.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `●●● عند سليمة ●●● مربعة گلستها خيرها الفايض مسالم مع لرض هي من جيه و خدوج قبالتها حاطين بيناتهم لكادوات لي جاوها ف التعارف كايبرگگو شنو وسطهم....كانو جوج بلاطوات صغار مقادين و محلقين على الحالة بتويشيات و الاتاويش و مونطين بسولوفان هازين جوج تفاصل دجوهرة و بليغة مع توب دجلابة و الثاني مدكس بالشوكولا و النوگة مستفين بالتاويل من فوقهم سيبورة صغيرة عامرة تمر معمر بالگرگاع مع بوكي دلورد الحمر مهرس باللون لبيض....مخلاش من جهدو كبر بيها وهدا كايبقى غير تعارف يقدر يربح فيه و تكون من نصيبو ولا يسقط وكلا يشد طريق....خدوج عجبها بعدا بعدا مضرباتش تمارة لله فسبيل الله نسيب الغفلة مانساهاش داير بحسابها بوحدة من دوك الجوج تفصيلات دجوهرة و لحق يتگال لكاليطي زينة ماشي سليكة بنت عليكة التصبينة اللولة يكشف لا مولاي السلطان ضرب على الجودة و العمال صبن و رد خدوج [ كاتاكل فالتمر ] : صدق عشاق كايعرف يعزل و يتخير متساليهش سليمة [ دفعت صدرها نافخاه طانزة ] : علاه كون ما دواق غايعرف لهاد الزين [ كاتشير لراسها ] و يحبض عليه دقة وحدة ولا كايحيض و يبيض باغي غير فوقاش يكوغطني خدوج گالت لسليمة گلسي ما تعرفي والو فدفيع الصدر ، تبندو عاجبهم زينهم المقوم من كلشي طارة و طوناج [ طولة و تجريدة ] خدوج [ مفتاخرة براسها ] : خلاوها ماليها منين داك العود من ديك الشجيرة لمجردة.....الزين مانذاكروش فيه لا عندي لا عندك......غاربي قزبك من العقل اما كون تجيبه رئيس دولة سليمة : هاهو استاد گاع [ غمزتها كاتفرنس ] قنعي اخدوج راه الزمان صعاب و الرجال قلالو نمشي نوحل فراسك نبور و نظفر الشيب خدوج [ بصراحة ] : خير ليا تظفري الشيب حدا قاعي ولا نلوحك لشي قرينة كحلة يترسو عليك خانزات الركاني سليمة [ بشك ] : اتي منين نزلات عليك هاد محنة الدجاجة بلا بزا••زل ا خديديج ماملفاش بهاد الهضور خدوج [ مخرجة هضرت المعقول عارفة بحقها ] : راني نمضغك ومانصرطكش شحال عندي من بنت عشرة راه غير وحدة و من حقي نشوفها كيف بغيت و تمنيت ماشي تلاي بين لقنات لا والي لا تالي لا جيب عليها يكالي صهد الدنيا هي عارفة هاد الهضرة و داخلاها للعظم كاتعرف شكون والداها مرا حربية كاتحفر بظفارها فالصخر تخرج منو لما يرويها.....عقدتها فهاد الدنيا هي بنتها سليمة منين ماكملاتش قرايتها وخا دارو معاها فوق الجهد طلعت سطل بلا تقرقيب وهاد العيبة ركبت عقدة النقص فقلب خدوج و هي كاتشوف قدام عينيها ولاد لوايسها و لويساتها قراو و خدمو فمناصب كبيرة شي توظف فالدولة و شي خرج يكمل قرايتو على برا المهم الفگوسة العوجة جات فزهر خدوج وهادشي لي مخليها باغاها لا مجابتهاش بالقلم يجيها زين و تاخد شي خونا بوكو حبة مكاين غير عمر أگوگو يعيشها عيشة الملكات خدوج [ تفكرات ] : لا سولك شنو درتو تقلي و خليه يطيب فوق الشعالة كلمة وحدة جاوبيه بيها هي مازال الدار كايتشاورو لا يمشي عقلو يوسوس لو بلي باغين غانتفكو سرحييه شي ربعيام هاكاك عاد تصدقي عليه بالمواقفة...الرجال مافيهم ثيقة غايضمنك و يگلب لفيستة سليمة : لا بدل لوجه جابها غافقاعو منو عداد....هو ماشي من هاد النوع و عارفني شكانسوا حاضي من هاد لقنت لا ضربي حساب خدوج [ بافتخار ] : وهاكاك نبغيك لي جاب واحد يجيب عشرة تبقا غير النفس عزيزة مديور ليها لقيمة والشان نهار اللول يموت لمش سليمة [ فرنست ] : نقت••لو الكل••ب حنا گاع اش خاسرين خدوج [ ناضت كاتعكز الركابي مثقلينهم الهباري ] : الله ياربي رجليا ماتو عليا....جمعي هاد الروينة عاد كوزي لبغا تنعسي ياله عينيك صفاو من الزروقية يحلفو عليك فوق لما كاتكيفي الجوانات [ توصلات نص لبيت و رجعت ] مبانتش لك شي حاجة ماشي هي هاديك فحالا سليمة [ كاتصرط فالشكلاط ] : فحلاش هاد لحاجة خدوج : مو فاللخر منين سولتو على الخدمة فحالا تقرصات غير من فوق الخاطر جوبات من تم الطقس تگلب عندها ●●● عند محمد ●●● مجموع هو ومو و خالو فالمراح ياله كيف دخلو نيت لدار باقين بحوايجهم باش مشاو لتعارف....سمير كيف عادتو حاط رجل على رجل ناشر باقلو حاسب راسو قايد نافخ ريشو كي بلارج ، فجنبو گاعدة لحاجة زبيدة كاتنش بفولارها جاها الصهد...لجو مزموت فهاد الليلة و سي السلطان ناشر زينو على الفوطوي كايحك فلحيتو عاض على شواربو محمد [ باغي يقلقل السوق ] : اوا الحاجة أمضرا شنو بان ليك زبيدة [ كاتساعف تصاوب الخواطر ] : وا الري ريك و الشوار شوارك انت لي غاتزوج....لا عينك عامرة توكل على مولاك سمير قلش ودنيه كيسلوگي الحمر شمن توكل على الله لا لا هادشي ما هواش و ماجاهش على الگانة ضروري يحط صبعو فالتقبة و ربي كبير عند بالو فاهم والناس لاخرين مكلخين و مكايفهموش ، المهم يوقف عرض فالقضية و السلام زعما راه خبراطور فهادشي سمير [ داوي من نيتو ] : لا جات عليا أنا غير گلب ستة تسعود و بدل العتبة محمد [ شاف فيه ] : و علاش؟؟؟؟ شفتي شي بلان ماهواش داز بلا ما نشقموه حنا سمير [ تقاد فالگلسة ناوي يخطب عليه زابورو ] : نهار يغرك الشيطان و تعتب الديور لكبار و تلقى لعتبة فيها المرا هي الري و الشوار غابدل باب الدار....مها واعرة و طولانطية عينها كبيرة كاتشوف بعيد مافقلبهاش لقناعة محمد [ تسند على الفطوي بظهرو مواكلاش معاه هاد الهضرة ] : غرضي بالبنت ماشي بمها لحاجة زبيدة [ ضيقت فيه الشوفة ] : و ديك البنت شكون عاجنها و مگرصها بيديه ماشي ديك لام....سمير قال الحق البنت ما فيها ما يتعاب وليني خدوج غاتوقف عرض بيناتكم.....خلاوها ناس زمان كفي البرمة على فمها تخرج العزبة لمها محمد [ باقي كايرطب و يلحن فالهضرة ] : وايلي الحاجة غاتحفى ليا النقشة فمرا....