.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `عند مهدي صابح جابد على النعاس من ورا ليلة بايت يحرث فيها و يجاهد فسبيل يخوي الشكاويه و همو و بلاه الكحل ، ماضرباتو الفيقة حتى لجوايه الجوج ، ناض كيتجبد و يطرطق فعظامو طالع ليه الرشوق......تحرك لدوش جدد لوضو الكبير و كبر كايصلي و يستغفر الله من كل ذنب عظيم دارو ، كاتبقى الصلاة واجبة وخا كثرت المعاصي الغاطس فيها تالگاع عصر كاس نواغ يحل بيه عينيه و طرطق البريكة على المدكس بالحشيش يقاد مجاجو نطر منو نطرة نيت تحس بدخان عشش فقلقولة دماغو.....جرة من الجوان و جغمة من الكاس وهو مدوز الخط يسول ف حنانتو لي علمها غايمشي يتغدا معاهم و خوا بيها ، النعاس ليكايجي ورا تكسكيس [ الفساد ] كيخليك تتقب الورقة مع الناس العزاز.....تشد الخط و سمعها كاتغسل فيه بلا سلام بلا كلام ، خلاها على خاطرها عرفها غامن معزتو عندها وهو ولا مقصر من جهتها قليل فين كايطلع يطل عليها كايجي من السربيس طافي و زايدها بالقصاير مرة ينخض البيضة مرة يطلع رشوقو على الكراميل لي جا بسم الله شاكمة المطور عندو سخونة خاصها غامتحرق مهدي [ شاد خطرها ] : غا رضاك باش واقف الحنانة صفية [ طلقات عليه الفشوش قلبها طايب ] : الرضى هو تجي تشوف وجه هاد كبة الشيب لوجه الله قبل ما يدي مول الامانة أمانتو مهدي [ شاد فيها ] : فوقاش طرگك الشيب أصفية [ كايلعب على الوتر الحساس عندها ] مزال الحال عليك باقي تختاري لبكري المرا و تحضري فطهارة زريعتو مكانتش مختالفة على أمهات المغربيات مع هضر و جبد حس زواج شدات لو فيه كانت طالبة عليها صفية [ شقماتو بيه فيه ] : و هي الى علگتي علام فرحك فبابي قبل ما يدور العام ولا فالح غافالهضور مهدي [ جر من گارو ] : نطيحو على نقرة صافية و نعلگ علامها فدخلة كازا أنا گاع خاطرك فوق الخواطر صفية [ قرنت حوجبها ] : و خير مولانا أ سيدي مهدي غامزلع العزبات كيلوبان مادين يديهم لحنة مهدي [ تنهد كايدربلي فيها ] : الگاشوش كايصوط فيه ريح الحنانة لي تبوشيه أثارها غابرة تنهدات ما عاجبها حال عرفاتو غاشاد ليها الخاطر صفية : لا تبعتي طريق الگلب مشيتي تظفر الشيب وما توصل فاين مهدي [ ضحك من خاطرو ] : عليها عوال شد خاطرها بالهضرة كايعرف كيفاش يراضيها وعطاها الكلمة الليلة يگلس معاها على طابلة دلعشا و قطع كاتبقى فضلو و راس مالو فهاد الدنيا حنانتو القلب الكبير •••••••••••• النهار داز عندها مپلاني بالشقاوات عظامها دغيا كيشد فيهم لعيا ، بالسيف وهي سيمانة كاملة كدوزها غامكوزة ماكتنوض حتى لأشمن وقت ، و خدوج حتى هي قارية تحرميات بنتها بلقلم و لكناش عگز السيمانة كلها كتخرجو منها ف الويكاند..... وهاهي مجبدة على فراشها كاتجسس على بوسطات الگروب تشوف الجديد دهاد النهار تبارك الله البوسطات على الجهد شي مطلعها على شخصيات القصص شي كايحلل و يناقش و وحدين أخرين حاطين ملخصات على قصصهم المفضلة ، وهي هابطة تصادفت ببوسط طويل عريض كتناقش فيه مولاتو المشكل لطاري بين جابر و ياقوت أبطال قصتها ، عصرات عليه كاتقرا وجهة نظرها السيدة عندها ما يتگال ومن المحللات الوزنات عندها فسرت و شرحت الأحداث بطريقة هي لي كاتبة و صابت راسها غافلة على شي نقط ، التحليل هاز شلا و شلالي و من دوك شلالات طاحو عليها أحداث مگمحة طرق بيهم مسمار الفصل لي كاتكتب فيه و دوز للفصل لماجي طلعت عندها أبيل واتساب من عند نصيرة خلاتها حتى قربات تقطع عاد اكسبطاتها كتميق فحناكها نصيرة : عاد نويت نقطع سليمة [ كاتعطي السلوگية صلية ] : كنت حاشاك ف الطواليط نصيرة : اوا كلشي مزيان بعدا أمورك هانية سليمة : الحمد لله فين غبرتي نصيرة : ما غابرة والو راني أكتيڤ مع البنات ف الگروب سليمة : داوية على الپريڤي سيمانة ما سولتي نصيرة : آخر ميساج بناتنا كان من عندي منين مجاوبتيش قلت غاتكوني مشغولة مع الخدمة سليمة : وياه تمارة الكحلة مكاتجي تالسبعة وخاصك تجي و تكتبي الأجزاء باش ميغضبوش علينا الاميرات لي تيخمرو تل النص دلنهار و تنوض تبغي تلقاك حاطة ليها عشرة دلأجزاء تقراهم ف خمسة الدقايق و جيم تكبرها فيك ضحكات على هضرتها لي كانت معقولة الوحدة بحال نصيرة معرفتها جد جد سطحية بسليمة ، عارفة عليها بلي كاتبة قديمة فالضومين و خدامة ف وفاكاش نصيرة : غير التشويق كايخليهم باغين يقراو بالكترة تبارك الله عليك راه أسلوبك ماكيتشبعش منو هزات قمقومها الفوق كاتفتاخر بموهبتها سليمة : الله يحفظك أ زين تنتي ماشاء الله وخا مسيرتك متواضعة كيبقى اسلوبك شهد ديال الشهد نصيرة داكشي لي كاين [ دخلات معاها عرض على الغراض علاش عيطات ] : دازو عندي قارئاتي و تشكاو بلي بوسطاتهم مبقاوش كيتقبلو و حتى لا تقبلو من فوق الطناش دليل و قارئات وفيات ليا و محللات مطنطنين عندي معروفين ف الگروب ضربتها بنكرة دايرة فيها مصدومة مافخبارها ما يتعاود سليمة : اويلي فوقاش هدشي وعلاش بوسطاتهم ميتقبلوش نصيرة : مانعرف لبارح النهار كامل بوسطاتهم كايتشمشو و حتى من يامنة طيرو حق نشر لي كان عندها سليمة [ يهودية مع راسها كاتلاون كالبوية ] : زعما هاد ليزادمين ولاو غاكيخورو......قطعي قطعي نشوف هاد الحريرة المخرية هادشي لي بقى نيت قطعات معاها طالع ليها الزعت مكانش ضاربة الحساب نصيرة غاتهضر على حقها ولا ترد البال صدقات حتى هي بخبيزتها كاضرب على عرامها وجهها مصندل دوزت الخط تهضر مع زكية تجدد الوصية على ما بان ليها ماشي بساهل غاتغمق على هاد خيتي كيف تشد الخط طرطقات سمها فيها بالغوات سليمة : رجعي حق النشر لديك الخرية ديامنة و بقاي تقبلي لديك لفعى گاع بوسطات القارئات لي معروفين عندها زكية : غالبارح قلتي مانفوتش عشرين بوسط سليمة [ مشربنة ] : حتى دبا هنا جددت الوصية ديك بنت الحرام معيطة دبا تشكا [ بدات تعيب فيها ] حقا و الواد بوسطات قارئاتي مبقاوش كايتقبلو [تفرگعت ] تقح٠بين دوالو دخلناها من الشتا بغات تحوش على كلشي غاهي لي كاينة سبعالاف بوسط فالنهار باغة طير زكية [ كتزند ف الفاخر ] : باغة يمكن توصل لعشرلاف جيم كرشها كبيرة سليمة : على زين أسلوبها ولا أفكار قصصها زكية : معرفت البنات أش عجبهم فقصص دكورية بحالها مريضة فمخها سليمة [ ساطت ] : تلقاها