.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `هنية:(كتصرط ريقها..مابغاش شي حد يشوفها..عارفة ومتأكدة الى شافوها غادي يتزعطو فيها ويبداو عليها تبارك الله وما شاء الله وكتحمق وغزالة وزيد وزيد... وهادشي كيقتلها من داخلها ماكتحملش شي حد يمدحها ويفخمها ويبدا عليها بتعاليق زوينة...تخربقات ماعرفت كيف دير تخليهم مايشوفوهاش.. دغيا نطقات بطريقة سريعة... هنية:سبحان الله لينا كتحمشم ماعزيزش عليها تبان لشي حد ماكتعرفوش! هبة:وعلاش حنا برانيين عليها؟انا بنت خال مها عادي..؟ هنية:(كتسرط ريقها شافتو داخل عليهم مدرم عاقدهم عشرة لقضية ليوم ناشفة ماقدرش يگريسي على خاطرو) مصطفى: لواليدة كاين شي غدا(كيهضر وكيبقشش فگوامل لكوزينة..زاد هضر بغضب ملي ملقى مايتكال)اشهاد لخ**واش ماكينش مايتحنجر فهاد الخربة..الى ماگريسيت انا شي زبل ماكيناش لي يگريسي من غيرنا؟؟؟ هنية:(صرطات ريقها وحسات بلاحراج..نفخات فيه حتا عيات فلخر غرقها فحوايجها قدامهم..نطقات بصوت مرتافع) هنية:ولدي مصطفى..دخل سلم على بنت خالي دخل؟؟ مصطفى:(جر رجليه لعندهم مفاهم والو..كيفاش بنت خالها ؟ياك كانت محبوسة سنين هادي مؤبد.؟؟؟.سلم عليهم وشاف فلينا لي كانت مزال واقفة مكانها) مصطفى:(هضر بامر)طلعي لبيتك؟ لينا:(نصرفات بهدوء شديد تحت انظارهم المستغربة) هبة:(نفضات بالها من الشي لي شافت وسمعات ورجعت شافت فهنية وهضرات بهدوء ولباقة كبيرة) هبة: انا مغاديش ندخل معاكم فتفاصيل حياتي ...فين كنت؟وشنو شفت؟(كتشوف فيهم مركزين معاها )انا جيت نزور قبر مي وخويا..وغادي نخرج انا ومروى صدقة عليهم وعلى خالتي زوهرة..(سكتات شوية ورجعات نطقات)بغيتكم توجدو راسكم غدا انشاء الله غادي تكون صدقة كبيرة تليق بيهم..عيطو لعائلة والجيران واي حد كتعرفو.. وكلشي غادي نتكلفو بيه.. هنية:(شافت فيها بفضول ورجعات نطقات)الله يرحمهم ويوسع عليهم...ولكين الى عرضنا على الناس ولعائلة راه خاصنا نحرو جمل ههههه(بسخرية) هبة:معنداش مشكل(بهدوء شديد)غادي نهضرو مع تريتور يتكلف بكلشي والحاجة غادي نعطوها شي تفاصيل تكلف بيهم... اسماء:(بلهفة)موحشين الشواء ابنت خالي..ديروه لينا!!! هنية:(قرصاتها حتا غوتات ورجعت صرطاتها فخاطرها) هبة:(بسمة جانبية)لي بغيتي نديروه..(حلات صاكها وجبدات منو ظرف مداتو لهنية)هادي حاجة بسيطة..تعاونكم على زمان.. وبالنسبة لمصطفى غادي نشوف ليه شي خدمة هنا انشاء الله. هنية:(حلات ظرف وخرجو عينها جوج رزامي ديال زرقلاف وحدة تنطح وحده...صرطات ريقها وشافت فيها)واش هادشي ديالي؟ هبة:(ناضت من مكانها وهزات صاكها وحتا مروى وقفات)ااه حاجة بسيطة..غادي نمشيو دابا حتا لغدا ونتلاقاو.. هنية:(ترمات على ايديها تبوسهم)الله يكبر بيك..الله يخلي ليك صحيحتك.. الله يعطيك مانويتي فخاطرك....(عينيها كيشقشقو بسعادة...رجعات حلات الظرف وسداتو ممصدقاش الشي لي كتشوف) هبة:(جرات ايديها بزربة وهضرات بلباقة)الله يهديك ماشي بيناتنا..(لبسات صندالتها ونصارفات بهدوء ومروى وراها) (صندوق زجاجي طويل فوسط غرفة كيتسمع منها اصوات فحيح لافاعي من مسافة بعيدة..حط يديه على صندوق بطريقة مفرقة..وبقى متبع لعين لالوان لافاعي الجديدة لي وصلاتو من لگونغو..عينيه مراقبين تحركاتهم السريعة والتوائهم مع بعض كانو اربع افاعي نادرة فالوان مختلفة..وقف حداه كيشرح ليه فصيلة كل وحدة بوحدها... بيبرس:(ودنو كتسمع وعينيه مراقبين حركاتهم) شخص:(بطريقة جدية)غادي تبقى حركتهم سريعة لفترة حيت مزال ماتعودوش على لمكان الجديد.. بيبرس:(هز ليه راسو بالايجاب.بقا شحال كيشوف فحركتهم..حط يدو فوق الصندوق وبدا يحلو ببطء) الشخص:(هضر بسرعة وخوف)ماخاصكش تحل عليهم دابا كيكونو عيدائيين بزاااف !! بيبرس:(رمقو بنظرة غير مفهومة ورجع حل صندوق..حط يدو على نصها وجبدها بخفة وسط انظار الشخص الخائفة والمتوترة.. بدات تفركل بكامل جسمها وكتحاول دور لعندو تعضو ولكين مقدراتش كان متحكم فيها بشكل كلي...