.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `الفروج فعشو قوقع و النهار صبح مفتح بقطيب الورد و الريحان.....خدوج صبحت ابونور تلمطت بتزارة على نصها و گفضت جلايلها مع الفجر ياله ياله تدركها لوقت و تجيب شقاها كيف بغات متول يحمر الوجه....سعيد مشى لخدمتو منين الناس مغايجيو تالعشية مكاين لاش يصبح ناشر باقلو فالدار و يغيب على مصدر رزقو كايتسنى فعريس الغفلة امتى ينزل ، تبارك الله خدوج فيها لخير و البركة فران و قاد بكازا كلها...سليمة من سطولة دالحمام ما هي مفاكة و على هاد لحساب قبل باليومين خملات الدار باش يبقى غير راسها تبالي بيه هاد الصباح....شمنك يا عشوب خلطات ليها خدوج و طلساتها بيهم من الساس لراس ، الحناني فالشعر و التبريمة فاللحم هيلي وصلاتها لحمام كاتوصي فالطيابة عليها خدوج : فركيها مزيان فسخي الجلدة تجيني كاتشقشق الطيابة [ لي كانت مراكشية ] : أشوا بيتي توصني عليها نعسي على جنب الراحة الليلة ضوي فدارك الگمرة كمدت ف جيبها 70 درهم كاتوصي و تعاود...وجرات سليمة لطرف كايهضرو بيناتهم خدوج : لا تقيسيش وجهك بالخرقة يمشي ينبع منو الفگيع غير بيديك فركيه و بشوية لا تحردك من عنقك ولا يديك [ عطاتها ميتين درهم ] بلا ما تبقاي طالعة هابطة نيشان لصالون قادي الفورمة دحجبانك و شعرك خليه غير طبيعي كترت الزواق من البدية كاتمسخ لبيع و الشرا سليمة [ شاداها السخفة ] : بگرة انا لبيع و الشرا خدوج [ خبطتها لراس ] : ما شبهتي ليا فوالو منونخة كلشي خاصني معاك ليه الورقة و القلم [ دفعتها ] دخلي دخلي ترطابي تسالي على بكري....معاش دار معاك غايجيو بعدا سليمة [ مسهوطة نايضة مبوقة ] : شكون هوما خدوج [ نخضاتها كاتخنزر ] : خلا دار بوك كاتبوهلي عليا....دايراني ضحكة ضحكي عليا هنا سليمة [ غاتندب ] : وا خدوج وا خدوج و ربعين مرة قلت ليك مع المغرب....غايجي غير هو و مو و شي واحد يمكن عمو ولا خالو خدوج : تعنداك غايزلگ ليا طاشمة دلباشار راه غير تعاروف ماشي ضريب الصداق هدا سليمة : غاتهناي عارف لي ليه و لي عليه خدوج [ صغرت فيها الشوفة ] : ايه هاحنا غانشوفو هاد عريس دالغفلة لي عرصتي عليه شنو تحتو طلقاتها تدخل لسخون تعوم خلاص و گلبت هي الروايض لدار تكمل شغلها لي باقي ليها فيه تعمر دالبسطيلة لي شرملات عمارتها وجدتها لبارح بالليل و الملج تهو رقداتو يشرب ليقامة نوات تكبر بيهم و ماتخلي لفمهم فين يتحل باش تلا كانو ف الرزق و تناسبو ماتبقاش معيارة حگا ما حگا مقاموش بالواجب من النهار اللول اللهم تسكت لباباهم لحس من الدقة و تاحين ، كتابو و جاوها كيف تمنات يا مرحبتاه ما عمروش عينها تحسبها صدقة على روح المرحومين النهار دايز طاير عند كلشي كلا و فين ملهي و شمن شغل غاطس فيه....شي هاز علام الفرح وليه كايوجد و يعاود و الجهة التانية واقفين على الصدقة جري عليا نجري عليك.....صديق دارو دار الكبارنية من رزقو و حر مالو كايعشر على روح والديه كل عام واقف بيدو على هاد الخير فالغدا فرقو كثر من عشرة دالقصاري دكسكسو على البناية و الجوامع ولي كايسعاو ف الطرقان و نبيلة الصبح بكري هزت جوج شواكش كبار عامرين تمر و فاكية و الروضة قصدات تصدقت على الطلابة المنشورين تم ، كلا واش جاه فرزقو كاين لي شد من يدها الفلوس وكاين لي جادت عليه بمونة من الفواكه الجافة بجميع انواعها جوج كيلو لواحد مخلطة بين تمر و لوز و گرگاع و شريحة مع قراعي دلما و الزهر كاتدعي و تعاود ربي يوصل هاد الصدقة على روح المدفونين تحت القبور و يتقبل منها و من خوها هاد الأجر ●●●☆ صديق ☆●●●● مفراني ف الفيروج كايتسنى الضو الخضر يسني يتحرك خلاص من تم ، عامي عينيه بنظاظر كوحل مخفف بيهم الشعا تخنزيرتو هي تخنزيرتو راسم الحداش بين حجبانو يستحيل تعرف الجو عندو كيف داير واش صافي ولا خابطاه رعدة.....سمع الدقان فالزاج دطموبيل وهو يورك على البوطون مهبطو باش كاتجي عينو على واحد شيبانية من بوجدور [ بعيد ] تورقها طلابة بوهالية بنت باب الله عنقها رافد شلا سناسل و يدها مكبلة بدبالج قدام دنقرة واشمة وشام زمان فالگادومة و بين عينيها … وجهها صدى بالشموشات شوف شمن مكتوب تسلط على راسها رجعها مادة يدها كاتسعى و تراري منين تعيش الشيبانية [ صوتها كلا الزمان منو و شرب ] : تعاون معايا المرضي باش ما سخاك مولانا و حاجتك نشاعلاه بيد الرحمان مقضية سكاناها مزيان كايتنهد ، اشمن ولاد هادو ولا خوت الي غايكونو خلاو هاد الكبة دشيب كاتلاوح فالطلبة من فيروج لفيروج هازة دق دالصيف و الشتا فوق كتافها........ ستغفر الله و جبد من جيبو ديال لفيتسة جوا صفر كان موجدو لخلاص دلفقها عگب خرج منو جوج زرقات مكمشهم وسط يدها و رجع الجوا لبلاصتو صْديقْ [ بصوت رزين بحتو غليظة ] : باسم الله نويها رحمة و مغفرة على الوالدين الشيبانية [ شداتهم منو حيزاهم لصدرها ] : الله يرحم القبر وما خلا و الله يرزقك الدرية الصالحة تكون كيف وجهك قول امين المرضي صْديقْ [ هزهز براسو ] : امين الحاجة طلع الزاج ولكن الشيبانية بقات واقفة فين خلاها كاتشوف فيه من برا قارقة عليه ، وليني هو مارجعش شاف فيها مابقى عندو فاش ينفعها داكشي لي قد عليه دارو ، و فديك 16 الثانية لي بقات لضو الخضر و يشعل رجعات دقت عليه الباب دطموبيل ، شاف فيها و هبط الزاج تاني يشوف اش باقي خاصها وعلاش كونات تما كيف اللصقة مابقات بغات تحرك الشيبانية [ ولات كاتنطق بلا موجب شرع بلسان مسرح و فصيح ] : بجهد الواحد الاحد الرزاق الذي لا اله الا هو ، جاياك نعمة فطريق ما عبروها عينين ما قاصو حرمتها يدين ، غاتفرخ فوسط حجرك الخير و الخمير و تروي زرعها من خيرك......حلاوتها حلا من الشهدة و عسلها وسط فمك غايتقاطر بالقناطر....