.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `(دخلات المصممة جارا وراها قفاطن وتگاشط ..كسيوات وتواب..تابعها مصمم المجوهرات هاز حتا هو صناديق فيهم تصاميم لي طلبات منو وجواهر..كلشي تستف قدامها...مروى حداها تعزل معاها وإلين عاقدة غوباشتها وجها مزنگ.. ماجات فين تفرح بلي غادي تكون معاه تحت سقف واحد حتا صدموها بلخطوبة ديالو...هضرات بحماس: هبة:(كتلمس تواب جوهرة وتواب من الحرير الخالص..وتعزل)هاد لوين زوين..غادي يجي معاها كيحمق! مروى:(جرات توب اخر)اااه حتا هادا زوين .. هبة:(كتستشير مع مروى) شباليك نديرو 10/10 من لحاجة..قفاطن-تگاشط-صنادل-صيكان-تواب--(كتفكر شنو ناقص وترجع تهضر..طلبات منو يحل صندوق تشوف الاكسسوارات لي طلبات يصمم.. كانو كيفما رسماتهم..خاتم ديال لخطوبة من لالماس/اونسبل من زمرد بحلقاتو وبراسلي وخاتم ديالو/2 اونسبل من دهب/وخاتم وبارسلي من دهب...كلشي كيفما رسماتو قادوه ليها.. عجبوها بزااف فرحتها باينة فعويناتها.. مامصدقاش بلي جا نهار لي تزوج فيه ولدها..هضرات بصوت خفيف) هبة:داكشي كيفما بغيتو...(بلهفة)شنو ناقص امروى؟؟ مروى:(كتشوف بعينيها شي لي محطوط وتفكر شنو يزيدو تاني)اااه خاصنا لبرفانات... هبة: نسيتهم..صافي غادي ناخد 5 ديال ليبرفان/5ديال ليگام مزيانة؟؟ مروى:انا لي غادي نخدهم ليه..(بفرحة)كوني هانية!! هبة:لا اويلي..انا نشدهم مروى:بغيتي تقلقيني..بيبرس مارخيسش عندي وحتا مراتو مارخيساش عندي يستاهلو اي حاجة زوينة نشدها ليهم.. هبة:الله يكبر بيك احبيبة..ونردهالك فساعة الخير(شافت فألين لي كانت ساكتة وكتشوف..حالفة بحلوفها لاكان لشي وحدة من غيرها) هبة:بنتي إلين..مالك ساكتة؟عطيني رأيك!! إلين:(تبسمات فوق خاطرها)كلشي زوين اطاتي...الله يكمل بلخير هبة:(بحماس)ايوة حتا نتي زربي خلاص خلينا نفرحو بيك(غمزاتها) إلين:(كتحس بنار شاعلة فيها مافيها لي يتجاوب معاهم تبسمات فوق خاطرها وهضرات)انشاء الله..ماما انا مشيت نرتاح(شافوها خارجة طافية ماشي من عوايدها تكون هكا...من يوم يومها اجتماعية وكتبغي الحماس.. هبة:مالها إلين?واقعة ليها شي خاجة؟؟ مروى:(تنهدت)ديما مضاربة مع سامي..حرر عليها العيشة.! هبة:الله يهديه يخليها تعيش سنها مالو على هاد الحالة ؟؟ مروى:ايوة شنو ندير ؟هكا طبعو!!داكشي لاش لوكاس وافق بلي تجي تجلس فلقصر مع بيبرس..ولكين ملي غادي يتزوج (قاطعتها) هبة:ماتكمليش امروى...لقصر طويل وعريض..وبيبرس طول لوقت غايب..مرحبا بيها تجي على راس والعين.. خليها تتوانس هيا ومرات ولدي ودادا حورية غادي تكون معاهم... مروى:(بسمة جانبية)انشاء الله..(رجعت هضرات)خاصنا نوجدو حالتنا راه غدا عندنا لخطوبة هبة::(بفرحة)متحمسة بزاااااف..كنتسنى غدا يوصل بفارغ الصبر مروى:(بقات شحال ساكتة ونطقات)ماغاديش يجي؟؟ هبة:(صرطت ريقها)ماعرفتش..نتمنى يجي! مروى:ايوة حتا نتي نهار ويدوز(وجهات امرها ليهم)صافي جمعو هادشي..يلاه نوضي سبا كيتسنى(ناضو من مكانهم يجمعو حوايجهم في اتجاه سبا) (شميسة بدات تطلع..صوت العصافير الصباحية كيتسمع من بعيد..حكات عويناتها بطرف يدها..وحسات بيه كيلحس رجليها...جابليها الهرة..بدات تضحك وتحاول تبعدو وهو غير مازايد فيه.. لينا:ههههه ميشو لا هههه لا ههههه واميشو ههههه(كيبعد ويرجع يترمى عليها وهي ضحكها واصل لعندهم..حسات بدقات كبار فلباب حبسات الضحك ونطقت بهدوء: لينا:شكون؟ اسماء: گالت ليك مي هبطي طيبي لغدا لضياف...(رجعت هضرت بغضب) ونتي جالسة ضحكي على صباح..تهجريه انشاء الله.. لينا:(غمضات عينيها بغضب ورجعت حلتهم) واخا هانا جاية(مسحات وجها بيدها وجلسات على حافة سرير..دوزات ايديها على راسو كطبطب عليه وبسمة على شفتها) لينا:فيك الجوع امشموشي(كتمسح ليه ضهرو وتهضر معاه)هانا نمشي نغسل حالتي ونهبط لخوينز ياكل(جراتو من حنيكاتو وباستو)ياختي شحال بيگيس وليدي(ضحكات على تصرفها معاه ومشات تغسل حالتها ...