قابل وجها مع وجهو وبقا شحال كيشوف فيها ..كانت عيدائية بشكل كبير..ولكين شوية بشوية ولات كترخى وتخف من حركتها...دورها على عنقو وبقا شاد راسها بيد ونصها لاخر بيد..الشخص لي معاه تصدم من شي لي كيشوف..صرط ريقو وشافو تيردها لمكانها وسد عليها...بقا كيدور على باقي لافاعي لي عندو... الخدامة:(دخلات هازة تيلي فيدها وكلها كترعد خايفة...من نهار لي حطات رجليها فهاد لمزرعة وهيا حاضية جنابها لا يخرج ليها شي سبع ولا لفعة...هضرات بصوت خفيف) الخدامة: ميستر بيبرس بيبرس:(دار لعندها ببطء) الخدامة:مدام هبة كتتاصل بيك بيبرس:( شد من عندها تيلي وحطو على ودنو) بيبرس:لعمر!!! هبة: ولدي لاباس عليك بيبرس:لاباس لواليدة نتي لاباس لامور مزيانة؟ هبة:مزيانة الحمد لله..توحشتك علاش ماكتصونيش؟؟ بيبرس:غير لخدمة وصافي (بسرعة غير لموضوع)مزال مطولين؟ هبة:لا شي يومين وغادي نجيو.. بيبرس:انشاء الله.. نخليك دابا عندي شي خدمة(قطع وخلاها كتشوف فمروى..حافضة تصرفاتو... بارد بشكل كبير فتعاملو ماشي غير معاها مع كلشي هبة:(بأسى)شوفي تصرفاتو كيف دايرة(سكتات شحال ورجعت هضرات)دغيا قطع..مكلفش راسو يسول على اي حاجة ؟؟؟ مروى:(كطبطب عليها)الله يهديه...مايبقاش فيك الحال.. هبة:(كتهضر بحرقة)انا لي بغيت نفهم علاش؟؟؟علاش هو هكا؟؟! مروى: (بقات مدة ساكتة ورجعت نطقت)ضروري تزوجيه باقرب وقت!! الزواج كيبدل طباع الراجل يكون كيفما كان .. الزواج كيعلمهم المودة والرحمة ويخليه ينقص من لقصوحية لي فيه هبة:مكرهتش..نهار لكبير عندي يتزوج مروى:فاش نرجعو ضروري تهضري مع هولاكو وزربو عليه بشي تزويجة فاعلة تاركة هه هبة:(بسمة جانبية)انشاء الله...(شافت فيها)هاديك البنت شدني لفضول نشوفها ؟؟ مروى:شكون؟لينا؟؟؟ هبة: اه... كنحس بيها معدبة مع هنية وولدها؟ مروى:بانتلي عادي(بإستغراب)علاش شفتي شي حاجة؟؟؟ هبة:ماشتيش هنية خلاتها تخدم علينا وبناتها جالسين!!..ومبغاتناش نشوفو وجها.. وملي جا ولدها مخلهاش تجلس معانا !!! مروى:(كتشوف فيها وترجع سيناريو)عندك الصح..كاينة شي حاجة ماهياش هبة:داكشي لي بان ليا حتا انا مروى:حتا نمشو غدا ونهضرو معاها هبة:انشاء الله..انا غادي نعس..عييت هاد النهار مروى: واخا حبيبة طلعي رتاحي هبة:تصبحي بخير مروى:ونتي بخير (الحركة كانت كتيرة هاد النهار..قاعة كبيرة فيها 50 طابلة بلكراسى ديالها..محطوط فوق كل ميدة بلاطوات هموايين ديال الحلوى والمكسرات واغلى انواع التمور..بلاطوات صغار فيهم (بتي سواري) بلاطوات خاصيين بلعصائر..داكشي همواااي وعلى مستوى ...تقول شي عرس لشي شخصية كبيرة ماشي صدقة..ناس بداو يجو..صف خاص بنسا وصف خاص بالرجال..كلشي حال عينيه بصدمة كيشوفو هادشي لي جديد عليهم..كيشوفو بلهفة واستغراب هادشي غريب عليهم..كلها شد مكانو وجلس ولي جابت معاها شي ميكة خرجاتها تعمرها لولادها...لحاجة جايبة معاها لفقيه والطلبة لي غادي يقراو القران..جلسو فلمنصة.. وبداو بدعاء ولفقية بدا يقرا القران وكلشي كيسمع ليه بهدوء شديد...هبة ومروى جلسو كيسمعو لدعاء وعينيهم تجمعو فيهم دموعهم قراو الفاتحة وترحمو عليهم..ولي جا كيسلم عليهم ويطلب ليهم الله تكون صدقة مقبولة.. هنية:(خرجت لابسة قفطان فلبيج وبناتها حتا هوما تقول غاديين لعرس ماشي صدقة...دايرين مكياج خفيف ومصايبين الشعر..مسبقة بناتها قدامها.وهي تبعاهم..دخلو للقاعة وجلسو.. المرأة:(بإستغراب) اويلي شوفي هنية وبناتها!! المراة2: اويلي ستغفر الله شهاد الحالة.. تقول جاية لعرس! المرأة:هادشي كلو دايرتو على قبل بناتها..بغات سعدهم يتسگم ويشوفهم شي حد يخطبهم.. المرأة 2؛(بشماتة)هههه.ايوة الله يستر..مالقات فين تگعد سعدهم غير فالصدقة مروى:(كتشوف فهنية وبناتها بعدم فهم) هبة واش شفتي الشي لي شفت؟ هبة (بسمة جانبية)شفت...الله ينجيك من المشتاق الى داق مروى:اويلي ستغفر الله..شهاد الحالة لي دايرين هبة:(بعدم اهتمام..