نهار دخل بنتها تحت جناحي راها ما تزريط غاتصور مني غالفگوس العوج الحاجة زبيدة : حنا غير علمناك كلشي ديالك ماگلعو ليك حد لي سلكاتك ديرها محمد [ بصراحة جايهم من التالي ] : العين عامرة غير بيها و منها نخلاق الحاجة [ مسطر عليها ] و مع غيرها مارانيش زاطم.....وجدي للمرضي و علگي لعلام بنت خدوج غادخل عروس لهاد الدار ضحك سمير بالفقصة كايشالي بيديه معاجبو حال منين مدارش بكلمتو ، والو واش خدوج دازت لو مع الگرجومة مهضمتهالوش المعدة ، لي سمعو دابا يحلف ماهو السيد ديال قبيلة منين دخل عندهم و هو باغي غير الفرصة فين يتناقش مع خدوج و يجي كلامو على ديالها..... صدق السيد النفاق كايتقطر من لحية العتروس النابتة فوجهو لمسلگم سمير [ وقف من بلاصتو معاجبو حال ] : الكورة عندك دريبليها كيف بغيتي....ميات تخميمة و تخميمة ولا تگلسك على الضس لحاجة زبيدة [ تعكزات على خوها واقفة جنبو حالها مغير ] : وا يشوف هو شنو يسلكو لي عليك درتيه...كلمة وحدة خير من عشرة محمد [ باس على راسها ] : غارتاحي مع دماغك شغلي وانا قاد عليه ●●●●● عند سليمة ●●●●● مخشية ففراشها عينيها خارجين ف التلفازة المعلقة ف الحيط مأكتيڤيا فيها اليوتيب داخلة لقناة صفاء للجرا••ئم بشتى انواعها من بعد ما ضرباتها بتدويشة فاعلة تاركة ساست بيها لعيا.....حاطة زلافة دشيبس فوق رجليها كاتخشي فدلقوشها و عقلها غير مع صفاء كاتروي احداث جر••يمة التهامي بناني الجر••يمة لي داخل فيها اليد و الرجل ، كثر من ربعطاش لعام و جثة الضحية غابرة مجرجرين معاهم أم مكلومة على فلذة كبدها.....ما خرجها من تركيزها غير صونيت التلفون هزات المشقوف مورقة شكون معيط فرنست و نقصات التلفازة و جاوبت دريكت باركة على البوطونة الخضرة للصوت الشتوي سليمة [ كاتنغم لو فالصوت ] : آلو محمد [ تنهد مخلي نفسو ضبب لافيشور ] : بهاد آلو عندك مانضمنش راسي نصبر عليك كثر من سيمانة...زيري البزيم معانا خلي الجلدة طافية [ العلام ناعس ] تقلبت على كرشها كاتزفر باغة تجهلو بلعاني كطيب فيه على القنديل فين ما يبقى يشوف حد من غيرها سليمة [ داتو لواد و رجعاتو عطشان ] : كيوصلتو بعدا محمد [ خرج فاص معندوش الخاطر لكترت لمقدمات ] : خلينا من هاد الملاوي و عطيني المفيد....باش فارتيها مع داركم سكتات جهد دقيقة قارمة كاتيستي فيه تشوف صبرو فين حدو و كيف توقعت معند مو صبر محمد : راني معاك داوي سليمة [ تنهدات على اساس طايح الضيم على قلبها ] : شغانگول باقي كايتشاورو بيناتهم مزال ما عطاوني راس الخيط محمد [ تنهد من جديد ] : شادين معايا الكونطرير....هوما و الزمان عليا سليمة [ عضت قنوفتها ] : بالعكس حاجة طبيعية يتناقشو و يشوفو شنو بان لهم و شنو لي مبانش لا تنساش بنت وحدة كايكسابو مغايجيوش و يسيبوها لمن كان محمد [ عقد تسعود فكمارتو ] : رجعت دبا لمن كان سليمة [ كاتزيد ترقق فالصويت لايحة لو كلمة لأول مرة يسمعها منها ] : هدي هضرتهم ا عمري اما من جيهتي قابلة نكون ليك مرا ستغفر الله و تعود من الشيطان و هو كايدوي معاها صوتها خلا المعرق يفيق و يشد الجام شلا تخيلات مزفتة طراسات فدماغو وكون يشدها يفدي فيها لقديم و الجديد محمد [ ستغفر الله ] : سيري تنعسي ابنت خدوج حسن ليا و ليك سليمة [ بتحلوين تيتقاطر من لحن صوتها ] : تصبح على خير خليت ليك الراحة قطعت حارگة لو لافيشور دكمارتو كاتفرنس عجبها شنو كادير فيه....و المواصل لي كتجرو ليهم...فرحانة بهاد لانجاز فين كاتخليه لكحان و مكاين لي يروي جوفو حتى برشة دلما..... و قبل ما تكوز تنعس تكونيكطات فالفايس تبرگگ شويا شنو كاين واش جاري فالگروب فهاد اليومين لي غبرات فيهم.....البوسطات بعدا اللهم بارك مع كاتحط رجلك فعتبة الگروب كيطنشو لك قيامة منهم مصافين شمنك يا طنز على ابطال ويا تحاليل كلا يلغي بلغاه خالقين النشاط فين يفرغو مشاكل الحياة كاينة الي داخلة باغة تنسى مشاكلها الزوجية و المشاكل بصفة عامة ، وكاين نوع أخر داخل باش يخلق السعادة مع لبنات و السلام.....كيف ما كاين نوع تالت هدا بضبط كايبان غير فالمشاكل و الصداعات القحبيماه من عند ربي ممقبولش باغي يفرض السيطرة و كايتعنا بشي بوسطات كاتشمي فيهم ريحة انا راه صاحبة ادمين فلانة و فرتلانة ، صحاب اخنوش و مداروهاش ، و اللحيس شنو كدير ليه هاد نوع اللهم بارك و الدقان فالخوامي حدث ولا حرج الحاصول تتلقى ف الگروب واحد الحبة نقية وحتى لي مدودة من لفاصات بربعة تجسسات بخاطر خاطرها كيف عوايدها و رشقات عندها النقشة تحط بوسط فزك الليل شافت فاتت طناش و الرواج باقي مزلع فالگروب شادين السهرة....قلشت رجل على رجل مسرحة على فراشها و عطات لاطاك لصبعانها يشطحو على الكلاڤي سليمة [ كاتكتب فالبوسط ] : ياااااااقوم ، اتوما فين توحشت جدكم أنا غبرت غير يومين حسيتها طويييلة بطى عليا فوقاش نرجع نتخالط معاكم و نخلقوها من جديد و الرب العالي الا مكاينش حسن من هاد القنت لي جمعنا الله يدوم لمتنا و يبعد علينا الحاسدين و الحاقدين خمسة فعينين الحساد كيف ما شفتونا تخليونا...لا لا بصح خاصنا نبخرو الگروب نجريو منو على النفوس الخبيثة ههههه غا ضاحكة لا ديوش عليا ، بون البنات قصتنا غاترجع تحط بعد غدا و بالتعويض اش نگول واش نعاود يا شركم شي احداث شي صدمات غاتشوفو معايا اللخر مع ياقوت و جابر و حتى شخصيات لاخرين غاتشعل وجدو البومبينة من دبا القصة غاتقلب و تشقلب....واااااش كاااااين شي حماااااس ولا نرجع منين جيت لونصاتو فالگروب و كيف العادة خوتنا فالحرفة على القرص فدقيقتو طلع البوسط كايدردگ بالتفاعل فحالا كانو كايتسناو فيها غير تبان الكومونطيرات مكاين غير هاك بلاك شي بارك على سلامتك تقولي جات من الحج ولا العمرة المهم هو يبانو عندها يطلسوها بالجير و الرحيم الله....مع هي من عشاق تقرا التعاليق تشوف فين صادين واش معاها ولا ضدها....