وداكشي لي دارت لبسات نيقابها لايكون شي حد معاهم ويبداو عليها تاني..هزاتو بين ايديها وهبطات لسفلي عندهم...كانو جالسين كيفطرو..يلاه جات تجلس سمعاتها نطقات: هنية: مابقاش لوقت لفطور.. دخلي لكوزينة طيبي دجاج يكون مدغمر على حقو وطريقو..وديري لحلم بلبرقوق.ماتحشمينش مع ضياف..ولكين قبل وجدي لميدة فصالون وحطي عليها طباسل ولكيسان..ولميدة لوخرا حطي فوقها ضيافة... لينا:(مصارنها كيغوتو بجوع بغات غير تاكل وتوكل ميشو وتدخل دير شي لي قالت ليها يلاه جات تنطق شافتو خارج من بيتو.. مصطفى:(شاف فيها متجاهلهم)صباح الخير لينا:صباح الخير مصطفى:فطرتي؟ لينا:مزال.. هنية:(هضرات بتحدي)حتا لمن بعد وتفطر مابقاش لوقت.. خاصها طيب لغدا لضياف مصطفى (كطلع حاجبو فيهم)وهاد لاميرات شكيديرو؟ هنية:(صرطات ريقها)حتا هوما عندهم مايقضو مصطفى:(شاف فلينا)بركي تفطري (وجه امرو لبنات)بجوج غادي تنوضو تعاونوها نشوف شي وحدة جالسة نخسر ديلمها هاد العراضة هنية:(ضربات طم وسكتات عارفاه شكيسوا.. شافتها جلسات تفطر وتوكل لقطيط وساكتة..كتاكل بشوية عليها وتبنن..سمية دخلات صالون توجد لميدة وتحط سربيتات عليها وطباسل ولمعالق..اسماء دخلات لكوزينة كتغسل ديسير وتستفو.. ماعندهاش الحداگة ديال طياب..خلاو لمهمة الكبيرة لينا..كملات فطورها وخلات ميشو يطلع..زولات نيقابها وسندري لي لابسة لبسات طابلية ديال لكوزينة..ودخلات كطيب دجاج ولحم..كيشوف فيها وفحركاتها وتركيزها مع شغلها كيهضر وعينو عليها... مصطفى: هضرات معاك هبة ؟ هنية:(مراقبة نظراتو لي كيدير فلينا)اه..لبارح مصطفى:معاش غادي تجي؟؟ هنية:مع وقيت لغدا مصطفى:(دار لعندها) جاي معاها شي حد! هنية:مروى وبنتها ويمكن حتا ولد هبة غادي يجي مصطفى:علاش هيا عندها ولدها ؟ هنية:ايوة هادشي لي سمعت مصطفى:ومعرفتيش سبب زيارة؟ هنية:(قربات لعندو وهضرات بحماس)على ماسمعت يمكن جاية تخطب..وحتا هيا فاش هضرات معايا لبارح بحالا كتضرب لمعاني لشي خطوبة؟ مصطفى:(طلع حاجبو )شكون غادي تخطب؟ هنية:وحدة من لبنات ياسمية يااسماء(بفرحة) مصطفى:(رجع شاف لينا ايديها خدامين كطيب) شافوها ؟ هنية:(طلعت حاجبها وشنفت بفمها بغضب)لا..مشافوهاش مصطفى:(رتاح نسبيا ورجع هضر)وملي غادي تكونو غير نسا بوحدكم..غادي نخوي ليكم سيكتور..الى حتجتو شي حاجة عيطو ليا..والى جا ولدها معاهم عيطو ليا نجي .(ناض من مكانو)داري مايدخلوها رجال بلا وجودي هنية:(نظرة فخر)وشكون يقدر يعتبها والسبع ماكاينش مصطفى:(جا يمشي رجع لها من جديد)نسيت ماعلمتكمش صونا ليا مول لوزين لي هضرات معاه هبة... نهار تنين غادي نبداو لخدمة هنية (ضرباتها بتزغريتة خارجة من اعماق قلبها..هبة وعدات ووفات..السيدة باينة فيها واصلة وعندها لمعاريف دغيا خدموه فاش هضرات عليه..وهو عامين حاط سيفي عندهم..كان طامع غير يهز السلعة ويحطها... دابا غادي يكون بوانتور ولخلصة ماشي قليلة..واخا حدو سادس فلقرايا.. ولكين باك صاحبي هيا لي خدامة) (كتعض ظفار يديها وكتغدد...ماشية جاية على طول لبيت..غادي تصطى؟؟كيفاش غادي يخطب؟علاش وشنو السبب لي يخليه يخطب وحدة مايعرف عليها والو.ويخليها هيا لي تربات معاه ؟جلسات على حافة السرير تحاول توصل لي شي حل تخسر بيها هاد الخطوبة..هزات تيلي ديالها وحطاتو على ودنها: إلين:(بقات شحال حاطة تيلي على ودنها حتا سمعتها نطقات) تمارا:ااااالو... إلين:(حكات رقبتها بيدها.مزال عندها لوجه لي يصوني ليها بعد داكشي لي دارت فيها ..)تمااارا... لاباس عليك!؟ تمارا:(بإستغراب شديد)لاباس..نتي مزيان؟؟ إلين:(سكتات شحال ورجعت نطقت عطات لعنان لدموعها ينزلو) لااااا انا ماشي بخير...حتا شي حد محاسش بيا ... تمارا:(بإستغراب)مالكي؟