطاها ربي هي من همها دادي و قرع الراس يگلع فوتادي....ويمكن من زمان ماهضرات معاها بحال هكا خدوج [ قربات لعندها ] : و شكون كره ولادو يعيشو فضل منو بالخدامة و الشيفور نعام اسيدي والبلاد لي شيرات ليها بصبعها تصبح فيها [ شدات فيدها كاتفهم فيها على ربي تفهم ] انتي اسليمة ما جبتيها بقلم ما ضربتي كرفي على راسك باش توصلي راسك براسك.....واش ترضاي تزوجي بواحد حتى عشا ليلة ما عندو تولي دابزي معاه على فلوس دلحمام هو يجر ونتي تجري ، شكون فهاد الدنيا ما متمنيش يفتاخر بولادو قدام عباد الله خصوصا بحال الحراميين دعائلة باك لي كلمة جوج يبدوا يخوشفو فيك بقليلة العقل لي ماعندها دراع [ جمعت قنانفها و جاتها من اللخر ] والى كان كايبان ليك بغيتو لاباس عليه غاعلى قبلهم الالة غاجبيه لاباس عليه على ود نطرطق لباباهم لمرارة سليمة : حتى أنا ختاريت و عرفت فين حطيت رجلي خدوج : [ السيدة تسيفت فثانية كاتحلف و تعاود ] : و الله يعميها لك يطلع حازق و النخوة على الخوا ظهرك نرجعو رطب من كرشك ناضت خارجة مخلياها ما فاهمة والو غاكتلقلل فعينيها لعفو مولانا ماتعرفي منين تشديها سليمة [ شقمتها قبل ما تخرج ] : هي مرحبا بيهم خدوج [ ميقت ] : تبتي و حصني شويا باغة طيري الله يحضر السلامة نهضر مع باك بعدا و نشوفو تهو اش تحت راسو زفرات بالجهد مرتاحة و اخيرا طرقات هاد المسمار و مخيرة گاع منين جات من عند خدوج عرفتها غاتكون شافتها نازلة من طموبيلتو قبيلة باينة لعمى فالظلمة.....وهادي خدمة نقية هاهي سدات التقبة دلموضوع دبا بقى غاباها تقنتو خدوج و تعصرو فشي قنت تزلگ لو لخبار و ديك الساعة تعلم محمد بلي كاين بدلات حوايجها حاسة بطاقة جديدة نساتها فمرضها تگولي بلان محمد هو لكان زايد على ما بيها ، تكسلات فوق الطليق و هزت مشقوفها تدخل ضرب طلة على الگروب ديالها لي يومين وهي غابرة منو لا حس لا خبر من نهار كدبة الضرسة باش ضمست التماطل ديالها فحطان الاجزاء......ومع هي تبارك لله عندها الزهر شاد الضد معاها و من اول بوسط طلع فوجهها تورق المسگي مع الدخلة مع تمرمقات بحصيرة كاتباها واحد خيتي كاتهلل ما راضياش على الوضع و روطار لي ولات ديراه ليهم سليمة ف القصة البوسط [ سكينة الهاري ] : جيت اليوم بغيت ندوي عليا و بالنيابة على شحال من قارئة على واحد الموضوع ولي هو التجرجير لي دخلات فيه قصة الكاتبة سليمة و مع احترماتي ليها هادو ماشي فعايل كل مرة خارجة بعذر مرة مسافرة مرة خدامة مع مريضة اعدارها كترو و الأجزاء قلالو حتى من الأحداث بدينا نساوهم.......من اول منين ماقدراش تفرق بين حياتها الشخصية و الكتابة متحطهاش و تجرجر معاها كثر من ربعلاف بنت ماشي عشرة ولا عشرين لي متبعينها راه لآلاف تم دير غابوجههم.......ها الكاتبة نصيرة عمرنا عقلنا عليها خلاتنا معلقين و نهار مكايكونوش الأجزاء كاتعلمنا على تيساع ماشي كاتغبر و تخلينا مقطوعين لا حس ولا خبر....انا ماشي كاندخل فكاتبة القصة حاشا ولا كانفرض شي حاجة بهضرتي ولكن الحق يتقال بهاد تعطال بردنا من جهة القصة و نتمنى كلامي ما يتخادش بحساسية . و اجي طل على سليمة منين قراتو ودنيها حمارو و الصهدة رفدتها كاتقرا و تعاود و باش مكملها و مجملاها بادياها ليها بمع كامل احترماتي لي ماجا من وراها غاقلة الاحترام ، و دخول الصحة هدا السيدة تيقات راسها بقى ليها شويا و تسبها.....