رِجال لبلاد واقفين معاك حتى تلقى مقصودك و تبلغ مُرادك و تحط درهم دالحلال فقاع دارك لي تقنعك و ترضيك و تشبعك........فغيبتك المرضي راها مادة يدها الليلة للحنة ، وليني الميمة مليكة فعتبتها واقفة جمرتها زاهرة و زرعها نشاعلاه ما غايتمر غير فركاني خيمتك و تحصدو على يديك ، راك مولا نية و حاجتك فيد الرحمان مقضية عمرك تخيب اولد الجواد سمع كلاكسون دالطموبيلات لي وراه طالع ليهم الخز لراس و هو بقى محنسرهم ساد الطريق عليهم منين غايدوزو تيشوف فهاد عيشة الدويبة طالقة ملحونها و كاتغرد فوق راسو بكلام نصو فهمو و النص داز من ورا ودنيه.... شير بيدو بهاهو غايتحرك و ورك على الفيتاس مخلي طيف الشيبانية مصور فالمراية لقدامية محدو كايبعد و طيفها كايبعد معاه....جاتو غير بنت باب الله كاتنطق بلي تلوى فيه لسانها ، ماعمرش راسو بهضرتها هاد البلانات خاطينو و راسو عامر بالصحيح ماشي بالقاروري....ضرب على تليفونو كايصوني تأفيشات سمية شامة ف الشاشة برك على البطون دالقفل ماراشقالوش على صوتها وما مساليش هي سبعين ، رجع سمع الصونيط من جديد كان ناوي لا كانت هي غايجاوب يغرق ليها على هاد التبرزيط و هي عارفاه منين غايكون مسالي و عندو الرشوق غايجاوب ، ساعة طلعت لو فشاشة سمية مهدي هيلي اكتيڤا التليفون مع بلوتوث دالطموبيل شاعل گارو مهدي : فين العمدة صْديقْ [ جبد جبدة نيت ] : هاهو هاحداك نتا لي غاطس هاد ليام مهدي : الخاوة غير مع السربيس المگردع لي خارج فزهري صْديقْ : تبع حرفة بوك [ ساط الدخان ] هاد الليلة عشر خطاويك قصد بابي هاهي تفكيرة و خوي راسك من التناوي مهدي : غاهني بالك الحاج من الصبح كايوصي و يعاود تلهادي ما نزطمش فيها روح المرحوم تدار على ودها صدقة رحمة و مغفرة و منجيش هي مبقات عشرة صْديقْ [ صمكو بيها لوجه ما حشمش منو ] : خطاوي الأجر عندك كايحبسو فتقلقيل الطروفة المحرزز عندك ضامس وسطو الگوزة.....راسك كاتنساه معاه مهدي جبد ضحكة متختخة صْديقْ جاب لو التمام عارف صاحبو مع الكوا قصة عشق لا تنتهي كاينسا حتى واليديه فديك الدقيقة لي كايكون باغي فيها يخوي بقا غاصداقة مهدي : الله يعفو و يطعمنا حلال....بلية الحكومة صعيبة والجهد طالع كرهنا حنا لحلال ولي تكفنو يبقا يشهد غاعليها [ داوي على زنطيطو ] صْديقْ : غاتبقى تتجيبها فكرك تهز منك شي حفرة [ تحمل منك شي وحدة ] ولا يلبقك جدري يطفي لملتك الجهد بمرة.....ضرب و قيس مهدي : ماتهزش لهم كالبسو جوج تقاشر تالتلاتة نقطة هي لخرا متلاح فغار المفردگات [ كايدير البروطيكس] صْديقْ [ لاح البينتة ديال الگارو من الشرجم ] : دوز حيد بلاناتك خاصهم بلانات مهدي : ف امان الله قطع معاه و شد لخط لشامة تهي كانت على القرص صْديقْ [ زرب عليها ] : عشرة الدقايق نلقاك حدا لباب شامة [ وقفت ] : واش غادين غير هنا ولا لبعيد صْديقْ [ دعك نواضرو بيدو ] : سوق العُرُجْ شامة [ بتدكر ] : مشات من بالي و داكشي لي كان كيف وصل بانت لو كاتساين فيه ركبات جنبو و شدوها لسوق العرج خفا زربا قضاو الغراض مخرجين ربعة دجلالب جوج ديال دالرجال ليه و لأنور و جوج لي بقاو وحدة ديالها و تانية دنبيلة ، ماشي ماعندهم ما يلبسو ولكن احتراما لدكرى باه و مو كايبغي يتمم الصدقة تعلى راسو و عائلتو الصغيرة ، ولابدة يلبسو الجديد بتوب جاي من بقاع مكة المكرمة لي جابهم هو نيت منها اخر مرة زار داك لمقام دار نيت عمرة عليه و عمرة على روح باه ضارب موعد الخطرة جاية يدير عمرة على روح مو........رجع حطها فالدار و خرج تاني يكمل شغالو النهار هبط الريدو و الظلمة دلات حناكها النجوم كاتسبح و الگمرة دايرة گارة مضوية الشارع ، البولات تشعلو في الزناقي ضوهم كان غير زايد هاد الليلة المباركة مسعودة مضوية من عند مولانا..... بارزة فوق كرسي قدام مرايتها العين كاتزغرت بتكحيلة مغربية حرة غرة ، الحناك واخدين من الخوخ لونو و الفم حمر واخد من قلب الدلاح حلاوتو ، سبحان لي صورها فهاد الصورة المسرارة.....نگدة لمنخر زادتها نفخة دسر ، تگول غالگمرة تشقت و وهباتها طريف منها دوز بيه نهارها....وقفت و هبطت لقفطان على كسدتها كيسلب العين وهو مهزوز بكتافها و عرضها و كسدتها الفايضة ، عودة عربية خيالة أصيلة و الليلة غاتحرك و تبورد فموسمها هي لالاهم دخلت عليها خدوج كاتشوف فالطرف لي ولداتو من كرشها كبر و تمر و غلتو طلعات وافية شمنك يا طول شمنك يا عرض ولات تبسمل و تعاود خايفة تهبط على كبدتها بشي عين دالمحبة تصفيها ليها خدوج : باسم الله ما شاء الله عين الحسود فيها عود عين حرودة تنهشها دودة [ قلبتها قرآن ] قل أعوذ برب الفلق قل أعوذ برب الفلق...تسناي هنا جاية خرجت بالخف جابت مبيخرة صغيرة دزاج مدكساها بالشبة و الحرمل و سرغينة...گلستها و بدات كاتبخر و تقرا بشفايفها خدوج [ متخشعة ] : عاودي من ورايا...أنا سليمة بنت خدوج وألقيت عليك محبةً مني ولتصنع على عيني...گوليها تلاتة دالمرات ونتي كاتخايلي فيه [ كاتخيل محمد ] سليمة [ غمضات عينيها و ستحضرت صورتو فبالها ] : أنا سليمة بنت خدوج و ألقيت عليك محبةً مني ولتصنع على عيني ، انا سليمة بنت خدوج و ألقيت عليك محبةً مني ولتصنع على عيني ، أنا سليمة بنت خدوج و ألقيت عليك محبةً مني ولتصنع على عيني خدوج [ كاضور فالمبخرة على راسها و تحت درعانها طالعة هابطة ] : شنو سميت مو سليمة : زبيدة خدوج : بغيتك يامحمد ولد زبيدة ما تفوت عتبة هاد الدار حتى تولي بنت خدوج هي الري و هي الشوار بجهد الواحد القهار....ولا حولة ولا قوة الا بالله عليه توكلنا و هو رب العرش العظيم سليمة [ خسرت سيفتها ] : غايشمو فيا ريحة الحرمل غايحساب ليهم سحور ولا شي عجب خدوج [ بجگات فيها حناكها ] : اوا لكانو غير على سبة لهلا يرضهم حتى التحصين من العين رجع حرام وهاكوا على السحور....