كتقلب بعينيها)مابانتش ليا لينا؟؟ مروى:(حتا هيا كتقلب بعينيها)اه مازال مانزلت يمكن!! هبة:(ناضت من مكانها)انا نمشي نشوفها فين(جرات رجليها برا لقاعة وخرجات في اتجاه دار هنية..طلعات عينيها لفوق شافتها كطل من الشرجم بنيقابها ولقطيط معاها..دقات عليها تفتح ولكين ماسمعتهاش...شافت فمصطفى واقف مع دراري..وعيطات ليه.. هبة:مصطفى مصطفى!! مصطفى (جا لعندها يجري)خاصك شي حاجة؟؟ هبة:حل ليا لباب!! مصطفى:علاش؟؟ هبة:بغيت ندخل لدار مصطفى:(بتردد كبير..حط يدو فجيبو وجبد ساروت حل ليها لباب وطلع تابعها) هبة:ياك لاباس؟؟ مصطفى:نعاونك الى كنتي بغيتي شي حاجة هبة:لا شكرا..بغيت ندخل لطواليط ممكن؟؟ مصطفى:اه واخا.(يلاه جا ينزل كيشوف مروى وراه) مروى:(بتوتر)بغيت ندخل لطواليط حتا انا..مزيرة مصطفى:(حدر راسو ونزل خلاهم وسد لباب) هبة:شكديري هنا؟؟ مروى:شنو زعمة تشوفيها بوحدك هبة:(بسمة جانبية) ايوة زيدي يلاه(جرو رجليهم لجزء العلوي وطلعو لجهة الصطاح..تحت صدمة واستغراب.. دجاج كيقاقي فواحد القنت.وريحتو عاطية..والبيت لي فيه لينا فالجنب لاخر..جرو رجليهم لجهة لبيت ودقو عليها... هبة:لينا...حلي لباب!! لينا:(من ورا الباب)شكون؟ هبة:انا هبة لينا:(بعد تردد حلات لباب وخرجات لعندهم كتشوف فيهم..نيقابها على وجها والخوف بادي عليها لايطلعو لعندها يسلخوها) مروى:علاش مانزلتيش؟ لينا:(كتشوف جنابها بخوف)عافاكم سيرو من هنا عافاكم هبة:علاش؟مالك خايفة؟ لينا:مانزلتش وصافي(بخوف)سيرو من هنا!! مؤوى:كيضربوك؟؟؟ لينا:(ختارت تسكت) هبة:حيدي نيقابك نشوفوك.!!.بغينا غير نتعرفو عليك..!! لينا:مانقدرش!!! مروى:معندكش مناش تخافي...غير زولي نيقابك نشوفوك ونهبطو لينا:علاش؟؟؟(بإستغراب) مروى:(بلهفة)انا بعدا لفضول لي فيا مهناني..بغيت نشوفك!!؟ هبة:(بسمة جانبية)وانا نظن من حقي نشوف بنت عمتي... لينا:(بعد تردد ختارت تزول نيقابها..بدات طلعو من على وجها بهدوء ..حادرة عينيها هاربة من نظارتهم...طلعات عويناتها فيهم وشافتهم سارحين فيها.. مروى:ماشاء الله...ماشاء الله والصلاة على النبي.. هبة:ماشاء الله الله يحفظك من لعين لينا:شكرا..(شافت جهة لباب)عافاكم سيرو دابا مابغيتش مشاكيل معاهم هبة:متخافيش ماغاديش يقدرو يديرو ليك شي حاجة مروى:(سارحة فيها)ماشاء الله (كتشوف فيعينهاا)عينيك غير عينين هبة ..طبق الاصل منهم هبة:سبحان الله كتشبهلي ليا.. لينا:(تبسمات بلطافة..سمعت شي صوت كيتقرقب...دغيا هبطات نبقابها وطلبت منهم ينزلو.. دخلات لبيت سدات عليها وخلاتهم ينزلو..هبطو ببطء مع دروج وتوجهو لجهة لباب شافوها طالعة سمية:ماما كتعيط ليكم ناس بغاو يمشو (هازة قفطانها فيدها..كتفاو يتبعوها بلما ينطقو بحتى حرف.. توجهو لقاعة وشدو مكانها وخاطرهم عامر بشلا حوايج مقادرينش يهضرو فيهم) (بعد مرور اسبوع) (لايام كيجرو..لي درتو ليوم تعاودو لغد ليه..هكا هيا الحياة..لواحد يطلب الصحة وراحة لباب واي حاجة اخرى ماكتهمش...واقفة فلكوزينة كطيب لغدا.. يديها خدامين وودنيها كيسمعو حديثهم...كيخلوها تشقى عليهم ليل نهار..ومع الصيف تمارا كتيرة كل نهار كيشرطو..نهار تخمل..نهار تحك جيكس..نهار تشتف على الكاشات وتحك زرابي..ونهار لمخير عندها هيا الى طلبو منها تسيق ودير ليهم شي شهيوة..كتقلي لفريت وبالها معاهم ومع ضحكهم..هيا منكدين عليها الحياة وهوما عايشينها... سمية:(كتحل لميكات وعينيها كيشقشقو بلفرحة) شوفي هادي غادي تجيني مع سروال دجينز اسماء:(هازة صندالة)هادي زوينة مع لقفطان لحمر غادي تجيني زوينة هنية:(حاطة رجليها فبانيو فيه لملح والحامض وكنشوف فيهم)أااح اميمتي رجليا..جمعو داكشي خلاص سمية: صبري امي نشوف هادشي لي شريتي لينا هنية:(بعصبية)راني هضرت معاكم جمعوه قبل ماجا يشد ليكم هادشي ويعطيه ليها اسماء:مي(كتجمع لحوايج فلميكات)علاش هبة مابقات هضرات على حساب خدمة مصطفى؟ هنية:(كتمسد رجليها)ومانعرف ليها ..