.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `نادية الي كانت واقفة كاتسنى الباب يتحل من بعد ما صونات متسناتش بزاف دقيقة ولا جوج وهي تفرعت الدفة ف وجهها و جات بلاصتها كسدتو المسفحة من الفوق تگول معندو ما يلبس داير الصهد سبة باش يتعرى و يتبندر على الوقت ، هذا ما جا فبالها منين شافتو عريان لابس غير شورط، طلعات فيه و نزلات مغرقة عينيها فعينيه كاتشوف فهاد المقزدر ناشر عليها حروشيتو و زينو المسرار و زايدها ليها بتبسيمة سنانو مصافين حبة حبة.....صابها حتى هي معندهاش المرگات مكانتش من الننوع لي كايحشم ولا كايتفافى ف بحال هاد المواقف بقات تابتة نابتة كاتبرقق فيه عينيها تشوف واش غادي يحشم و يحدر عينيه ولا عوال ياكلها غير بيهم و يهضمها بلا نضيغ ، بقاو مني منك شوف فيا نشوف فيك اطاجين دالحوت حتى حشمات هي ولا هاد طولانطي حشم شافت حتى عيات و حطات السلاح معاه و هضرت نادية : السلام عليكم.....دار الحاج نجيب هادي مهدي [ ضربها لباه بنكرة باغي ياكلها بعينيه ] : دار ولدو هادي زاد وسع ضحكتو منين عگدات بين حجبانها ، قهقه و رجع شويا اللور مخلي ليها منين دوز قبل حتى ما يعرف واش عوالة دخل ولا حدها الباب مهدي [ ضحك محرك ليها راسو ] : و عليكم السلام.....دار الحاج أش حب ليا الخاطرك و حتى كون مكانتش دار الحاج نجيب كان غايگول ليها دارو بحال هاد الهوتة بضبط مخصهاش ترجع و هي ضاربة الطريق على الخاوي هادشي ما يبغيه لا ربي لا عبدو لي هو مهدي نادية [ شمات فيه ريحة التزلال ] : وخا تكلم ليا ماريا عفاك مهدي [ عيط بالجهد تقفزها من بلاصتها ] : ماريا [ داير فيها الصواب ] دخلي عندها جات ماريا كتجري دفعاتو لجنب يبعد تلقى منين دوز وغير شافت نادية خرجت عندها ماريا : نادية جيتي [ خلات ليها منين دوز ] دخلي مرحبا بيك علاش واقفة فالباب شافتها طلعات عينيها ف مهدي لي حتى هو حط عينو عليها ما مابقى هزها حلف بحلوفو لا رمش وهي قدامو ماريا [ كاضحك ] : هدا مهدي خويا لكبير......غايكون دار ليك لونكيط دخلي دخلي نادية ضحكات لو و ليها بزز و دخلات....هي من قبل كانت عارفة ماريا كاينة فالدار و ماجات عندها تكانو ريگلو الوقت و الساعة لي تجي فيها و على الصباح صبحات عليها بأپيل رصاو و زادو كونفيرماو بيناتهم المجية.......كحز للجنب مبعد مخلي ليها ليصباص منين دوز هيلي سد الباب من وراها و رجع كايعبر فيها و هي داخلة ضرب على سيگانها هازين ما هاز گاشوشو حك على صدرو داوي غير مع راسو السيد ترفع و هو كايشوف فيها قدامو خصوصا من آخر مرة شافها فاللايف منين بلوكاتو و طبعا مكانتش هاديك أول مرة يشوفها ولا تاني مرة شافها و شافها كثر من ربعة المرات ف الايفات لي كادير و بقا عاقل عليها من نهار وقفوها البوليس و هو لي سرح لها الطريق من تم دخلات لو لدماغو و حفرات بلاصتها فيه •••••☆☆•••• مگابل معاها كايخشي فوجهو ما حلات لو الگلسة و الماكلة غير قدام كمرتها ، كانت هي و ماريا معزولين فالقنت بعاد شويا على الطابلة علاش گالس كايجغدد ، رضات لو البال السيد عجباتو الگلسة و التحنزيز فيها عشرة للضس طالع هابط بشوفاتو خلاها تنكرا مع جنابها على قلة لبلايص ولا الصالونات فين ياكل دار على مكبرها فيها لي يتحرق ما يتم ، وليني هو باغي ياكل هنا و عشق يشبع كرشو و حتى عينو مال عينيه معليهمش الله يسقي عروقهم باللوز البلدي نادية [ تحلفي گالسة على الجمر ] : باقة الحاجة معطلة....لا باقة بعيدة نمشي تنعاود نرجع ماريا : على قبلك خرجات من عند الناس بكري عندها ساعة دطريق و هاهي هنا.....جاتها خرجة مزروبة لبوزنييقة [ شافت فتلفون ] ياله الخمسة و نص مزال لحال نادية [ كاتشوف فمهدي بنص عين ] : منين هكاك ماشي مشكل نتسنها مكاين باس ماريا [ وقفات ] : بداي بيا بعدة خودي القياسات تبقى لك غاهي منين تجي و دكشي لي عولات دير نيت جبدات روجيستر كبير عامر فيه شلا عبارات و حدا كل عبار طريف صغير من التوب كاتعلم بيه شمن توب قياسو هداك ، لقات ماريا شارية تفاصل لا هي لا لالة صفية..... حلات الكتاب و قلبت صفحة جديدة من الروجيستر و خطات جدول مقسماه فين تحط قياس كل جزء من الجسم...قبطت الميترو و تكونسونطرات كتاخد عبارات ماريا بشكل لي ختارت ف التفصيلة نادية : بغيتي لكتاف يجيو طايحين و لكن ماشي بفصالة مخزانية ماريا : اه بحال هكاك تحنات كاتقيد ف الكتاب و ترجع تعبر فاليدين و الدرعان ، الصدر ، الوسط ، الظهر الكتاف خدمتها وهي عارفاها اما واحد مولاي المهدي عينيه كايتقرقشو غادين جاين و غير مگال ليه راسو فديك الساعة و صافي مهدي [ عينو فيها و ربي كبير ] : وفي فالعبار عيالات هاد الدار مكايلبسوش الايڤازي و فصالة صحابات المنمر و بزطام وفاكاش [ و غمزها ] معرفاتوش علاش داوي شمن منمر ولا وفاكاش شنو كايخربق هدا حتى هو....جاوباتو ختو ماريا غاهبلة و عرضو عليها تزغرت ماريا [ ضحكت تتغمضو عينها ] : المنمر راه كايجيب الرزق ولا موضة كلشي تطلا بيه مهدي [ جغم من كاسو ] : كايجيب خليان دار عشتك....غالي حفى عندها الدراع كاترومپلاصيه بقاعها ترزق بيه ختو ما قشبلت والو فهضرتو عكس هديك لي كاتخد فالعبرات ، مبغاتش تصرط ليها هضرتو و هي من عشاق المنمر ، و ما جلابة ما جوج دايراهم بداك بتوب الي ساير يعيب فيه ، لايڤاتها ولا بدا تجبدو و تشكرو فيهم لبنات.....ضوراتها فراسها اش كايعرف لحمار لسكنجبير سكتات و طمرات على لي هاز جوفها و خلات ماريا حتى طلعت لفوق تهبط التواب و حطات رجل على ختها بغا تعبر لو الطونسيون شافتو لايح الهضرتو عليها نادية [ دخلت فيه طول و عرض ] : و كيف جاوك هاد صحبات المنمر.....كايترزقو الله حلالا طيبا ولي تلات بيها لليام راه حسابها مع لي خلقها ماشي مع مخلوق بحالها حل هو فردة وحدة من سرجم دالصالون شاعل جوانو خلاها منشورة حتى ريگل طنطونو...الحرتوكة دوات و لسانها بدا يلحس فيه و دكشي لي كان باغي نيت تطلق معاه و تعطيه خو جوابو ساط الدخان عايف من السيرة وبلا حشمة طرقها فوجهها مهدي [ بصراحة ] : كايجوني ديال هزان البازاگلو....