ماشفتيه هو لا جاب نيت شي حرز هزو معاه نوليو غانتگاو و نطراهطو بلا موجب شرع لي گالها نقولو كلامك هو الكبير [ خبطتها راسها ] نوضي يابنت لهبيلة خافي على جنابك لا يقرا عليك شي قراية يخليك تهتهتي بيه....منين يدخل فنفسك بقات تقراي عليه و القيت عليك محبةً مني ولتصنع على عيني ما تحيدهاش من فمك....ولا شفتي مو حايزة يدها لگاشوشها [ تانياهم ] گلبي لسانك وسط فمك لا تصدقي لاگياها فعظامك ونتي غير محلولة شافت عنقها خاوي مافيه لا سنسلة لا والو ، خرجات لبيتها و رجعت هازة بواطة حمرة مربعة كبيرة كيف حلاتها ضرب شعا واحد مولاي طقم صفوريتو كاضر فالعين من وهرن تعرفو عيار 21 و ماشي دهب مغربي خدوج [ لبساتو ليها ] : عمري بيه عنقك يعرفو بلي ماشي مخصوصين سليمة [ كاتشوف فيه من لمراية زادها جمال على جمال ] : ديال طاطا ايمان هدا خدوج [ همهمت ] : شفتي العيالات القادات جابتو ليك مزلگها دهوبات كترو عليها حتى ولات تجيبهم تخزنهم عندي سليمة : و شاورتيها بعدا لا متبغينيش لبسو خدوج [ خنزرات فيها ] : موالفة تحاسب معاك ولا غير ليوم هالعار غير تكوني لبساه للي يستاهلو سليمة : وصافي غانبداو تاني فنفس الموال هاهو شوفيه و منك ليه ولي بغيتيها هي لي غاتكون خدوج [ كاتحلف و تعاود ] : الله وما عمر عيني ما ياخدك هانا فين گلتها ليك لكان شي بوعار غير طمي و جمعي قلبك منو سليمة [ تنهدت ] : فين عمرك شفتي شي استاد بوعار الله يرد بيك ا خدوج السيد برزقو خدوج [ كاتحرك فراسها زعما احياني ] : توريني فداك النوع كايبغي يضربك على الشعا و يضهصص فالريالات باش يضمنك و نهار توصلو لصح يولي يعشيك بالعدس سليمة : و مال العدس ماشي فيه الحديد خدوج [ خبطاتها لكتف ] : وجهك غير ديالو نيت مالفة بالكبرانية سمعو الدقان ف باب الدار ، سليمة شويا توترت أما خدوج نفخت صدرها و لاوحت شال خفيف على شعرها مخلية الگصة تبان تهي مكحلة و مقومة راسها بقفطان دجوهرة مخدوم بالصم و بليغة مستيلية فرجليها ، متعرفها واش غادة و تصغار ولا تكبار معاندة مع عمرها لي مباينش فيها گاع باقة دك و دردك خدوج : لبسي شربيلك حتى نولي عندك ماتزيدي والو خليك هكا شهوة من بجلابة دوبياس جبادور لتحت و قشابة من فوقو مخدومة حبة حبة حل سعيد لباب لضيافو كايرحب بيهم مسرح لهم الطريق منين يدخلو ففمو غير مرحبا و زيد لقدام و نهار كبير هدا ، لحقت عليه خدوج بتبسيمة متكتكة تهي مخلاتش من حقها بترحاب مكاين غير ياسيدي و يالالة كاتسكاني غير من تحت لتحت عينيها ماخواتاتش كلا و فين لايحاها تلقط لخبار وحدة مع البلاطوات لي هازين بين يديهم و العين التانية جارية العشرة مع مو لي شافتها مع الدخلة كاتفلي العتبة و الدار غير بريط تشوف راسها فين داخلة واش كاينة لمعنى ولا أهوووي....دخلهم لصالون مفرش على حقو و طريقو مخلط بين العصري و التقليدي هماوي ديال تبارد الگلب مكاين ما يتعيب فيه طول ف العرض بتريات جدد هبطين من السقف كايلمعو و طلامط ياله كيف مخيطين موديل 2024 بدهبي ولبلو سيل خفيف فالمخدات الكبار و الصغار نازل منهم لهدب و لوردات لخفاف المرشومة على كل طلميط ، الحاصول دوق خدوج كايكبر بيك عشاقة العفريتة.....طبلة الوسط كانت مسربية بسربيس دطباسل هماوي بالبيض و فيه زواقة فالكحل جات على شكل عروش مقومة الطرح و كيسان طوال.....ريحة البخور عاطية فالدار و صوت الطرب الاندلسي كايطرب لودن برنة خفيفة مخلياهم فين يسمعو بعضياتهم خدوج [ كاترحب و تعاود ] : مرحبا بيكم زارتنا البركة زبيدة [ البشاشة فوجهها مطبوعة ] : فين ما دخلنا يدخل لخير سعيد : مرحبا سيادنا الدار داركم جاوبو مولاي السلطان شمنك يا طولة و شمنك يا هيبة ريحة الشان و المرشان كايتشمو من الكومبلي لي ضارب بالزرق غامق فوق لقميجة لبيضة حال صديفها جوج لفوقانين ، الفخامة نعام اسيدي ، اليوم نهارو و باغي يعمر العين لنساب باش مع يشوفوه يقولو هنا نبات مصمر ليدو مگانة روليكس و خيط حمر خفيف ضاير على پوانيي يدو ليمنة ، اللحية مطراسية و الشعر محلق عريس فليلتو و حيد بالاك ، الضحكة مزينة فمو ناشر يديه مفطح بگلسة شبعانة تارجليت جاي براسو مرفوع ياخد لي ليه و لي على جال عيونها هو هنا ، و بالليالي يبات سهران و طيفها بعيد عليه محمد [ الهبة من الصوت طاغية ] : الله يبارك فيك الحاج سعيد [ شاف فالسيد لي جا معاهم ] : مرحبا اسيدي مرحبا اش سماك الله كان رجل فالخمسينات باقي شاد فراسو وخا الشيب ضرب لو النص فالشعر و اللحية ولكن شباب فالقلب كايتعكس فالوجه تهو مكانش قل من سعيد ف الاناقة بجلابة خزية و سروال قندريسي ناشر راحتو من الدخلة خدا راحة راحة راحتو سمير : سمير امولاي سعيد ترحب بيك الجنة امولاي خدوج [ باغة تعرفهم شمن سيكتور ساكنين غابالفن ] : كيوصلتو مع الطريق ياكما عيتو ولا جاكم لحال بعيد نقز سمير كايحك فالحيتو حاط عليها العين كايعبر هاد القلدة لي قبالتو جاب ليه الله فحالا فايت شايفها سمير [ كايفرنس ] : بيناتنا غاربع ساعة دالطريق جوج دورات هانتوما عندنا خدوج [ جبدت ضحكة صفرة ] : دكشي لي بغينا غامتكرفصوش فالطرقان فهاد الليل سمير [ فرنس عاجبو راسو ] : مكاين بو تكرفيص الالة خدوج زبيدة [ على نيتها ] : الدار غير ف رياض الولفة مابعيداشاي جوج خطوات بقات ديك الكلمة ديال غير فرياض الولفة كاطنطن لخدوج فراسها جمعات لوقفة و بدات كاتسربي فاتاي و الحلاوي و الفاكية بأنواع كثيرة حتى من تشين صغير مجفف تقداتو ، تولات طبلتها بطيافر [ طبايق ] صغار كلا وهاز شكل من الحلوة كلها مخدومة باللوز أشكال و أنواع جهد سبعة الطيافر صغار عامرين بين الفاكية و الحلوة مع المملحات هابيتزات صغار و لميني طاكوس و لميني بورگر و القراشل زعما تهلات