نتسناوها تعيط(مع كملات هضرتها كيبان ليها تيلي كيصوني..جراتو لعندها وكتشوف رقم ديال برا ممسجلش عندها..حطاتو على ودنها وهضرات: هنية:ااالو هبة:سلام... هنية: وعليكم بالسلام..شكون معايا؟ هبة:معاك هبة!! هنية:(حطات يدها على تيلي وهضرات بصوت خفيف مع بناتها)بسم الله الرحمان الرحيم تقول جنية (تقاضات فكلستها ورجعت هضرات) مرحبا ابنت خالي.كيراك لاباس عليك؟ هبة:الحمد لله كلشي مزيان.. هنية:الحمد لله..الله يطول عمرك الغالية هبة:(بضجر)كنت غير بغيت نعلمك بلي غادي نهبط لعندكم لاسبوع الماجي انشاء الله هنية:(لفرحة فعينيها هادي ماتكون غير جاية على قبل خدمة مصطفى..او يمكن شي صدقة جديدة)مرحبا والف مرحبا..فأي وقت مرحبا بيك الحبيبة هبة:الله يكبر بيك..نخليك دابا هنية:الله يعاونك الحبيبة ديالي..تهلاي فراسك اسماء:(بلهفة غير حطات مها تيليفون وهي تهضر )غادي تجي تاني؟ هنية:(ابتسامة خفيفة)هادشي لي قالت.. سمية:(بفرحة)غادي تبرعنا فلوس تااااني!! هنية:ايوة مانعرف السبب لي جايبها لعندنا.. لاسبوع الجاي غادي تجي.. خاصنا نكبرو بيها ونديرو ليها شي عراضة هماوية..(صغرات عينيها)مخصناش نخسروها السيدة عندها خير ربي..خاصنا نتقربو منها ونكونو جنبها لعلى وعسى تشري لينا شي دار فشي حي راقي..وتخدم مصطفى شي خدمة تليق بيه.. اسماء:ااه امي عندك لحق..وتجيب لينا شي عريس انا وسمية سمية:(بلهفة)عندك لحق..(كتشوف فيهم)تخيلي امي تكون جاية تخطب من عندك ؟؟ هنية:(تقضات فلجلسة)شكون غادي تخطب؟؟ سمية:وراه امي نهار الصدقة سمعتها كتهضر مع مروى بلي خاصها تخطب لولدها بزربة قبل ماشاف لبنت شي حد.. هنية: شكون كتقصد؟(بفضول) سمية:ومانعرف..ولكين ملي قالت ليك غادي تهبط لعندنا يعني جاية تخطب وحدة فينا هنية:(ناضت من مكانها والفرحة مالية داتها)كتهضري بصح اسمية ؟واش سمعتيها مزيان ياااك؟؟ سمية:والله امي الى سمعتها كتهضر مع صاحبتها..وهادشي لي قالت ليها هنية:(جمعات حواجبها)ياك ماشفتها؟؟ اسماء:شكون لينا؟؟لا لا مستحيل ماخرجت من لبيت حتا سالا كلشي هنية:(ضرباتها بتزغريتة خارجة من أعماقها...فرحتها ماقدراش تخبيها فكرة انها تخطب من عندها فبحال الى ربحت فاليانصيب) (قبل اربع ايام) "واقفين قدام لوطو شادين لهضرة كيتسناو الطيارة تنزل... هولاكو:(تنهد)هاد لموضوع كنضل نفكر فيه ليل نهار..ماعارفاش شنو ندير!! لوكاس:(حط يدو على كتفو)ماتخممش كلشي غادي نلقاو ليه الحل هولاكو:(مركز عينيه على طائرة لي بدات تنزل)خاصو يخرج من هاد الطريق بأي طريقة وباسرع وقت لوكاس:(كيشوف باب طائرة كيتحل ومروى نازلة وهبه وراها )خلينا نسدو هاد لموضوع.. نهضرو فيه من بعد هولاكو:(جر رجليه لعندها..وقف عند دروج الطائرة الخاصة..سلم على مروى وشافها نازلة بشوية عليها ...وصلات لاخر درجة هزها حتا ترفعو رجليها ..بقا شحال هازها حطها وباسها على خدها.. هولاكو:(بعد زغبات غطاو وجها)توحشتك(حط شفاهو على ثغرها ومص رحيقها لي غاب عليه اسبوع هادي) هبة:(توردو حنيكاتها بحشمة ونزلات راسها)حشومة لوكاس ومروى هنا هولاكو:(دور راسو لجهة لوكاس كان عايش لحضة حتا هو مع مروى ممسوقينيش)شوفيهم..عايشين لحياة هبة:(تبسمت بحشمة وضرباتو ضربات خفاف على صدرو)حشومة.. هولاكو:(حط يدو على خصرها وجرها لعندو وجرو رجليهم لجهة لوطو..سلمات على لوكاس..وتوجهو لوطو ديال هولاكو بينما مروى مشات مع راجلها..) هبة:(حطات راسها عليه وخلاتو محاوطها بيد ويدو لوخرى كيسوق بيها..) هولاكو:كيدازت لامور كلشي مزيان؟؟ هبة:مزيانة رتاحيت فاش زرت قبرهم...(سكتت شوية ورجعت هضرات)كانت صدقة زوينة وكيفما تخيلتها هولاكو:ايوة الحمد لله احبيبة (باس راسها)لمهم عندي هو تكوني راضية ومرتاحة هبة:(حيدات راسها من عليه وطلبات منو يوقف فشي ريسطو الى ماطرطقت هاد رمانة لي فخاطرها غادي تنفاجر) إلين:(خارجة من لافاك كيتمايل يمين وشمال.. شعرها راميتو ورا ظهرها..وطالوها كيطرطق صوتو وراها..كلشي كيشوف فيها..