شنو واقع ؟؟! إلين:(كتشهق) صافي غادي يخطب.. غادي يمشي من بين ايديا .. تمارا: شكون ؟؟؟واش بيبرس!!! إلبن:اااه ليومة عندو لخطوبة ..هاحنا دابا شوية نمشيو نخطبو ليه ..(كتشهق) تمارا:(سكتات شحال)شكون هاد لبنت!كتعرفوها؟ إلين:لااا مكنعرفهاش ..شي وحدة من عايلة طاتي هبة.. تمارا:بيبرس معاكم؟؟ إلين:لا..قال لطاتي تكلف بكلشي هو مايقدرش يحضر... كنحس بالخنقة ... نار شاعلة فقلبي ... تمارا:(بقات شحال كتفكر ورجعت نطقات)إلين راه باينة السيد گاع مابغيهاش؟اصلا واش عمرك شتي شي خطوبة بلا عريس ؟ إلين:(تقاضات فجلستها وحلات ودنيها مزيان ) مافهمتش ؟يعني شنو!!طاتي هبة هيا لي بزاتها عليه!! تمارا:هادا احتمال كبير اصلا مستحيل شي واحد يخطب بلما يحضر إلين:(هضرت تمارا دخلات لراسها ملي هو ماحاضرش يعني لموضوع كلو شكلي..مكاينة لاعلاقة بيناتهم لاحب لاحتى حاجة رابطاه بيها..ويمكن يكون غير داير لخاطر لهبة وصافي.تبسمات باطمئنان وسمعت اصوات دقات فلباب: مروى:إلين بنتي وجدي راسك إلين :واخا اماما(رجعت هضرات فتيلي)تمارا انا غادي نمشي نوجد راسي نهضرو من بعد... تمارا: اوكي..ردي عليا بلكاين إلين:واخا(قطعات معاه لاتصال وبدات توجد راسها رتاحت نسبيا من هضرت تمارا..حلات شعرها تصايبو وبدات تماكي بشوية عليها) (الساعة تشير الى 1:00 زوالا..ريحة لبخور عاطية من صالون.. لميدة واجدة ومحطوط فوقها مستلزمات لغدا..لميدة لوخرا محطوط فوقها بلاطوات لحلوة ومكسرات وتمر معمر..رمات عينها كتشوف شنو ناقص..كلشي هو هاداك...جرات رجليها لكوزينة كتشوف فين وصل لغدا... هنية:(حاطة يدها على جنبها طلعات حاجبها ونطقات)فين وصل لغدا؟ لينا:(بتعب)كلشي واجد.. هنية:(حنحنات بصوتها وكتفات ترجع توجه لها اوامر جديدة)فاش يوصلو ضياف وجهك منشوفوش بقاي هنا حتا تحطي لغدا..كلامي واضح!! لينا:(هزات فيها عينيها كتغدد)واضح اسماء:(واقفة قدام الشرجم كتسناهم يجو سمية حداها كتقاض شعرها) سمية:بانو ليك؟ اسماء:مزال!!!(عينيها كيدورو فلحي) سمية:(دارت لعندها)شوفي مكياجي زوين ؟؟ اسماء:ااه زوين..بدلي غير لعكر ماعجبنيش سمية:(كتشوف وجها فلمرايا).. داكشي نااضي..باينة غادي يخطبوني انا(كتشوف راسها فلمرايا بكبرياء) اسماء:وعلاش زعمة نتي؟؟شنو ناقصني انا!! سمية:مانقصاك والو.. لكبيرة خاصها تزوج قبل صغيرة اسماء:(حطات يدها على جنبها)ياك اختي...علاش حنا ماشي توام؟؟بشحال كبر مني!!! سمية:بنص ساعة ازين(ضحكة سخرية) اسماء:(يلاه جات تجاوبها سمعات صوت طومبيلات برا..جرات رجليها للشرجم ورجعت تبرگك..كانو تلات طومبيلات اخر ماكاين..وحدة فيها هبة ومروى.. وحدة فيها إلين..واخر وحدة فيها لهدايا.. سمية مزاحمة مع ختها على شرجم كيبرگو فيهم..خرجو عينيهم فاش شافوهم هازين لورد والشكلاط..ولكين الصدمة هيا فاش شافو طيافر كيخرجوهم من لوطو اخرى...خرجو عينيهم بصدمة.. الشي لي كانو شاكين فيه تأكد ليهم..عندهم خطوبة لوحدة فيهم..جيران كلشي خرج كيبرگك داكشي لي شافو هماوي وكتير...ضربوها بجرية وحدة لعند هنية لي كانت كتلبس قفطانها.. سمية:مي.وامي..وزيدي تشوفي...وامي!! هنية (خرجو عينيها بخوف)امالكم شواقع؟؟ اسماء:(بلهفة)كون تشوفي الطيافر لي هازين و لورد قداااش...وناااري امي كلشي خرج يتفرج هنية:(بعدم فهم ) شكون ؟؟ سمية:وهبة امي راه وصلو..كينزلو داكشي من لوطو هنية (بفرحة)يعني جايين يخطبو من عندي؟؟(بلهفة)لبسو قفاطنكم وجدو راسكم بزربة لي طلبوها من عندي انا عاطيها ليهم سمية:ههه باينة غادي يخطبوني انا!!؟ اسماء:مي سمعتيها..علاش هيا وانا لا؟؟ هنية:(كضرب فخادها) اويلي الناس يولدو لي يهز ليهم راسهم وانا والدة لفع مضاربين بيناتهم..خرجو لبسو الله يغبر لبوكم الشقف..(خرجو من عندها طايرين يلبسو قفاطنهم ويوجدو حالتهم..بينما هنية جرات رجليها لدروج تحل ليهم لباب..