زلگت النظاظر دشوف على منخرها و دخلت تقرا شنو تيقولو باش تروي غطرستها العوجة ●●●● عند ناااادية ●●●● •• سوق درب غلف •• صبااح بكري ، الدنيا مخلطة الرواج على الجهد البيضة طيح وماتوصلش لرض بالزحامات لي كاينة ، المحالات مسطوكية بالبشار و فبحال هاد الغفلات فين صحاب ليد لخفيفة كايخوشفو بنادم و يضربو ليه الجيب سارقين منو الحصيصة ، هنا غفل طارت عينك موجودين غاهوما.....حاتية على خالتها من الطابگ كايتزاحمو كيفهم كيف لبقية و راضين لبال لجيابهم لا يمشي شي شفار يضرب لجدبوهم الرزيق و ساعتها يخشيو صباعهم فالحفرة و يعيطو على الصالحين...عارفين تهوما لقوالب فبحال هاد المناسبات كايولي الصدر هو البزطام لكلشي للفلوس لتلفون لسوارت الطموبيل كلشي كايدكس فيه اللهم هكا ولا يبقاو لا ديدي لا حب لملوك ضاربة عباية كحلة كاتمص الحرارة بيها و شال كحل مغطي راسها و خالتها حتى هي مخرجاتش من الجماعة ضاربة فحالها عباية كحلة و شال خفيف ، درب غلف ماشي ديال زوق يما تزوق خصوصا فهاد القنت جي قضي غرضك و زيد مع الطريق الزواق خليه للبلايص ديالو...بقاو كايدافعو مع بنادم توصلو لبلاصة لاياش جايين كان المحل جا شوكة طريقو مسرحة من الجهة التانية مكتوب على لباش لمعلق فوق بابو [ محل حسان لبيع جميع لوازم الخياطة ] دخلو ليه لقاوه خاوي غير هوما و واحد لكليان كايتشاطر مع حسان مول لمحال زهرة [ خالة نادية ] : السلام عليكم حسان [ شافها و فرنس و علاش لا وهي كليانتو القديمة ] : اهلان اهلان هلان زارتنة البركة واش لالة زهرة هديك ولا زهرة [ بوجه مبشور سميتها ماخصاراش فيها ] : هي هديك اسي حسان...امورك هانية حسان [ حط يدو على صدو هضرتو شوية معربنة ] : الحامدين شاكرين....افين هاد الغيبة اخُيتي لا برية لا تلفون سولي فينا تدي بعدا غالاجر زهرة [ شادة معاه الخط ] : وا مع الوقت و جري عليا نجري عليك.....مدة مابقيت صديت لهنا اما نسبقك نتا اللول تفاسر مع الكليان مصدرو و خرج من ورا الكونطوار فين داير لاكيس مقرب عندهم حسان [ شاف فنادية ] : شكون هاد العزبة لي معاك شي كليانة جديدة ضبرتي لخوك فيها زهرة [ كادور عينيها فالمحال ] : ولا بغيتي هاهي جبتها تالعندك حسان [ ضار عند نادية ] : مرحبا وزيد الگدام لي من جهتك سمن و عسل...شحب الخاطر ولهلا يحشمنا زهرة [ هضرتها كلها معقولة خطيها التناوي ] : امين لا حنا لا انت....واقفين على ماكينة بيكوز دلخياطة واش عندك ولا والو حسان [ تحرك لواحد الكوان مغطي بتوب كايبقشش فيه شعل الضو وبان بيت كبير عامر بالمكينات ] : موجود الخير ولا مكانت نحضروها تجي تلهنا و نرجعوك خاوية [ بدا كايعري فيهم قدامها ] هانا لالة شوفي شخصك شافت فيهم زهرة غامن الفوق و شقماتو زهرة : اتيني بالجديد ا حسان واش حنا ديال الفرشي حسان [ فرنس العفريتة شقماتو بيه فيه ] : واليني راك جنية [ هبط داك توب لي كان على شكل خامية و طلع واحد اخر وهي تبان وراه ماكينة بقى جديدة كاطنطن ] هانا بقاي غاعلى خاطرك ضارت هي و نادية عليها كل وحدة من جيه فلاوها فليان بقات غير المكبرة مداروهاش ليها ، كانت ماكينة جديدة من ماركة [ JAKI ] بالبيض و الزرق حسان [ كايحلف ويعطي لگلبو ] : والله وخا ضوري درب غلف كامل ما طيحي على حسن منها الصح و العمال زهرة [ كاتقيص فيها ] : و شحال هاد الخير حسان [ داير معاها فعايل البياعة و شراية ] : ليك نتي أري غا 3000 درهم زهرة : وا لواه تاني بزاف نادية غير ساقرة قاطعة الحس مخلياها منها ليه تفسرها معاه حسان : والله حتى كانبيعها بكثر ولكن منين جات فيك نتي نصبرو زهرة [ جاتو من اللخر ] : نعطيك فيها 2700 درهم ما نفوتها ليك حسان [ حرك راسو بلا ] : والله مافيها جاية بكثر ماغاتبغيش ليا نضيع زهرة [ كادوز على الماكينة بيدها ] : مضايع والو غايسر خلينا نقضيو الغراض حسان : زيديني شويا راه فيها غير البركة زهرة : غانزيدك غير الصلاة على النبي وماتكونش كرشك كبيرة راني بنت الحرفة وعارفة شكاين غير مبغناش نبدلوك المعرفة حسن من واحد جديد حسان [ ساط ] : اودي غاطلقي لهنا منين ضاربة هاد الطوالة كاملة ماخصاراش فيك عطاتو نادية بالظهر جبدت البزطام من بين بزا••زلها مداتو لزهرة لي جبدت 2700 درهم مكلكمة جاية حاسباها من الدار زهرة [ مدات ليه الفلوس ] : باسم الله حسب رزقك حسان [ محسبهمش و خشاهم فجيبو ] : واش ياله غانعرفوك باش نحسبو زهرة : و كاين لي يدي لينا هاد الخير تالدار حسان [ جبد تلفون من جيب الشورط ] انا نشوف سكيمو واش كاين هنا دكشي لي دار عيط عليه لقاه قريب تسناوه شويا منها نيت تقداو ليباري بالزايد و البوبينات الخيط بجميع الالوان و شلا حوايج اخرين ناقصينهم توصل السيد هزهم هوما و الماكينة فتربرطور و نيشان شدوها لدار و ها واحد من المسامر العوجة طرقوه و تهناو ماوقف بيهم طربورتور تالباب الدار ف جورج [ الولفة ] فين ساكنة زهرة كانت دار من جوج طبقات و گاراج...هبطو معاونين مع السيد حتى دخلو الماكينة لگراج لي كان كبير و مصلوح مزلج و مگبص جا كايشوف فالشاريع موقع واعر كايطل عليه ، خلصو السيد مشى فحالو هيلي كلا وحدة فيهم فين تلاحت سخفو و الصهد زايد حقو كاينشو بشيلانهم يبردو العافية لي شعلات فيهم وهوما جايين زهرة : الله ياربي الموت ياختي نادية [ لاوية كثر منها ] : الصيف داخل مجهد منين شهر ستة هكا داير علم الله ثمنية كيف غايكون زهرة : حنا راه الرحمة كون تشوفي الامارات و الخليج نهار متقدري تكمليه فيه نادية : حگلك مع مشيتي رجعتي زهرة : الموت ياختي فين غانبقى هوما الشتا عندهم هي الصيف عندنا [ شافت فالماكينة ] اوا هانا لالة كيف جاتك و وريني دابا حنة يديك [ جبدات ضحكة مطنشة هوليود سمايل من تحتها ] خلي لعدو يجيه الشلال نادية [ فرنست مسكينة سايسة الغبينة على گلبها ] : غاسكتي نهار تسمعك دخلتيني لدارك و رجعنا شُرْكَة غاتنتف زغب طوابگها بالفقايص زهرة [ بجگات حناكها ] : واخا موك و ختي انا نيت مواعياش و جاهلة طاغية تابعة ليا الخوا الخاوي فاش تشد بيدك و توريك شنو لي يصلاح ولي لا باركة تحفر ليك مالها خارياك من خر••زتها نادية [ تنهدات ] : دوك خوتك من باك لي زايدين ليها فيه تجمعو غاعلى خزيت زهرة : تلاگاو غير رهوط الجهل عندهم وراتي نادية [ تبسمت ] : الجهل و سكتي ؟ السم و البغض مايبغيوكش تكوني حسن منهم خايفنك طفريه عليهم زهرة [ هزت كتافها ] : انا قطعت معاهم العلاقة من داك لعاهد ف عزو با.....السيد بقي حتى التراب منشف فوق قبرو ناضو يقسمو فالورث لي سمع الورث يبات هارب الدار قد البنيقة و هوما طاشمة بيهم شبر ما يجي لواحد الحزقة و الشوهة......من عندي الله يخليهم بالخلا تريكة دلويل نادية [ تنهدات ] : عمرها تنسا ليا ديك عامين لي سكنت معاهم خرجو فيا العجب الله يحطهم عليهم عافية لا سماحة من جهتي ناضت زهرة كانت مرا وافية فالطول و حتى العرض واخدة حقها مكانتش كبيرة على نادية بزاف عشر سنين بيناتهم هي خالتها غامن جدها [ خت سميرة من باها ] مطلقة و عندها بنت ، على الصغر ضبرات فامراتي ولدات معاه و نتفات منو هاد الدار فاش ساكنة و كركباتو ، داخلة سوق راسها و نادية عندها مقطرة من العين كاتفكرها فراسها منين كانت قدها ونهار دقات بابها كاتبكي و تشكي حضنات عليها دخلاتها ديرها كثر من ختها لقاتها تهي وحدنية وبغات لونيس و مغاتلقاش حسن من نادية درية بعقلها و عندها هدف فالحياة باغة توصل كاتكافح مع الزمان و مضاربة مع الوقت هي تعطي و هو يعطي حتى يشوفو شكون يحط السلاح اللول زهرة [ كادور فالگراج ] : بقا ناقصو غير يتجهز وارا برع وتخرج لينا ديك الرخصة....حزمي راسك و وريني علاش قادة هذشي راه كايبغي الجهد نادية : غايتحل و يحن الله ما غامرت حتى عرفت لي كاين زهرة : نوضي من دبا وخا تكملي غير ليكوموند لي باقين واحلين فيك نادية : فكرتيني خاص نعلم واحد الكليانة بلي مزال مكملت خدمتها [ تفكرت سميرة ] بسبابها دبا غانولي محاشمة مع عباد الله بزز باش جمعنا هاد الكليان زهرة : وغانوضي هاد الهضرة معندها فين تنفع انا نعاونك عليهم طلعو لدار الفوق الدنيا متولة و مقومة فيها تلاتة البيوت و صالون كبير مفرش فراش كايغوت دوق اماراتي تيشعشع و كوزينة تهي مرحة و حمام و طواليط فوق منها طبقة فحالها فالفصالة نيت.....دخلو دوشو و طيبو غداتهم تقوتو وناضو تاني دردبو لگراج بداو يجربو ف لماكينة عاد عطاو لاطاك لخدمة نادية كاتخيط و زهرة كاتنبت فالعقيق حرفتها هي و الراندة ، جهد ربعة السوايع وهوما هكاك تعواجو و تراميهم تبيسو بالگلسة نادية [ كاتكسل ] : ظهري ظهري ياختي تكوانسا زهرة [ فرنسات ] : بعدا الله يعطيك الصحة منين حطيتي قاعك ما هزتيه هكا نبغيك حوفري على راسك راه ماعندك علامن لي يحن فيك نهار تجي الدقة فزكك نادية : هادي كيوالو مالفة نبات الليل كامل هر ياما تهر....راني عارفة ياله توريني فيهم الناس عندهم عائلة حنا شاط لينا زريعة القنب زهرة [ كاتنبت فرشمة ] : زريعة القنب فيها الدوا على هادو عندك نغمة توحويح و اااي ما تااااي كاتزغرت فالبيت ، دِسك جوكي [ تك••• فات ] خداهم هاك بالاك....منشورة فوق نموسية كل رجل فجيه خاشية يدها ف مولاي تهامي تتزغرت فيه بصباعها بتلاتة طرااان زبداااان عينيها مقلوبين منشوية ، تلفون طاح من يدها فاش وصلات لشهوتها صوتها غدي و يقلال و يدبدب ماريا [ كاترعد من قاعها ] : صديق اححح صديق صديق ص ص صديق سيدة جابتو عليه غير بتخيولات و تنشرات كيف طحين رجليها فاشلين مزال شدا فيهم رعدة العادة الس••• رية ، عرقات و نشفت فدقيقة ، عضت قننفها واصلة الطوب ، تحلفي كاتشوفو قدامها و معاه كانت ناعسة و على يديه جابتو ، الخيال دماغي هربو القحبيناها بالبيان....منين فاتتها الرعشة هزت تلفونها دايرة لو لكود و تفتح فواحد مولاي لبارت فالبدية ديالو مجبدة قد الوطن [ ❌️ سفاااااااااالة ] طلعت ختنا تهي من صحاب القصص خصوصا لي تيكون فيهم البطل شارف على البطلة وهي قد جدر فخدو غاتموت على هاد نوع ولقاتو فهاد العالم و بضبط فقصة ياقوت و جابر [ قصة سليمة ] ياقوت لي صغر من جابر ب عشرين عام جمعتهم العادات و التقاليد و تزوجو و قصتهم من داك زواج بدات ، و لالة ماريا تهي سرحات فالوهم و مشات من واد الواد متخيلة فبالها شي نهار غاتعيش نفس القصة مع صديق لي هو فالأصل مزوج ، ولكن هدا مشي سبب كافي يفيقها من حلمة العاصر فين غاطسة تالزكها وياله كيف بغات تعاود تخشي يدها تاني تعصر على شي راس اخر كاتخيلو فيه وهو معنقها لبارح ، وهي سمع لالة صفية طالعة فدروج كاتعيط تهزت بزربة كاتزرب و تعاود لبست بلا مسيح و خرجات قبل ما دخل عندها لبيت تشوف فضحتها ماريا [ وجهها مزنگ ] : كاتعيطي اماما لالة صفية [ قاصت حناكها ] : مال حناكك الد••م معصور فيهم يكما صمطك البرد تاني ماريا [ كاتخرج و ذخل فالهضرة ] : لا لا غير كنت اه كنت غانعس و نوضتيني حتى شد فيا النعاس لالة صفية [ و هي هابطة فدروج ] : وغير رجعي نعسي انا وباباك خارجين نقضيو شي صوالح ماريا : صافي وخا انا نطيب العشا لالة صفية [ ضارت عندها ] : بلاش غانجبوه معانا مشات لالة صفية و الكفا••تة [ ماريا ] قرقات فسرجم حتى شافتهم خرجو و شعلات الدوش تسوس منها ربع جنا••بة لي غرقات راسها فيها....مراهقة فعمر الزهور كان عالم القصص ضدها منين شداتو من قاعو و خلات المفيد فيه ، و مع الاسف منها عداد لعلك ترضى النص ولا عايش فالخيال هالي بغاتو بحال بطل الياقوت هالي بغاتو بحال فلان من القصة الفلانة فرتلانية خلطو خرا و درة......