عاطية لعين ومثيرة... لبسها ومكياجها وحالتها كتثير الانتباه وداكشي لي بغات حتا هيا..تخلي لعين عليها وكلشي يهضر عليها...شافتها واقفة مع شي بنات كتهضر معاهم... إلين:(بدلع)هاااااي بنااات(سلمات عليهم كلهم وخلاتها هيا واقفة وكأنها ماكيناش) سوزي:اووووه شحال كلاس...(شد بيدها ودورها)كتحمقي ماشيغي... إلين:(تبسمت) هادا من دوقك الزين ديالي..(رمات شعرها ورا ظهرها) لبنات راكم معروضين عندي هاد ليلة غادي ندير سهرة بسيطة نفوجو شوية سوزي:(مبنت) عيطي لرجال بغيت نضبر حتا انا!! إلين:هههههه مانقدرش الغزال ديالي..لحبيب ديالي كيغير سوزي:(وسط صدمتو وصدمة لبنات لي مكانوش متوقعين تصدمهم بهاد الخبر) كيفاش ؟؟واش نتي مع شي حد؟؟؟ إلين:(هزات راسها ليهم بلاجاب)ياااااس..وغادي تصدمو الى عرفتو شكون؟؟ سوزي:(كيشوف فيها يتسناها تنطق خلاص)شكون؟؟ واش من هنا؟؟ولد شكون ؟؟رجل اعمال ؟؟شي حد مشهور؟؟ إلين:(ضحكات على فضولو)ههههه كلشي فوقتو مزيان أحبي(رمات ليه قبلة فالهواء وشافت فيها بنص عين ومشات ) تمارا:(كتشوف فيها حتا غبرات دغيا تبدلات وتقلبات عليها حتا سلام جاها كتير ترميه ليها. شدها لفضول تعرف واش لي كتهضر عليه هو بيبرس اولا شي حد اخر؟؟؟.نفضات بالها من تفكير فيها وفؤمورها. ...حسن ليها تشري راحة بالها..توادعت مع لبنات ومشات تجري لونفي تلحق لحصة لي عندها) هبة:(كترشف من كاس لقهوة وتستطعم فيه بشوية عليها..عينيها مراقبين امواج لبحر..وبالها سارح بعيد... هولاكو:(حاط يدو على ذقنو سارح فيها ومراقب كمية لهدوء لي هيا فيه..حط يدو فوق يدها وخلاها تشوف فيه.. نطق بصوت هادئ: هولاكو:مالكي؟!واقعة شي حاجة!! هبة:(حطات كاسها وشافت فيه..تنهدات بأسى وطلقت لعنان لخاطرها يهضر ويعبر)سنين هادي وانا نتمنى نسمع بيبرس يهضر فشي حاجة عندها علاقة بزواج!!(سكتات شوية ورجعت نطقات)طبعو قاصي..بارد بزااف فتعاملو..انا مو لي ولدتو كيعاملني ببرود.. ماعرفتش علاش؟ربيناه احسن تربية تزاد فوسط مستقر ماديا ماتحرمش من اي حاجة..انا عارفة بلي ولدي فيه عشر رجال..ولكين علاش طبعو قاصي وتصرفاتو باردة مع كلشي؟!(مسحت دمعة من عينيها) هولاكو:(بقا شحال كيشوف فيها الشي لي كتحس هيا بيه حتا هو حاس بيه غير لفرق بيناتهم هيا قادرة تعبر وهو لا؟هو عارف السبب علاش وهيا لا؟كيغيدير يقول ليها ولدك رامي راسو فالحرام..هو الامر والناهي فاكبر مافيا كاينة ؟كيفاش غادي يشرح ليها بلي الطريق السابقة لي كانت عند باه داز ليه الأنسولين حتا هو ديالها وشد نفس الطريق..غمض عينيه بأسى ورجع حلهم) هبة:(مسحت دموعها ورجعت نطقت)داكشي علاش فكرت بلي ضروري نزوجوه..بغا بلخاطر بغا بزز..(سكتت شوية كتشد النفس ورجعت نطقات)الزواج كيغير طباع الرجال وانا ولدي ماغاديش نبقى نشوفو فهاد الحالة كتر من هكا..انا متاگدة الزواج غادي يغير فيه بزااف.ضروري نهضرو معاه فهاد الموضوع هولامو:(كيدور هضرتها فدماغو..هو من جانب هضرتها منطقية كون مازواج عمر هولاكو يخرج من هاديك الطريق ولكين من جانب آخر عمر ولدو يوافق على حاجة بزز منو ..جمع يديها لعندو وباسهم كيحاول يطمنها ويخفف عليها)واخا احبيبة ديالي لي بغيتي نديروه..لمهم عندي هو تكوني نتي مرتاحة هبة:(تبسمات براحة وشافت فيه)فاش نرجعو صوني ليه نفتحو معاه لموضوع..هادشي خاصو يدوز بزربة هولاكو؛واخا كوني هانية..ولكين شتك متحمسة بزااف(طلع حاجبو فيها)لقيتي ليه شي عروسة؟؟ هبة:(تبسمات ليه وقاضات جلستها ...دغيا فمهما حتا حاجة مكدوز عليه..هضرات بحماس كبير)كون تشوف شحال زوينة وكتحمق..عويناتها زرقين بحال عينيا سبحان الله كنتشابهو غير هيا زوينة كتر ..غادي يحماق عليها الى شافها انا متأكدة(بسمة حماس) هولاكو:(باس جبينها و خشاها فيه )مكاينة حتى وحدة زوينة عليك..نتي الجمال كلو هبة:(توردو حنيكاتها بخجل..ورجعات كتهضر عليها بحماس )لااااا هادي حاجة اخرى.. مؤدبة ومصوابة لهضرة بلحساب وضحكة بلحساب هبلاتني انا ومروى..