شادين السربيس فطروطواراط يترزقو بتقابيهم الوجه لي عند الناس علاش يحشمو هو ما يكسابوش ما حشم ما خلاها تهي تحشم ماحملاتوش ينعث بنات الناس بالهضرة لخامجة كيف خموجية دعقلو جاها معربن و عندو شوفة فيكس على لي كايلبسو هاد النوع من التوب نادية [ تقزدرات معاه ] : هي موالف تعزل من الطرقان فين كاتغرق ساسك [ موالف تاخد بنات الليل تنعس معاهم ] ضحك ضحكة نيت هالي كايعجبو و ينغمو ، الزين و شدات منو حقها و الشخصية و باين عربونها من هاد جوج كلمات الي لاحت فوجهو ، زعما فهم راسك ماشي غير نتا لي كاتعرف تخشي الهضورات مهدي [ غزز قنانفو منشوي بالهضرة معاها ] : لي تشهاها لخاطر [ شد فديالو من فوق سروال ] كاتركع على ركابيها تشد لو هو الخاطر و تراري بيه و مع نوات ترد لو جوابو شافت ماريا داخلة ، خلات الحرقة فقلبها و قلبت الجبهة منو عرفاتو مكايحشمش و عندو غانيشان مدايرش اللجام لكلامو ولا كايوزن هضرتو و يبدا يفلي فيها و يزوق فشنو يگول مفتخر مع مخو يعري على شكون هو و شنو كايسوى و هادي هي عادتو ماعندوش مع تنافيق و يزوق راسو و يلبس قشابة ولد الناس لي شاد فالدين و خاطيه الحرام ، مهدي من النوع الي كايدير الحرام و كايجهر بيه خصوصا لا مشى حتى حط شي وحدة فبالو و نوا يكسكيها [ يكويها ] و هادشي لي وقع لو مع نادية فاللول نواها وحدة يصيدها يقلقلها وسط حجرو و يلوح دراهمو عليها ، وليني على مبان ليه هاد لماركة ماشي من سهم ديك الطريق سهمها غييير حرك راسو كايبرم جوان جديد مخرج يدو من الشرجم عاطيهم بالظهر مهدي [ داوي مع راسو ] : نشوفو صباغتك واش دورجين ولا غاتكشفها الوقت [ واش غاتصدقي بنت الناس ولا لا ] تغرست لو فالدماغ جاتو على الگانة و حطها فالكارتمير يدريبليها تحت يدو واش تطلع ديال الدار ولولاد ولا الي ولدها گواد [ عطاي ] و بغا تبين راسها مولودة فدار الجواد....صونا تلفونو ضرب على شكون هاد لاوي المحرزز لي معيط عليه فهاد الساعة ، تنقشات على لافيشور سمية العميد كمال ساط الدخان و خرج يجاوب يشوف شمن حريرة غايلبقها ليه فهاد العشية السعيدة نادية مني قلبت وجهها عليه ما رجعت تلفتت جيهتو حتى شافتو خارج ، تلهات مع ماريا ف الهضرة كايتعارفو كثر بدما جات صفية لي ما طفات الشمعة عندها حتى أذن المغرب هيلي دخلت بتويلها ، شافتها نادية و ركبتها الدهشة و شويا دصدمة فالبدية كان عند بالها غاتكون شي شارفة دات فليام و جابت صدقت السيدة باقى صغيرة و مع التهلو خلاص زاد بينها صغر و تهي مكانتش كبيرة ف العمر عندها 45 ربعين مزالة دك و دردك و ديك 45 و مبيناش فيها نهائيا ، وعلاش لا وهي تزوجت بالحاج نجيب ياله كيف فقصات من البيضة على 17 و ولدت بكرها مهدي على 18 زواج الصغر صدق ليها و ربي جاد عليها برجل بحال نجيب زادها زين على زين لالة صفية [ سلمات على نادية ] : ربي الالة بنتي سمح ليا خليتك منشورة تتسنى خرج لي هاد الغراض من الجنب و حشمت نرجعك ونتي ضاربة الطريق نادية [ مكرهاتش تبقا غير تشوف فيها ] : ماوقع باس أخالتي تبشر وجه نادية عجبتها بصوابها و زينها و خصوصا منين فكات الزيف و تطلق سالفها المخلوض بصفوفة من ليميش وتات بياضها سهات فيها كاتسبح الخالق تحلف بمين الله ما تكون فايتة 30 عام لا كثرت گاع ميمكنش هاد البلارة تكون والدة داك عوج السيفة كيف سماتو و بنت قد ماريا سبحان الله عيش نهار تسمع خبار نادية : ناخدو العبارات [ شافت السرجم بانت لها الظلمة دلات حناكها ] قبل مايتقطعو الطاكسيات لالة صفية : و مالك مزروبة لا تقطعو نوصلو بنتي تالباب دار [ كاتشوف فيها عجبتها تهي ] والله ماتمشي تتعشاي معانا و يوصلك مولاي لمهدي تل فين بغيتي غاسمعت حسو و هي تكحل بالعمى مالها تسطات تمشي معاه تصدق ضيرة لو فالخوا و يبرتشها فشي خلا السيد على ماشافت على سبة كلمة جوج يطنش علامو نادية : غاخليني نمشي الالة صفية ماما غايبقى بالها معايا لالة صفية [ شدات فهضرتها ] : وراني حالفة المرضية لكان على ماماك اري انا ندوي معاها مجاتش تگلسي فداري گاع هاد السوايع و تمشي كيف نجي بلا ما نتعارفو نادية : الله يبارك فيك ماريا مقصراتش لالة صفية [ شدات فيدها ] : و درلي خاطري عفا بنتي و ساعفيني يعطيك الرضى الصواب و الحنانة لي كادوي بيهم صفية دوبو نادية و جاتها حشومة و عيب ترجعها فوجهها ، و شكون يقدر يرجع كلمة هاد لعسيلة الي لسانها كاييقطر بالحلاوة نادية : واخا الالة مرضهاش فوجهك....ناخدو العبارات دبا لالة صفية غمزت ماريا الي فهماتها طايرة و سبقتها لكوزينة وناضت حتى لالة صفية تبعها صفية : صبري عليا غانبدل وانا معاك غبرو بجوج مخلينها بوحدها فصالون جهد شي ربع ساعة و رجعت صفية مبدلة حويجها دلخروج بتشامير هماوي خفيف لالة صفية : ياله باسم الله نادية : اللهم بارك سمات الله و وقفات كاتشد العبار بنفس الطريقة لي مشات بيها مع ماريا غير لقياسات لي مختلفين حيت لالة صفية جات عامرة على بنتها.....شدوها تقرقيب دناب بجوجهم رتاحو لبعضياتهم مرة مرة صفية تمشي الكوزينة ضرب فيها طلة و ترجع عندها يكملو الجماعة فين خلاوها......نسات راسها و الوقت طار بلا ما يعلم تسناو مولاي نجيب حتى دخل من الجامع و بداو يسربيو فالعشا لي كان فيه بسطيلة بالحوت من قبل كانت صفية موجداها و مقوماها و منين جاتها ديك الخرجة على غفلة خلاتها تترجع و طيبها و صدقت من نصيب نادية تشرك بيها معاهم الطعام... تجمعو على الطبلة بخمسة بيهم جا فخد مهدي مسالم مع فخد نادية ملقات كيف دير تبدل البلاصة جات حشومة قدام واليديه مابغاتش تفرطها و حطات مسعودة لبرودة جنبو على جنبها فاق بين الحمها و لحمو غير توب دالحوايج ، كايبان هو عاجبو لحال و ستحلاها جاتو على گلبو مولاي نجيب [ بوجه بشوش ] : مرحبا بيك ا بنتي بسم الله نادية [ غلبتها شويا الحشمة ] : الله يكبر بيك ا سيدي مهدي [ تحدر على ودنها و همس غفلها و غرقها فحويجها ] : حسبي الدار دارك هزات عينيها بزربة تشوف يكما شافو شي حد ، ساعة حتى واحد ما رد لو لبال ليهودي عارف أش كايدير......