فيهم و كبرات براسها سمير [ ديما منقز كيف الحزقة ] : مالك معدبا راسك خدوج : عدابكم راحة كب سعيد اتاي و تجمعو على الطابلة كايتعارفو بيناتهم و اغلب الهضرة كانت غير بين خدوج و سمير السيد مركبين لو البريز فقاعو اقل حاجة كايتلاح يجاوب وخا يكون ماداوي معاه حد باغي يبان و السلام سعيد [ كايسول محمد ] : شكادير ف الحياة اولدي محمد محمد [ بوقار ] : استاد تعليم الثانوي خبط سمير يدو على كتف محمد كايفرنس باغي يكبر بيه ولكن الغالب الله لي مبلوز مبلوز سمير [ لاح لوزة ففمو حاط رجل على رجل كيف السارح ] : من خيرة الأساتدة الخدمة بضمير غير عشرة من محمد فالبلاد كون تصدر المغرب المرتبة الاولى فمجال ابتعليم سعيد : تباك الله تبارك اللهم بارك زبيدة [ بضحيكة مسرارة ] : مغانشوفوش العزبة ولا يكما حشمانة خدوج [ جاتها نيشان ]: و حلاوة الزين ف الحشمة و لحيا ولا لا ا لالة زبيدة زبيدة : معقولة الله يجيبنا فالصواب خدوج : اللهم امين جمعت خدوج لوقفة كاتبسم بزز و تعاود قايمة بصواب على اكمل وجه وخا تكون واصلة بيها لعظم كاتعرف كيف تضمس الضبرة و ترسم الضحكة...... من الصالون نيشان لبيت سليمة لقاتها كاتمشي و تجي متوترة و فرحانة باركة تغني الخلعة طلقي مني سليمة [ مع شافتها سدات لباب توالات جهتها ] : أمضرى جاو خدوج : لا باقين....كاتبوهلي لا [ هاهي قندشت ] اجي لهنا ياك قلتي عندو دار فبورگون شفتها دارت رجلين و تحولات لرياض الولفة هي شاداها السخفة و التلفة و خدوج تتسول على الدار واش هوما فالدار دابا شدات معاها لخاطر لا تصدق مورنة الدعوة و جوباتها سليمة : دار مو لي ف رياض الولفة هو شاري فبورگون غاتهناي صوبت ليها شعرها و رجعات كاتقرا فالقرآن على راسها خدوج : زيدي خرجي قدامي فمك عمريه بالمعودتين عينيهم غير كايضورو لا تجبيها فجنابك خشات كموسة صغيرة فيها الشبة و الملحة الحية ف فلقت صدرها و خطات خارجة كاتقرا ف القرآن و تعاود كيف وصاتها خدوج لي مكانتش قل منها كتقرا على بنتها فنفسها العيون السود و الشامة و الخدود ورود زادوها وسامة ، گمرة ضاوية فسما مظلمة.....الزين مولات القفطان بالخياطة التقليدية، التشامير و الشربيل و السبنية ، زينها بلدي وردة بروح الزهر مسقية، كانت شلحة عربية ، كلامها شهدة بالعسل مروية ، تسمعو تولي همومك منسية.....مشية دلحمام واخداها قاعيدة كاتفتن لي ما يتفتن ، طلقات السلام و دخلات رافعة راسها بتگديرة خلات لباركين عينيهم ينهشوها نهيش تحطو عليها مبقاو بغاو ينزلو ، و شكون يسخى يزحزح شوفاتو من على هاد البلارة طول و قامة و عرض و هامة.....شوفاتهم كايطلعوها من گدمها تالقلقولة راسها كيف بانت ليهم داخلة مع الباب دصالون و خير الله ضوا المجمع فين باركين....خدوج قشعات تحنزيزهم ولات تقرا وتعاود ف القرآن فخاطرها ياربي لا تكوفر بشي عوينة حارة تبات تراري تاني فيها سليمة [ لاحت السلام مع دخلات ] : السلام عليكم ردو السلام مجموعين كلشي عينيه باغين ياكلوها خصوصا واحد محمد ، الله يارب العالي يشرب على ودها لما لقاطع لما خذاهاش اش هاد الرزق طاح بين يديه عودة برگية خيالة شهلة اصلية سليمة [ مطات يدها لسمير سلمات عليه ] : مرحبا بيك تحنات سلمات على زبيدة لي بان فقزيبة عينيها بلي زين سليمة عجباها و سطاها ، الولد عندها خرج كايعرف يختار و يتعزل و بحال هاد لخير عمرو دخل لعائلة عندهم يمكن اول واحد يجي فحقو هاد الرزق كلو هو ولدها سليمة [ سلمات عليها من لحنك ] : مرحبا بيك اخالتي جات تالعندو و طلقاتو كايتگدا بنار مهيلة لعبها عليه لعيب و حتى يدها ما قاست يدو رمات لو مرحبا من بعيد و مشات وركات قاعها ناشرة الفتنة وسط المجمع جنب باها لي بدا كايفرنس عنقها من كتفها بايس على راسها مفتخر بيها و بزينها كاتبقى فالزين خدات حقها و زيادة لي نقصو ليها ربي ف العقل كيلاتو ف الزين بالقلدة و الكمارة زبيدة [ تبشرات كثر ماهي مبشورة ] : ما شاء الله....الله يبارك و شفناك بعين الرحمان ابنيتي سليمة [ مقادة گلستها ديال الكبرانية ] : الله يبارك فيك الحاجة نقز تاني سمير غاقيم لسانو و طلقها سمير : شهاد لخير كامل اللهم بارك خدوج [ اليوم سانية كونطرا مع الضحكة الصفرة ] : سمي الله عين المحبة واعرة و صعيبة زبيدة : الله يبعد عليها كل شر و يبارك لك فيها كيف ما شفناها نخليوها....نوارة فايحة و بعين الرحمان محروسة و محضية اللهم بارك محمد كايتنهد السيد ساير كايتحرگ رزقو حداه و بعيد عليه اش هاد المكتوب فين غادا بهاد الزين دين مها واش باغة تسطيه ولا تخليه يدير لي مخاصوش يدار زير على الصبر بسنانو شاد قنبتو قاجها كايصبر فراسو بلي مابقى قد لي فات و هاهي تحت جناحو و بين دراعو حلالا طيبا زبيدة : شنو سماك الله ابنتي خدات وقتها بتقالة و خدمات الصوت الشتوي هو لي بقا ناقصو هاهي اكتيڤاتو ليه غايصدق نايض دابا جار جدها لشي خلا يفدي فيها لقديم و الجديد ، عارفها كديرها لو بالعاني وهو صبرو معاها صدى و هراتو بزينها سليمة : سليمة الحاجة سمير [ نقز تاني ] : سلمت الاسامي اسم على مسمى جبناه يحفر معانا البير خرا لينا على گبضة لفاس هادي هي ديال سمير ، محمد جابو باش يكبر بيه و على مابان ليه يا لعبها فدماغو ياهو تلف بالزين و عند هاد التانية ماغادي يبقى لا خالي لا والو جاي يسرح الطريق معاه ولا يتزعط لو فالمرا سمير [ داوي مع سليمة ] : شحال فعمرك ا سليمة سليمة : ربعة و عشرين علاين نكملها سمير : مزال صغيرة ياله گلتي باسم الله فدنيا باقي الحياة قدامك طويلة و عريضة سليمة [ كتتجاوبو بالگرام ] : الله يكبر بيك تلقها سمير شدتها زبيدة وليني هاد المرة خدوج لي جوبات بدكشي لي هي بغات زبيدة : حداش قارية ابنتي خدوج : الباك الحاجة زبيدة زبيدة [ شافت فخدوج ] : وعلاش مكملاتش القراية الزينة خدوج : الله ينجيك من بنادم لا تبعك....