انا متأكدة غادي تحمقو..لبنت مافيها مايتعاب... هولاكو:(تبسم فوق خاطرو وهو متمني من اعماق قلبو تكون هاد لبنت هيا حبل النجاة ليهم ولابنهم) (فوسط مسبح لڤيلا اضواء شاعلة وميدات طوال محطوط عليهم بلاطوات مملحات ومقبلات وعصائر واغلى انواع الشراب...بداو يدخلو لبنات لجريدة يسلمو عليها ويتوجهو المسبح...الديدجي محيح ماكاين غير الزدحة خدامة..لي وصلات كتزول حوايجها وتدخل لوسط المسبح..محيحين وعايشين حياتهم دخلات عليهم لابسة دوبياس فالحمر كلو خويطات مع صندالة طويلة وشعر مطلوق..كتبومبا بديك لمسعودة يمين وشمال..توريهم لاطاي ولكريشة لي ممسوحة..مطلعة حاجبها وضاربة عليهم الشخصية..لعيون عليها ولانظار من كل جانب شافتو جاي يكتلوى حتا هو فصندالة طالون ولمسكة والمكياج... سوزي:(كيبوسها من بعيد)الحب..كتحمقي بحال ديما إلين:(رمات شعرها ورا ظهرها)هه عارفة أحبي.. سوزي:(كيدور عينيه )شهاد شي كنشوف!!! غير لبنات فين الرجال ؟ إلين:(ضحكت من قلبها)وراه قلت ليك كاينين غير لبنات..دخل زول حوايجك ولبس ليك شي دوبياس ودخل لابيسين سوزي:(شنف بفمو)اممم اوكي إلين:(رجعت ترقص وكاسها فيدها كتمايل مع انغام لموسيقى وبالها مرفوع غير منتابهة لنظرات الشخص من بعيد لي كان كيغلي ماكرهش يخلطها فمكانها..لغضب عمى عينيه..لمنكر لي مدخلا ليهم لڤيلا غير ماكتزيد فيه..لبسها وحركاتها ورقصها جنو..خلا لقرودة يشطحو فوق راسو...جامع يدو قبضة وعاقد غوباشتو...وتوجه ناحيتها وهو فقمة لغضب.. إلين:(رافعة ايديها لفوق كترقص وتلوز يمين وشمال..محسات براسها حتا شافتو جارها من دراعها .. طاح كاسها من يدها وتهرس لعند رجليها..كلشي ضار لجهتهم.. سامي:(بغضب كبير)واش حماقيتي؟؟كديريها بلعاني!! إلين:(كتحاول تهضر بشوية وهيا فقمة لاحراج..تصرفو خلاها تغرق فحوايجها قدامهم.. هضرات بصوت خفيف)شنو كدير؟؟بغيتي تشوهني؟؟؟ سامي:وراه نتي لي باغية تشوهينا وتشوهي سمعتنا(دفعها حتا تزدحات على ركابيها ..زاج دخل رجليها ودم خارج منهم ...مكتحسش بلالم مقارنة بشوهة لي دار ليها قدام صحباتها...النار شعلات فيها.. كتسمعو غوت عليهم باعلى صوتو ..اول مرة تشوفو بهاد الحالة..كلشي خرج من لمسبح ولي عندو شي شرويطة هزها وخرج.. كيضحكو وشادين بيها ستون غدا تصبح اخبارها فلافاك كلها.. وقفات بهدوء وكلها كترعد دموعها على خدها ودم خارج من ركابها غوتات باعلى صوتها: إلين:كنكررررررهك...كنكرررررهك...ياربي تموت ونرتاح منك.....شفيتي فيا لعديان (كتبكي بشهقة) غدا خباري تطلى بيها روسيا كلها .. لوكاس:(داخل حاضن مروى وضحكتو على وجهو..كيشوفهم خارجين بخوف ونميمة خدامة بيناتهم..شاف فمرتو عرفو بلي واقعة شي حاجة..دخلو بسرعة للڤيلا وسمعو صوتها كتغوت..محس براسو حتا لقى راسو قدامهم: مروى:(بخوف شديد)اويلي مال رجليك؟شنو واقع؟ إلين:(ترمات فحظنو باها كتبكي)كنكرهو...هشوهني قدام لبنات خرجو كيضحكو عليا..(كتشهق) غادي نمشي من هنا مابقيتش غادي نجلس هنا ... لوكاس:(بدا كيتعصب سامي زاد فيه بزااف خانقها كتر من لقياس هضر معاه مامرة ماجوج يعطيها بتيساع وهو زايد فيه..طبطب عليها وطلب منها تطلع لبيت ترتاح حتا يطلع لعندها ويهضر معاها يلاه جات مروى تتبعها طلب منها تبقى : لوكاس:بقاي امروى بغيت نهضر معاكم (دخلو لوسط لڤيلا وتوجهو لصالة سامي مزال معصب من مظهرها وحالتها..صورتها مازال قدام عينيه غمض عينيه بغضب ورجع حلهم ملي سمعو نطق: لوكاس:من اليوم اسامي.إلين خط احمر..انا نربيها انا نغوت عليها انا نضربها ماشي نتا(هز صبعو لجيهتو كتهديد ورجع كمل)ملي انا مزال حي هيا تحت جناحي ملي نموت هاداك لوقت تقدر تهضر مروى:(حادرة راسها وساكتة ماعرفت شنو داير واش تجي من صف ولدها اولا من صفا راجلها وبنتها ختارت تسكت وماتكبرش لموضوع..سمعاتو هضر بطريقة جدية) لوكاس:إلين غادي تمشي تسكن فلقصر لعند بيبرس..