سبقو صلاد مشكلة و منوعة صيبتها ماريا ديال تحميرة دالوجه فيها من كلشي خضرة و ديسير و كروفيت قوماتها نيت تبعوها لبسطيلة ومنين سالاو تجمعو على صينة دأتاي ، نادية كاتشوف راسها تعطلات وليني فمها ملجماه مسخاتش تمشي من بين درعان هاد الجو العائلي لي دخلات وسطو تمناه اي وحدة ، فيه أم الحنانة و الهداوة كاتشعشع منها و أب النخوة و الهمة و الصواب كايسيح من كلامو لولادو الي منين دخل و هو مكاين غير لالة ماريا و مولاي مهدي مكبرين بولادهم ، سبحان الله كلا و كيف دار ليه ربي ، قارنات تعامل هاد الناس مع تعامل عايلتها جاها فرق كبير فرق السما على الارض صفية [ كاتقرب طبسيل تقاوت لها ] : خود ابنتي و سمحي لينا على هاد التجرجيرة نشرتك اليوم معايا نادية [ تبسمات فوجهها من القلب ] : مكتاب ليا نشرك طعامكم الله يخلف و يقوي الخير لالة صفية : بصحتك البلارة بصحتك خير ما درتي [ حطت يدها جهة قلبها ] و ربي شاهد كون ما دخلتي لخاطري ما نگلسك وسط ولادي [ تبسمت ] بنات الاصل كايبانو من القبول لي نازل عليهم ونتي الشوفة فيك كايرتاح فيها الگلب مرگاتها جاتها هضرتها شويا فشكل قدام راجلها و ولدها وعلى مافهمت عندهم هادشي عادي و جاري بيه العمل مربين على هاد المعاملة شاربينها ما و زارعاها حتى فولادها ، غاهو داك العتروس دولدها فمو كايطلق الملحون خاص بيه كلو قوافي بالهضاضر الخامجة كايلجم لسانو غير مع واليديه و هي قبيلة بارك يرفدها فالقرطاس مكاين غير الله يعطيك صحيحتك لسانو جباد كايكوي و يبخ......ناضت كاتجمع فصاكها و التواب لي غاتخيط تمشي خلاص باينة غاتسمع لي عمرها سمعاتو من دلقوش سميرة غاتبرد ليها هاد العشا ف الركابي غاتوكلها جغديد على هاد التعطيلة ، سلمت عليهم و وصلتها صفية تالباب صفية [ حطات فيدها جوا بيض ] : هدا نص فالخلاص علاش تافقنا نادية [ شدتو منها حشاتو فصاكها ] : الله يخلف الالة صفية صفية [ حطات يدها على ظهرها حمقاتها ] : بصحتك و راحتك الوريدة مدات ليها صفية صاشي فيه التواب و حلات الباب رامية ليها بسلامة ، و كيف خرجات لقاتو مكواني حدا لعتبة كايتسنى فيها تبان ، جوانو مفتوخ كايضهصص بيه لميموار عندو و يريگل بيه كاسيطة دماغو.....زادت قدامو و هو جنبها كايتمشاو بالمهل عاطييين لكل خطوة حقها طالقين ثقل رجليهم ولي باغي يوصل بكري العام طويل نثر من دخانو مدعدع ريتو بالحشيش طالق عليها صهدو باغي يقلقلها مهدي : إوا نادية گولي ليا نادية [ شافت فيه ماشية معاه على قد كلامو] : فحالاش نگول ليك وقف ف بلاصتو خلاها حتى هي توقف خطاويها تشوفو شنو غادي يصنع ،، لاح لخر ديال الجوان فلرض عافط عليه تحت گدمو و جبد واحد جديد عينيه محطوطة عليها ، ضحك مدوز لسانو على شواربو عاض قنوفتو من الجنب مهدي [ وجهو قصح من الصخر ] : طريقك فرادية ولا سبقونا صحاب الحديد ماحدو سخون [ زعما مصاحبة ولا ديال راسك ] شافت فكمارتو مزيان شوفة نيت ، وا زعيم مع راسو هاد خونا تافات الحد ، وليني الكدوب على لله حرام زعامتو عجباتها جاها فيها واحد الماص طربها و نغمها يمكن حتاش أول مرة طول مع شي قمقوم فالهضرة و يكون عندو بحال كمارة دلمهد الي مامنهاش جوج.....سيد مع البدية دخل فيها طول و عرض واش راك مصاحبها و الدعوة عندك مخلطة ولا باقة على الله كاستناي ف المكتوب نادية [ تبسمات مقلداه ف عضت لقنوفة ] : هاد ساعة طريقي خالية و مضببة و بيه فيه دكشي ديال سرعة دالبرق ممحتاجش يتعطل و بجوج دصباع طلع تليفونو من جيبو مادو ليها شادو قارم عليه بين سبابة و الابهام ، العزري طلعت لو التنغيمة من جوابها هالطنجية علاش حط العين صابها مزال ما تخشات ف الفران بقى ديال راسها طرية كاتسنا فيه يغمس من مرقتها مهدي [ غمزها غمزة مفروشة وجاها من لخر ] : الخاطر عشق يمشي و يجي فداك طريق [ ساط دخان الفوق منشوي ] ساعفيني و لوحي لي للجامك و عطيني طوع [ المقصود تصاحبي معايا ] واش غير دابا عرض عليها تولي صحيبتو ولا غير جاب ليها الله ، واوجه صحيح عندو....السيد مكانش من الننوع الي كاينيش بقرطاسو على الخاوي ولا كان غادي يخلي بداية العلاقتو معاها تكون مشابهة للعادي ، كلشي عندو مختالف حتى فالطريقة لي طلب منها بيها تولي صحبتو و عشيرتو ، و مكانش تاني كاياخد وقت طويل باش يقرر فبحال هاد لأمور و يبدا و يجبد لاستيك ، المطرقة عندو مع كايبان ليها الحديد كاتهبط عليه لراس نيشان زربان مع مخو شدات تلفونو بين يديها و عينيها على وجهو المقزدر ، رجعات لو الغمزة شاربة معاه من نفس الكاس تشوف فين حدو و شحال قدو بهاد زعمات نادية [ غمزاتو بعينيها بجوج كاتسول فيه ] : البنت الي شفتيها غاتبغي تصاحب معاها ولا كاتعزل و تخير كل جواب من عندها كايزيد يخليه يحفرها ف دماغو طلعات البياسة علاش حاط العين ماضية على جوايه بجوج ، هاااا علاش كان كايقلب و يبقشش من عام الفيل وخا راه بااااااقي شاك فيها تكون غاطالقة عليه الصهد و حتى هي كاتهزو من القنات بجوج.....ضورها فدماغو هو مخاسر والو طلعات بنت الناس غايبني معاها الساس طلعات مفردگة غاياكل لاگلاص و يطلع معاها لاص و تلاح لتوش بحال لي سبقوها فالحرفة منين شافها قيدات النمرة خطف التلفون من بين يديها مدوز مكالمة ما قطع حتى سمع الصونيط خارج من صاكها متاقش فيها لا تكون غير سارحاه وخا هو كان غايهزها من تلفون ماريا سواء عطاتها لو ولا لا ولكن بغاها تجي من عندها هي مهدي [ شقم عينيها المجبدة من عند الله غارق وسطهم وجوبها ] : مكانعزلش من سوق جملة و دراهمي مكايتلاحش على سلعة رحبة [ نطر من جوانو عاطي دق الريتو ] جوادي كايعزلو غالبيسات الملاح الوجه لي عند الناس علاش يحشمو هو معندوش وجهو زليجة مضروبة بالمرطوب الحرش، ماقللش عليها الحيا ولا خسر معاها الهضرة ولكن كيف رفداتو ليه بسؤالها رجع قلبو جهتها بشناقرو ، عقليتها و عقليتو راضعين من نفس دالبزو•••لة ، زادت قدامو كاضحك على هاد وجه الحديدة المصدية معامن لقاها الله غاتكون كذابة و نكارة لما گالتش بلي طنطن ليها فالراس و دكشي باش عطاتو النمرة تشوف شنو باغي وخا اول مرة يشركو لغى و يكترو فالهضرة بيناتهم طاح الحك و صاب غلاقتو نغمها و نغماتو ●●●●● حل باب دالطموبيلو مخليها تطلع ، و ضارب شوفتو على الدراري لي جمعهم الجموع حدا الگرديان ، مزادش معاها الهضرة و ركب من الجهة لخرا مقلع يوصلها لدارهم حطها شويا بعيدة على سيكتورهم هي لي گالتها ليه لا يشوفها شي واحد مسالي مخو و يحسابو جيبها زلال تالدرب تاخد الشوهة فابور......