عزيز عليها لي يخلي دار عشتها بقاو مني منك كايشلضو ف نصيرة و مع هي عزيزة عليهم بزاف ماكاين غالله يعطيك صحيحتك شرشموها تشرشيم على علاش تهضر فحقها ، رجعت وصاتها تقبل البوسطات لدوك القارئات المعروفات فالساحة و قطعات دخل سعيد و خدوج لدار مثقلين بتقدية السيمانة مخلطة شي من مرجان و الباقي من الهري حيدو تقدية اليوم و علم خدوج بلي غدا الحد أيطلعو لمحمدية يشوف مو و خوتو ناضت حطات ليهم الگوتي فيه مسمن معمر هي لي صايباتو نيت و كيكة شاطت من الفطور منين كاتبغي تشقا راه كاتشقا و تحداگ شيطانها كايتوب غانهار كتبغي حاجتها ، كانت معولة تجبد مع مها اليوم موضوع محمد ولكن على مكايبان تخلي توكان يرجعو من المحمدية لهي اصلا ماغاداش معاهم ليها.... كلات معاهك عرگتها بالمزيان و دخلت سمطات فالبيت كي الكوبرا مخلية خدوج ترد العشا و تستف التقدية ••••••••••☆•••••••••• ناشر يديه على المخاد بگلسة منخوية فصالون مغربي حر الفخامة كاتغوت منو من الشوفة تعرف مولاتو دواقة وارثة النخوة من حبابها جيل بعد جيل.....دخلت عليه فضلو و راس مالو هازة صينية فضية د أتاي بقوامو لابسة قميص دجوهرة مخدوم على اليد ف الخضيضر بارد واتى بشرتها البيضة و لايحة زيف خفيف على راسها وشي زغيبات هاربين منو بين الصفر و البيض ما واتاها ليميش غاهي التاويل و النخوة كايعطعطو منها حطات قبالتو الصينية و جرها مدرعها عندو كاتفشش عليه دايرة فيها شادة فخاطري منك مهدي [ باس على راسها ] : لاش معدبة راسك الالة صفية صفية [ منيفخة كتفشش ] : خطاويك تقطعو عليا لامن يسول ولا يطقس خباري [ بدات دمع عليه ] تقول مقطوع من شجرة دفنتينا ف الحياة مهدي : وا صفية الله يهديك لي سمعك يگول عام ما وصلت لعندك [ كايحزر فيها ] هاهو هاد السيمانة نابت ليك هنا تتگلعيه بيدك قلشات ودنيها بهاد الخبار المتكتكة لطلق ليها جات فوقتها صفية [حطت يدها على صدرها ] : و مولاي مهدي شكون يسخا بيه يفرقو الدار غاقبة و خاوية من الجواد بلا بيك مهدي [ كايضحك على لسانها الحلو ] : تسليم منك ا صفية قربات ليه صينية يكب أتاي عاد طلع رشوقها و تقاد مزاجها صفية : باسم الله قلب و شقلب هاد البريريد كي الشهد المقوم على يدي أسيدي مولاي المهدي شد يدها باسها من لداخل فرحتها عندو بالدنيا وبدا يراجع فأتاي ، عطاها كاس مكشكش برزتو ريحتو فايحة كايقاد المزاج ، ضرب جغمة مگمحة من كاسو كايعشق البرارد المقومة لكدير حنانتو مهدي : الله على دكة يديك يتوزنو بالعنبر صفية [ كاتمد ليه ف تقيوتات ] : بصحتك و راحتك مهدي : سي نجيب قصد بيت الله صفية : كيف عادتو المغرب و العشا مايفوتوه ف الجامع الله يقبل ليه و ينقي طريقو من الكفرة مهدي : اللهم أمين [ طلعاتو عليها تاني ] راك غارقة ف طريق الگلب دعوة زينة هدي صفية [ مضاسرة معا ولدها لي فقلبها على لسانها ] : و شنو حسابك [ تنهدات ] عشرة مولاي نجيب كاطول العمر و تقوي الصبر لهلا يغبنو ولا يحافيه أنا طالبة نعاشرو ف الدنيا ولاخرة ولد الجواد عمرو غبني ولا حفاني [ تفكرك دكريات ] صبر لي جبد معايا كون غيرو من نهاري يرجعني رزمة لدار با ناوي يشد فيها و رحيم الله عرفها تموت فلي يشكرها و يهز معنوياتها مهدي : جا حقو وافي عمر دارو بعسل الدغموس ، راك باقة تجيبيه عزري ا صفية مع كمل كلامو جاه صوت داخل من باب دلصالون ** الله ينعل جد الحمار تعبوك البغل ** هز راسو ف باه داخل عليهم بهيبتو و عرضو و قامتو وجهو ضارب عليه النور و زادتو الجلابة البيضة لي لابس مخدومة حبة حبة نور على نور....گلس حدا مراتو و جرها حيزها عندو لگاشوشو قارم عليها مولاي نجيب : فاش تجيبها أنت و خطب ليها حتى ربعة العزارة صفية [ كاتحك على صدرو ] : لواه امولاي نجيب مهدي غاكيتمازح زاد قربها ليه لاوي يدو على كتافها وحدر راسو كايشوف فيها تهو على سبة مولاي نجيب [ مغوبش قارم شوفة فيها ] : المزاح العكري هدا هز راسو الفوق كايضحك على باه سيد كلاتو النفس على رزقو طلع ليه الشاربونة ، ناض جيهتو يسلم عليه تسالم معاه و عصر حتى صفية بايسها من حناكها مهدي : الله يدومها عشرة الحاج رزقك مكاين لي يگلعو ليك كب لباه كاسو كايسولو على حالو و غبورو هادي سيمانة ماطل ما سول هضرة تجبد هضرة ولا هي بغات تسالي حلاوة اللمة الزينة ما تمل ماتقنع منها.....وهوما باقين فيه سمعو صوت الدرديك فالدروج غادي و يقرب ، دخلت عليهم بحال الزواق هازة مشقوفها كاتلهت شعرها المبوكلي طالع لسما سروال پيجامتها رجل طالعة و رجل هابطة ، تلاحت بين مهدي و لالة صفية و هزت تلفون قدام عينين ماماها كتفرنس مارية [ كاتعبر بيديها ] : جبت ليك يا لالة صفية واحد مولاتي الخياطة تبرد ليك القلب و الهوايش الشهد المعسل كاتخرج من تحت يديها ضرب على شاشة تليفون ختو خاطف شوفة و ماتجي عينو غاعلى عينيها المجبدين و زادت جراتهم بالايلاينر مكبراهم غاتجيب دبوحو مافيهاش....ضاربة قفطان بالبيض كايغوت كاتبوزة بيه فلايف دتيكتوك على البنات كاتحرك بحال شي عارضة جامعة شعرها سفنجة مرخوفة خلات عنقها الطويل يشهد على ترفريفة لي هربات من عينو.....و قبل ما يقلب شفاتو منها ورّق واحد خونا سعودي سيفط ليها أسد و زادها تاني شاف الدعوة عندها مروجة فلايف و مكاين غاترشرش ورود و ترشرش أسود كايغرمو و يعاودو و تزلال فالكومونطيرات لعلك ترضي عينيه حلفو لبقاو تهزو من التليفون كايشوف فيها كاتمشي و تجي كاتوري البنات ف القفاطن.....للايف طالع عندها جهد عشرلاف مشاهدة من جميع الدول مفرگع بالبيان ، و مكانش بالساهل باش جمعات هاد العدد ، گروبها دلفايس كان ليه فضل كبير ، فيه فين تعرفات و منو جاو البنات تأبوناو عندها ف تيكتوك كيدعموها لالة و مالي دنادية حلات فمها و طلقات شهد كلامها كاتحرت على محاينو جايبة تمامو ماقدهاش غير تبومبة و تپوزة زادتها حتى بصوتها الرقيق كايطرب عروق طبل دلودن نادية [ كاتمشي و تجي ورا الكاميرا مبجحة على الوقت ] : هادا يا البنات شهد ديال الشهد مخدوم بالعامر كايجي هبال ف اللبسة شي حاجة ديال تحميرة الوجه خودوه بعينيكم مغمضين [ قربات جهة الكاميرا كاتوريهم الزواقة لي فصدر ] المخور هماوي للي بغاتو المناسبات العائلية كايتلبس ف حنة دلعروسة ، الختانات و الأعياد شهوة منو صبن و رد نبع واحد تعليق ديال داك خونا السعودي منقز كيف البولة دالصباح كايتزلل بهضرتو الخليجية و حتى مهدي جرا معاه العشرة كايقرا فالتعاليق مكاين غير لله يعطيك صحيحتك فين ما كان شي عناب رعواني مسالي مخو حاضر للايف ديالها تعليق جاسم القحطاني [ سعودي ] : و الله يابعد گلبي المخور يگتل عاجسمك تجنني طلع تعليق اخر ديال حنان صحبتها فالگروب دلفايس حاضرة حتى هي للايف مجاوبة السعودي محمالتوش يتعنب عليها تعليق حنان رد على جاسم القحطاني [ سعودي ] : الله يخورك من خر••زتك سكتنا الحولي لي حطك مهدي شاف نادية حدرات راسها على التليفون و قرات تعليق حنان باش جوبات الحولي قتلاتها غابضحك....