مرضت مرضة خايبة و نفرات لقراية فيها هاحنا باقين كانتساعدو معاها ترجع تكمل لا هداها الله العريس لي يكدب خدوج خارج التغطية هو براسو فهادي كدب و لونكيط لي دارت لو زبيدة على فين عرفها و شكون هي كدب بخصوص القراية و علمها بلي خارجة من لباك و وصى سليمة تمشي على كلمتو لا رجعات مو سولاتها مبندة بخيرها الفايض كاتشوف فيه غير بطرف عينيها سيد كايعرگ و ينشف غير بوحدو تسودن معاها منين گلسات ولا هو حشم ولا گال نحشم و نهبط عيني لي باغي يموت يموت المهم هو يشبع من شوفتها بهاد الطلة لباهية ما رجعو لصوابو غير صوت خدوج بسؤالها جاياه گود شن طن على غير هوما لي كايعرفو يسولو خدوج : گول ليا امحمد معاون راسك بشي حاجة من غير التعليم محمد [ جاتو فشكل وليني جاوب ] : انا و سمير شركا فمشروع....التعليم واخدو ماشي على وديت المعيشة داخل ليه حيت كايعجبني و مرتاح فيه سمير : الولد برزقو مخاصو خير وقاد بالمسؤولية خدوج [ عاد رتاحت ] : مانبغي ليه غالخير كيف شفتي الزمان صعاب و المغرب غلا علاش ما حطيتي يدك تهزها محروقة زبيدة [ بصراحة ] : من حقك تسولي على فين غاتعطي بنتك خدوج [ زادت شويا فيخرات ] : هي عاشت فالختان تحل فمها على الحاجة تجيها جوج و بنات اليوم ماشي بحال بكري يصبرو على لقليل مشا داك الزمان محمد [ طلع شوفتو فسليمة باغي ياكلها بعينيه ] : الحاجة المخيرة ديالها ماخارج نخدم غاعلى راحة لي غاتكون حلالي ●● عند صديق ●● صوت الامداح النبوية الشريفة مسموعة فالدرب كامل ، فأرض كبيرة جات ورا الرياض منصوب فوق ترابها خزانات جوج للرجال محلولين فبعضياتهم و التالتة دالعيالات معزولة لطرف لاخر ، عباد الله كثيرة حاضرة فهاد الوليمة الدرب كلو تكب عندو ، كاين لي جا ناويها و باغيها خطاوي الأجر و كاين لي جاي غير ياكل و يزيد مع الطريق بالجلابة مخزانية هازينها كتافو العراض واقف على شغلو وقفة دالصح جاري العشرة مع كلشي كيشوف لي خاصو يتزاد ولي باقي ناقص و على باب الخزانة قارم البخور خارج دخانو كايشالي من دوك ربعة لمبيخرات الكبار دالنحاس المفرقين على ربعة دالقنات....السرباية غايتختلو فجنابو ماشيين جايين بالبلاطوات دأتاي و الحلاوي ، كيفحال العادة شاد طريطور معروف من معارفو الجودة و العمل خدمتو ديال تبراد الگلب.......وهو باقي واقف برات الخزانة ضرب على طموبيل رونج كحلة وقفات فالحاشية عرف ماليها و خطى جهتهم مبشور راسم ضحيكة خاصك المكبرة باش تشوفها ضحكة واصلة غالعينيه الحاج نجيب [ عنقو ضارب على كتافو بمعزة كبيرة حاسبو واحد من ولادو ] : الله يتقبل منك و يوصلها على ارواحهم اجمعين صديق [ تبسم بطرف عينيه ] : امين الحاج لينا و لجميع المسلمين...[ باس لصفية على راسها ] الحاجة صحيحتك مزيان صفية [ عنقاتو ] : من الحامدين الشاكرين المرضي...الله يرحم القبر وما خلا و يلحقنا بيهم مسلمين و يجدد الرحمات على رواحهم تسالم مع مهدي سلام رجولي ساسو لبعضياتهم فيه لكتاف بالخبيط هيلي لاح يدو معنكش لماريا شعرها و جرها خاشيها فصدرو بيد وحدة جاي فحالا معنقها تحت باطو صديق [ معزتها عندو كبيرة ] : المشعكة....كيف راك مع القراية ماريا [ السيدة غير حسات بدفى صدرو على كتفها و ساحت ] : غادا مزيان...مابقى قد لي فات فين هي ماريا الله يرحمها و يجدد الرحمات على روحها سيدة بقات مفيكسية ف حروشية يدو منين دخلات لشعرها مخربقو و دراعو ضاير عليها مكمشة فيه كيجرانة كاتشمشم و تعاود فريحتو كيسلوگي ، الفرصة جات تالعند قاعها و تفلتها حرام...القلوبة حنقزو من وسط عينيها و قلبها مكاين غير زدف ردف دردلف فصدرها وهي محيوزة فگاشوشو حتى لا بغات الموت تجي تجي قابلة بيها وسط صدر الشخص الي معمر گلبها.....صمطات فصدو كالبخوشة مدورة يدها على ظهرو مستغلة الوقت فين شاد الجموع مع باها و مهدي هبط راسو عندها ضرب عليها لاصقة فيه كالگرادة تتمخشش و معرف فين باغة توصل قزيبونية واصلة لو لتحت صدرو صديق [ حك يدو مع درعانها مبعدها منو شوية فين يشوف وجهها ] : دخل معاك البرد ماريا [ حركت راسها بلا منشوية بصوتو ] : لا لا لابسة مزيان صفية [ بنية صافية ] : من صغرها هدا هو تمخشيشها فيك كيف لفارة حط قنانفو على جبتها مزيرها عندو معزتها كبيرة فگلبو حاسبها بنتو وكون تزوج على 19 لعام كان غايولد قدها ولا صغر منها بعام ، كايعقل مزيان على النهار تزادت ، حضر على زيادتها خارجة قبل وقتها كتسابق خايفة يفوتها التران و فعز حتيتهم نشر شوفتو قاشع شامة خرجات من الدار مقربة عندهم بجلابة فالكحل و ملاوحة شال خفيف على راسها مزينة وجهها بضحيكة خفيفة شامة [ عنقات صفية عندها عزيرة من عند الله لي تهي عنقتها ] : غيبتك طالت هاد المرة فيك الحق صفية [ ضحكات مبينة على جوهر سنانها ] : ندير جوج حقوق غاتعنداك ما تجي....كيف بقات صحيحتك شامة : اللهم ملك الحمد تفوت غير الصحة و تجي فين بغات صفية [ طبطبت على ظهرها ] : الله يزيد فراحتك قربات باست لنجيب يدو و مهدي بناتهم السلام غا بالفم كلا عارف لي ليه ولي عليه شامة : لباس عليكم فين هاد لغيبة كاملة مولاي نجيب : مع تيسير الله المرضية....واحد الحاج لباس عليه شامة : هاهو كاين هنا مع الرجال فالخزانة منين جا وهو كايسول عليك [ ضارت عند المهدي ] خويا مهدي امورك هانية مهدي [ حط يدو على صدرو ] : هانية العزيزة الله يكبر بيك زفت عينيها لجهة ماريا لي باقى حابضة تحت دراع صديق منغمة باللحظة مع دماغها سادة عينيها عايشة شي تخيلات بينها و بين صديق غامع طنطونها ما فايقها غير صوت شامة خابطها مع لرض مرجعها من أحلام اليقضة فين غطسات ، جبدتها من بين دراعو غير بالفن معنقاها عندها كاتبوس فيها ، تحلفي مقطرة عندها من قزيبة لعين وهي غير محملاتهاش تقرب لصديق تل ديك الدرجة و حتى هو زايد فيه قارم عليها بين دراعو....