هو منين شافها غاتهبط جرها من يدها شوكاها نادية : شكاين تاني مهدي : ديبلوكي الكونط لي هبطي عليه ببلوك ف تيكتوك نادية [ شافت فيه مفاهمة والو علاش داوي ] : شمن كونط [ ضربت لها طن فراس ] ياكما نت هو لخليجي المزور [ تمسخات بالضحك ] ماتقولهاش مهدي : انا لي حو● [ رجع الهضرة من ننص و جمع غوباشتو ] كايبان ليك فيا وجه الخوالجة نادية [ كاضحك ] : وشكون فيهم مهدي [ حك حاجبو ] : انا لي تگارنت معاه [ تشاديت معاه ] دبا قضي حيدي لبلوك خرجت تلفون من صاكها شدها الفوغيغ دضحك ، عاد دبا فهمت بلان لمنمر و فين شافها لابساه وعلاش جبدو بالضبط قدامها گولي السيد كايحضر لايفاتها واشوفي ليك الخوينز نادية [ حابسة الضحكة بزز ] : شنو داير فالسمية فتا عليها شنو داير و ديبلوكاتو و هبطت دردبت مخلياه متبعها بعينيه غادة و تضحك ، وهي تفهم مالو زاعم عليها تل هاد الدرجة السيد طلع من المتتبعين الاوفياء داخل مزاحم العيالات ، كون كان مزوج تقول باغي ياخد كادو لمراتو ، ولكن بلاتي كيف مزوج كيف لا هاهي عندو مو و ختو بحال والو كان كايقلب منين يشري ليهم كادوات و طلعات عندو و تزعط فيها حتى ولا يتساب مع الناس فلايف على ودها مهدي [ همس بين شفايفو ] : حرتوكة صليبا يا ربك الظلمة دلات حناكها و الشيخة كتهز ف حزامها مكاين غالوي و حرك موزونك تلاح عليك غرامتك ، نجوم كاتسبح و لگمرة دايرة گارة مضوية خزانة المزعوكة بالبشري ، كايتشقلبو فيها الشيخات كيف بغاو الكوامانجي مجبد الجرة كاتهزهز القيعان على ايقاعها هاك بالاك كل طرف يا طرف ، الموزونات كاتقرقش و صدورة شادين العبار كايتحركو مكاين غاشتف هيتف شيخة تنسيك فختها ، خصوصا واحد النحيلة فيهم عندها الشطيح بالفصيلة و النقطة و الشدة و الضمة تلوازها غادي مع الريتم عبار كاتنوض الراگد و تخلي لفايق عطشان شاد كرسي فجنب دلخزانة كاس دالشراب فاليد و العين على مولات التلويزة بالعقل فين ما تحركت كاتمشي و تجي عينيه معاها سخناتو بلا موجب شرع خلاتو بلا هواه ينوض كايتمايل سكران قصدها جابد رزمة دلفلوس محزومة بلاستيك طرطقو بالجهالة و اراك لزرقات رجعو كايصبو كيف الشتا على راسها من يديه كايغرم و يتمايل ، لقاها تهي على سبة لاحت يدها لاوياهم على عنگرتو كاتخبط فموزونها يقيس علامو لي كان نايض.....طلع الكومانجي طلعة وحدة بجرة ختامية متختخة و ختنا فالله عطاتو بقاعها كاتحكحك عليه ولا هو فهاد الدنيا ريوگو وصلو لبوطو ، شيخة مشات مع ريتك الكمانجة و الدربوكة و ضربت قزيبتها نيشان على جحرو جات قد قد مع سالات الفيجطة ضور يدو عليها من العنق و كلاتو هي بدراعها مضوراه على ظهرو غادي كايتمايل حتى وصل فين كان گالس مسربي طبلة بالشراب هاك موك هاك باك ، طار استاد التعليم و رومپلاصاه استاد تزهوانيت.....دايخ غير مع راسو گرگعها مزيان بماء لحياة ولا غير كايدادي بفمو قبط يدها بن الحرام لاخر و حطها على ديالو كايحكحكها معاه محمد [ العين معسلة و ريوگو سايلة ] : البير عمر تالغلاقتو بغي فين يفيض ختنا فالله طلقت ضحكة شيخاوية منغمة باحبال صوتية شاد فيها تكياف ، شبعانة مع مخها ماحيا فين تشطح وهي معقلاش على لعالم و تزيد تسخن باش تعطي فتلواز......دعكت يدها مزيان على المحرزز لمقلش بين فخادو الشيخة [ باغة ضبر مصيريف ] : هاد لبير حنا مباركين بماه يسقي فلاحتنا على سي الأستاذ باقى قاد يصبر لا هي لا هو قطعو الفرنات ، نوضاتو حاتية عليه تحت باطها تحرفت بيه كيفحال الصاك و خرجو من لخزانة يشوفو شي قرينة كحلة فين يتراشو و يتناخضو ، و مالقى غاطموبيلتو مكوانية فجهة مظلمة تخشاو فيها هي كاتهبز فيه و هو باغي فهاد الدقيقة غايلوح غير لماني لمتقل على رجليه.....تسرحو اللور على الكوسان و بداو فالبسالة مكاين غير أرا علي رجليك و زيد نعسة جدي و جدك دكشي ديال يامات الاستعمار ، تقادو فالوضعية و اراك لساط باط ساط باط ساط باط الطموبيل ولات طالبة الشرع كاتمايل تگولي البگر كايترافسو وسطها ، نخض يما تنخض وديق خلا محمد يطلع لو الخرا لراس وليني ملقاش لبديل يقضي بكوية الولدين حتى يجدد فالمرات الجايات مزال الخير الگدام حرت عليا نحرت عليك خاشي كمامت قميجتو ففمها لا يسمعوهم ملين العرس ، السيدة غابلغها لقاصح و عطاتها لتوحويح كاتعيط على الصالحين و رجال لبلاد الشيخة [ عينيها مقلوبين بتوحويح ] : واواواوا و سيدنا واا لملك وامي و سيدي عبد الرحمان المجدوب گاع لأولياء خداو ديديكاس من فمها غيبات منين وصلو لصح و حتى ماحيا لاعبة عليهم دارت حقها ولاو كيف الكلاب كايتنابحو هو يخبط و هي تشاگي و تلاگي على الجواد يوقفو معاها شيخة [ شدتها السخفة ديال البليزير ] : جبتو جبتو جبتو جبتو هو مزال كايحرت كايدخل و يخرج محمد [ السكرة لاعبة عليه ] : لا جبتيه شديه حتى نتاومو بخوه هاهو جاي كايحبو فالطريق خبط يما تخبط لخرشاشة كاتمشي و تجي كيف لفلوكة وسط البحر......سيدي محمد تگرع من زنطيطو فوق القفطان تشياخت لي لابسة و تلاح فوقها بعصها تحت منو راخي تقلو فوق منها ردو النفس شوية و زعزعاتو يتهز من فوقها و هو ساح تقلو غايفلعصها من شي قنت الشيخة [ كتدفع فيه ] : نوض حيد بالاك غايكونو سالاو العشا الراجل غير فش نبولتو و تسهط عيا و هو كايجاهد السوفل صدق على قد لحال وخا الشراب كايسخن ولكن كايسوس الجهد خلاهم يهرنطو كيفحال الحمير...ناض عليها هكاك زبط بلا سروال ، جمعت هي رجليها تگلست و تماطات لباكية دكلينيكس قشعاتها محطوطة القدام كمشت منها عرام و خشات يدها تحت لقاعها كاتمسح و طرف لا لقات ما طرف ، هو لبس كالسو و سروال تيتنهد و يعاود الدوخة لاعبة على جد اصل تريكة مو ، نزل من حداها و طلع لقدام حل بزطامو كمش منو شي بركة لاحها فحجرها راسو بدا لحريق يزنزن فيه عروق جبهتو تنفخو كثر ماهوما منفوخين محمد [ بصوت باقي السكرة لاعبة عليه شويا ] : مانشوفكش هنا زرگت زرقلافات لي غرمهم عليها بين فلقة صدرها و نبعت براسها كاطل عليه مكمشة ورقة صغيرة على بواط فيتاس مقيدة فيها عشرة الارقام الشيخة : وخلي نمرتي عندك مزال تحتاج فين تخوي بجاقلك حطاتها ليه و لاحت مسكة دفلاش ففمها جبداتها من بين صدها ديراه شاكوش تمن الكيلوط الجديد و لفنيد منع الحمل جبداتو من تم متعرفو صدر ولا بليزة جامعة فيه دوزانها لا تجيها شي غفلة بحال هادي....