البوسط تگولي واش تسرط ف حلقها خصوصا المقارنة لي حطات بينها و بين نصيرة وحلت ف گرجمتها مبقات بغات تهبط ، دخلت كتتقرا تعاليق لبنات و هي كاترعد على هاد مسالية القب الي جاية تفتي زابورها داخلة سخونة تعليق [ رميساء حجاجي ] : بصح اختي عندك الحق ولكن الغايب حجتو معاه تعليق [ صفاء سدري ] : ليزادمين قالو بلي ضاراها الضرسة و السيدة ماشي روبو ماشي تهمل صحتها باش تكتب ليك نتي جوبتها صاحبة البوسط : ختي صفاء راه ماشي اول مرة هاد الشهورة اللخرة كلها قللات الحطان و كترت الاعدار كون فاش سالات القصة وحنا مجرجرين تعليق [ راجية رحمان ] : اوا عري على كتافك و كتبي لينا و بقاي تحطي كل دقيقة نتي گاع واش معندك ما يدار ف الحياة ، حياتك ضايرة غاعلى هاد القصة مكاين فاش تلهاي هي ماشي ملزومة تحط ، الكتابة مشي ساهلة و غير بارت واحد كايدي ليهم نهار بالطول و بالعرض تعليق مولات البوسط [ جوبات راجية الرحمان ] : تعلمي دخلي سوق راسك شويا لما عجبك البوسط فوتيه ولا نتي عزيز عليك تجرجير انا لا تعليق [ زينب الحارتي ] : سيدة تلقاها ربي لي عالم بيها ونتي باركة تنفخي علاش ماحطاتش تقو الله راه كل واحد عندو اسبابو كترو ابتعاليق و بنات الگروب تفرقو شي كايدافع على الكاتبة [ سليمة ] و وحدين اخرين تهوما ملو و جاتهم عيقت و جاو على مولات البوسط مأيدينها فهضرتها لي كانت معقولة بالنسبة لوحدين و ماشي معقولة لطائفة أخرى.....كثر اللغى و تشادو القارئات ف الكمنطيرات قلبوها صباط البوسط رجع بالتعاليق بحال الحمام و العيالات كايتشايرو بالقباب وصلوها لسبان بيناتهم مكاين غاشد ليا نقطع لك علقت راجية الرحمان على القمعة لي خشاتها فيها مولات البوسط مغدين على بعضياتهم تعليق [ راجية الرحمان ] : كون دخلتي نتي لولا سوق قاعك مغانجيش نحطو لك فالسطل هاي هاي هاي ضسرتو كلمة جوج علاش محطاتش منين مقاداتش ما تكتبيش شنو دخل حمارك فيها تكتب ولا لا سوقها هداك ما عجبكش الوضع حبسي القصة و هنينا بسكاتك و فقل من جوج دقايق جاها الجواب تعليق [ مولات البوسط سكينة لهاري ] : واش داروك محامي وحنا مافخبارناش شحال كاتخلصك لساعة أنا مداوياش معاك يعني نعسي على الجهة لي ضاراك و لا باغة غامعامن طلابقي سهمي ماشي من سهمك كلوشارة لخرا منين كاتنوض رگاطة كايحطو گاع شغالهم و يبقاو عاصرين غاعلى جواب بعضياتهم وحدة كاتزمم لخرا تعليق [ راجية الرحمان ] : كلوشارة هي لي ولداتك و مرباتكش الشايطة شفتك عطيناك وقت و رجعتي باغة تقلزي لينا على القزيبة و تگلسي، منين گاع هادي نفس فيك ماتقرايش و سيري قلبي على لي تحط ليك الف بارت ف الدقيقة نيت هاد الگروب ماشي دوجهك شعلات بيناتهم مكاين غاعطيني نعطيك و ليزادمين كايحاولو يسكتوهم ولا هوما هنا من الطيارة تعرفهم كانو باغين غير السبة فين يغرسو سمهم ف لحم بعضياتهم تعليق [ مولات البوسط ] : مغانديش على وحدة راس مالها كل مرة مألفة لينا قصة من دماغها و ملبقاها على اساس داكشي عيشاه عايشة احلام اليقضة فالگروب سيري ديري خير غافحالتك كلشي دايرك ضحكة يقرقب بيك الناب ف البريفي و براكة من السلوگيات ف البوسطات كلشي عايق بيك لا عندك شي نقص سيري خدمي عليه يعْمَر عوض ما تألفي حوايج لا علاقة و تشاركي الوهم مع البنات ف الكروب لي هو ديال القصص ماشي ديال حياة راجية الرحمان `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