وكيف هو متعارف عليه هو قاري مراتو كتاب و شاربها فوق لما خلاها حتى سالات من التعناق و البوسان و رجع ماريا فين كانت تحت باطو خاشيها فيه مزيان ديال الصح كثر من قبل.....الغيرة لبايتة و التبرهيش المزعلك تمشي ديرو على شي حيماري اخر ماشي معاه هو ، غايصدق غير مرضها فصحتها وشاد مع اصل مها الزكير....هو والضد خوت شاربين حليب بزولة وحدة....تناوي لخاوين مكاين لاش....الدرية قد بنتو غايطمع فيها ولا هي طمع فيه الصدقة غادة على أحسن الأحوال ، الله يخلف على راجل الدار [ صديق ] شغلو متقون گاد و مقدود ماكايحط يدو فالحاجة حتى كايكون عارف غايغيز ليها بالمزيان......دخل مزروب حادر العين من النسا لي كانو معمرين الرياض جنبو كاتمشى مرا خارگة جلابة بالية وجهها مصدي حازمة خرقتها جهة لعنق بشدة الجدود راخية عنانها و مدبلا عينيها كتبحلس فالمشية....ضور عينيه حتى بانت لو ميمتو فين واقفة مع وحدة من السربايات هازة صينية دالفضة فيدها مشغولة كاتوصي و تعاود قايمة بالواجب على اكمل وجه قاسمة الصبر مع خوها يوقفو على شغلهم بگدامهم انور [ عيط عليها باينة فيه مزروب ] : الوليدة كانت بلحوحتها خارجة مع السربايات شادة فالشغل بسنانها طالقة صهدها عليهم مخدمة سياسة لا تغفل لا عينك طير.....حتى سمعت صوت كبدتها عيط عليها وهي ضارت بالخف تشوفو شنو ناقصو ياكما بيه شي حاجة ولا خوها واقف عليها هو لي مسخرو.....بدورتها الصينية دالفضة تردخات مع لرض زالگة من بين يدها صوت الزدحة تسمع فقنات الرياض كامل و گاع لي كانو فداك الكوان ردو لبال لشنو وقع....يديها تحلفي ركبهم بوفالج و الركابي باش توقف كاتحس بمسامر الهند دوك الغلاض صمرو رجليها مع لرض مابقات قدات تزيد خطوة وحدة لگدام و هي مخرجة عينيها فالمرا لي واقفة جنب ولدها ، واااااحد الصهد طلع معاها معالم بيها غير الله ، خيط بارد من العرق ساح مع سلسولها مشوطها.....داكشي وقع بالزربة و فرمشة العين غير يد انور منين شد فدراعها وهو كيسول و يعاود فيها هي لي خلاتها تحضّر الايمان و تشد فقنبة العقل لي علاين كان غايزهق من راسها انور [ حاير فحالتها ] : الوليدة...الوليدة واش راك بخير [ جر برجليه كرسي كان قريب ليه ] رتاحي غايكون غير الطونسيون طاح لك نبيلة عينيها متزحزحوش على وجه الغراب الواقف قبالتها غير موكة رگطية [ گرطيطة ] تسيفت فسيفة هاد الميمون لي مبند كيف لعلام قدامها.....غابزز دايرة ما فجهدها تخلي الخيوط بين يديها فين ما يشك انور فوالو نبيلة [ تبسمت فوجهو بزز ] : غايكون كيف گلتي الطونسيون [ رمات من جديد العين على المرا ] من الصباح ونا جري جري انور [ باس على راسها كاينوض فيها ] : تكايسي على صحتك نوضي طلعي ترتاحي خلي عليك هاد الروينة نبيلة [ مابغاتش تنوض الفشلة فالركابي بقى واكلاها ] : غير خليني ناخد غير شوية السكر و نولي مزيان انور [ مامفاكش ] : اشمن مزيان داوية عليه [ شد فيدها لي كاترعد مقدراتش تحكم فيها ] الد••م تمص من وجهك [ باس يدها ] والله يرضي عليك سمعي كلامي و نوضي عطي الراحة لعظامك خلي بالي يهنى عليك نبيلة [ كمشت يدها على دراعو ] : المرضي واش عارفني كون ماكان فيا لي يوقف غاتلقاني مزالا هنا [ هبطات وجهو شاداه بين كفوفها كاتبوس فجبهتو ] الله يطول فعمر العزري الخايف على ميمتو انور [ الخوف زار صدرو جيهتها ] : شحال عندي منك عشرة لما خفت على ديالي نخاف على ديال الناس؟؟ نبيلة بقزيبة عينها خطفات الشوفة فديك عدوة الله و رجعت شوفتها لكبدتها كاتبوس و تعاود نبيلة : خاف غاعلى ميمتك القارية همك كيف قاري همها انور [ دعك لكاس ف فمها مخلط فيه لما مع السكر وصى عليه وحدة من السربايات ] : شربي وكان....ساعفيني و طلعي خلي عليك هاد الروينة بقى معاها ماتفاوتش من حداها جهد شي ربع ساعة حالتها جاتو مفشكلة سيفتها تقلبات فربع ثانية فحالا نبع الشيطان قبالتها عيا معاها تطلع ترتاح ولكن حلفت لا تحركت شاف حتى عيا و وصى وحدة من عماتو [ عمات نبيلة ] لا تزاد عليها الحال تعلمو هيلي خرج راجع منين جا وحتى وصل لباب و گلب راجع عندها منين تفكر علاش جا اصلا عندها ، شاف فختنا بقات فين خلاها متحركاتش مبندة كيف خنشة الشتب انور : هاهو كنت غانسى شنو جابني ليك [ شاف فالمرا ] السيدة عليك كاتسول.....واش كاتعرفيها؟؟ نيبلة [ عينيها عافية محطوطة على وجه موكة كيف سماتها ] : كانعرفها كانعرفها [ قلبت مومو عينيها ليه ] معرفة قديمة المرضي من جهة لحاج الله يرحمو [ بغا تاكلها بلا ملحة بشوفاتها ] مرحبا والف مرحبا زارتنة البركة ••••••••• سابقاها بخطاوي قلال رادة لبال مع ظل ختنا فالله الي تابعاها.....السم كايقطر من بين سنانها شواربها كايترعدو باغة فوقاش توصل لبيتها و تخلوى بيها ، واحد اليد شدها الڤيبرور كاتغزل باغية فين تبرد حرها....ترعت باب لبيت و شافت مع جنابها ليكون شي غاشي عدو الله تبعهم ولا زغبو مولانا و طلع لهاد القنت و منين بان ليها الحال صافي مكاين حد غير هوما بجوجات ، و بحر ديك الفقصة و العصاب و الشمتة لي راكبينها حتات على القحبيماها من خرقتها رادخاها مع الحيط جاراها كيف الشرويطة لاحتها فالبيت و زكرمات القفل متكية عليه.... و ماعطلتهاش حتى دقيقة و بمرفگ يدها قجاتها ملصقاها مع الماريو كون صابت تقسم لجد بوها راسها على كسدتها و ماتبقاش فيها.....د•••مها حلال تشرب منو و جوفها ما يشبعش ولا يقنع نبيلة [ خا••نقاها بحر جهدها معربطة بحلوقها كي الجمل ] : طوالو الرجلين و تساواو لكتاف...بنت العطاش زعمات...