رمقات بعينها لينا متكية على لبوطاجي جامعة يديها..رجليها كيضروها بقوة التعب لي لقات هاد النهار..هضرات بغضب: هنية:هبطي نيقابك على وجهك!!! لينا:(شافت فيها بكره وهبطاتو على وجها شافتها كتقاض قفطانها والفرحة باينة فوجها هبطات تحل ليهم لباب وهيا كلها فرح) (عينيه على لبيسي لي قدامو..متبع ارقام كيطلعو ويهبطو بسرعة...كيدوز على ليحتو بيدو ومراقب بكل تركيز لارقام لي بدات تستقر على رقم واحد تبسم على جنب وهبط شاشة لبيسي.. توجه لخارج لغرفة ونزل في اتجاه الطابق السفلي ..الصفقة ربحها وبمبلغ خيالي..شحال وهو كيتسنى يشد هاد الصفقة وليومة ولات ليه..لأول مرة غادي يتحادو جوج مافيات (الروسية -ولايطالية)...دخل لكوزينة ورمى عينيه لناحيتهم...4 لخدم جوج خاصين بتنظيف وجوج خاصين بطبخ.. وقفو مكانهم وحناو راسهم كاحترام منهم ليه..نطق بهدوء شديد: بيبرس:قهوة (جر كرسي وجلس قدام كويزين بار..رامي عينيه على البوابة الزجاجية للجردة..حطات قدامو كاسو ويدها كترجف..كتصرط ريقها وماعرفاش واش غادي تعجبو ولا يردها.. خصوصا هيا جديدة معاهم مزال ماتعودات على سيستيم...طلع فيها نص عينو ودفع ليها لكاس بهدوء... بيبرس:عاوديها..(حنى راسو على تيلي ديالو وخلاه هزاتها ودمعة مجمعة فعينيها حاسة براسها غادي تبكي..علاش يردها ومازال حتا ماداقها؟؟شافتها وحدة من لخدم هازة لكاس ورااجعة بيه..خلاتها حتى وصلات وهضرات بشوية: خادمة:من الريحة كيعرف.. خادمة:(ستغربات من قدرت الخادمة على فهمو وفهمها حتا هيا هضرات بصوت خفيف)شنو ندير؟؟؟ خادمة:ديري ليه من القهوة الايطالية وكتريها وماديريش السكار خادمة:(هزات ليها براسها ومشات تجري دير لي قالت ليها) بيبرس:(جاوب على الميساج لي جاه وحط تيلي..حس بيه واقف عند راسو) فيكتور:سيااادة العريس(حط يدو على كتفو) بيبرس:(رمقو بنظرة خلاتو دغيا يحيد يدو من على كتفو وجر كرسي وجلس جنبو) فيكتور:علاش مامشيتيش معاهم؟؟ بيبرس:(ختار انو يشوف فيه ويتجاهل سؤالو)الصفقة شديتها.. فيكتور:(بفرح)عرفتك غادي تشدها..(هضر بحماس)درتي لي مادروش ناس لي قبلك...جمعتينا مع الايطاليين بيبرس:(شافها جاية لجهتهم هازة لقهوة وكترجف من جديد ..وجه كلامو لفيكتور)وجد راسك لخدمة غادي تكون كتيرة...(حطات ليهم قهوة وحنات راسها كتسناه يهضر...كتفى يشير ليها بيدو تنصارف ..دلالة على نجاحها في هاد لاختبار..رشف من قهوتو وسمعو نطق) فيكتور:(كيرشف من كاسو)امتى غادي تجي لعروسة؟ بيبرس:(الصمت) فيكتور:(فهم لمعنى وضرب الطم ملي ماشاركش معاه الحوار يعني كيخبز شي عجينة فراسو..رجع يرشف من كاسو وسط صمت شديد) ""الله اكبر الله اكبر اشهد ان لا اله الا الله اشهد ان محمد رسول الله.حي على الصلاة حي على الفلاح قد قامت الصلاة الله اكبر الله اكبر لا اله إلا الله""... قاد وقفتو خلف الامام وحنا راسو بكل خشوع..بدا الصلاة بكل خشوع وطمأنينة..خاوي راسو من اي حاجة ممكن توشوش عليه الصلاة وتخليه يطيح فحبل لوسوسة..سلم على يمينو وشمالو وبقا مدة گالس كيستغفر ربو...رفع ايدو لسماء وبدأ يدعي وعينيه مغمضين..لامام كمل الصلى وجلس مقابل معاه كيتسناه يسالي..هاز مسبحة فيدو ومركز معاها...شافو جلس مقابل معاه وباس ليه يدو: لامام:الله يقبل اولدي!! هولاكو:اللهم امين..(بقا مدة ساكت ورجع نطق)بالي مخربق الحاج...كنحس براسي فدوامة ماعرف بدايتها من نهايتها الحاج:(كيشوف فيه وساكت مخليه يفرغ لي فقلبو) هولاكو:حتا قلت صافي تبت لربي وبعدت من لحرام وشديت طريق لحلال...(بأسى)رجع كلشي من جديد...طريق لي بعدت منها رجعات... ورجعات باش تاخد مني شخص نفديه بروحي..ماعرفش شنو ندير كنحس براسي ضعيف! مكسور!!..(سكت شوية ورجع هضر)كنحس بلي توبتي متقبلاتش!!! الحاج:استغفر الله العلي العظيم...ماتقولش هاد الهضرة.