دردبت من تم كاتعيوج داخلة فين كايتعشاو صحاباتها ف الحرفة فرحانة من لفم و من لقاع علاش لا و سيدة منين قشعاتو داخل الخزانة وهي قانية بعينيها على ملتو و منين جا برجليه ما فلتاتوش جاتها الوجيبة مع وقيت دالعشا فرحات القريد و عمرات البزيطيم و ها السهرة مزال طويلة فين تصيد شي زلال اخر تكمل بيه فلوس العواشر متكي براسو على الڤولون دايخ بزز مطى يدو هز قرعة دلما كايخوي و يعاود على قلقولتو لربما تفوتو دوخا شاف واحد البعلوك صغير دايز من تم و بصوت مدعدع صفر ليه جا لعندو كايجري محمد [ جبد عشرة دراهم عطاها ليه ] : عيط ليا على حمادي قول ليه محمد باغيك ضربها لبرهوش بدرديكة وحدة لخزانة تيبقلل فعينيه على حمادي منين شافو طار موصلو المرسول تهو متعطلش خمسة دقايق كان راكب حداه من الجهة لاخرى كايشوف فيه مقلوب باقي ريزوه هارب حمادي : عارف راسك كاترفع شرب غير لقياس محمد [ راسو تزير تزييرة نيت ] : فيك لي يجر بيا هاد الخرشاشة لدار حمادي [ حل لباب من جهتو و هبط ] : الله اودي [ حل عليه لباب مخرجو معاونو يركب فالفاص لاخر ] دير الصمطة ولا نعاونك محمد : غاقضي ديمارا حمادي خارج من تم شاد طريق الرجعة من حد السوالم فداك الليل طرگ خدا ليه قهوة معصرة على مولانا تريگل عندو السلوكة لي تحرگو ، جهد ساعة غير طريق ما تفرق معاه توصلو لبرطمة ديالو ف رياض الولفة حمادي : هاهي الحديدة غادي نرجع بيها محمد [ تلاح على الكنابي بدا دماغو تيفيق شويا على قبل ] : غدا فالصباح لقاها عندي حمادي : و عليه مشى بحالو يرجع يكمل لقصارة لي بقات وراه ، اما مولاي محمد شريف العلاوي لي ياله فش القلا**** تعافر حتى دخل لدوش طلق الرشاشة واقف تحتها مخلي نعمة ربي تفيقو من لمعصية لي زطم فيها جايبها بجنابتها غتاسل علاش قد و تلاح كيف البطانة فوق فراشو يصبح و يفتح "" سيد لخادير ، 10 صباحاً "" لابسة جلابة مخزانية خفيفة جاية مع طولتها و محرفة بصاك كحل حاطة قاعها فوق الفوتوي كاتلبس سبرديلتها حلوقها كايصيح كاتعيط و تعاود على خدوج تخرج خلاص خدوج [ من لبيت كاتبقشش ف الماريو ] : الحلاقم نشاعلا جبدت علاش كانت تتبقشش كان قميس خفيف توبو دثليجة مورد خياطتو سامبل بالعقادي و سفيفة متولة تشوفو تحگرو ولكن غير العين الدواقة العشاقة الي تعرف ليه ، لبساتو خدوج فسبوع سليمة و خزناتو سنين كثيرة على حساب توهبو لبنتها كيف هي مها وهباتو ليها توارتوه جيل بعد جيل ، لا خياطتو ضيموضات لا فلالتو و كل وحدة تحط بين يدها كاتهلا فيه و هاهو ليوم تحط فيد سليمة لي مع شافتو عينيها شعلو غاينقزو بالقلوبة كاتفكر شحال من مرة طلباتها عليه غير تصور بيه و خدوج حلفات لا عطاتو ليها فديك الوقت حتى تجي لمناسبة لي تخليها تستاهل يتعطى كاهدية بين يدها.....حضناتو بين كفوفها فمها مشرع عجبها لحال و اخيرا كتاب يكون من نصيبها سليمة [ القلوبة غاينقزو من عينيها ] : و كون تعرفي شحال كانت شهوتي فيه نلبسو غدا [ تلاحت معنقاها ] سيري يا خدوج لهلا يحرق فيك شي عظم خدوج [ كاتحلف و توصي و تعاود ] : هاهو علاش كنتي مصدعاني كيف خديتيه خليه.....الله يعمها ليك تلفيه ولا تجلي لو لحس نغزك بسناني سليمة : اويلي واش هدا يفرطو فيه الناس فمومو عينا يتحط شكون يعرف لهاد الجوهرة من غير الدواقة مالين لهمة و الشان رجعت خدوج خطفاتو من بين يدها مرجعاه لبيتها توكان يرجعو من الغراض لاش غادين......و أراك ليا دبا المراطون ، هاد النهار هو الخميس غمض عينك حلها هاهو غدا الجمعة فين تافقو مع الناس يجيو من بعد ما خدوج قرقات على سعيد جبدت مع الموضوع نفخات لو طنطون دماغو تولا طالب الشرع وخلاها دير لي بغات غير تهنيه مخاسرين والو ياك جايين غير يتعارفو تفاهمو و توالمو تبركة الله ما تافقوش كلا ينعس على الجنب لي يرحو شدوها جبدة لمارشي دلحي حساني فين لحوت طري و منوع لي حليتي عليها فمك تصيبها فريش بالطراوة ، تقداو الكروفيت و كالامار و الفرخ وشي تويشيات اخرين و دازو عند العشاب تهو مخلاو ما تقداو من عندو طحنو العطرية كلها ، تقلو بشواكش و ساشيات شافت خدوج تعيات و سيفطات سليمة فطاكسي مع التقدية لدار و بقات هي تكمل شنو باقي خاصها ، الحلوة كانت ديجا فيكسات مع واحد الحلاوية تتخرج الشهد من يدها غايطرگها سعيد ف طريقو بجيب الكموند....دخلت جهة مالين البلدي ف الصبابط كادور عينيها لي تنغمو منين شقمو علاش تتقلب ، كان شربيل بالصم لونو بلونكاصي شراتو بنمرة 37 على قياس سليمة و زادت مع الطريق حتى وصلت جهة الطاكسيات و تفكرت الخص لشلاضة دجردة لي ناوية دير و گلبت رجعة المارشي واقفة تتعزل و تخير فالخص الخضر و حتى الحمر زايدة معاهم لبروكولي مداتهم لمول الكروسة يجمعهم وهي سمعت شي حد عيط بسمتها عايشة : واتي خدوج هادي خدوج [ من فوق النفس معندهاش مع الجيران ] : هي هديك عايشة : عاش من شافك مابقيتي تسولي ولا طلي خدوج بقات غير كاتشوف فين عمرها جمعتهم شي علاقة اصلا باش تقطعها ، و مالقات اصلا شكون تعرف غير هاد جارتها فالدرب الي فيها كترت الفضول و التبرگيگ الي فين ما شافت شي حد شاد وقرو من الجيران تتبغي تشري معاه لمعرفة وليني ماعندها زهر هاد المرا طاحت فخدوج تهي بينها و بين هاد الحشمة قرن و زمارة خدوج : كانسول على حبابي وما جاري جامعانا زنقة اش نگجدر بيه تلون وجه عايشة بالبوردو و ضحكت بزز سرطة القمعة ، و مع الاسف لي مافيه نفس مافيه وخا تنفخ ليه فقاعو بالبونبة عايشة : وا شحال فيك ا خدوج اليوم جيران غدا ما تعرفي نوليو فاميلة خدوج [ فنفسها ] : الله ينجيني حجارك يشدوك انا باالله و بالشرع خلصت تقديتها و زادت مع الطريق خلات عايشة تبعها كاتعيط وقفات خدوج بلهلا يتبتو ليها لصقة صافي هاد خيتي حتى هي ، اللهم تفري معاها الجرة هنا نيت تشوفها اشمن بلان كحل وجدتو من نصيبها عايشة : و ما حشوماش تخليني تابعاك كانعيط وانا ناوية ندق باباك و نشرك طعامك خدوج [ ربعت يديها مقندشة ] : و باشمن مناسبة ناوية دقي بابي عايشة [ فرنست فرحانة بشنو بغات تقول ] : اوا لا كتاب نتناسبو و نشركو الد••م لعزري عندي مشقوم من جهة لعزبة عندك و منلقاوش حسن منكم نجمعو معاكم شمل خيرنا ما يديه غيرنا واجي تشوف ليا واحد خدوج عينيها وصلو لترودانت من هاد تزعليكة لي سمعات من فم هاد خيتي ، واش سمعات بالصح ولا غير مسرحة لعيا فيها هاد عدوة الله......دبا بنتها لي كاتشوفها بنت الشان و المرشان بلارة و بغاتها تاخد غير سيدي و مولاي يعوضها على گاع النقص لي فيها تجي دبا هاد وجه محكة لهياضر تصمر فوجها باغاها لولدها الشمكار لي الگارو هو للخر عايشة لي كاتشريه لو.....