رجعو رجليها عاقلين على ديور الكبار [ زادت وركات عاضاها من ليد باش كدفع فيها باغة تفك ] مالقى لغراب فوقاش يتفكر فين جلا عشو حتى بيضو فقص و دار الجناوح [ وركات على عنقها العافية كتتنقز من عينيها ] اش فكر حباب موك بهاد الطريق المرا عيات تعافر و تدفع و تعاود مادات منها لا حق لا باطل شقمتها بقجة ربانية قاطعة النفس فجوفها ما رحمتها تعلاين روحها تنقز من فمها....رخاتها غير بزز كون قدرات العافية تشعلها من تحتها توكان تولي فاخرة.....بقات شانقة عليها من جلابيتها جهة الگاشوش كاتنخض فيها ، شياط الدخان كايصوط من ودنيها غير مغلبة لعقل بزز محضراه اما كون عظامها تطحنهم كفتة تطعمها لمشاش البراكص نبيلة [ ساطت مخرجة عينيها بالجهالة صوتها غلاض بالفقصة ] : شمن مكتوب كحل فكرك فهاد العتبة اربيعة....ياك لي بيناتنا تبايعنا و تشارينا فيه 24 عام هادي [ زادت فالڤوليم الغدايد لاعبين آلي روتور وسط صدرها ] ولا ركبك الدغل عندي تلقاي دواك السيدة تسيفات لوجه باش دخلت مع انور غبر و تبحليس مشى يتوضى عرات على سنانها القجة لي مقجوجة مادات منها لا حق لا باطل مضات نيابها فالحجر كاتهضر مخايفاش منها ضامنة راسها خارجة حية ربيعة [ وجهها السم ساح منو لايحة الوقيدة على ليصونص ] : جيت نشوف ولدي [ طرطقات لبارود فكمارتها ] الكبدة الميتة المردومة تحت التراب حيات ا نبيلة ومن حقي فولدي أنا ماطالقاش تسمعت واحد مولاتي الطرشة متكتكة ف البيت جبداتها معاها لحنك بنجاتو لعدو جدها و لوات طراف خرقتها قاجاها بيهم الصبر ضبر و الجلدة قيحات و خماجت فصدر نبيلة هادي هي دير خير ما يطرا باس ولا هادشي فيه الحقوقة مشاركين ارض ولا دار الورثة....الجنون لكحلين بدوا كايشطحو الرگادة فوق راسها عرگت بسطولة مخويين فوقها كيف الحنطل....هاد عدوة الله ناوية ترسلها على اخر يامها لحبس بلا موجب شرع.....غوتت لربي لي خلقها موركة على ربيعة بقجة مشات الروح طيح فيها نبيلة [ كاتغوت و تعاود ] : نجبببدها من وسط فااااادك و نقطعها طرااااف لكلا••ب ياكلوها [ الكبدة ].....نحرك نحير الجمل و مااااا نشفعش فاااااصل موك نهار تجبدي ولدي فطرف لسانك [ جرتها خبطها مع لحيط كاتمرمد فيها مبقاتش قادة تصبر ] الولد لي شريتو من عندك ماااااااات و شبع موت منهااار لحتيه بجوج دريال كاطلبي و تزاوگي نفكك من شووووهتك غواتها الحاجة الوحيدة لي مكالية عليه ما يوصلش لتحت هو صوت الامداح أما كون لبشار دا ميعاود تولي سيرتهم يتقرقب بيها الناب على الصواني دأتاي....و حتى ختنا فالله جات و هي ناوية على خزيت والجهد لي عندها دارتو حتى فكت راسها بستة و ستين كشيفة من يدين نبيلة ربيعة [ هزت حاجبها و فرنست باغة تفقصها ] : فين عمر البگرة الغارزة كاتولد ، الكرش ناشفة ما ترعى منها غنم....ولدي بغيتيها ولا لا و كيف ما خليتو بين حجرك زمان [ وجهها صح من القزدير ] هاني واقفة ليك عرض دبا باغة من عندك أمانتي بحر الفقصة ضحكات ضحكات تبردت على گلبها كاتهز و تعاود فراسها ، واااشوف ليك بنادم على قصوحية مزلج بيها كمارتو هاكوا على خليتو ليك وجيت بغيتو دابا صاك هو ولا صباط نبيلة [ تلاحت فوق الناموسية الفقصة تقلبات ليها ضحكة لغدايد ] : ولاش جاية عندي انا تحاجي عليا زابورك ياك عينك عبراتو هاهو قدامك سيري ديه فاش كاتسناي شكون شدك و لا گلعو ليك [ تسيفت تاني لبياض لي فعينيها تخلوض بالحمورية ] ولا سميتك مراااا ريحك يوصلو ولا شوكة منك تنغص خاطرو الى ما نحط عليك لي ورايا ولي قدامي راه ماولدت فيا نجية غالخلا و القيفار [ ناضت مقربة عندها كاتصايب ليها الخرقة لي كلها تخربقت طافية جمرة الغدايد تشوفيها تگولي السيدة مبردة وهي النار كاتشوي فحلقها صوتها خارج كايلهب جوفها السخون ] طباسل زمان تبايعنا فيهم ما تخلينيش نندب لك بشقافهم لا غرك الشيطان بعد هاد السنين كلها توضاي و طلبي السماحة من لي خلقك على الفساد فاش غارقة و فوتي هاد العتبة ، راه بنت نجية ماكتسوى بصلة خانزة و مكاينش لي يفكك مني نهار نتوالاك تنغرق لبلباك الشقف فخطرة تولي تبوسي الزكوك وما نحنش فجدرك....رجعي منين جيتي معندي ما نزيدك على ستة المليون باش بعتيه....كيف شريتي كفنو بالرخيص خليه عايش غالي وسط حبابو سالت دمعة من عينين ربيعة شمرتها قبل ماتوصل لحنكها مراضياش طاحت مع مرات باها عارفاها تغرقها و تفوتها لهيه تبيتو فيها حامض و تصبحو خل ومكاين لي يجيب خبارها هادشي هي عارفاه و عارفة عائلة نبيلة و نبيلة علاش قادة و مقدودة نبيلة كتسوس التكماش لي كمشات فجلابية ربيعة كاتبرد فالطرح دايرة بحساب الدار عامرة و فأيتها لحظة ينبع شي قمقوم يدي خبارها نبيلة : كان عليك تبكي نهار هزيتي رجليك لحمير اما درك غير نشفيهم.....طريق السلامة و محي بالگومة عتبة هاد الدار من دماغك نهار يغرك لغرار من جديد ما تلومينيش....ورب الكعبة تنگلسك على الجمر و نزند الفاخر تحتك [ وبلا موجب شرع رجعت خشات مرفگها تاني قاجاها بحر لغدايد ] و البگرة الغارزة كاتربي ولاد القح••• بة التالفة و ترد منهم سيدي و مولاي [ وركات على صدرها باليد التانية حتى حست ربيعة بالضو ضربها بديك الشدة ] و حربابوش ترجعي تشركي معاه حتى الغى يالما قبرك نوقف لو الشاهد شوكة يبولو عليه لكلا•••ب راني بنت الحرام رخات منها سايسة يديها من حطبة دجهنم عايفاها مغطية فقصتها بالتقالة لابسة قشابة بلي مامسوقاش وكون طليتي لداخل عندها البرامي كاتغلي غليان فصدرها ربيعة [ سرات معاها الخلعة ولكن السنطيحة اللهم بارك ] : شحال گدك تطغاي فاللول و اللخر غايبغي يعرف لي من كرشها والداه نبيلة [ جمعت لحداش بين حجبانها ] : الكل•بة و كاتهز ولادها بنيابها.....