غادي نكون مرتاح من جهتها تماك كتر من هنا سامي:(كيشوف فيه وسكت ملي لقرار جا منو ولهاد الدرجة مخليها على خاطرها ودير لي عجبها.هنا هز سلاح الاستسلام.. ناض من مكانو ونطق)واخا ماقلتي عيب الواليد... (رمى سوارت لكارد برا..وطلع بشوية عليه مع دريجات البوابة الامامية للقصر..حلات ليه الخدامة لباب..وهضرات بصوت هادئ: الخادمة:ميستر...كيتسناوك فصالة بيبرس:(حرك ليها راسو بالايجاب وجر رجليه لعندهم جالسين على اعصابهم كيتحراو وقت وصولو..) هبة:(ناضت من مكانها وتوجهات لعندو..دخلات فصدرو وحضناتو جمعها بين ايديه وباس ليها راسها.. بيبرس:الحمد لله على سلامتك انوارت لقصر(ابتسامة خفيفة) هبة:ترحب بيك الجنة اولدي(جراتو من ايدو ورجعت هضرات)جلس بغينا نهضرو معاك.. بيبرس:(توجه لكرسي جانبي وحط رجل على رجل بعدما تبادل نظرات رصاصية مع لاب ديالو لي كان جالس بهدوء بدون ماينطق حرف) هبة:(بتردد كبير ماعرفاش من فين غتبدا لموضوع....مرة مرة كدوز على عنقها وسط نظراتو لي كيحاول يعبرها ويعبر حركتها والشي لي كدل عليه..توترات وتخربقات كتحاول تجمع لكلمات وحتا لحروف لعلى وعسى تخرج بشي جملة مفيدة تصفي لخواطر...بمجرد ماكطلع فيه العين ترجع تهبطها..لهاد الدرجة لهيبة ديالو طاغية عليها؟؟.هيا.مو لي ولداتو وماقدراش تشد راحتها فالهضرة معاه...لعساك شي حد اخر... هولاكو:(مركز معاها ومع حركات ولدو ونظراتو ليها لي وتروها ..ختار انو ياخد زمام لامور ويرميها ليه مباشرة بدون مقدمات) هولاكو:بغيناك تتزوج!!هادا هو لموضوع لي بغينا نهضرو فيه هبة:(شافت فيه ورجعت شافت فولدها ساعة وهيا تخطط وتفصل وفلخر كلمة وحدة رماها هولاكو ختاسرات عليها شلا حوايج) هبة:(بتوتر)خاصك تزوج اولدي!!ماكان لاش تبقى كل مرة تأجل فهاد لموضوع..احسن حاجة هيا لواحد يدير بيت زوجية و يعيش لاستقرار..وراه دنيا دايرة على زواج ولوليدات..داكشي لاش فكرت انا وهولاكو(حطات يدها على يدو)نقتارحو عليك هاد لموضوع وبالنسبة لعروسة فأنا لقيت ليك لي تحن عليك وتحن عليها..وتلقى لي تحط عليها الرأس..لبنت مسرارة ومصوابة وظريفة بزااف وغادي تكون معاك فالمرة قبل لحلوة(بقات شحال ساكتة كنتسنى ردة فعلو كتشوفو مركز مع هضراتها وكلامها ومرة مرة كيرمق هولاكو بنظرات غير مفهومة) بيبرس:(عينيه عليهم ويدو كيدوزها على ليحتو بطريقة هادئة..هز حاجبو فيهم وناض من مكانو بهدوء شديد ..كلمة وحدة جمع بيها وطوا موضوع شد منهم ساعة) بيبرس: أي قرار تاخدتوه انا موافق عليه(رمى ليهم جوج كلمات ونصارف بهدوء ..خلاهم غير كيشوفو مصدومين كيفاش وافق بهاد البساطة؟؟مكلفش راسو يناقش ويحلل ويرفض ؟ هبة:(لفرحة خارجة من عينيها مامصدقاش الشي لي سمعات..شافت فيه وهضرت بإستغراب) هبة: ياك سمعتي لي سمعت!! هولاكو:(كيشوف فيها بالو سرحان) هبة:وااافق ههههه ولدي وااافق ههه غادي يتزوج...(شافت فيه بلهفة)غادي نزوجو ولدنا (ترمات فحضنو وهيا طايرة بلفرحة) هولاكو:(كيشوف فيها وماقادرش يهضر.. عارف بل متأكد بلي ولدو ماشي ساهل ليهم لهاد الدرجة لي يوافق على موضوع بحال هادا..!! اكيد فبالو شي حاجة!! دغيا رمى عينو جهتها ماشية جاية قدامو...كتهضر بلهفة.. هبة:(بكل حماس)خاصنا نهبطو لمغرب نديرو خطبة كبيرة ونركبو لخواتم..ونحددو ضريب صداق..(سكتت شوية وهضرات)خاصنا نشرو دهب ونصمم لمرات ولدي اجمل المجوهرات ..نكبرو بيها وبعايلتها..ونديرو عرس كبير فكازا...وعرس هنا فروسيا..(جلسات وكملات هضرتها)انا كنفكر نريزيرفي ليهم شي اوتيل سانك اتوال فلمالديف ومن تما يدوزو ايام فايطاليا سويسرا..انا متأكدة غادي تعجبها سويسرا زوينة بزاف هولاكو:(كيشوف فيها وفحماسها ولهفتها لزواجو... ماقدرش يفرح بحالها حيت عارف ولدو فين رامي راسو.. وعارف بلي هاد لموافقة لي وافق ماهيا الى شي مخطط دايرو فبالو لحاجة غير مفهومة) (حاطة وجها وسط لمخدة تبكي وتنوح..الشوهة لي دار لها ليوم تمنات الموت وماطيحش فهاد لموقف...كلشي غادي يهضر عليها غدا ويشد خبارها..