خلاتها منها ليه و كملات تقياس دلمخاور واحد ينسيك فلي قبل منو لقات مهدي تهو كان طالب عليها محيدش عينو منها ولا رمش جفنو ، عصر كايتفرج فلايف مع مو و ختو بلا معيقك مخلي باه داوي راسو ، السيد تشغل بحاجة طراتو و نغماتو.....و هو كايتفرج رد لبال لواحد البلان بلي مكاتگول ليهم لا كبيسو ولا حبيسو شارية كرامتها لي بغا يسيفط ليها الدعم كايسيفط مكاتسعى حد و ما طلباهمش هي عشرين ، هي طالعة ترزق الله ف سلعتها دلحوايج ولكان شي فيكتيم حرگوه ريالاتو و باغي يصرفهم ليها أسود مغاتحبسوش مديرش غاهي الحاجة الخايبة و السما صافية عندها.......سها فيها و غرق و مافيقو من سهوتو غير صوت ختو ماريا طالقة حلوقها ماريا [ كاتشوف فلالة صفية عاضة قنانفها ] : أمضرا كيف جيتك ناضية ولا والو لالة صفية [ عجباتها و شدات التليفون فيدها كاتفرج محرماها على مهدي مبعدة التليفون عليه ] : ماشاء الله شهدة هاد لبنية منين ضبرتي عليها يا العفريتة ماريا [ هزت خنفرها زعما كاتكبر ] : شنو كاتعرفي على بنتك كاطيح غير على نگعات شفتي خدمتها كيف دايرة جمع غوباشتو منين مو بعدات عليه التليفون حارماه من شوفتها غير صوتها لي باقى كايتسمع عندو....تقاد فالگلسة كايتنهد و يحك فلحيتو الجو عندو تقلب و راسو زند و تزاد معاه الزايد ، شي حاجة ماشي نورمال حكماتو و شداتو جهتها حتى مسخاش بيها تغيب على عينيه مولاي نجيب [ جر مراتو عندو و هضر معها بالحنانة ] : مكاين عشا الحاجة لالة صفية [ حطات التليفون من يدها حتى هي مسخياش من الفراجة فلايف ] : موجود كل خير الحاج هاني نايضة نسريبه دبا [ شافت فبنتها ] عفا بنتي اجي عاونيني تعاونو بجوج و قومو الطبلة بعشا معتبر اللحم بالسفرجل معسل تاكلي صباع يديك عليه و شلايض اشكال و انواع...ضارو على الطابلة و سماو الله ، لالة صفية كاتهز و تحط قدام ولدها فرحانة بيه قداش مكرهاتوش يرجع يسكن معاها و يعمر عليها الدار .....تعشاو خالقين جو عائلي بيناتهم و منين كملو كلا واحد تخشا فبيتو مفرقين الجقلة حط كرسي فبالكون دلكوزينة كيتكيف مع راسو ، انسطلا تيكتوك و حل كونط فيه ، طابى سمية كونط نادية الي بقى عاقل عليه و تفيكسا فراسو بالنقطة و الفاصيلة....طلع لو كونطها ودخل ليه لقى شلا فيدوهات لايحاهم مشاركة سلعتها مع ليزابوني ديالها لكانو فايتين خمسمية ألف أبوني و حتى الفيديوهات ضاربين الجيمات فوق ربعين ألف جيم ، ضرب فيه دورة شرفية على الريلز ، عرفها كاتعشق الخياطة و الفصالة خدمتها نقية باينة يدها شادة الحرفة و رد البال حتى للبسها مستور ولا كان شي قفطان ولا جلابة مزيرة كاتصورها ليهم لبسها غامن القدام ، تأبونا عندها و خرج من تم نيشان البلايص ليزابيل مدوز المكالمة ، تشد الخط و سمعها كاتعصر و تنهد ليلى : آلو مهدي [ كايهضر و الگارو بين شلاقمو ] : شادة حسابك ليلى [ فرحت منين تفكرها ] : غاجي راني صافية باغة غالي يتبورد عليها مهدي [ ساط الدخان لفوق ] : ضربي البيض ناوي نصبحو فازگ ليلى [ غززت لحمة قنانفها ] : كاين غالباج هاد الساعة مهدي [ جر نطرة من الگارو ] : تهو قادي الغراض قطع عليها و ناض لاح عليه تيشورت ساتر بادرو وهز بكية البروط•••يكس و بكية لانجيت و خرج ديمارا ماوقف حتى لدرب النجمة ، لقاها على القرص حالة الباب متحمسة تعلقات فيه باغة تبوسو من فمو وهو يدفعها معندوش مع فحال هاد البسالات و تقزقيز الخاوي ليلى [مرضاتش يقمعها ] : هاهي قيد عندك تلاح على نموسية طانز عليها مهدي : راه لا جا فمك على فمو عولي عمرو يجيب مو ليلى [ عرفاتو طلقها تسرح مامسوقش ]: حفات ف البوسان ومنين كاتدخل للقاصح و كاتغرقو فالقنات مهدي [ جاها صريح مكاين تعاطف ] : فهادي منقرا عليك حتى سلام دلله [ تلاح على نموسية مفطح ] جاي باغي نخوي [ حط يدو على دوزانو ] علال القلدة هاز ما هاز قلبي تلاحت مجبدة حداه حاطة يدها جهة قلبو ، السيدة تعسلت قبل الوقت ليلى : أش هاز هاد الگلب مهدي [ گلبها تحتو كايفسخ فحوايجو ] : هاد ساعة غا ز**** لي هاز ، مشارجي القناطر فعروقو [ خبطها لجنابها ] شدي لجامو و حللي رزقك و نقصي من الشفاوي تجردو من الحوايج و حتى من الانسانية و الاخلاق غارقين فالحرام و الفساد حتى القاع ، فالشهو••ة كايغيب العقل و الشيطان تيكون مقلز وراك كايصفق و يضرب الرش مشجعك على المعاصي بالطبالة و الغياطة مكاين غير زيد دردك عاود دردك • سليمة شافت حتى عيات و ناضت قطعات شلاضة زادتها على الطاجين لي طيبات خدوج ، تعشاو مجمومين و كل واحد فيهم تخشا فبيتو.... تقنتات ف فراشها شادة تلفونها و ديرتك لگروب حطات فيه بوسط كاتعلم القارئات بلي غاتبدا تحط ، و دكشي لي دارت بدات ليهم بالخفيف وتلاها بأجزاء فيهم بنوضة ربانية ، جابر بطل القصة سلخ ياقوت البطلة سلخة معتبرة عطبها من يدها بتهريسة من المرفق بسباب عيرات ختو بالعاگرة و سبات جداه لي مكادخلش سوق كر••ها غاخشية كرموصتها فحوايج بعاد عليها ، لقاتو حتى هو على سبة شافها بدات تضسر اليوم عيرات جداه و ختو غدا تجبد معاه هو بتصرفيق دكشي باش حدد ليها السرعة بسلخة مهورة واجي تشوف تعاليق دلقارئات الحزب النسوي لا للع•••نف ضد النساء ناضت فيه الحراقية قعانهم تحكت فيهم السودانية مكاين غالله يعطيك صحيحتك بالدعاوي فجابر فالتعاليق تعليق [ سمية ] : بغيت ليه الهرس من يديه بجوج القوا•• د مشافش العقروشة دختو سباب المشاكل بانت ليه غير ردة فعل ياقوت الله يلگيها ليه كحلة زحلة تعليق [ سميرة المغربية ] : مابقيت فاهمة والو فهاد الخرا ديال جابر مرة يدير ليها كيف لما القليل مرة يعطبها تيوصلها لمو••ت تفو على جدو طير عليا النعاس ماتستاهلش ديك العصى كاملة تعليق [ راجية الرحمان ] : الله ياربي برد ليا غدايدي فيها تهي عيقات و ضسرت غير شافتو مشغول و هي تفرعن كون جات عليا يهرسها من ظهرها جوباتها سميرة المغربية : واش منيتك اختي راجية رحمان زعما راك مرا بحالك بحالها وخا دير لي دارت معندوش الحق يحط يدو عليها ردات عليها راجية رحمان : فيلم تركي هدا بغيتو تردو القصة واش ظلمها تعدا عليها شحال من مرة تبرا فيها و هي غامزيدة فيه دخلات على الخط بناتهم قارئة أخرى تهي مارضياش على السلخة تعليق [ فاطمة الزهراء ] : واش نتي اختي راجية تبغي لي يسلخك و يهرسك من يدك أش هاد الدل فيكم كاتموتو على العن••• ف بيه فيه جوبتها على هاد تدخل الخانز عندها تعليق [ راجية رحمان ] : أش حرق شطاطك وها الضسارة حنا ف القصة خلينا فيها اش قربك ليا نبغي الدل و لا نعشقو فاش ضرك نتي هدشي تعلمي دخلي سوق راسك و خليك فحدود القصة ملقاتها تهي من العاگزين رجعات ليها الجواب شن طن تعليق [ فاطمة الزهراء ] : سيري لي فيك كافيك تعليق [ راجية رحمان ] : ياله حطي سيڤي وسيري تنعيطو ليك البرهوشة تعاليق كثيرة و الگروب تقربل بالبوسطات و كل حزب كايغني فجيه النسويات طالقين كسيطة ظلموني و دكوريات مطلعينها عليهم بالحساسات و لي على سبة خاصهم غاعلاش يدخلو فديبخيسيون وحدة من صف ياقوت قلباتها ليهم شعر الجاهلية على أساس متعاطفة مع الحالة لي البطلة وصلات ليها ، جايبة كلمة من شرق و وحدة من الجنوب و حطاتهم فبوسط شعري السيدة قلبها طايب ، أما حتى سليمة فرگاع القنبلة و ديكونيكطات مافيها ما تقرا شي تعاليق فهاد الليل يقلبو مزاجها 🌵 #شُـــــــــوكْ_الـــــــــوَرْدْ 🌷 بقلم ====> { Hassna Roukia } PART : 15 صبح عليهم النهار شادين الطريق لمحمدية على بوصبيح منصف كمل نعاسو ف الطريق باغين يوصلو بكري فالحال بارد و يپروفيتيو النهار كامل مع العائلة لي ديجا سبقاتهم لبارح الدار الواليدين ، و مابين كازا و المحمدية غاجوج خطوات قل من ساعة كانو گالسين مع الحباب كايتعاودو....كل وحدة يا وحدة مكاين غازلگ دهباتك و خرگ أجود ماعندك ف الحوايج بان عليا نبان عليك ، و مكانتش خدوج قل منهم على هي علاش خدامة غاعلى راسها و دارها نص خلصتها كتمشي غير ف الدهوبات و الحوايج مغاترضى ولا تسترضي تشوف راسها قل من لويساتها و عيالات لواسها الي الهمة كاتزغرت منهم معاندين بيناتهم فشر عليا نفشر عليك گالسة منخوية دافعة ليك الصدر لقدام بخنافر هازاهم لسما السابعة حليمة [ لوسة خدوج ] : مال سليمة ماجات هزات خدوج تهي قمقومها العلالي كتبوزا و بدات طالقة سلگلگ تغطي النقص لي عند بنتها خدوج [ ميقت ] : كاتحفظ البيرمي علاين دوزو حليمة بجگت حناكها كاتمص فالحامض زعما شلا فاش كاتحفظ حليمة : على هي عاد غادوزو تعطلات و بزاف ، لالة بنتي صفاء ربع سنين باش شداتو و هاهي هاد العام لخر ليها ف الميدسين الوان الطيف قلزو فوجه خدوج مع الگلسة مع بداو فحشيان الهضرة أواه ما خلاوتها حتى تسخن بلاصتها باغين ينقصو من بنتها و يرجعوها جفاف و ربي كبير خدوج : واش جاب صفاء لسليمة تبارك الله بنتك تعقل عليها نهار تزادت حليمة [ شافت فيها ]: على هي بقات ف العمر بنتي ماشاء الله قرات و تخرجات و رجعت دارت التخصص ، و سليمة حتى الباك مقدرات تاخدو [ حشاتها ليها ] معرفت فيمن شبهات عائلتنا كلها من كبيرها لصغيرها زرع ربي الفطنة فراسهم غا سليمة لي خرجات من الجماعة مرضاتش تعيرها بكلاخ بنتها لي كون عرفوها خارجة من التاسعة كانو غايشدوها عليها حتى يدي مول الامانة أمانتو ، جاب الله كاين الله ضمسو القضية و رجعوها ساقطة غافالباك خدوج : ما تعرفيها عدمن ما جات لا بقلم ولا بعلم طلبي غير سلامة تهزت من حداها مخلياها كاتبيض فعينيها كيلبوية تموت فحشيان الهضرة و تبان على ظهور عباد الله ، كاتجي غاباش تفوح ب بنتها لالة صفاء دارت لالة صفاء فعلت لالة زبال التكبر كاتعطيه صلية و مع تهنات من اللفعة ديال لوستها شداتها العقرب دمرت لوسها هادي قالت لحليمة مكاتعرفي والو عزيز عليها تمسح صباطها فعباد الله ولكن صابت خدوج مشربنة مع دوات صمراتها ليها لجدارة الودن حورية : البركة ف منصف يعوضك على البهلة د سليمة خدوج [ قندشت ] : بحال تعويضة لي عوضك حسان مخليك مشوية معرفتيه واش قطع البحر ولا الحوت نخر عظامو حورية [ وجهها رجع حمر ] : واطلبي السلامة ا خدوج لي تشفا يتبلا خدوج [ مبقى عندها علاش تحشم طلعو ليها فكر• ها ] : ما تشفيت فحد دويتي جاوبتك و سليمة مسوق حد فيها العود خلاوها لوالا لي تحگرو مزال يطوال و ينغزك كلا وحدة فيهم قلبات وجهها لقنت كايصوطو بحال الروابز شي ماحامل شي شويا قلبوها منين خديتي هادي فين فصلتي هادي ، بشحال تقام عليك هدا ، أنا دفعت ف مضمة ددهب ، أنا سيدي نوردين خدا ليا دمليج عصير صابون ، الحصول جمعتهم كايتجمعو غاعلى حشيان الهضرة ولا على الفوحان لي لقاو علاش يشدو فيها راهم كايدوزو بيها أتاي ولي عرفوها جلاخة كلمة جوج كاتصمرها فيهم كايحدرو منها العين هوما نيت غاجلاخات على ختها وحدة كفس من وحدة مضيين نيابهم باغين فيمن يطلقو سمهم ، لي خدامة فشي خدمة كاتبان بيها ولي ولدها ولا بنتها دارت شي حاجة كاتفشر عليهم بيها وهوما فغرق الحديث دخلات عليهم شابة طولها عاطي العين فورمتها واخدة من فورمة سليمة الشبه غاهي اللون غامق كلا واش ربي ختار ليها هادي سميمرة و شعرها كحل بحال ظلام الليل ، ضاربة ليك طالون و دجين باغي يطرطق على مصاصطها عنقها هاز ربعة دسناسل مزلگة دهوبات متماشية مع بعضياتها دمالج المسمار ضيرين على يدها و روايح لووووكس كاتعطعط منها ، الهمة و النخوة جات غامعاها تعلقو عينين خدوج كاتعبر و تهز و تحط فيها ، وعلاش لا وهي ماشاء الله درية عاطية العين ، قارية واعية مخيباتش والديها ، الكنانش كتاكلهم ماكلة مشي غير جات و وصلات ، و مشي حليمة حست بقزيبتها غير هكاك عندها علاش ، بنتها هزات براسها و راس باها قدام العائلة.....