دوشت و تلوات كيف الطوبة فالفوطة خارجة كاتجري لبيتها ، تقابلت ليك قدام المراية و خلات الفوطة تهبط لرض كاتحقق فكستدها عندها صدر مقموع و حتى الترمة مفشوشة ولكن لا غلاضت تعمر العين ماريا [ نفخات قنوفتها معاجبها حال ] اوووف خاصني شي لحسة تفيق عندي هاد الكر [ تفكرت صديق و فرنست ] يلقى بعدا فين يشد و يتبورد مع رساتو و كيف تيقولو النملة منين ربي كايغضب على اصل مها كايدير ليها الجناوح ولات تتفكر حتى فين يشد و فين يعبز هادي ماشي غير سرحات فالخيال هادي بغاتو ينك••• حها فالواقع ماريا [ لبست شورط و الفوقي ديالو داوية مع راسها فحال الحمقة ] : ماعرفت شحال باقي ليا ونولي تحت جناحو خاص نبالي براسي من دابا مايجي فين يشوفني المرة جاية يبقى غير حال فمو [ كتتفرنس ] باينة فيه مشبعانش مع مراتو غير من التعنيقات لي كايطلسني بيهم غابحدها دايرة فيلم فدماغها كاتسنى النهار لي يقصدها فيه صديق طالب راغب فيها تكون مرا ليه ساحت مع طنطونها تلقات راسها بارزة جنبو و الحاج حجيب كايغني هالواه سي لواه داتو والله ما خلاتو....الدماغ واش يدير ، لاوعي ولد الكل••ب شاد الكونطرير غير لي فكرتي فيها كيأكسبطيها على اساس حقيقة تامن دماغك ضدك و بغيتي البشار يكون فصفك تجبدات تاني على فراشها جابدة تصاورو كادوزهم وحدة وحدة و تفرنس كيف الراس المشوط ، مخليا قرايتها و عاضة فالخوا الخاوي باغة صديق يطلع معاها الملاوي باش تبرد دودتها ، المراهقة دلويل كل علاش جاتو وهي جاتها بدود كايلوز فقزيبتها يمين يسار مجموعين على طابلة عامرة على حقها و طريقها نبيلة من جيه و انور حيزاه حداها مقابلة معاه شامة ، مطيبين الگوتي مقوم هالملاوي و البغرير و بتيبان مقدينو من پاتيسري أمودو ، تحط البتبانة بين ضراسك دوب شهوة منو مخدوم بزبدة سپيسيال ماشي غير خلط الدقيق مع حزقة زبدة و عطي البگر يعلف كيف عوايد الپاتيسربات المحزوقة على اصل باباهم الكل••ب....نبيلة تقرب و تمد لولدها كتعلف فيه النهار الكبير عندها هو يجي من الخدمة بكري يتجمع معاها على كاسكروط كفما اليوم اما واحد اللفعى السوسية قارقة كاتلغج و حاضية الطرح غابريط ، دماغها كيفتي على طنطونو يشعل العوافي و يجري فشر كيفحال كمارتها....صبرت و شدات لسانها حتى شحفت و مقدرتش دخل سوق مخها و تخلي هاد العشية دوز على خير تشهات تنوض القيامة و الرگاطة باش ما عطى الله ، نيابها مغلغلين باغة فيمن تغرس سمها شامة [ بلا موجب شرع غير حلات فمها ما بقات سداتو ] : گول ليا انور زعما عمرك ما حيا فيك الضمير شي نهار و تزعزع عندك الگلب تعرف شكون مك لي والداك من كرشها [ ضحكت كاتطنز على الوقت ] كيف ما كان الحال راها تقلات بيك تسع شهر و دات اجر تقلك الد••م جمد فوجاههم بجوج النضغة وحلاتها فقرجوطهم ماهبطت ما طلعت ، وحلات لبوهم النعمة فالحلق منيشة بالقرطاس واشمن قرطاس....واحد نبيلة قزيبتها ساطت بالعصاب فعقلها غير هاد بنت الحرام علاش تتقلب فهاد زك العشية ، شمن موصيبة تنوض دير فالحبيماها تهويشة شداتها و يدها بدات تشد فيهم الرعدة.......تفكرات ديك الساعة ربيعة بينا العمى هاد واسعة التقبة جابت خبارها و دات ف راسها باش تسمم گلبها و گلب ولدها نبيلة [ هرنطت بحلقها صوتها وصل لڤيگيگ بالغدايد ] : تووووولدي من كرشك الحناش و لفاع يطرقو ليك [ بغات تلاح عليها غير انور لي حازها مبعدها على شامة ، عروق عينيها رجعو جعمة د••م ] ااااش مشى لاصل جد بوك فمو ولا فختو يا خامجة الكرش انور [ شاد فمو لا تفوت شي ضربة فهاد صفرة الهيضورة ] : وا الوليدة كاتنتر منو باش تغرس ظفارها فجلدة شامة تهاوشات عليها باغة فين تبرد حر الهضرة النفس حمات فقرجوطها نبيلة [ حلقها خارج عقلو ]: شمن مكتوب نزل علينا كمارتك اوجه الشر شامة فرحات واخا خافت لا تاكل ما كلا الطبل ليلة العواشر من يد نبيلة وليني وصلات لشنو بغات بكلمة خلات گناوة يزدحو فقاع لوستها و داكشي لي تمنات نيت تهيج طواسل دمها فهاد الساعة شاداها فيها حسيفة.....سبلات عينيها كيف الشيخة لي ما تجيب صداق ولا دهاز ، كاتبرقق فشوفتها كيف الطوبة الهجالة شامة [ مبردة منين شعلات الفاخر و زندات الطرح ] : علاه شنو گلت گاع فين بان ليك العيب فهادشي لي هضرت فيه باش تبداي تهزي و تحطي اختي ، و هي سبعين داوية مع انور ماشي معاك... غفلات نبيلة ولدها و فرمشة عين تلاحت على شعر الصفريطة غرسات صبعانها تالجدر مشربنة على عدو شرها قاطعة الهضرة فگرجومتها لا تمشي تلوح شي كلمة تكرفص بيها خاطر ولدها نبيلة [ كاتنتف و تصرفق ] : و ااااجي تحتي نوري لجد بوك العيب فين جا مسكنو....زكك وساع بغا لي يداويه ليك [ جمعتها معاها بصلية ] شدي هالهزان و الحطان بشحال كايتقام [ زادتها صلية لحنك لاخر ] طحتي فمرت باك و عليا كاتقلبي نفرسك فريس البغال ياشايطة عيا انور يجر ولا قدر يفكها من فوقها جهلات جهلة وحدة نبيلة [ كاتبوط و تعاود فيها ] : شدي هاااا مو [ زواتها بركبتها ] وهااا باه يا بنت المهتوكة ، ديري الخير فرااااسك هو اللول و قلبببي نتي على عروووقك التالفة ديك ساعة فكري فالناس الله يحرق جد اااااصل لي دخل جلاخة بحالك لفاميلتو بقاو بوك شري تربح صلاااااي باط بربلاق سلخاتها مزيان تحمدت الله شروطتها تشرويط رجعاتها تنهق نهيق لحمير......أنور ولا طالب التسليم من مو نبيلة ، شنو هاد الجهد عندها غاكنزت فوق شعر العزافة مابقات بغات طلق....الطبلة رجعات حلبة مصارعة بين النملة و الفيل شامة [ كتلوى بالحريق وجهها كلو هبطاتو الفيلة بظفرانها ] : وا طلقي مني يابنت القح••• بة و عليا بلمين تربيك وااا طلقي مني القتا•••لة [ حماتها لغوت ناوية تجمع الدرب كلو عليهم ] و عتتتتتتقو رووووح اعباد االله وبغااااا تق••تلني نبيلة [ زادتها زوية ] : أنا مي قحبة يا الفاجرة [ صلاتها معاها العنق ] زيييدي غووووتي يا الصوبيصة حسابك غاتخلعيني [ جرتها من شعرها حاطة عينها فعين شامة كاتحلف ] وا عاوديها ليهم دبا يا خانزة المسنون الله يلگيك لمقالعية [ يعطيك موصيبة ] ساستها من بين يديها فحال الخرقة لكاشفة مرمدت بيها الدنيا ، للخرا هربت منين طلقاتها كلها مريشة فحال لعتوگة كاتولول و تعاود كاتبكي جاتها الحگرة بهاد القت••لة لي هزات فعظامها شامة [ كاتنخصص و تحلف خنونتها دايزة غوتات بحر جهدها ] : لما ربيييييتك البگرة الغاااارزة راااااني مولدنيش لحاج البودالي كانت غاترجع تكمل ما بدات كون ما انور زيرها عندو نبيلة [ كاتنتر ] : طلق خليني نوري لقحبيماها البگرة الغارزة علاش قادة ، نتي والدة لينا عشرة يا مخوضت المصارن ياك تمن الوالدة حشوها لجدك خلاوك عايبة يا المصدية.....