وجه خدوج تعصر طارت خدوج المريضة و رومپلاصاتها شالوطية سايطة صهد جوفها فوجه هاد لخليقة ، غوتات حتى تجمعو عليهم لي كانو فداك الشارع كامل خدوج [ الد••م تزير فوجهها ] : اش من خير كاتكسابي يابنت العريان ، يشرك لقحبيماك لسان مع السنان....بنتي انا ياخدها شمكار دولدك تولدي لحناش يطرقو لجد باباك لكلب الطابگ عايشة [ تهي طلعت كطريام معاها تحلفي كانت بغات غير سبة منين دوز ناحيتها ] : غابشوية لا تفرگعي والدة لينا لالة سلمى ياك غابايرة لا قراية قرات لا خدمة بحال لالياتها خدمت....اما ولدي بزاف عليك مزال نجيب ليه لالاك و بنت سيدك كبرنا الشان لبوجعران كنا راس و رجعنا رجلين ، سايرة تحلي ففمك على ولدي مالو كيف جاك سيد الرجال تگوليها و تشلي بيها فمك تلاحت عليها خدوج معطلتهاش جاراها من زيفها مهبطاها حاكة ليها وجهها مع الشانطي ، الشفوي مابقاش نافع فهاد لحالة جعرتها على اخر يامها تجي مطوطة الركاني كيفحال هادي تغسل فيها رجليها و زيدها موركة على الضبرة بلي بنتها مدارت والو فحياتها كاتسنا غير فولد عيشة يجي يتزوجها و يدير خير فيها . گلست خدوج على راس عيشة و هزت فردة صندالتها كاتنزل عليها غير لمراود ، عياااو الناس يفكو و حلفت لا طلقت منها كنزت تكنزيزة وحدة فوقها دارتها تحتها و اراك لخبيط خدوج [ كاتخبط و تعاود ] : انا يا ملگة لقنات تجبدي سيرت بنتي على فمك...كبر شانك و مرشانك تتنوي ت حتى فخاطرك دخليها عروسة على لمسلگم لي والدة مصدي وجهو كحل كالگدرة داحماحم سنانو رايبين كي لمندبة اودي القح•• بة لالاك [ خبط خبط خبط ] تالخبز ما شابعينو فكروشكم بحال عباد الله بقى لجدكم غير الزواج عيات تنطر عيشة منها اوالو حكمتها مزيان عباد الله تجر فخدوج و السيدة غيبات على الواقع هضرة عيشة لعبات على دماغها حكات على الضبرة منين نعتات سليمة بلي مادايرة والو فحياتها فحالا غير زايدة فالدنيا معندها دور ، عيشة فكرتها غير فلويساتها وهاهي دبا تتبوط فيها جامعة فقصتها مع فقصة عائلة راجلها و غاتخرجها فيها عيشة صگعة مافكوها الناس من تحتها غير بزايد و لخيل خدوج غير فيلة و گلسة على نملة تتبرض فيها شواتها فجنابها مزيان ولا سماتها مرا بقا طوف بساحتها كلات ما كلا طبل ليلة العواشر عايشة [ واكلة لعصى ولي فيها ما هناها ] : و الله لا بقات فيك لا بقات فيك الله يرزيني على ولادي خدوج [ كاتنتر بغا ترجع ترفسها ] : وا طلقوني عليها [ بدات تحلف فيها ] وهانتي سيري تتبرديها و رجعي غاتلقايني مزالة هنا نصمرك لجد باباك لكلب الجناب من بدوا و جديد لا نتي لا القو••اد دولدك بغلة صافي ما لجموها غابزز دارو الشوهة فالسويقة أمة لا إله الا الله تفرجت فيهم كايترادخو وسط لمارشي شي كايفيلمي بتلفونات شي كايفك و شي محسنين جمعو لخدوج تقديتها و شراو ليها لما حاطين كرسي علاش تساراح بحالا هي لي كلات لعصى ، گلست ترجعت النفس و ناضت شدات طاكسي لدار منين بردت فيها جنونها باش تعلم تلاح بلا گارصون ف رحبة التفاح اش جاب لجاب هي مكرهاتش لبنتها وزير يكون من نصيبها و دبا جاية صفرة السيفة باغاها لشمكار يظل عاصر فالصاكة لا خدمة لا ردمة بقا لو غير الزواج هو لي طلعات ليه يدي ديك البلارة كاملة فقيه صحيح هدا عندو منين داك لخير كامل يجيه فحقو نزلت فراس الدرب من الطاكسي و مع سعدها هاد نهار كوز بقاعو مايخرج غير ولد عيشة قدامها جاي جهتها كايتمختر فالمشية و يفرنس لابس كومبلي محرتك حالتو مصدية كيف لمنجل كايعيف وجهو محشر تحلفي محكوك بالجيكسة الحرشة سيفتو تخلع و زايدها بالعفن بحالا مكاينش لحماحم ولد عيشة [ حاني راسو زعما الصواب و الاحترام ] : مي خدوج اري نعاونك داكشي تشقيل عليك و الدروج كتار غاتشسخفي ليا ماطة يدو باغي يشد من عندها الشاكوش و جراتو مرجعاه وراها طالعة عندها القردة لسطاح لي خلاتو في مو تكملو عندو هو خدوج [ كحازت منو راجعة اللور ] : لغمة تغمك انت وموك الله يبعد بلايا من بلاك هادشي لي بقا ناقصني نولد بحال كمارتك ولد عيشة [ كايهضر مشمكر حادر عينو و كيعبر بيديه ] : وشتيش دبا فين وصلنا شوصلنا لهاد لهضرة امي خدوج شفتيني قدرتشك ما تقوليش هدا معندو ما يدار خدوج [ ساطت فيه ] : متقدرني ما نقدرك غبر غير من قدامي كمارة دلويل [ تتمت غادة و ضارت عندو ] ونهار نسمعك جبتي سيرة بنتي على طرف لسانك نحشو لباباك بمقدة بن الرعواني لاخر ولد عيشة : وا غير جيتيني فعمر لواليدة و دزتي فوجه بنتشك مقبولة منك ا نسيبتشي خدوج [ رگادة ولاو كايلعبو فوق راسها ] : تناسب مع الجنون يا عدو الله [ تحدرت هزت طرطوارة كانت حدا رجليها مكرهتش تفرشخ لمو لقلقولة ] كانقسم فمي بالله و ما توقرني عليك تنسيفطك تغرز ولا فين يطلعو مع اصل موك القرعة هاكوا هاكوا على الدري تحلو عينيك يعطيك فيهم لعمى....نقي غاخنزك هو اللول يا خايب لحالة مصنن لبيطان ضربات فيه و زادت مكملة طريقها ، ونهار زين هدا اش خاصك العريان خاتم السلطان هادي هي ديال ولد عيشة ولد عيشة [ جهد صوتو نوي يسمعها فودنها ] تش بربي تشنخدها ولا نضرب على ملتها الحبس وجدي راسك امي خدوج[ بدا كايضور فرحان بكوستيمو لملگ شمان التقاشر مدوخ لو دينامو] راني ضربت الحطة و قاصدك و المقصود الله طالب راغب فبنتشك [ قلبها غنا ] الزين ولاطاي كلشي كاين عندها فورمة كلشي كاين •••☆☆ عند خدوج☆☆••☆ تخبطات على الفطوي فالسيجور كاتنهج شحفوها يعطيهم موصيبة خدوج [ بالغوات ] : سليمة اري ليا قرعة لما خرجت من الكوزينة هازة بلاطو صغير فيه كاس و قرعة كاتشوف ف ماماها وجهها حمر كاتقاطر بالعروگات سليمة : ديك الساعة خلي الشاكوش لتحت انا نهبط نجيبو خدوج [ قرقفات على الكاس و كبات تاني كاتنهج ] : حفات ليا ف التقل نهزك نتي و عشرة منك.....بقات فمصنات الطبا•••بن كبر لباباهم الشان ولاو طامعين يدقو بابي [ قندشت فيها ] حطي قاعك لهيه سليمة [ گلسات مفاهمة مالها ] : الله يسمعنا خبار لخير حطات يديها بجوج على ركبيها مضيقة شوفتها و قربات من وجهها كاتحگگ فيه خدوج [ مصغرة شوفاتها ] : اش بينك و بين ولد عيشة و فين تتعرفي ليا بحال هاد الگنس سليمة [ خرجت عينيها راجعة اللور لا تلاح عليها بشي نتفة ] : لهلا ينزل علينا شي باطل شمن ولد عيشة ولا هيشة شبيني و بينو خدوج [ خبطات فوق طابلة ] : گولي ليا نتي ابنت لالة شبينك و بينو حتى السيد زعم هاد الزعامة و جاي ناوي يخطب سليمة [ خبطت جنابها ] : و يرزيني فصحتي يماعمري شركت مع شي ولد لمرا من الدرب حتى السلام....