خدوج تزيرات ضاقت بيها الدنيا علاش صفاء و ماشي سليمة ياك حتى هوما مخلاو ما دارو على قبلها باش تقرا و كانت مستعدة تسيفطها تكمل القراية على برا گاع تبيع ورتها لجاها فحقها من باها و تريسكي بيه معاها ولكن مسخوطة الشعب عندها خرجات زيرو الزليجة ذكى منها ، كوات الكية فگاشوشها كاتحلف فسليمة فخاطرها هاد الغدايد لي جمعات فهاد المجمع غاتخرجهم منها وحدة وحدة بسبابها ولات مسكة ف فم الكلبات المجرابات شي ربي عطاه الولاد وهي عطاها مسخوطة ما نفعتهم ما نفعت راسها ♤ المعاريف ♤ الدار البيضا ، أحيائها الشعبية الرواج فيهم داير خبلة مول جاڤيل حلقو كايطالب الشرع بالتصياح خلي مول لبالي هاز عالمو و يشالي ، كايبرح و يعيط على لي يخلف موراها.....رجلين لبشار مكاتقطعش من الزناقي الغادي كثر من لي جاي كلا و فين معيط عليه الرزق يفني صحتو و شبابو على طرف دلخبز.....گاع هدشي كايجي تالرجلين أحياء البرجوا و كايدير بووووززز ، شوارع كالم لبنايات موانسة مع الضباب ، هنا مغاتلقى لا حمار جار وراه كروسة لا مول الزبل كايميخل ف البراكص حياة لووووكس كاتسني بالحمر فهاد رقيعة طاپا لكود على اللوحة المعلقة فپواني دلباب و دخل ، و مع الدخلة عمات عينو الظلمة المخيمة فالدار تگولي واش ضو ربي ضارب من شي شگا [ شقة ] ، ريدويات هابطين حتى لقاع و بيبان البيوت مطرقين ، الدار شادة لعزو فعز النهار.....تحرك كايتعنگر بكتافو العراض مشيتو منخوية عبار ، فين ما تحرك كايتحركو معاه بادرو ، طلع الريدويات ينفس ريحة دلغمولة و يدور الكولوندير فالبرطمة....زاد لبيت دالنعاس ومع نوا يطلع الريدو سمع صوتها كاطلب فيه وهي حاطة يدها على عينيها مضرگاهم من الشعا شامة : عفاك خليه راسي غايتفرگع مداهاش فيها و هزو حتى لحدو و جمع حتى لخامية لجنب....هاد الحالة بدات تطلع لو فصحتو صبرو و ساح معاها قطرة قطرة صْدِّيقْ [ بصوت رخيم مدعدع هاز و وازن ] : تگلعي من تم شافها غاتبدا ترطى و تقزقز و قطعها فيها بجوج كلمات كايحك فنواضرو علاين يفگس البيض صْدِّيقْ [ نهض فيها ] : ماغانعاودش معاك لغى ساطت وخرجات من تحت الغطا ، كسدتها ضعيفة و ناشفة بقاو فيها غالعظام من الشوفة لولا يحسابك غامريضة بالمرض الخايب ، الد_م مسقوط منها الجلدة على العظم....وقفت قدامو بحالتها كاتشفي العدو و الحبيب شامة [ ساطت ] : هاهي ناضت بقيتي على خاطرك دفعها جهة الحمام مقيح منها و من هاد المرض لي شدات لو فيه بسنانها ، عيا مايدير فالخاطر و يلعن شيطان ، اليوم تعيق غدا تعيق بعدو تعيق وهي غامزيدة فيه راه ماشي هي اللولة ولا اللخرة لي وقع ليها هدشي.....صبر معاها و جنب علاش صابر تحرد منو و خماجت جرحتو و دودت ، غالقاتو ساكت و مطمر و لبست عليه العشرة صْدِّيقْ [ دفعها جهة دوش ] : طلقي روحك بقات واقفة قدام الدوش محملاش لما يجي على جلدها شامة [ فشلانة و سخفة شداها ] : ماعندي جهد باش نهز يدي ضيق عينيه مخنزر كايطلع و يهبط فهاد بنادمة لي قدامو حتى حاجة فيها مكاتشبه لشامة لي خدا النهار اللول....الصحة رابت الشعر نسل غالخشبة لي بقات واقفة على رجليها منفوخة فيها النفس ، جاتو عيقت و فاتت الحد ، علاش هاد الحالة كلها كثر من ست شهور و هي هاكا شيطانها رجعها محبوسة عندو ناسية راسها راها مزوجة و عليها واجبات جهة هاد العبد لي قبالتها....طلعات لو القلو• ة لراس ، شاربونة عندو كولات بهاد الضد لي شادة لا معاه لا مع راسها....ما حسات تدفعها جات مقلشة رجليها ف البينواغ و رشاشة مطلوقة عليها مغزف تالقاع جهد الما على جهدو حتى الحوايج ما حيدهم من فوق جلدها كايخوي الما و يعرعر صْدِّيق [ كايدوي مشربن ] : ركبك فيس التقح••بين على بكري [ بغا تهرب من يدو وحكمها ] لمسمار لي عوج لك المشية غانزيد نخوخ لك بيه الگروش.....مجايبش أنا جلدة ناخد رضاها ، بنهارك بقاي فدار باك منين جهدك مگلع من الجدر كاتشهق و تعاود كلها فزگت و فزكاتو معاها كاتحس بكتفها غايطيرو بتزيرة باش شدها شامة [ تخنقات و نفسها تسفت ] : صْدِّيق هاااالعار مزوگاك ف المرحومة طلق مني زاد ورك على كتفها بحالا كايزير فالبوطة وخا سمعها شنو گالت شاد ضد صْدِّيق [ مورك على كتفها بغي يطيرو من بلاصتو ]: ديري حل لراسك...صبري راسو و ماكيصبر عليه ،، فشوشك تقبو الورقة و نهار دور فالخوا غانتليها لك بورقة بالكاشي و نفقة تعالجي راسك بيها نخضها من يدو مقيح منها و خرج مخلي دموعها ويدان ساقية حناكها ، سمعات باب الدار تردخ و طاحت كتندب فحناكها و تخبط فجنابها على سعدها و وعدها المكوزين......واش هي لخاطرها واش يحساب ليه ساهلة ترزاي ف انك تعيشي طعم الامومة و مزال ياله قلتي باسم الله ف الدنيا يشرحوك الكزارة ديال الطبة و يحيدو ليك الوالدة ، واش لهاد الدرجة بنادم مفيهش لا رحمة ولا شفقة كلاها لحم ولاحها عظم كايخرج فسمو فيها واش كون هو لي تحرم من هاد النعمة كانت هي غاتفرط فيه ولا تحسسو بنقصو ابدا ولا كانت غاتكون ولا تنغصو و تغبن گلبو.....گاع هاد الافكار دازو فراسها و هي كاتبكي بحر جهدها حاسة بالحگرة و قلة الحيلة ، بكات بكات بكات حتى فشات گلبها و ناضت تقابلات مع المراية كاتشوف شكون هادي لي قدامها هادي ماشي شامة و حرام تكون هي فين هي فين مشات ، علاش لليام كانت معاها بنت الحرام ما فقلبها رحمة شمن دنب عظيم حطات فيه يدها و بسبابو دبل شبابها و تكالت صحتها شامة [ دموعها هابطين شلال ] : فينك أشامة فينك [ كاتشهق شادة فصدرها ] فينك ابنت القاع و الباع فين زينك و فين هيبتك تمرمدتي و حطيتي السلاح على بكري ■ مــــــــحـــمـــــد على الطريق حد السوالم وسط سوقو الشعبي الروايح مخلطة ومجخلطة فيه ، ف وحدة من القهاوي لي جات فقاع السوق ريحة المشاوي فايحة من المجمر الكبير الطويل لمستفة فوقو شوايات كثيرة كل وحدة واش ساير يتشنشط عليها ها الكبادي و اللحومات و شحامي و بولفاف طالق دخانو عامي الناس ، الجو تحلف عليه ف سواق العروبية كون ما دوك العمارات العالية و بني دالضحى المزلع على طول الطريق غير هي نص الاراضي كانت باقة مزروعة و الخضورة مفرشة فوقها ، مزال عمرها طويل قبل يجي فيها البلان و تردم تحت سيسان العمارات شادين بلاصة مقنتة ف الطيراس دلقهوة بعاد على البشار ، ناشر هيبتو قدام مالين لمكان مقابل معاها هي لي عينيها كايحومو بالفرحة على الطبيعة لي دايرة بيهم ، الناس خارجين داخلين السوق و القهاوي عامرة بالزايد ، كانت مرتاحة الجو أصلا كايعاون ف الراحة و الخاطر منغم عندها....