غاهني بالك غاسل من جهتك قاع رجليه ماباغي يعرف حتى سميتك باش كاتبدا شبع و قنع من خنزك من نهار تزايدتي عليه ف الثمن ربيعة [ بحرقة ] : بغيت ربي ياخد الحق فالنهار فين تلاقيت بيك نببلة [ دفعتها جهة لباب ] : واليدينا واليديك [ دفعاتها جهة الباب ] ياله غاخوي لمكان ●●●●●●●● تخشات ورا السارية قاطعة الحس طالقة ودنيها كاتجسس قارمة على ما بيها الضحكة واصلة عندها لجدارة لودن ، وهادي خبار جديدة و مكانتش لا على لبال ولا الخاطر الله يجود على جوادها لي طلعوها فالوقيتة المتكتكة زلگات فيها ودنيها بشلا وبلا والي عمرت لحصيصة فين تغزل سمها و تبرم قطران لسانها على لوستها شامة [ رشقات عندها النقشة ] : عيش نهار تسمع خبار...ولد الحرام مشري بجوج دريال و كبر فحجر لقاع و الباع الله يعطي لولاد الحرام كاملين زهرو صمطات كيف اللفعى السوسية فديك دخيشاشة عينيها كي النسر غاكيضورو توكان لمحت لوستها و لمرا لي معاها خرجو من لبيت هابطين لتحت شامة [ طلات براسها تتفرنس ] : وجابك ليا الله كيف درهم لحلال نسوك بيك لساني و نحطو دفلة على گاشوش البگرة الغارزة [ نبيلة ]....لا عطاك العاطي لا تحرث لا تواطي هادي هي ديالك اولد بنت العطاش من الحرام لعتبة القصور الكبار [ داوية على انور ] قلبت الطريق هابطة من الدروج لخرين تتقهقه لاص نبع بين يدها تحرد بيه نويبيلة على قولتها ♤♤♤♤♤♤♤♤♤ شدات ساشية من يد السرباية و زلگتها فدراع ربيعة لعينين صفاو من الحمورية مجبدة لكحل جديد فيهم كايبرگ وسطهم......الضحيكة مشارجية على سنانها كاتصدق فيها هزيتي نبيلة دلبيت وحطيتي وحدة أخرى....القبول مرشوش على فيگورتها تحلفي بيمين الرحمان الليلة مداز فيها حس العصاب ولا الترعيدة... دفعت ربيعة مخرجاها من الدار غير بالهداوة دايرة بحساب الغاشي ضاير بيها موركة على مرفگها مبردة حر السخونية فيدها نبيلة [ كل كلمة بزقت من فمها كتورك فيها على مرفگ ربيعة ] : هاحقك من الصدقة لا تحكيها فجلدك و تزلگي لينا دنوب الكدوب فالعنگرة [ شافت مع جنابها ] و خلي جواد الشرفة شادين وقرهم منك راه لافاتو شدوك بين سنانهم هيضورتك تصبح عند الدباغ وماكاين لي يجيب خبارك لاميتة ولا حية هاودني منك [ تبسمات ] الله يعرضك السلامة و لحرگة لي ساهطة جوفك غررغري معلقة سكنجيبر مع لما فحلقك و دوزك......لهلا يجعلها مجية مقبولة منك ربيعة [ تزيرت تبغات تفرگع و ماصابت جهد للفعى دنبيلة ] : شنتاتك لليام ابنتي انبيلة حرزو عليك فلوس القبر طغيتي بيهم نبيلة [ تبسمات بخاطر لخواطر ] : لا شفتي شي حد وسط الخير عرفو يستاهلو [ طلعتها من سفاها لعلاها غامزاها ] ولاشفتي المسخوط وسط الغيس و المناجر يستاهل ما كثر وجدر....قل اعود برب الفلق....الطريق لي تديك ما تردك الغرابة الكحلة كركبتها مع لباب كاتحلف وتعاود غابعينيها وغير شوفاتها كانو كافين و موفين يوصلو الصهد و العافية لي تقدر تشعل لا مشات لعبت ورا ظهرها جلدتها تشرحها على اللحم حتى تولي طالبة غير التعادل.....ما رجعت دخلت حتى غبر طيف لغرابة من قدامها عاد تنفسات مزيان كتتجدد السوفل فين ما تخلي لحتى قمقوم فين يرد لبال لشي حاجة مبدلة فيها غير بغلة و نغزوها من قزيبتها كاتبركز خطاويها غاجمل و غادي.....حافرة گدمها فلرض بحر الغدايد الطالعة و الهابطة مع جوفها مكانتش على بالها هاد العصيدة البايتة غاتلى هكا.....البيضة لي لاحت لبين يدين ناس اخرين فقصات و دار جنحين رجع شان و مرشان قاري و واصل بقرايتو و عقلو ولا مدير بنكة كلشي كايتغنا بيه الكبير و الصغير فست شهر اللولة ليه ف اول خدمة ف البنكة طلع گراد ديريكت.....ربي خلقو فطين و دكي حتى فات لحد من صغرو كياكل الكتوبة ماكلة و لقى حتى نبيلة كثر منو حارة دفلة وقفت معاه توصلاتو فين راه واصل دابا خسرت عليه د••م جوفها من ثلاثة السنين دخلاتو لمدرسة بريڤي ما خرج منها تخدا لباك معرفش فحياتو شنو هي مدرسة المخزن و نهار شد لباك عاد بدات نبيلة فحرب جديدة منين تهز ف المدرسة الوطنية للتجارة و التسيير لي فالجديدة [ ENCG ] تم بدات رحلة جديدة وأراك الغرامة اقل حاجة كانت تتحط نبيلة بين كراتو و ماكلتو و شرابو ربعالاف درهم فالشهر....كلات عليه الحلوة و المرة باش وصلاتو و دارت كثر من جهد جهدها باش تعوضو على شي حاجة سميتها الحرمان و بالصح فحجر نبيلة عمر انور عرف شنو هو تكون ناقصاك شي حاجة......وعلى قبلو طلقات فضلاتو على كلشي فالدنيا هو حياتها و هو كلشي.....ولكن شكون غايدخل هادشي لراس ربيعة عند بالها ولدها لي خراتو من قزيبتها غير نعس و فاق ولقى راسو مدير بنكة كاتخيل بلي هو اصلا سوا بقا معاها ولا مع نبيلة كان غايكون فين هو دابا معارفاش شنو عاشت و لمرار لي شربات ديك البگرة الغارزة باش هو دابا تم و فداك المقام كون صابت جنوي و ترشگو فكاشوشها بحر الشمتة مبغاتش تقبل ولا دخل لدماغها بلي متقدرش تستافد من ولدها ماشي حبا فيه جات و ماشي معشوقة ولا كبدتها كلاتها عليه ابدا واش عندها شي احساس جيهتو من غير احساس الطمع كاتشم فيه ريحة الفلوس باغاه يصرف و يجيب و يحطب و يدخل ليها بغات تاكل تغرادو و تعيش من رزقو.....صافي السيدة تپيريمات مبقات طريق التقح•• بين قابلة عليها لي مشات معاه تربعمية مكمشة متيكملها فيها الگارو هو اللخر رجعت تكوز لمول لحانوت لبغات يتصدق عليها بيه ربيعة [ هزات ديك الساشية تالسما و خبطتها مع لرض حتى تشتات فداك الخلا فين وقفات واصلة ل لافان دلعصاب ] : والله لكان ليك....يعطيني الكونسير يا ولدي تنرجعو بالخاطر ولا بالمجامر.....ماشي ربيعة لي تلا بيها ليام و ولدها قادر يزلگها دهوبات و هي عايشة عيشة لكلاب [ كتحلف كاتهز و تعود فراسها سنانها عاضين فقنوفتها التحتية ] غاصبري عليا غانرجعو هي غانرجعو ولي بغا بغا ولي كوا برا [ بغيتي ولا كرهتي ] `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