تخطبو بوجنيبة طرق لحسو لبوط خدوج [ حمرت فيها ] : گولي لحقيقة مغايجيش و يزعم غاهكاك كون مشافش منك شي حاجة سليمة [ بغا تندب حناكها ] : اويلي و غدايدي شمن حقيقة واش سهمي من سهم ولاد هنا راني ماشي مكلخة نلوح راسي لحفرة فين نغرق خدوج [ تتحلف و تعاود ] : و الله يعميها لك هاودني منك نشم ريحتك تخالطت مع ريحة هاد القوم الناس كاتجري على سعد زاهر ونتي تحفري على خليان دار بوك سليمة : و هضري گولي غير اش واقع خدوج [ ضحكت بالفقصة ] : ملگية ليا الصوبيصة دمو فالسويقة حگة ما حگة جاية ندق بابك طالبة فبنتك لولدي.....تولد لكلاب ينحشو مصارنها نشاعلاه هي لي بقات ليا فالحسابات اخر يامي نتمرمد بالطول و بالعرض بين ضراس قواويد دالعائلة.....شحفتني الله يتبعها لبلا سليمة [ صغرت عينيها ] : ياكما ضربتيها وكان خدوج [ بفتخار ] : الله يا مها تدات ما تعاود حرزو عليها الناس فكوها من بين يدي ما كون رفستها رفيس البگر تتولي تشوفني و تگلب الدورة سليمة [ هزت يدها ] : تسليم ياختي تسليم منك و مخفتيش ديكلاري بيك خدوج [ تفطحت ف الگلسة ] : عند بوها تعشا ليلة ناقصها غادخل لمخزن غاجي و ديكلاري ضارباها بالقرطاس.....حكوها عظامها بغات تبردهم و مارضيتهاش خاوية و مزال لما عطاتني شبر دتيقار غانشلخ لبوها لعظم على اللحم نوريها تنسيبة لي بغات تناسب معايا ●●●●☆ عند ناااااااادية ☆●●● گالسة فالبيت حادرة راسها شاداه بين ايديها ...وجهها معصور بالعصاب و حمر بالفقصة عينيها جغمة من الد••م كايتقاطرو بالدموع.....حناكها كولهم مخبوشين اثار الظفران مصورين على بشرتها ، شي زغبات من شعرها لاصقين بين صبعانها.....كاتبكي بلا صوت الشتا نازلة من عينيها دموع الحگرة هلكو گلبها نادية [ بقهرة هازة كفوفها لله ] : ياربي خود حقي ياربي بين فيهم العلامة ~~ قبل ساعة ~~ جاية مهلوكة كاتجر فرجليها بالعيا خرجت الصباح بكري ترزق الله وصلات لبوسطة ليكوموند ترسلهم لماليهم ف مدينات اخرين منهم وحدة من الرشيدية و جوج لمراكش و جوج لرباط قضات لغراض و رجعت لدار تكمل السلعة الي تهي خاصها طرق مسمارها ترسلها لماليها خلاص.....طالعة غير بزز فالدروج البارح ما نعست تلاشمن وقت ، و محدها هي طالعة كاتلقى مع شي كروات و جوالق صغار هابطين مع الدروج مزلعين و ماجات فين توصل لسطاح لي كاريين تشافت لي خلا عينيها يخرجو و رجليها يخواو كثر ما هوما خاوين...اويلي اويلي واش ماكينتها هادي لي كلها مشخشخة كيفحالا داز فوقها رموك بقجها و كل بياسة تفزعت القنت ، طاحت على وقفتها رجعت كاتحبو على ركابيها مامتيقاش شنو عينيها كاتشوف مابغاتش دخلها لعقلها مصدر رزقها دابا كلو مفرتت بقاو فيه غير جوالق مشودرة تشودير دلكلاب و بياساتها مزلعين فالسطاح و الدروج....هزت الشوفة فلي واقفة فالعتبة دالكوزينة عاكفة طنطونها بزيف حياتي و رافدة مطرقة غليظة نيت وازنة دقة وحدة منها تصيفطك تسمع من هو ربك عرفتها ، سميرة كانت هي مولات الفعلة و ماشي اول مرة ليها دير هاد الفعايل نادية [ لاعبة الصدمة على دماغها مزال مامتيقة ] : علاش هادشي [ غوتات بحر جهدها ] اااش درت ليك شنننننو بغييييتي عندي منين غانجيب فلوس وحدة جديدة منين اااااربي منييييين سميرة [ متحركت فيها شعرة مخنزرة ] : تجيك فالصحة و العمر يا الصوبيصة.....يا القح•• بة دايرة ليا السبة بهاد الخرشاشة باش تخرجي تزللي و تهزي رجليك الرعاوين و ترزقي من قاعك....رجعو كليانك يجيبوك تالزك الدرب [ بد••م بارد ] هاني هنيتك من هاد القرع لي غانمشط لو راسو و نولي مسكة بين ضراس دعباد الله على اخر يامي الشلل ضرب نادية ، لونها لي هو اصلا كان هارب من وجهها زاد هرب ، تقجت و تزيرات ولات زرگة الد••م شحف من كمارتها....تسرسبو دموعها كاتبكي و تشهق ركابيها تحردو و هي كاتحبو كاتجمع بياسات ماكينتها مابغاتش دخل لدماغها بلي تفرشخات و رجعت صالحة غير ل لافيراي....هادشي جاها كثير القرقاشة منين كاترزق الله بلا ماتحن ولا تمحن رزاتها فيها بد••م بارد و زايداها كاتطعن و تهتك فعرضها....لاحت من يديها دوك الجوالق لي جمعات و بلا ما تفطن براسها دخلت فحالة هستيرية كاتندب فوجهها و تجر فشعرها كاتغوت على حر جهدها حاسة بالحگرة و قلة الزهر و السعد و لميمون نادية [ كاتندب ف حناكها ] : وااااااش بغيييتي عندي واااااش من عيييب صرفت فيك [ ضربت گاشوشها ] وااااااربي وخا نكون عدوتك ولا ضرتك ما نشوف منك هاد التعدو كامل [ تتندب و تعاود ] واااا هديتيني ا سميرة هديتيني واااااا نخرتي ليا عظامي اسميرة لا سماحة ليك [ وجها تخلط بين الدموع و نقيطات الد••م لي هابطين من حناكها ] وااااااشمن زلال لي دخلت عليك وااااااش من فلوس حرام وكلتك وياااااك ريييتي كانحطها معااااااك كل شهر و ياااااك كانسبقك على كلشي و فييييين عمرك شفتييييني من سهم خرجااااان دالطريييق [ خبطات راسها مع الحيط بحر الحگرة ] وا مييييمتي على ماكينتي و يا ربيييي خود الحق فالظاااالم واااااربي توالاها راني عيييييت يارربي و تهدييييت شكون داها فيها ولا حن فيها سميرة بقات واقفة بحالا ماشي كبدتها لي تتقطع قدامها محيدة الكبدة من جهة بنتها كاتشوفيها غير الكحولية مكاين لي مصبرها عليها قد المصروف لي كاتصرف معاها و الدوايات و السبيطارات لي تتخلص على خوها سميرة [ لا احساس لا ضمير ] : بغيت ربي يطيرك عليا و خلاص....باغة تمرمدي وجهي فلارض و اخر يامي يهزو عليا مت الپاطرونة [ غوتات ] وااا الى بغيتي خرجان الطريق خليه بعيد ، لعبي بعيد عطي زكك تالكلب مكاين لي يسول فيك ماشي القح•• بة لالاك تباتي هازة العلام و تزيديها جايباه تلقاع الحومة واااا خلي وسخك بعيد عليا وا هزيه من الجوايه بجوج ماشي شغلي خلي غير خنزك بعيد عليا وعلى ولدي الدموع الدموع الدموع شلال من جوف عينيها اش باقي منين الام تنعت بنتها و تطعن فيها بلا موجب شرع مخلات لبراني ما يدير.... صافي حتى لهنا و حبس المرقة شحال قدها تصبر لهاد العيشة ، كابرت و كابرت و تسندت على لحيط توقفت و خسرت عليها جوج كلمات نادية : هاهي غاتبعد عليك وسخها [ غوتات على حر جهدها ] غرسييييي فبلاصة القح•• بة الصوبيصة دابااااا الورد و بالعمان ☆☆••• العودة للحاضر ☆☆••• جرت بليزتها و صاك فوقها جمعت فيهم اغلبية دالتواب و خدمة الناس لا تمشي تقطعهم تهوما و اصلا على مبان ليها مبقاتش غاترجعة لهاد لقنت....