دورات راسها جيهتو و تلاقات عينيها مع ديالو ناشر زينو المهيب و مكانتش هي قل منو ، لا حط العين عرف علاش حطها محمد [ نبرتو هزتها لحنانة ] : مرتاحة ؟؟ شرعت فمها مبينة على جوهر سنانها عينيها كايبريو سليمة : زوينة البلاصة كاترتاح فيها النفس تبسم بطرف شلاقمو الحقيقة كانت نيت البلاصة زوينة و جوها الشعبي عاطيها لمسة خاصة ، النفس بلا هواها كاترتاح فيها تقليدية و هواها نقي بعيد على صداع المدينة لداخل كان ناوي يجاوبها قاطعو سيرفور منين وقف عليهم هاز بلاطو كبير ف يدو محمل و مجمل بدا كايستف خير الله قدامهم من شلايض و الفريت و 3 طباسل طاوس متوسطين كل واحد واش هاز ها بولفاه ها اللحومات مشوية مع البصل و مطيشة و طبسيل أخر فيه جوج طيحالات عامرين من لداخل مشويين ، ختمها ب براد دتاي منعنع و قرعة موناضة هاواي.....وكيف معروف عندنا حنا المغاربة منين كايحضر الما كايترفع التيمم سماو الله و بداو ياكلوا ماحد دكشي باقي سخون مخلين الهضرة لمن بعد كلاو و شربو حتى مابقى للكرش فين تزيد عاد رجعو اللور ناضو يغسلو يديهم ، و رجعو تجمعوا على داك البراد يهضمو و يجددو الجماعة محمد [ قارم على كاسو حاضي معاها ] : ما عولاش تريسكي ف البريمي [ دوزي البيرمي ] سليمة [ بدات تبيض فعينيها ] : نخاف غانسكن فيه حتى هو محمد [ طرطق البريكة على لگارو ساف منو جبدة نيت ] : كاتسبقي الخلعة قبل لميعاد....لا ناڤيگيتي فيه بالبيان غاتجبيه من الزطمة اللولة [ لا درتي فيه عقلك غاتشديه ] سليمة [ نفخت شلاقمها كاضور فعينيها ] : هاهو الكود حفضناه و الصوگان محمد [ ساس رماد الگارو فطفافية ] : خرجي سوقو داك الباب خليه عليا تحمسات منين عرفات غايعلمها هو تصوگ تر••متها ولات كاتشطح جيل جيلالى سليمة : نخاف غانفقصك و تصدق دايز عليا محمد [ تبسم بطرف قنانفو ] : عارفة راسك معكسة سليمة [ قلتش ودنيها مضيقة عينيها ] : فاش عكست ليك تاني حط عينو على عينيها و نطر لي بقا من الگارو صايط الدخان فوجهها محمد [ جاها من تالي سيد زربان ] : مغانسكنوش عام فهضرة خصها تگال فجوج دقايق [ صمرها ليها الوجه ] علمي والديك الجمعة الجاية أنا و الحاجة غانكونو فقاع داركم مامسليش لرشوق يطلع ليك باش تفرشي ليهم الوصية [ باش تعلميهم ] ماعرفات تفرح ما عرفات تنذب كيفاش دبا غاتهضر مع خدوج وهي مزال مانسات شنو دارت نهار خرجات معاه ، تبسمات بزز و هزات راسها ليه بكون هاني و نعس على جنب راحة.....بقاو گالسين شويا و ناضو يرجعو فحالهم قبل يرجعو والديها من المحمدية وسيدة غير تأنسطلات ف الطموبيل طلقات اغنية ماجد المهندس ● سحرني حلاها ● و هزات تلفونو كاتصور ڤيديوهات كاتغني مع المزيكة ، و وسط لڤيديو شداتو معاها متكية على كتفو و وجهو باين كاتزلل عليه و تقيس فالحيتو.....ڤيديو بعد ڤيديو وهو خلاها على خطرها منين هادشي كاديرو غامعاه تاخد راحتها....ركبتها صعرت الحمير و تحلات و ختمتها بتصويرة باستو فيها من قنانفو السيد تبنج و داتو نملت عليه اول مرة تزعم هاد الزعامة كاملة....هي مع ضربات الطوف رجعات راسها اللور جات البوسة باينة و واضحة فصورة.....هو وخا نوضات فيه الشياط طمر و حل السرجم يتنفس كانت عايقة بيه الحرامية من فعايلها و بلعاني درتها و خلاتو معلق بحال العلام عاض فصبر و حنات راسها كاتسيفط التصاور و ڤيديوهات لتلفونها تسيرو شدين طريق رجعة ، حطها كيف العادة فنفس البلاصة كان باقي ما أدن المغرب ضربات على طموبيل سعيد واش كاينة عند العساس مابنتش ليها و زادت مع الطريق خلاتو حرك الروايض من تم غادي لدارو......وهاد المرة عكس لي قبلها ما خرجات تخلات الدنيا نقية بدلات غاحويجها و گلسات تخمم كيفاش تجبد مع خدوج موضوع محمد ، بان ليها الليلة تاني ماغاتحط أجزاء فالقصة واش هي مسالية لشي قصة أصلا صافي حطات لبارح يقنعو راه مشي كايخلصوها بدولار لساعة ، صونات على زكية و وصاتها تعلمهم مغديش تحط بسبب الضرسة لي طلقت سلوگية بلي ضاراها نهار كامل لقات تسليكة و بركات تخمم شمن طريق تسلك مع ماماها و تحط ليها الموضوع فوق طبلة جمعت النوضة تشوف ما طلبق ليهم لعشا قبل ما يجيو ، شافت حتى عيات و جبدات مقادير لازانيا هي باش غاتفك هاد غناية حشاكم عارفة خدوج كاتموت عليها خصوصا ديك لي كاتصايب هي......و لكانت كاتعرف طيب شي حاجة فهي ليباط و مشتقاتها من غيرها غاتخربيق ماكاتخرج من يديها لا محمر لا مجمر قاضية الغراض غير باليباط ، گفضت على دراعها و بدات هاك بلاك ها صوص دلكفتة و ماطيشة ها صوص بيشاميل ، عزلات مول دزاج غارق و كبير يكفيهم و بدات تعمر فيه طبقة من صوص دلكفتة و طبقة باط لزان و كاتبلل بلبيشاميل ختمتها بالفرماج الحمر من الفوق و غطاتها بپاپي كويسون و زادت فوقو پاپي أليمنيوم و دفعتها لفران لي كانت قبل شعلاه....و ماكاملة حتى ساعة لاروب جبدات لازان من الفران و خدوج و سعيد دخلو مع لباب طلات عليهم من الكوزينة و من التوريقة اللولة ضربات على وجه خدوج مبدل و مشربنة غامع شيطانها مشي هي هديك ، مسات على الله فنفسها و خرجات عندهم كتبرگم فنفسها الله يدزو هاد الليلة على خير وصافي وخا من ديك التقنديشة ما شمات ريحة شي خير سليمة [ قرات عندهم ] : جيتو سعيد [ گلست فوق الفوطوي ]: أري كاس دلما معاك رجعت جابت لو الما و حطات قاعها مقابلة مع خدوج لي مدورة وجهها عليها غاكتصوط بحال شاكمة دالرموك وجهها معصور طلعاتها لحمورية قنانفها زرگين بالعصاب سليمة : كيف لقيتو الدنيا عند لميمة خدوج حتى هي كانت كاتساينها غير تدوي وتسول باش تسوط فيها و تخرج شنو هاز گاشوشها من جهتها جابها ليها الله تبرد جنونها خدوج [ خرجت فيها عينيها على حدهم ] : صبنا لالياتك القادات المقرصات بنات العز و النخوة القاريات.....