ربي يغفر الدنوب كلها...قوي ايمانك بالله وعرف بلي هادشي لي كتمر منو ماهو غير امتحان من رب العالمين ليك... هولاكو: مابغيتش نفقد ولدي(طاحت دمعة من عينو بلما يحس)كنحس براسي انا سباب!!! الحاج:يهديك الله اولدي نتا تبت لرب لعزة وربي اكيد قبل توبتك ...مدامك تخليت على ماضيك وبديت فطريق لحلال .. هولاكو:(بانكسار)شنو ندير ؟؟؟؟ الحاج:النصيحة هيا طريق التغيير....وحاول مرة وجوج وتلاتة ماتملش...والى قدرتي بقا مرة مرة جيبو لهنا....كون اكيد غادي تحرك فيه شي حاجة..دنيا اولدي ماكتعطيش كلشي..كتخليك غادي معاها فسلام..ولكين تقدر تقلب عليك فأي لحظة..داكشي لاش كيقال المؤمن مصاب...واصعب مايصاب فيه لمؤمن هو عائلتو..(حط يدو على كتفو)أزمة وتفوت...خلي ايمانك قوي هولاكو:(رتاح نسبيا من كلام الحاج ونطق بهدوء)ونعمة بالله.. &&&&&&&&&& هنية:(واقفة قداام لباب..راسمة ضحكة عريضة على شفاهها..تحنات كتسلم عليهم بلوجه والفرحة باينة على وجها..) هنية:مرحبااااا والف مرحبااااا...زارتنا لخير ولبركة..دخلو دخلو مرحبا بيكم (عينيها خرجو من كترت الطيافر لي مدخلين..ماتجي تقول سالاو حتى يبانو ليها شوافرية ديال طومبيلات لي جاو فيهم يطلعو لدار هازين خير ربي ويرجعو ينزلو...لحي كلو خرج..كلشي عرف بلي هنية جاتها لخطبة لوحدة من بناتها...وماشي خطبة عادية...ناس باينة فيهم من الآلبة والهااااي...غير حالتهم وطموبيلاتهم والهدايا لي جايبين ليها يعطوك اخبار...هنية مزالها واقفة قدام لباب حاضية لهدايا يطلعوهم.... حلفات لاطلعات لعند ضيافها لي سبقوها حتا تشوف كلشي تحط ليها وسط دارها...شافتها جاية قاصداها... عيشة:(هازة حاجبها وحاطة يدها على جنبها)وكونتي علمتينا ..نديرو معاك غير لواجب...ونضربو معاك الجفاف!!! هنية:(هضرات بكبرياء)مامحتاجاش الزين...قابلي غير دارك!! عيشة:(كتشوف فالهدايا لي مطلعين )اممم شكون فلبنات لي تخطبات؟؟؟ هنية:(شافت فيها بغرور كبير)مسوقكش البايرة!!!.(رجعات هضرات بكبرياء)...شوفي ليك بنات هنية جابو لكلاس...ونتي بقاي تسناي ههههههه(ضحكات من قلبها..وسدات لباب على وجها طلعات لعند ضيافها وهي فقمة السعادة) عيشة:(كتحس بنار شاعلة بقلبها حطات دعوة خارجة من اعماق قلبها)سيري اهنية بنت رويسي لاكملات ليك فرحة لانتي لا بناتك...كيما ضربتيها فقلبي ربي يضربها فقلبك (حسات بدموع تجمعو فعينيها جرات رجليها ومشات لدارها تبكي على خاطرها) هنية:(دخلات عندهم صالون كلها سعادة وفرح..اكيد غادي تكون فرحانة وهيا كتشوف دهب ولالماس وصنادل وصيكان لي مارك وتواب لي عمرها حلمات تشوفهم قدام عينيها...شدات مكانها حداهم وجلسات... هنية:نهار كبير هادا مرحبا بيكم عندي.. مروى:ترحب بيك الجنة اختي. هبة:ترحب بيك الجنة اهنية(كتقلب بعينيها)فين لبنات ماشفتهمش؟ هنية:(يلاه جات تهضر جاو داخلين عندهم شعورات مطلوقين والمكياج ولابسين قفاطن تقول معروضين لشي عرس...مروى كتشوف فهبة لي شداتها ضحكة...وفهمات الشي لي داير فبالهم...سلمو عليهم وجلسو حادرين راسهم وكيشوفو من تحت لتحت... هنية:(كسرات الصمت)هادي بنتك ؟ مروى:ااه إلين بنتي.. هنية:ماشاء الله تبارك الله زوينة الله يحجبها مروى:ربي يخليك اختي هنية:لينا... لينا....جيبي اتاااي خلاص!!! هبة:(تبسمات بسمة جانبية كنتسنى فعروس ولدها تدخل عليهم..شافتها لابسة نيقابها كما العادة مكيبان منها والو...هازة صينية ديال اتاي...دورات عليهم اتاي وسلمات عليهم وخرجات...إلين كتشوف فهادي لي دخلات عليهم بهاد لبس بإستغراب شديد اول مرة تشوف هادشي.. إلين: ماما علاش لابسة بحال هكا؟(كتهضر بشوية مع مروى) مروى:حتا لمن بعد ونهضرو..(بهدوء) هبة:(حطات كاسها فوق طبلة وجهات كلامها لهنية)خليها تجلس معانا علاش خرجات؟؟ هنية:وراه هيا لي دارت لغدا ومقابلة شغلها(نتابهات لكلامها ورجعت هضرت بسرعة)ياختي لينا بسلامتها مخلاتناش نعاونوها قالت ليك ملي نتوما لي جايين ..لغدا هيا لي غادي تصايبو ليكم بيديها...شحال طلبوهاا لبنات يعاونوها وتقوول واش بغات هه مروى (شافت فهبة لي كانت حتا هيا كتشوف فيها تبسمات بسمة جانبية وبقاو يهضرو فامور الحي والجيران..اسماء ناضت ضايفهم من لحلوة ولقريشلات والشي لي محطوط..) إلين:(كتاكل وهضرات بلهفة)اممم شحاال زوينة..ماما دقتيها؟ مروى:ماشاء الله..هادشي زوين ومتول؟من فين شديتيه ناخد منو معايا فاش نرجع؟ هنية:(صرطات ريقها وهضرات) ماكنشريش حتا حاجة من برا..كلشي مصايب فالدار. هبة:تبارك الله غزالة ماشاء الله...انا كنحماق على كل حاجة تقليدية وديال لبلاد قليل فين لقى شي حد كيتقنها..شكون لي صايباتها؟؟ هنية:(نطقات بفخر)اسماء وسمية تعاونو عليها وداروها..(تبسمت بفخر) هبة:الله يعطيهم الصحة بنينة ماشاء الله سمية:بصحة هنية:(بقاو هضرة تجر هضرة هنية لي سمع هضرتها تقول والدة ملائكة..وهيا والدة عقارب سمهم يضرب من بعيد شارت بيدها لجهة لميدة لمحطوطة ونطقات) هادا وقت لغدا دوزو لعند طبلة تغداو ونكملو حديتنا..(جرات رجليها لكوزينة..وجهات اوامرها لينا تبدا تحط لغدا..تجمعو على طبلة..وبداو يتغداو..فصمت شديد وكل واحد فيهم كيتبنن فكل لقمة.. هبة:ماشاء الله هادشي بنين الله يعطيها الصحة مروى:ولهيلا بنين..كلشي بقوامو وطعمت البنة فيه إلين:(هضرات ببطء)كلشي زوين هنية:(كتحس بنار شاعلة فيها علاش هاد لمدح كلو شنو دارت بسلامة حتا يمدحوها هكا ..هضرات فوق خاطرها) هنية:بصحتكم(بناتها نار شاعلة فيهم كيحسو بالخنقة من هاد الشكر لي شكروها..سمعتها نطقت) هبة:الله يخلف عليكم.. هنية:بصحتكم.. هبة:ايوة ملي كلينا وشبعنا...جا لوقت لي نهضرو فلمعقول هنية: الله يسمعنا خير.. هبة:جيناك غير للخير... هنية:(لفرحة كتشقشق من عينيها..شيرات بيديها يتوجهو لصالون يشدو راحتهم فلحديت) (كلها رجع لمكانو وجلس.. هنية قلبها كيضرب بلفرحة وصلات لحظة لي كتسناها سيمانة هادي..بناتها جنبها كل وحدة فيهم كطلب فخاطرها يكونو جايين على قبلها...سمعاتها نطقات بطريقة لبقة وهادئة... هبة:كيما كتعرفي اهنية حنا عائلة وحدة..وكيف كيقولو ناس زمان"خيرنا مايمشيش لغيرنا" هنية:(تقاضات فلجلسة وطلقات ودنيها مزيان وضحكة مرسومة على شفتها)الله اودي..ناس زمان مايقولو لحاجة حتا يعرفوها كاينة ههه مروى:ايوة داكشي لاش جيناكم هاد النهار..لحلال ماكيتسناش هنية:مرحبا بيكم...والله يسمعنا خير هبة:(شافت فيها ونطقات بشكل مباشر)انا جيتك ليوم طالبة راغبة فيد بنتكم لولدي...الى قبلتو بينا هنية:(قلبها كيضرب بسرعة...صافي واخيرا الدنيا ضحكات ليها ولبناتها بدات ترسم مخططات لحياتها المستقبلية..من هنا لقدام حتا هيا غادي تولي بحالهم ومن مستواهم ..نطقات بصوت متحمس)وعلاش مانقبلوش بيكم..الله اودي جيتو قاصدين بابنا ونرجعوكم.. هبة:الله يكبر بيك..ولكين حتا لبنت بغينا نعرفو رايها ضروري حتا هيا ناخدو مشورتها هادي غادي تكون حياتها ولقرار لول ولاخر غادي يكون ديالها مروى:(نطقات بهدوء)غير سمحولينا جبنا ليكم هدايا لخطوبة وحنا فقرارات نفسنا كنتمناو توافق بنتكم على ولدنا..وحتا الى ماوفقاتش عتابروها عربون محبة بيناتنا... ألين:(محملاش راسها فهاد لوضع كتمنى انها متوافقش كتشوف فتوميات كتسنى تعرف اي وحدة منهم جايين على قبلها..وهوما كتر منها كل وحدة مستعدة تسمع سميتها وبلي لاختيار وقع عليها) هنية: خيركم سابق والله يكبر بيكم كيما كبرتو بينا.. هبة:مدرنا والو شي حوايج بساط وصافي..(سكتت شوية ورجعات هضرات)عيطي لبنت ناخدو رايها؟؟ هنية:(بإستغراب شديد)اينى بنت؟؟ مروى:لينا...عيطي ليها تجي !!!!!! هنية:(بصدمة كبيرة صرطات لسانها ماعرفاش باش تجاوب..بناتها تصدمو كتر منها..