ولا سميتك مرا بقا طوفي بساحتي انور غير ربي الي لعالم بيه و مكابر اللسان تجلم بين سنانو كلام شامة تحط على گلبو كايجمر أنور [ كابجر فمو ] : و الله يهديك الوليدة واش بغا دوزي لي بقى من حياتك فالكاشو [ الحبس ] نبيلة [ تخبطت فوگ سداري ] : و الله وجه هاد السلوگي ما نتشد عليه نهار شامة [ خرجت كتجري من الدار حفيانة عقلها خارج بالبكى ] : ودباااا تشوفي واااااش غاتشدي ولا لا الله ينعل الحمار بوك يا الهجاااااالة الشطان حضر و طير العقل الشامة ، خرجات كادردك من الدار فحال البغلة كلها مشنتفة غادجاجة و نتفتيها كاتهرنن وجهها كلو مقموش و مطبع بالقميش...لي شافها من ناس دالدرب بديك الحالة المدربلة كايتبعها بالعين كايشوفو فعجب ربي غاهبيلة و طلقوها خرجت من بويا عمر..ضربت النص فالطريق كاتجري متلفتاتش وراها توكان حسات بالقالب و قلبت دوميتور لدار شاداها جبدة وحدة فحال التران لقات لباب باقي مفرع مع دخلت ضربت فنبيلة جاية باغة تسدو نبيلة [ دارت يدها على جنابها حازمة راسها ] : فينك امولات التربية اش رجعك ولا لقيتي لي يربيني فالدورة شامة [ دخلت فيها بكتفها كاتمسح فخناينها و كاتغوت ] جييت ندي باااش نغرق لبوك الشقف يا القتا•••لة قبل ما تلاح عليها من جديد تكمل شنو خلات طلعات كادردك فالدروج فحال المجنونة.....رونات لبيت سفاه على علاه بالفقصة لي فگاشوشها مفقوصة بالبيان ولات كاتهز و تلوح تلقات بزطامها هزاتو و دردبت عاود مع الدروج الد••م سخون فيها جهلت و مبقاتش كاتقشع قدامها بين عينيها غير دخل لي تعدات على بوها لحبس كاتجري و تگول ما جريت...شدات طاكسي من راس الشاريع هبطها نيشان لسبطار الحساني تزمم شغلها ، و بجوج خضرات كمشتهم فجيب الماجورة تم دخلتها هي اللولة مقيد معلوماتها فالكناش مخلية الناس كاتغوت و تربرب على القانون دنم لي فالبلاد مكاين غير الرشوة تولي سمن وعسل الطبيب : شنو عندك ابنتي شامة [ كاتبكي و تعاود ] : العن••ف اسيدي لوستي تعدات عليا [ عرات لو وجهها ] ش ش شوف بعينيك شنو دارت فيا و و و كانت باغة تقت•••لني كون ماهربت الطبيب [ كايقيد من عند الله مستوه مضعضع صلاعتو كاتبري ] : غير هاد القمشات لي فيك شامة [ كاتشرح و تعاود ] : عظامي كلهم كايوزوزو هلكاتني فصحتي [ قلبتها غوات شادة على راسها ] دعيتهااااا الله دعيتهااااا الله الطبيب [ شاف فيها ] : عندك شي زروقية فبلاصة خرى ولا غير هادشي شامة [ فهماتو غير من عينيه ] : غازمم ليا شهادة طبية فيها فوق 21 يوم و لي بغيتيها نديريها معاك الطبيب [ عجبو لحال منين عرفت دواه ] : مكانش خصها تحط يدها عليك خودي حقك اليوم ضرباتك غدا تق•••تلك صاوب سرتافيكة مشحرة نيت طلعات ب 500 درهم على شامة عطاها فيها 28 يوم وكون زادت واحد 500 اخرة كان يوصلها 41 يوم كيفحالا مشلخاها بجنوي و هي غير اثار ظفار لي مصورين فوجهها و عنقها زمم 28 يوم مافيها لا تغراز لا قطيع عصبة لا هم يحزانون....خشات سرتافيكة تحت باطها و اراك لجري تاني من السبيطار نيشان لبوليس لدائرة تابعة ليها و اراك لبكى و شكى و تبوحيط طاحت تم كاتمرمغ فلرض و تعيط على لي يتمرمغ معاها جايبة فشوشها و هبل تربح ديالها وسط الكوميسارية شامة [ طايحة فلرض وسط مكتب الضابط لي شد قضيتها ] : وا تعداااات عليا و كانت غاتقت•••لنييييي اسي الضااابط وااا بغيت حقي الضابط گالس كايقيد المحضر ما نوضها ما تمزك ليها منين عجبها تمرميغ خليها المهم هو يعمر لبلان و يهني كرو فهاد الليل الضابط : باش ضرباتك شامة [ مكاين غير التهرنين عاطياه صلية ] : بكلشي بكلشي [ حبستها شهقة كتتهرنط ] بيدها ركلاتني برجلها تحامات عليا هي وولدها هو شدني [ نص نهار غير فتهرنيط تقول كلمة و تحبس دقيقة ] وهي بوطاتني غابزز تفكيت منهم....كاتهددني بالقت•••ل الضابط : شنو السبب علاش بدات المضاربة شامة [ مسحات خنونتها فالبيجامة لي لابسة ] والو اسيدي رجعاتني خدامة تحت گدامها و منين حطينا كناكلو طلبتها تماطي ليا غير بغريرة و شعلات فيا [ قلبتها من بدا و جديد تهرنيط ] وهانتا كاتشوف فحالتي قيد المحضر امپريماه صدعاتو بتغرنيگها و نوضها بصمات عليه خرج بوانتة الاقوال ديالها و رجع عندها شامة [ وجهها مغسول بالدموع ] : و دبا اسيدي شنو غاديرو معاها الضابط : عندك نمرتها [ عطاها ورقة ] قيدي فين نستدعيوها شامة : لا لا لا اسيدي انا بغيتكم تمشيو معايا ميمكنش نرجع لدار و هي فيها الضابط : غاقيدي النمرة هاحنا غادين معاك خشات يدها فصدرها خرجت بزطامها و كمشات لو 300 درهم و حتى هو مرضهاش فوجهها لخير منين ما جا ينفع طرف دالخبز صعيب و حتى هو محتاج لهلا يشقلب بديك نبيلة ولا جليلة شامة [ بحقد وجه الدموع تمسح ] : غيز لباباها و بحلاوتك الضابط [ خشا الرشوة فجيبو ]: غير ديك سرتافيكة راها مغيزة و فايتاها لديك الجيه كايقول واحد المثل لي فراس الجمل فراش الجْمَّالْ ولكانت شامة ربع مرا نبيلة فيها جوج عيالات و التالتة جاية فالطريق ، حفات سنانها فالدنيا ضروسها دودو مع المشرشمات ، عاشرت كحل الراس حتى طاب گلبها ولات من الشوفة تعرفك علاش مطوي وشنو ناوي ليها......