صبنا العيالات لمحزمات بالبنات الحارات تحطهم على الجرح يتلم و يتجمع سليمة [ عرفاتها غاتبدا تاني ] : مالنا على هاد الهضرة أش درت ليك تاني جدوج [ كشاكشها خارجين ] : أدار ليك فالصحة و العمر دار ليك فالعقل لي ماعندك [ ضربت گاشوشها ] أنا تخلي لي يسوا ولي ما يسوا يشرع عليا كابينتو و يطيح بيا قدام العادي و البادي [ ضربت على كرشها بحر جهدها بالفقيص ] ولكن كرشييي كرشييي كرشيييي لي دارتها ليا خرجت منها الي غااطرطق مرارتي قبل الواقت [ عيطات على لاص مقطعة لفران ] دعيتك الواحد وحدو يفرق بيني و بينك يالمشوهة السيدة قطعات اللجام ولات غير جيب يا فم و گول فقصت اللويسات و عيالات اللوس كاتحرق فصدرها گاع السم لي طلقو فيها جات بغا تفشو فبنتها......سليمة وجهها و لا حمر طلع ليها الخرا لراس فين ما مشات كاتجي تنكدها عليها بلالياتك فعلو لالياتك تركو ، بنت فلانة قرات، بنت فرتلانة زمرات ، ناضت على وقفتها اعصابها مزبلة و فالتة سليمة [ بالغوات ] : وااالي بغي يدير شي حاجة يديرها وااااش سوق شي حد فياااا أنا مباغاش ندير عجبني راسي هكااااا وكلا يديها فجيها ضراه.... قبل تكملها جاها كاس دزاج لكتف تشخشخ بجهد باش زف بيه سعيد عليها حتى طلقات غوتة ربانية و شدات فكتفها ، و كون ما يد خدوج لي شداتو كان ليلة غايبلغ ليها الغاسول يوريها مسوقكمش فيا ، هاكوا هاكني درية ولات تهز و تحط و تعاير تحلو عينيها و فقصات من جخ البيضة اليوم غوات غدا تهز العصى و تبدا تجبد معاهم.....ناضت ليها خدوج و ما تحتي عليها غامن شعرها و جراتها لبيت لاحتها فوق الفراش و طلعات فوقها و أراك القريص بين الفخاض كاتليع فيها و تعاود حتى كيهرنط الحمار تحتها جدوج [ مغزز شلاقمها بين سنانها ] : مالفة بالعز و الكبرانية أدوي [ نتفتها ] لي بحالك لقحبيماك أخرتهم يضربو الجفاف عند العيالات الخامجات بقات عليها هادي تنفع هدي ضر تمبقى فين تزاد و ساستها من يدها و تخبطات حداها شادة راسها بين يديها كاتولول و تعيط على شكون يعاونها خدوج [ حاطة راسها بين يديها مفقوصة ] : ويلي ويلي ويلي على شوهتي ولمن نعاودها [ بدات تضرب فجنابها ] ويلي الناس والدين البنات وانا جات فيا شياطهم ، فينك يامي و طلي عليا وليت مسكة ففم لملگات فينك يا بويا حنيني كون غاكنت رافدة سخطكم نقول خرج فيا بقات كاتندب و تعدد حدا راسها حتى فشت گلبها هيلي ناضت ركلتها و خرجات مضيومة و ممتقبلاش بنتها من دون لبنات تخرج حاشية لا قراية لا صنعة لا هم يحزانون ، فين ما تفكرات هدشي خطرها كايخماج و يدود ، خرجات و خلاتها غارسة راسها وسط المخاد كاتبكي على سعدها العوج مكاينش شي نهار يدوز عندها عادي بحال الناس ضروري مع دخل لهاد لعش يهجروه ليها شنو دنبها لا ربي معطهاش ف القراية واش هي لي ختارت تكون مكلخة و مكاتقشبل والو دماغها زليجة محطوطة....بكات تفشات گلبها و نعست بدموعها هكاك كاتنخصص مكلكمة فغطاها....و مع بدا كايشد فيها نعاس جات خدوج كاتحرك فيها نوضتها تحنجر گالت ليها ما فيا ما ياكل و هي تسيف عليها تاني حلفات بيمين الله وما ناضت تگاع الدرب يجيب خبارها، تهزت كاتنفخ و تفش گلسات معاهم فوق الطبلة بلا خاطر كلات علاش قدات و رجعت تكلكمت فبلاصتها راسها تقيل كيف البيضة الخاسرة حياتك و لا حياتي ولا حياوات الناس لاخرين ماشي ديما كاتمشي على حساب شنو نتا خططتي ليها و نويتي دير فيها ولا ولديك شنو بغاو ، قاري ما قاريش هدا ماشي دافع يخليك تايق فراسك تْمَّشي حياتك ف المسار الصحيح ، كاين مطبات لعلك ترضى أراك ما درّع وسط مواجهم يمكن تخرج منهم ناجي و 90٪ لا قواو عليك لبيبان غادي تحط السلا••ح و تگلس تساراح صبحت مدكدكة اليوم لعظم الصحيح ماكاين باش تنوض ، راسها كايتقلقل كيف لبيضة لخاسرة ، الدوخة و مصارنها مقلوبين حلقها مر قطران ، بستة وستين كشيفة باش قدرت تحرك من بلاصتها جبدات غاسقاطة لي خازنة فبيتها و دقرعة لما تبلل قرجوطها و تشرب دواها ، كاتنين مكرهة من المرض ولي يجي منو ، هي غالا زواها البرد كاتشد لفراش سيمانة لفوق ، حتى لي يقبلها مكاينش باها و مها خدامين من صباح تلعشية و خوها منصف عندو مدراسة فيها لاكونتين مكايجي تالخمسة ، تعافرت و تعافرت تقدرت تنوض لدوش حطات كرسي ف لحمام و هبطات الرشاشة عندها كتخوي لما على كسدتها لعل و عسى يخفافو ظلوعها و تفك التشنجات لي كرمو ليها اللحم.....تلوات ف لفوطة و دخلت هكاك لفراش لايحة لغطى عليها ، كاتكحب و تعاود صدرها ساستو بالكحبة سليمة : الله ياربي الله كح كح كح شداتها التبوريشة رجعت جرات لمانطة تقلات بيها مرة تكحب مع تعطس تداتها عينيها ••••○☆☆☆☆ نادية ••••○☆☆☆☆ لبسات جلابة ف الڤيولي بفصالة مخزانية منبتة بالعقيق برشمة دالية خادماها بيدها عقدة عقدة باقة جديدة اول لبسة ليها ، زادت فولار رقيق توبو ساتان مورد بين لڤيولي بارد على لون الجلابة و الكراميل خاشياه تحت لقب و مدلي من الجناب بجوج ، الاهم عندها هو تسبق راسها و تهلا فيه من يدياتها مكاتنطبقش عليها سبوب گزار و معشي بلفت هي خياطة و باينة حرفتها على جلدها ، تحرفت بصاكها و ضربت فرجلها صندالة پلا مبينة على فخانش ظفار رجليها ، هزات لكارطونة و دردبت مع الطريق توصل لاكوموند لمولاتها.....قبطات طاكسي حمر حطها قدام كافي رضى ف حي حساني ، لقات السيدة معامن دايرة وصلات و كاتسنا فيها ، و كيف جات طلعو لطيراس كان خاوي فيه ناس قلال توريها طلبيتها على خاطرها ، و كيف العادة ما تعلمت الحرفة غابتاويل و السماق علاش ما حطات يديها كاتخرج منو الشهد ، خدمات خدمة نقية و ديال تحميرة لوجه فلوسها حلال عليها السيدة : الله يعطيك الصحة مخلتي لي مانقول نادية : بالصحة و الراحة غامنين عجبوك السيدة [ رجعات كتقلب ف الجلالب ] : كايحمقو خدمة متقونة مامعيوبة من تجيه نادية : بالصحة و الراحة الله يجيبنا فالصواب خشات السيدة يدها ف صاكها و مدات لنادية جوا فيه كمالة دالفلوس لي بقات بيناتهم ، شدتهم و قدامها حسباتهم و زرگتهم فصاكها خلاوها ناس زمان لحساب صابون و كايطول العشرة و العمر....طلبو عصير ليهم بجوج و بدات توريها فموديلات جداد باغة تحطهم ف العيد كانو عبارة على جوج قفاطن جوهرة و مخور امراتي ، تافقت معاها و رجعت عربنت ليها عليهم......لهزة باش هزت راسها ورقات واحد خيتي كاتشوف فيها منين دخلات وهي جارية معاها العشرة هي واحد رباعة دلبنات گالسين معاها دورت وجهها مركزة مع السيدة لي كاتوصيها كيفاش بغات الفصالة و شمن لوان بغات ، سالات معاها و ناضت حتات على لكرطونة و تسالمو و مشات.....