السخونية طالعة معاها... والحرارة شاعلة فداتها مكرهاتش تشدها فهاد اللحظة تخنقها قدامهم..تمشي حتا تقول صافي تسگمات تجي لينا تعوجها ليها من جنب...سمعت صوتها نطقات...) هبة: لينا....لينااااااا...أجي عافاك..... (مطور محطوط على الجنب والدري واقف متكي عليه..مرة مرة كيسوط دخان فسما..شافو جاي معاه كيسرع فخطواتو ومعاه ولد شوافة قاصدينو... مصطفى:(هضر بهدوء)طلق دغيا.. يومين هادي وانا مقطوع!! سيمو:(حط يدو فجيبو وعطاه ميكة صغيرة فيها مبروم وحدة أخرى فيها لكالا..جا يمدها ليه وهو يرجعها)زريقة قبل!!!! مصطفى:(بغضب وجرها من يدو)تاااا ارا أزمر مالنا غادي ناكلوك فرزقك... سيمو:راه وصلتي 200 درهم دابا! مصطفى:تاااا ارا المرض...نهار تنين غادي نبدا لخدمة ونعطيك انميييي(جرها من يدو وقطع طريف من لكالا خشاها تحت لسانو وبدأ يتنشوى بشوية عليه) عوينة(ولد شوافة):خويا مصطفى بعد من هاد الشي غادي تخرج على راسك(كينصح فيه من نيتو) مصطفى:عوينة قلب ستة تسعود...عارف شكندير.. عوينة:غادي تهلك صحتك هكا..!! مصطفى:(بغضب)ولخ&& ماسوقكش فيا راه هضرت معاك اعوينة خلي ديلمي مهدن... عوينة:(بقا ساكت شحال ورجع نطق)غادي تبدا لخدمة؟؟ مصطفى:اه ...نهار تنين...(بدات تشد فيه تبويقة) عوينة:فين غادي تخدم؟؟ مصطفى:وزين ديال لحوت...غادي نكون بوانتور.. عوينة:هااااي هاااااي هااااي هيا لقضية غادي تكون زاهية عندك مصطفى:(جلس فوق حجرة وبدأ يهضر بدون مقدمات)غير تگعد لوقت وندخل شوية ديال لفلوس...(صاط دخان ورجع نطق)وناخد لي قلبي حي على قبلها..نديرلها عرس مطرطق..ونكري ليها بوحدها ونبعدها على شر مي وخواتي...(رجع صاط من دخانو وسكت) عوينة:الله يكمل بلخير..ولكين حيد هاد لبلية أصاحبي غادي دمر راسك... مصطفى:هاهو رجع تاني...نوض نق&&بحالي حسن(وقف من مكانو وخلاه تابعو كيعيط ليه.. رجع للحي ووقف قدام لحانوت يشري لگارو..سمعهم كيتوشوشو بيناتهم... لمراة:شتي اختي على طيافر كيف دايرين لمارة2:وايه اختي..سعد بناتها تگعد لعقوبة عند بناتك وبناتي.. لمارة:بينا وحدة من بناتها تخطبات؟ لمراة:والله مانعرف حتا توصلنا لاخبار مصطفى:(خنزر فيها وخرج ركب رقم ديالها وحط تيلي على ودنو) مصطفى: لواليدة لامور مزيانة هنية:(صوتها كيخرج بزز)مزيان مصطفى:مال صوتك؟ هنية:والو غير عيانة.. مصطفى:مزال ضياف معاكم؟ هنية: مزاااال!؟ مصطفى:جاو على قبل شي خطبة!! هنية:حتا لمن بعد جالسة مع ضياف دابا مصطفى:واخا(قطع لاتصال ورجع لعند صحابو) هنية:(حطات تيلي من ودنها بكره شديد وهيا شيفاها داخلة بجلايلها يتجرو وراها...مكيبان منها والو..رمات عينيها ناحية بناتها دخان خارج من ودنيهم كيديرو فيها شي شوفات يخوفو...سمعات صوتها نطقات بهدوء... هبة:لينا..دخلي جلسي!! لينا:(رمات عينيها لناحية هنية لي كانت كتغدد بوحدها...جرات رجليها لسداري وجلسات بهدوء..إلين كتشوف بإستغراب مافاهمة والو...مايمكنش يكون داكشي لي فبالها!!!اكيد ماغاديش يتزوج بهاد لوحة الكحلة مامعروف فيها والو لا وجها لاجسمها لاشعرها...سمعاتها نطقات من جديد: هبة:لينا بنتي..مابغيتكش تحشمي مني .. بغيت نسمع رأي ديالك فهاد الشي لي غادي نقوليك..القرار لاول والاخير غادي يبقى ديالك.. لينا:(هضرات بصوت خفيف)كنسمعك اخالتي... هبة:انا جيت ليوم طالبة رااغبة فيدك لولدي على سنة الله ورسوله... لينا:(تصدمات من الشي لي سمعات بلما تزوق وطول وتعرض فالهضرة رمات ليها لحاصول خلاتها ماعرفاش باش تجاوب..رمات عينيها لهنية لي كانت كتحلف عليها الى مشات حتا وافقات تخليها كفتة هيا وبناتها...كتعرف هاد نضرات مزيان ماغريبينش عليها ..رمقات بهدوء نظرات بناتها لقاتهم كتر منها...كمية من لكره ولحقد كيتسناو غير لفرصة باش يفدو فيها شي لي وقع واخا هيا بلا دنب فيه...