تعافرت مع التقل هبطاتو من دروج و ماماها كاتشوف فيها ما تابت ولا گالت حشومة ما شدتها ماحاشاتو ليها تزيد لا باغة تزيد الما و الشطابة تالقاع لواد مالها شادة عليها السما دايراها قد راسها و زيدها بالغضيب ، منين باغة طريق دالحرام علاش مصدعاها بالخياطة تعري على لاص نيشان و تولي تعبر ميزان الزلال بلا كثرت تلاو وقفات فشاريع دموعها ويدان هابطين شدت طاكسي و طلعات حاطة حنكها على الزاج تتبكي و تعاود شي مرات تتقول يمكن غير مربياها مستحيل تكون هاديك مها مستحيل.....و وسط دمعتها الحارة تفكراتو و ضحكت على سعدها لعوج ممكتابش ليها تعيش و تفرح كيفحال البنات ، يمكن جات فحقها غير الحگرة و تمارة.....على طول الطريق ما حيدش من عقلها لصق لصقة وحدة كاتفكر فيه و تعاود وياااه شحال كانت متمنيا شلا حوايج ينسيوها فلي داز وليني مكتابش ، فالأخير جبدات التليفون ديالها و دخلت نيشان لواتساب بلوكات النمرتو بخاطر مكروز و قلب مفقوص ، كاتفكر كون ماوصلهاش البارح مكانش هدشي غادي يوقع معاها و تخرج من دارهم تجلوق فزناقي ●●● عند صديق ●●●● تقال زمان الوالدين غطاهم التراب و الخوت عراهم الحساب ، الطمع يفرق الحباب و يرجع لفاميلة ذياب ، غير انت و شنو زرعتي تحصد و منين ما زرعتي تكيل في الدنيا لحساب صابون هاد المثلة ما مشاتش على صْديقْ و ختو نبيلة لمتهم غييير و خاوتهم مايفرقها لا بخور لا جاوي ثاامرة صفاوة ، سواريها من الساس طالعين على الصح المصحصح ماتميل بريح ولا يهرسها تسونامي ، الجدر ديالها صالح بني و علي من فوقو غصون مرضية و بارة بالكبير و الصغير ، موس واحد يدب•••حهم هي طيح و تنوض عليه و هو يد•••بح و يسلخ على ودها هي لي بقات لو من ريحة واليديه و هو لي بقى ليها وسط صالون مغربي أصيل جامع تراث البلاد من بابو حتى لآخر زخرفة منقوشة على قلب الطابلة لي دايرة عليها ديك اللمة عائلة مقومة حاضر فيها صْديقْ و انور و نبيلة و شامة ، وحدة تمد و يد أخرى تستف بالتاويل فوق الطابلة من كل ما لذ و طاب عاطيين الجهد و الطاقة يخلقو قصارة عائلية تتخلد في الذاكرة ، تحط أخر طبسيل من يد نبيلة و قاصدة بلاصتها بين خوها و ولدها ، تذكر الله و من أول دغمة انور باس يد مو على لذة طيابها لي مزادو الزمان غير بنة و تاويل....حادگة و حارة و حتى شامة مكانتش قل منها غير كلا و بننة صبعانها صْديقْ [ كايهز و يحط قدام شامة ] : كولي ونتي بقا فيك غاراس هزت شامة وجهها جهة نبيلة كاتقلي لها السم ضاحكة ناشطة زعما شوفي كيف هازني على كفوف دالراحة و ديك الضرة علاش ناوية سيري طلعها معاك ، سيد كايموت عليا و باغي غير رضايا هادشي كايضور غير فراسها و متيقاه ، اهتمامو جيهتها زاد منهار دارت التحاليل و طلع عندها فقر الد••م الحاد و حتى العصب ف المصارن شامة [ قززبتها كاتصفق بالفرحة ] : الله يخليك ليا هانا تناكل غارتاح [ كاتشوف ف نبيلة ] ما تهولش عليا وتبقى مشطون [ ضارباها بغمزة ديال موتي بالسم ] حدو حدر راسو و سمى الله كايخشي فوجهو كايفكرو طياب ختو فطياب مو الله يرحمها صْديقْ [ تيهضر مع ختو ] : المرحومة ورتي منها لمليح تبسمت فوجه خوها عطياه لخاطر گعمة مسوقة لشامة لي فيها كافيها عارفاها نص عقل من الحبة كاتبني جبل نبيلة [ كاتهضر بحنين لميمتها ] : وشكون لي عاش معاها و محكاتوش حتى ولا يخرج الشهد من يديه [ لقات منين دوز لشامة ] هاهي جات خبزة ماتعرف تگرصها طل دبا تشوف التاويل لي ورتاتو من المرحومة شامة محملاتهاش تنقص منها قدامو زعما راها كانت فانية تجات لعندهم عاد رجعوها بنادم شامة [ فوق نفس ] : خير المرحومة سابق الله يرحمها فهاد النهار صْديقْ : امين نبيلة [ كاتسول و تعاود ] : اش باقي خاصنا المرضي لغدا ياكما ناقصة شي حاجة صْديقْ [ كايغمس مع راسو ] : غاهني بالك ريگلت لمسائيل [ شاف فانور ] تفاهمتي مع الطلبة أنور : نضيت الشغل قبل العشا يكونو وسط الخزانة نبيلة : الله يتمم هاد الاجر على خير و يوصلها رحمة و مغفرة على لمقصودين منو [ والديها ] تعشاو مرة يهضرو على شنو لي خاص لصدقة دغدا و مرة يسكتو....تهز طبسيل دلحم محمر و رومپلاصاه ديسير متول على شكل فلو عامر فواكه طرية و جافة...هاد لمرة نبيلة لي قطعات لشامة نبيلة [ لي فيها ما هناها من عند ربي شامة مكادوش مع لگرجومة عندها ] : وشحال توحمتي عليه [ دبلت عينيها زعما بقا فيها لحال ] ولكن ما فالرزقش خيرها فالجايات تعصر وجه شامة حسات بيها حكت على ضبرتها بغاتها تعرعر قدامو فين يلقى السبة يبيتها باكية ، و بزز من اصل جدها غزغزات الصبر بسنانها كاتحلف غامن لتحت عارفها نبيلة بالعاني دارتها باش تفكرو بلي صافي عمرها تعمر منو لكرش و تهز زريعتو.....بجوجات ماكاين غير القرطاس وحدة كاتنيش على التانية غير من تحت الدف عطيني نعطيك شامة [ نفخت خنافرها لايحة سمها ] : و كيف ربات موكة تربي لحمامة الله يرزق غير الصحة و السلامة.. نهض فيها بصوتو قفزها مبقاتش كاتمرگ ولا قد لقب قد السطل صْديقْ [ بصوت غليظ نيت ]: لا عمرتي مصارنك طلعي تبرمي فبيتك خير العدو ربك فهاد الليل شامة : انا... قطعها فيها بشوفة وحدة ناضت بلهلا يتبتو لجدها ماعندوش مع حرب الضريرات و شد ليا نقطع ليك ، و ختو عليها بالتيقار كبر منها بسنين كثيرة ، هو للي راجل گاع و داير بحساب 16 لعام باش فيتاه ختو جات بنت لبارح وبغات تبدا دكس ليها فالهضور و تخشي ليها العامر ، معاش ولا تولد لي يقلل منها ولا يغبنها وهو حاضر....رجعت نبيلة صرفها فقليان السم. غير بحجبانها...ياك هي لي بدات هادشي ، هادي هي اجي امي نوريك دار خوالي بنت ليوم غتجي تلعبها بعرضها و قامتها بسم الصفريطات على هاد لحساب مزال غالطة فلوستها ولكن ماشي مشكل ايام الله طويلة شويا بشوية توكان تخليها تمشي على البيض و متفقصوش صْديقْ : نبيلة نبيلة [ غفلها بالشوفات لي حط فوجهها وهي كاتقلي لحوت لشامة بحجبانها ] : اخويا صْديقْ [ مورك و مأكد على هضرتو ] : خليو هاد الصدقة تسرح على خير [ كايتحلف ] لبراني غايعمر الدار منبغيش نشم ريحة التلاوي ، لا جامعين نتي وياها شي صرف عبروه و گلسو عليه الله يرضي عليك نبيلة [ مكبرة بيه مكاتعودهاش معاه ] : كلامك هو لكبير ما توصني على مزية المرضي `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