لي بناتو سنين هدمو ليها فليلة وخلى فضيحتها ينطق بيها كل لسان..بنت" كونزالو "ضربها خوها وسط لمجمع..ولي ماشاف ماسمع غادي يوصلو لخبر على اقل من مهلو...صوت نحيبها كيستمع من اخر جناح.. تبكي وتشهق..حرر عليها العيشة وكرها فدنيا..جسدها كيطلع ويهبط مع كل شهقة بغات تحبس من لبكى ماقدراتش ..سمعات صوت دقات فلباب خفاف...رجع هضر بهدوء... لوكاس:بنتي حلي نهضر معاك(كيحاول يحل لباب) إلين:(ناضت من مكانها وجرات رجليها لعندو حالتها مجلخة رجليها سايلين بالدم..وجها مجلخ بلكحل..شعرها مخربق..حلات ليه لباب ودخلات تكمل بكاها..جلسات على حافة السرير ودموعها مابغاوش يحبسو... لوكاس:(كيدوز يدو على ظهرها)باراكا من لبكى طيبتي هادوك العينين إلين:(كتفات بصمت) لوكاس:شنو حبت خاطرك انا نديرو؟؟ إلين:(كتشهق)...بغيت نرتاح...عدبنيي... لوكاس:من خوفو عليك كيدير هكا!!شحال عندو منك!! إلين:(كتمسح دمعتها) مابقيتش قادرة نصبر ...غدا كلشي غادي يهضر عليا...شوهني لوكاس:(خشاها فحضنو )صافي ماتبكيش..(هز وجها بيدو)كنشوف من لاحسن تمشي من هنا..؟! إلين:(تقاضات فلجلسة بعدم فهم)مافهمتش؟ لوكاس:احسن حاجة تمشي لعند بيبرس.. غادي نكون مرتاح ومطمن عليك .. إلين:(عينيها كيشقشقو بلفرحة نطقت بعدم تصديق)يعني..صافي وافقتو نمشي؟؟ لوكاس:اااه...احسن تلقاي راحتك تماك ويرخف عليك سامي من هاد الضغظ لي هنا.. إلين:(ترمات عليه وهيا كلها سعادة.ياك كيقولو" رب ضارة نافعة" ايوة هادشي لي وقع لها.... تشوهات ولكين ملي نتيجة غادي تكون مع بيبرس فمستعدة تشوه الف خطرة) (الماء نازل مع الدروج وريحة جافيل كتعطعط..الحركة كتيرة هاد النهار فدار هنية...كلشي خدام..بناتها لي كانو مكيهزوش مخدة مشمرين على درعانهم ينقو من هنا ولهيه...لينا مخشية فلبيت كتصايب لحلوة ولقريشلات..وهنية وسمية كيسوسو سدادر ويفرشو..بينما اسماء ختارت تشطب وتسيق ..دخل هاز ميكات فيديه وحطهم فلكوزينة...هضر بصوت غليض: مصطفى: لواليدة شوفي هادشي واش هو لي بغيتي؟ هنية:(مسحات يديها فطابلية وجرات رجليها لعندو كتبقشش فلميكات وتشوف واشي داكشي هو لي طلبات.) مصطفى:(جر رجليه لريحة لحلوة لي كانت عاطية من لبيت مقومة وبنينة...رمقها بنظرة من بعيد كتطبع لعجينة وتحط فلاطة..زغبة طاحت على عينيها عصباتها ماقدراتش تحيدها..كتنفخ عليها تطلع وترجع تنزل..جناتها..جر رجليه لعندها وتحنى لمستواها...دوز يدو على شعرها ودورها على ودنها.. لينا:(رمقاتو بنظرة غير مفهومة ورجعات هبطات عينيها لشغلها...شافتو مد يدو ناحية لحلوة وهز وحدة كيتبنن فيها) مصطفى:(كيستطعم وعينيه عليها)امممم هادشي بنين... لينا:(كتافات انها تبقى منزلة عينيها ومتشوفش لجهتو) مصطفى:(رجع هضر وعينيه عليها)فخطبتك غادي نجيب احسن انواع الحلوة ..مايعزش عليا نشوف هاد ليدين يتكرفسو!! لينا:(كلامو صدمها دغيا طلعات فيه عينيها..السيد بدا يزعم ويرمي ليها لمعاني..هضرات بصوت خفيف مبعدة انظارها) عافاك خليني نقابل شغلي...مابغيت صداع!!(مع كملت كلامها شافتها واقفة على راسهم) هنية:(مابغاش تزيد تكشكش وينوض صداع مزال شغلها مسالتوش معاها..كتسنى غير تفوت زيارة هبة ليها وتشوف ليها شي شارف يغبرها من دارها هضرات بهدوء)كملتي؟؟ لينا:(ببرود)بقا ليا الفقاص؟؟ هنية:(حاطة يدها على جنبها وكتشوف فولدها ايدو فلحلوى وعينو فلينا)نوض اولدي جيب لبوطة؟؟ مصطفى:(ناض كيمدغ وخرج كيتبوطى قدامهم) هنية:(حابسة غضبها لداخل مخصهاش تبين سمها دابا حتا دوز هاد زيارة على خير هضرات بلغة أمرة)فاش تسالي جبدي صواني ولكيسان وطباسل من لفوقي...غسليهم ومسحيهم ...هادوك لمعان لي بقاو دوزي عليهم..ومتنسايش تنشري لحوايج ينشفو(رمات كلامها وخرجات مخلياها كتصرط ريقها بغضب.. بناتها مادرو ربع لي دارت ومخلياهم يرتاحو وهيا يد هنا ويد لهيه...كتمات غضبها وسكتات حنات راسها على لاطة وكملات خدمتها)`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