صرطات ريقها وسكتات... ماعرفاش شنو تقول...الى وافقات غادي تكون حفرت قبرها بيدها...والى ماوفقاتش غادي تبقى عايشة المذلة كيف دايما...هزات راسها فاش سمعاتها نطقت باسمها: هبة:بنتي لينا...شنو قلتي؟؟؟ لينا:(بتردد شديد نطقات بخوف)ماعرفتش!! هبة:(رمات عينيها لناحية هنية ولاشبينات لي حداها عرفات سبب توترها وخوفها نطقت بصوت غالب عليه نوع من الغضب..ناضت من مكانها ورمات ليها جوج كلمات: هبة:بغيت نهضر معاك (خرجات في اتجاه البيت لاخر ووقفات كاتسناها تجي..) لينا:(ناضت من مكانها مقدراش ترجع تشوف فيهم..كلها متوترة ومشاعرها متخلطة ...زربو عليها بشي لي قالو ليها...اينا زواج واينا خطوبة؟؟بالها بعيد على هادشي ومعندهاش قدرة تحل بيت زوجية وهيا مشارجية من كل جانب...شافتها جالسة وكتسناها تجي..عطاتها حركة بيدها تجي تجلس حداها..وداكشي لي دارت..جلسات بهدوء حداها وسط صمت..شافتها شادة يديها وكتهضر معاها بحالا كانت بنتها.. هبة: شوفي الينا..انا عارفاك كتقاصي هنا.. عارفة بلي مالقياش راحتك..وعارفة بلي عايشة لويلات ونتي غير صابرة..انا حاسة بيك وحاسة بالشي لي كتقاصي..لي داز عليك داز عليا كتر منو..وانا مابغيتكش تفني شبابك وحياتك فهاد الدار.. لينا انا بغيت نعاونك ونخرجك من هنا ومكايناش شي طريقة احسن من هادي..(بسمة خفيفة)غادي نديرك بنتي ماشي مرات ولدي... لينا:(بتردد كبير)علاش انا ؟؟علاش ماشي وحدة من بناتها؟؟ هبة:(بهدوء)نصيبك....!! لينا:(بتردد بقات شحال متردة تسول ولا تسكت قررات انها تسولها وتعرف لكاين..هضرات بصوت خفيف) لينا:ولكين هاد العريس انا ماشفتوش... مكنعرفوش؟؟كاينة شي خطوبة بلا خطيب!!! هبة:(صرطات ريقها وقررات انها طرطق رمانة لي فحلقها مجاتش تتعدا عليها وتخليها ماعارفة والو..هضرات بصوت مكسور) تتمة: هبة:(صرطات ريقها وقررات انها طرطق رمانة لي فحلقها مجاتش تتعدا عليها وتخليها ماعارفة والو..هضرات بصوت مكسور) هبة:مانكدبش عليك الخطوبة كانت من اقتراحي..ولدي مايعرفك ماتعرفيه..انا لي قررت زواجو..وقررت انك تكوني من نصيبو لينا:(بعدم فهم) وعلاش؟؟ هبة:بغيتك تعاونيني!!!(بتردد)ولدي طبعو قاصح شوية..محتاج مرأة فحياتو تعاونو يخرج مشاعرو...بغيتلو مرأة تحن عليه ويحن عليها... وتكون السند لي يسند عليه راسو..تعاونو يخرج الجانب الزوين لي فيه..(هضرات بعاطفة كبيرة)بيني وبينك الينا..مكرهتش نشوف وليداتو قدامي..الدايم الله والعمر كيجري ..ماعنديش منو 10 واحد لي عندي وبغيت نفرح بيه....(مسحت دمعة نازلة من عينها بزربة وسمعاتها نطقااات) مروى: ..هبة..واهبة....!!!! هبة:هاحنا جايين(شافت فيها)يلاه ندخلو حشومة نبقاو هنا.. لينا:(ناضت من مكانها في اتجاه الصالون عاصفة افكار كدور فدماغها... اشمن تغيير غادي تقدر عليه لينا!!! واشمن زواج واشمن مسؤولية هيا براسها محتاجة لي يسندها وتحط عليه الرأس ويرأف على حالها ويخرجها من فقدان الحنان.. بنت عندها 18 سنة كيغادير تغير راجل كبر منها ب 10 سنين..نفضات من بالها كلشي وسمعاتها نطقات.. هنية:(كتحاول تلم لموضوع وتسدو)اش غادي نقول ليك اختي هبة..والله الى الشرف ليا ولعايلتي تتناسبو معانا..وكيفما قلتي حنا عائلة وحدة..وخيرنا لقريب اولى من لبراني فيه.. ولكين بيني وبينك لينا مزال صغيرة...ماتقدرش على زواج ومسؤوليتو..غير سمحولينا ... هبة:(شافت فيها حتا كملات ونطقت بكلمة وحدة مختصرة لحديتها) هبة:لينا شنو قلتي؟؟؟؟ لينا:(كتشوف فيهم من تحت نقابها وحدة بوحدة..هنية مخرجة عينيها فيها غادي تاكلها الى مشات حتا نطقاتها....بناتها كتر منها مروى وهية كيتسناو جوابها على احر من الجمر...وإلين كترمي سمها ليها بعينيها من بعيد... صرطات ريقها نزلات راسها وهضرات بصوت خفيف) لينا:انا موافقة.`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