بقات نادية گالسة تكمل عصيرها و تسرح عينيها شوية عيات بتامارة و الگلوس النهار كامل فوق الماكينة ظهرها عواج و ترمتها تبعصت وشي كتاف عندها ولاو طالبين الشرع غاكتكابر و صافي كاضارب مع الزمان و تناڤيگي على موخها تجمع صريف يعاونها تحل محال و تكبر مشروعها وعلاش لا تشد معاها خياطات جداد يعاونوها و تزيد حتى شي مولات الراندة اخرى من غير سيدة الي معاها منين يكتر الطلب عليها.....سهات كاتفكر فگاع هدشي ما رجعها لواقع غاصوت دخيل فيقها من هاد السهوة ماريا [ بدون مقدمات ] : نادية ياك تعجبات منين كاتعرفها خصوصا مفايتش شايفة هاد لخلقة من قبل و زيدها منين دخلات لقهوة و عينيها منزلوش من عليها نادية [ مستغربة ] : كاتعرفيني ؟؟ حطات مارية قاعها حداها كاتفرنس ماريا : وشكون مكايعرفكش و قفاطنك و جلالبك دايرين بوم ف تيكتوك تبسمات ليها عاد رجعات فيها النفس منين صدقات وحدة من ليزابوني ديالها نادية [ تبسمات بخاطر مفاجي ] : الله يكبر بيك ازين ماريا : ماكنتش عارفة كاتسكني معانا فنفس سيكتور نادية [ صحات ليها ] : مكانسكنش فحي حساني غاجابتني لوقت لهنا صافي أنا بنت سيد لخادير ماريا [ فمها مشرع بضحكة ] : واش بعد سيد لخادير من حي حساني جوج دقايق نادية [ جغمت من عصيرها ] : و كلا و سيكتورو فشكل وخا قراب ماريا [ ضحكت ] : هادي عندك [ ضربات على جلابة ] سلعتك اللهم بارك سابقاك لي شاف خدمتك يقول عندك فوق ربعين عام فهاد الحرفة نادية [ جاتها حللوة ] : الحرفة كاتكون معطية من عند الله لا درتي راسك فالحاجة كاتولي زبدة فيها و الحمد الله هاحنا باقين كانتعلمو ماريا : بصح هادي عندك فيها الحق طلعت ماريا تلفونها و مداتو لنادية تيقد ليها نمرتها مبغاتش تزيد تبرزطها باينة السيدة باغة تصولاجا مع دماغها ماريا : خلي لي نمرتك ماما من نهار شافت سلعتك فواحد اللايف وهي باغة تخدم عندك جلالب دلعيد شدات تلفون تتقيد فيه نمرتها نادية : مرحبا بيها فاي وقت ماريا : بحال والو فهاد اليومين نعيط ليك نادية : وا عليه اللهم يسر شنو سماك الله بعدا ماريا : ماريا تبادلو نوامر و توادعات معاها و رجعات عند صحاباتها كاتعاود ليهم شكون هاديك و فين كتعرفها...... نادية كملات عصيرها و خرجات راشقة لها بالبيان من القهوة هاهي كليانة جديدة بحال والو تقصدها كيف قالت و تعيط ليها......و فقات فشاريع و شدات طاكسي و نيشان لدار تكمل لبياسات لي باقين واحلين فيها ■ عند صديق داخل كايتعنگر بطولو و عرضو و قامتو كتافو العراض كايتهزو و يتحطو مع كل خطوة خلفها لقاع دالريسطو ، صابو كيفحال ديما الدنيا كالم فيه غير لووب دلكليان لي معمرينو كلشي بالإتيكيت....المطعم جا قريب لمسجد الحسن التاني معروف بمأكولاتو البحرية ليشاف معروفين دوليا خدامين هنا ، مقسوم على جوج ، منو قهوة و منو ريسطو....طالقين موسيقى كلاسيكية خفيفة كتسمعها غاهي و صوت الفراشط و لماس كاتقرقب مع الطباسل....ضرب طلة على الحالة و طلع الفوق فين عازل بيروه ، كان خاصو يجي و يطقس الاحوال كيف غادا و شنو تزاد و شنو نقص و يوقف برجلو على شغلو قاسم وقتو بين لمشاريع كاملة لي كايكساب ، مع الدخلة لقى وراق لما و الضو و گاع الخطيات و البروصيات لي خاص يخلص هاد الشهر ، گلس على الكرسي يزمم مسمارهم محدو جا جا يحيدهم عليه لي خصو يتخلص من التليفون خلصو ولي خاص يطرق مسمارو بشيكات عزولو بوحدو ، كايبخ ف دخانو و يڤيرفيي فشغلو عروق نواضرو مطرطقين خارجين من عند الله اراك من بعيد ما تعرفو معصب ما تعرفو معصب وجهو مكايدل على حتى حاجة من غير هاد الوصف ملامح وجهو مامساعداش ديما طالع ليها الخز وخا تكون وسط الفرح واخدة صورة فيكس و لي هي من الشوفة فيه يجيب ليك ربي غامنيرڤي وخا هو ما منيرڤي ما ستة حمص علمهم يطلعو ليه قهوة نواغ يجبد بيها الصبر على هاد الروينة دلوراق لي لقاها كاتسنا فيه سني فهادي غرم فلوس هادي هز هادي حط لاخرى ، خشا راسو وسطهم مركب جوج عينين اخرين دشوف ، بقا عاصر فيهم تفنى شغلهم عاد هز راسو كايطرطق فگرفادتو.....ضرب على تليفونو كايصوني طلعات سمية نبيلة فالشاشة وبقى حتى شعل گارو و رفد المشقوف مصمرو على ودنو مجاوب صْدِيقْ : أش تم نبيلة [ خت صديق ]: هانيا و طرافها نوار [ زعما دكشي هو هداك ] مشيت القهوة ما لگيتكش فيها ناض وقف خارج من تم هاز شي وراق فيدو يكملهم فدار صْدِيقْ : الصباح فنيتو تم ريگلت غراضها....كاين ما يتقضى نبيلة [ بدات تمص ف الحامض ] : مرتك زارتنا كاتسول عليك يحسابها جيتي هنا صْدِيقْ [ عصر عينيه كايتنهد ] : و فين شداتها دبا نبيلة [ ميقت ] : باقة هنا نيت هاهي كاتسمع فيك صْدِيقْ [ طرطق المرسول توصلو ليها ] : الروايض باش جات تحركهم ترجع لدارها نبيلة : هانا ندوزها ليك مطات ليها التليفون كاتميق و تعاود خنافرها هازاهم كيف الديب شامة [ خدات التليفون من عندها ] : آلو صْدِيقْ صْدِيقْ [ دخل معاها نيشان فالقاصح ] : تسرحو لك الطرقان كاتبوجي [ كاتحركي ] وسطهم بالطول و بالعرض كاتشدي حق الله غاعلاش بغيتي [ ركب ف طموبيل و ردخ لباب كايهلل بحلقو ] أش وصل ملة موك تم شامة [ كاتحاول تعض فصبر ] : جيت باغة نهضر معاك عرا على سنانو بالفقايص كاتعرف كيفاش تبوهل منين كاتبغي ياك غالبارح لقاها مكوفرة فالمانطة شادة حق الله ف الفراش كاتغني مالي و يربي مالي مالي من دون الناس صْدِيقْ : الرّجلين باش تفصلي زناقي و دروبة ربيتيهم و عندك جهدهم شامة : أنا... قطعها فيها بنوضة ربانية كايعرعر ورا السلوكة صْدِيقْ [ كايحرك فراسو بحالا كاتشوف فيه مغدد ] : نخضك الرشوق على الهضرة بالبراح [ زعما شوهة قدام ختو ] كاتحراف لك الجرية غامعايا [ تشربن صوتو رجع واصل لبرات طموبيل ] هانا جاي لملة موك باغة غا الشوهة حنا مواليها قطع فوجهها حارق لملتها لافيشور خلى التليفون يترعد بين يديها ولات كاتصفار و تخضار گاع اللوان الطيف تصبغو على كمارتها ندمات تجات ولا فكرات تجي على اساس يحلو مشاكلهم قدام ختو مولات العقل الكبيرة دالعائلة لي فأصل مكاتحمل فيها الشعرة دايرة غابوجه خوها اما كون جات عليها مادخلاها من الشتا `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