فالكوميسارية تابعة لولفة گالسة نبيلة لاوية على راسها فاصمة عينها ليسرى زرقة و صبعاها بجوج مكفنين بفاصمة بيضة خارج منها لون حمر ، عنقها كلو مهرود بالظفران شعرها لكحل مشنتف كاتبكي و تعيط على لي يبكي معاها جاية باغة غير حقها فهاد المجرمة لي هزات عليها جنوي ضربها بيه جات هاجمة عليها وسط دارها ربي كيشوف والعبد يشوف ما ظلماتها ما تعدات عليها نبيلة [ عينيها حمرين بالدموع تحلف ماهي نبيلة دقبيلة ] : جات اسيدي مهجمة عليا فقاع داري وسط سكنتي [ كاتشهق بالحگرة كاتوريه فصبعانها ] : و كون ما ربي حفظ بالدفعة لي دفعاتني بيها للحيط راسي كان فيها غايمشي [ جبدات لو الورقة ] خرجو ليا السكانير و ودني ليسرة مبقيتش كانسمع بيها من غير طشاش الضابط : معاش وقع هادشي و فين نبيلة [ كاتمسكن ] : فداري جات مهجمة عليا مع الستة و نص دلعشية و حريرة واشمن حريرة لي شاف حالتها و سرتافيكة العامرة ب 36 يوم يحلف بلي بصح هي ضحية و هي لي كلات العصى و حالة شامة والو قدامها.....وحدة تهزت فالسطافيط كاتزغرت بيها من دائرة دالحي حساني و التانية كايراريو بيها فسطافيط من الولفة تلقاو دددددف قد قد ففم باب دالدار كل وحدة مهزوزة فعمارية من جيه [ سطافيط ] لي جاي مع شامة هبطو و هبطوها ولي مع نبيلة نفس لحاجة ، ومع شامة كحلة الز••ك المكلخة و حرقة السلخة لي واالو واش بغات تبرد لها غير شافت نبيلة ركباتها الصعرة بغات تلاح عليها غالبوليس لي شدوها.....ولالة نبيلة ستغلت الفرصة و دارت كثر من جهدها فين تبان هي المظلومة تخبعات ورا الضابط معامن جات و عطاتها لبحوط و البكى نبيلة [ تبكي و تعاود ] : هانتوما هاااانتوما شهدو شهدو عليها هاهي قدام المخزن تهجمات عليا و كاتهدد فيا شامة [ جهلت كاتشوف التعدو بعينيه رجعاتها هي الظالمة ] : اناااا يا عدووووة الله تهجمت عليك نعلة الله وا عليك صبا صبا نبيلة [ قرمت ورا الضابط ما بقات خرجات كاتهرنن ] : شهدو ا عباااد الله شهدو بالحق ترونات الدعوة و لي واكل العصى صدق هو الظالم ولي شْبَعْ فدين مو عصى رجع هو المظلوم نبيلة لعبتها عقل و قدام البوليس بان شكون الشالوطي من ولد الناس ، تزرييط شامة تقلب على زكها ردها هي بنت الحرام وسط المعمعة.....اللغى كثر وكل وحدة ديكلارات فدائرة السطافيط لي جابت نبيلة هزاتهم بجوج طلعوهم الباشكو....صفرة الهيدورة [ شامة ] نوضات الحرب فالسطافيك و ركبو لبوها دبليج [ المينوط ] هادي هي ديال لي ماعندو سيدو عندو لالاه خاص تكون دماغ فبحال هاد المواقف تعرف فين تحط رجلك و معامن تحطها كيف خرجوهم دخلوهم نبيلة بتبوحيط و شامة بتهرنيط لحمير متلتت بغااش تسكت و تجمع فمها وخا عرفت القالب تخشى لها حتى المعدة مزال زايدة فيه و قدام البوليس كاتهدد و تعاود عرفت الفحلة دنبيلة كيفاش تلعبها ●●●●●● فلاش باک ●●●●● سرحتها تخرجات شمات فيها علاش ناوية وفين صادة و تهي ماشي من العاكزين غرسات ظفارها فعنقها هبطاتو كلو صابرة لحر الألم....نتفات شعرها مزيان و هزت موس باش كانت شامة كاتدهن العسل فلحات [ ضربات ] صباعها بجوج تدموع نقزو من عينيها بالحريق و صبرت و كابرة عضات فصبر غارسة نيابها فقنانفها..... رجعات للور ودخلات براسها فالحيط بحر جهدها جهة العين مشات وجات و حكمتها الدوخة ودنها صفرت بالجهد لي خرجت بيه فالحيط ختمتها شرگات بيجامتها من جهة دالصدر و من تم ديريكت لسبيطار.....وكيف دار حمو يدير علي وعاد هي مكرفصة كثر من شامة ، شوية دالرشوة من هنا و لهيه و خرجات سرتافيكة متختخة لي تغرق الميت ولحي بمحاولة ق•• تل العمد مع سبق الاصرار و الترص ياك تشهات غير الشوهة هاهوما غرقو فيها تالودنين ، هادي هي اخيرة لي زكو عامر دود و كايقلب على الفتيل و القنديل يشعل بيهم العوافي ، كون شدات لسانها و عبرات شبر و قلزات فوگو مكانوش غايوصلو لهاد المواصل مجرجرين تجرجيرة دالحمير فالكوميساريات تشوهو فالدرب و حتى فالگاعة [ الكوميسارية ] ، علاش على قبل فم الضبعة شوات بيه جلد لوستها....الحاصول تروبلات الدنيا كل وحدة ناوية تغرق الشقف ل لخرى ما فك بيناتهم غير صديق لي على اخر ياماتو مراتو و ختو طيحو بيه مشوهينو ف البناقي دلحبس....شبعو خبز و راحة ناضو كايبرطزو منوضين البرازيط.......تفارات الدعوة بالفلوس و تنازل من نبيلة و تنازل من شامة كون ماكانو فاميلتو و حشم على عراضو غايخلي أصل بوهم تم يترامكو منين شبعو حرية ولكن دارها الد●م لي جامعهم و العشرة القيح لي دوز معاهم ، زغب ملاويه نتفو اليوم بمسبتهم مبغاتش تصرط لو ختو و مراتو زارو الموسم [ الكوميسارية ] فين عمر شي واحد من تريكتو جابوه مجرجرينو البناقي تلات بيه للليام مع هاد الضريرات وليني هو لي قوا●●●د خلا شعالة العوافي من وراه مع ختو وهو عارفها شكتسوى صايگ كايعربط و يهلل نبيلة حاطة قاعها حداه و شامة ساقرة اللور مكمشة كاترعد خايفة منو صديق [ عقلو خارج بالتربريب مابقاش عاقل على راسو مكاين غير جيب يافم و گول ] : على اخر يامي نزطم مع اصل جدكم فالحباسات هادشي علاش مگرورين على تزو••••ميل [ ضرب يدو مع الڤولون ] ولكن انا لي ولد القح•• بة جامع العافية مع الگاز نبيلة [ حشمت ولكن ما مندمتش ] : خويا حكم بالحق شنو وصلها لولدي ؟ ياك عاطيها بالتساع شنو بغات عندو ولات تفتي عليه الخطبة [ بدات كاتعيب فشامة ] لواه قلب على موك لواه هزاتك عشرين شهر اش قربها لهاد الهضرة شامة [ كتتكدب باغة دافع على راسها ] : كدابة فين جبت لو شي مو ياك نتي لي غير مقال ليك راسك و تلاحيتي ع.. مزال مكملتهاش شير عليها صديق ببواطة دكلينيكس جابها فجبهتها صديق [ مشربن تفات الحد ] : و زايداها بالكدوب الله ينعل عروق دمك ابنت القح•• بة رخات دموعها تاني كاتهرنط محملاتوش يجي على ختو شامة [ كاتغرنك ] : حيت ختك هاديك من د•••مك جيتي منها انا غير شياطة عندك هي مسحات فيا رجليها وانت كمل لباقي صديق [ جهلاتو بالمزيان ] : غاااتلجمي حلقك و ولا غانصدق هابط مفلعص عدو ربك من شي عصبة نبيلة [ كاتحلف فيها ] : و زايداها بالكدوب جتيني قدامو ماكون نبلغ لاصل بوك الغاسول نوريك كدابة بشحال كاطلع و تهبط شامة [ تمجننة كاتهز و تحط فوق الكوسان ] : يااااك يااااك عاجبك لحال كاتحلف فيا قدام عينيك صديق [ جاها من التالي ] : كون عبرتي شبر و طلعتيه معاك كون راكي مبردة ك•••رك فدارك نبيلة [ قندشت ] : على لي تعاير ليا با باقي معاها شي عشرة شامة [ كاتنخفت تنخصيصة غالبها ] : علاااااش كاتكدبي باغة تفرقيني على راااااجلي و تشتي شملي يا عدوة الله ضارت نبيلة عندها شادة فالكرسي علاش حاطة قاععها و دفلت ليها وسط وجهها نبيلة [ مغددة ] : تفو عليك ابنت الحرام نعلة الله وا عليك المنافقة الكدابة ماشي بفمك لحتي عليا غانغرق لبوك الشقف منين رجعتي المرة التانية لدار شي شوفات شي تخنزيرات خرجو من عينين صديق كيف العافية تحطو على جلد الصفريطة ، لي حتى من باه المرحوم ما وقراتوش و خلاتو راگد فقبرو هدشي لي يستاهل عندها تغرق لو و هو فقبرو صديق [ ضحك بالغدايد ] : هادي هي الرحمة لي ترحمتي عليه فهاد العواشر شامة [ كاتحلف وتعطي لگلبها ] : الله يرزيني فصحتي ما قصدتو هو ولا نويتها فيه نبيلة [ ممسروطاش ليها منين سبت باها ] : تنويك لفعة ضربك لبوط امجبد لبلا حسبي الله و نعمة الوكيل فيك بقاو مني منك ما دخلو لدار تالجوايه الربعة دصباح الناس شبعو نعاس و هوما عاد داخلين من العكاكش تالفة ليهم الجرية بسباب العيالات و مشاكلهم حط ختو فدارها وقلب الروايض لدارو..... علاه هو مسطي باقي يجمعهم تيكون كامي بربوقة ولا شي جوان مخردل وخا مع مراتو راه كمى الحنطل كل مرة كاتنبش فالمشاكل زكها مكايعطيش الراحة لزكو تابعاه من اللور حامية البيضة ف خرزتها خايفة يتقلب عليها تاني و يفر فيها ندمات ندمات ندمات حتى حلات فمها و نوات تعطي الدقة للوستها صدقات غير هي لي واكلاها من الجوايه بجوج ، تسلخت ، تشوهت ، و الراجل غايزلگ بالصابون البلدي من بين يديها شامة [ شاداها الخلعة ] : صديق هالعار ماتهزش من جيهتي [ تحنات باغة تبوس لو يدو و دفعها ] نبوس ليك رجليك لما شوف فيا وجه الله [ كاتنخصص خايفة ] هاااالعار مزاوگة فميمتك بغيت ليا موصيبة ما نعاود رجعت حطات يدها على كتفو و دفعها....حل باب دالبرطمة و دخل منيير شاربونة تبوشات عندو فهاد زك ليل صديق [ الصهدة طلعات معاه ] : باغي نعرف غير حاجة وحدة شنو عندك وسط كر●ك لي كلا مرة شادة الشومپيونة [ المدالية ] ف التقح•••• بين [ دفع كرسي الطابل مونجي حتى تردخ مع الحيط ] علاااااش كاتقلبي عدوووو ربك كل مرة مجهلاني ، الناس مزوجين بالعيالات و انا جا فحقي الخماج معقلت على راسها تصلاة قارمة لو على رجلو بيديها بجوج كاتبكي و تعاود ، الفشلة ركباتها خايفة يرمي عليها الطلاق كيف مادار من قبل و بزز رجعها بالطليب و الرغيب شامة [ كاتبوس لو صباطو و كاترعد ] : هاااالعار هاااالعار دوز غير هادي ، عمري نوصلها ولا نقرب جيهتها بغيت ليا تشتيتة لا عمرك باقي سمعتي صداعي ركلها برجلو لوجه و زاد مع الطريق لبيت كايحس بصدرو غايتفگس بحر الفقصة ، و كيف الكل•••بة كمدت الدقة و ناضت تجري تابعاه ترغب و طلب و تزاوگ فيه يعطف عليها شامة [ تلاحت لو على كتفو كاتبوس فيه] : عار ميمتك ا صديق [ مسحت خنوتها فظهرو ] الله يجعل ربييييي يسهل عليك دوزها ليا صديق [ عرق ناضرو كايخبط مطراسي و باين ] : لي راضع فيس التقح••• بين مكايداواش منو وخا يعاود يتحرد من جديد......كاسك فاض و تگرع على وجهي....مزوج نرتاح ماشي نولي نخرز بأصل عدووووو جدك البناقي كايزغرتو بيك الزوااا**** فالكوميساريات طاحت ليه تم كاتركل قبل حتى ما يكمل كلامو خايفة تسمع لي مايعجها طيحوها لَرْيَاحْ كاتمجنن و تركل غير حولي و دب•••حتيه شدها كيفحال لاكريز....لا هو نوضها لا شاف جهتها گلس على فراشو و خلاها كاتمرمغ تم تشبعات مزيان بخوط و ناضت على خاطرها مسالي راسو لهلا يطيح النعاس فعينو فهاد النهار....وكيف ستعقلت دلات حناكها بالدموع كاتبكي بالجهد حرقتها متعطيها لحد شامة [ كتبكي و طلب ] : الله يرحم الوالدين شوف غير فحالتي [ كاتعصر ] وااااش مابقيتش فيك و الله يرزيني لا بقيت جبتها ولا قربت جهتها صديق [ هلل على اصل مها ] : و مشكلتك ابنت الواسعة هي كاتشري الصداع بالدرهم كاتغرمي عليه من الفوق باغة طيحي البطاين عاد تحطي قاعك لضس تبردي شامة [ بدات تندب ف حناكها ] : واااغلاط وااااغلاط واااغلااط وا غرني الشيطان وااا سمح ليا غير على هادي وا هالعار واااهالعار [ تلاحت عليه تاني ] بغيت ليا المرض لي ما يداوة لا بقيتي شميتي ريحة صداعي صديق [ حط جبهتو على جبهتها و قجها من عنقها نفسو خارجة سخونة شوطاتها ] : شاربك ما ، عاجنك على يدي فيك الفارة دردك.....قاعك رافداه العافية مكاتهناي و تكناي لما جبتيها فتقبتك ناض من تم مخليها معنقة الناموسية كاتهرنن....سمح هو فالدار كلها رفد سوارتو و خوا من تم شاد الطريق فين يحط راسو فهاد الليل.....دماغو كايخيط و يفصل لكان ندم على شي خرية فهاد الدنيا هو داك عقد النكا••ح في حالة غيبوبة لي سنى على شامة ما شبعان نكا••ح ما شبعان راحة دالبال هدا مابقاش عقد نكا•••ح رجع سرنيفة قاجاه من گرجومتو محررة فيه العيشة.....شدها جبدة لحد السوالم وصل مع أدان الفجر رجع ديمارا و تحرك لجامع يناجي ربو يدير لو مخرج من هاد الديق لي هو عايش فيه كايحس براسو مزير غايصدق فاش تعصابو فشي فرادي الكلوة اللهم يصلي مع الجماعة و يخلي نفس تناجي خالقها صلي مع الجماعة و فكل ركعة كايطلب من ربي يدير لو باب منين يخرجو حتاش الحمل تقال عليه و بدا يميل ، ماشي هاذي هي الحياة الزوجية لي باغي هادشي ماشي ديالو و ماشي الستيل لي كايبغي و يعشق.....العشقة عندو فجيه و بيمن مزوج فجيه لتااااااااحت و زايداها حتى بالفعايل و المشاكل`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
