<div class="separator" style="clear: both;"><a href="https://blogger.googleusercontent.com/img/b/R29vZ2xl/AVvXsEhuYSqU6-kVH5IXTyHrGL_j_QslMK2UhuFxXlGBygnGp6lV2XMLwNNkos4zo7v6NUysbjA9suogi-QhmB2p9vNC59ELNhaj8jfpMX98vK0VpjZUXT49-BIRtyYwFNRVMsZajUU0Aaj7g-o5xp2uQYU1uTs_LEbZg2HQOStdCE3w3pdgrDfQTzdsPL5TcS2S/s1200/1000126422.webp" style="display: block; padding: 1em 0px; text-align: center;"><img border="0" data-original-height="1200" data-original-width="800" height="640" src="https://blogger.googleusercontent.com/img/b/R29vZ2xl/AVvXsEhuYSqU6-kVH5IXTyHrGL_j_QslMK2UhuFxXlGBygnGp6lV2XMLwNNkos4zo7v6NUysbjA9suogi-QhmB2p9vNC59ELNhaj8jfpMX98vK0VpjZUXT49-BIRtyYwFNRVMsZajUU0Aaj7g-o5xp2uQYU1uTs_LEbZg2HQOStdCE3w3pdgrDfQTzdsPL5TcS2S/w427-h640-rw/1000126422.webp" title="الجزء 4 | قصة لابيدا نيكرا" width="427" /></a></div> <style> .formatted-text { text-align: center; font-weight: bold; white-space: pre-wrap; margin: 20px auto; } </style> <div class="formatted-text" id="content"></div> <div class="load-more-container" id="loadMoreContainer" style="display: none;"> <span class="load-more-text">تتمة البارت</span> <dotlottie-player autoplay="" background="transparent" class="load-more-lottie" loop="" speed="1" src="https://lottie.host/a66040b9-7050-4bc8-a7fa-0a2dda7d14f4/lmGBiC0wfW.lottie"> </dotlottie-player> </div> <script> const text = `شميسة بدات تطلع كتعلن عن بداية يوم جديد..حكات عينيها بطرف يدها وجرات تيلي لعندها ..كانت الساعة تشير الى 8:30صباحا..تكسلات بشوية عليها..زولات لغطى ..جرات رجليها للحمام ..وخدات دوش صباحي خفيف.. نشفات شعرها وجسمها..ودهنات جسدها بكريمها المعتاد..لبسات سروال دجينز مع بلوزة ستان..حطات بعض من المجوهرات البسيطة ولمسات خفيفة من لمكياج.. صندالة ميني طالون مع صاك فنفس لون..هزات تيلي ديالها ونزلات لطابق السفلي لعند مروى لي كتسناها... هبة:صباح الخير مروى:صباح النور..(كتشرب اتاي وتدهن الحرشة بلعسل) اممم ماقدرتش نتسناك ..غير شفت لحريشات شدوني لهوايش... هبة: ههه بصحتك احبيبة (جرات لكرسي وجلست مقابلة معاها..حطات قدمها حريشات مع زبدة والعسل وصبات ليها كاس اتاي منعنع بدات تفطر بهدوء..حتا كسرات مروى الصمت ) مروى:(صرطات لقمتها) لوكاس كل شوية كيصوني ليا...هاد رجال ماعرفتش علاش كيكونو هكا! هبة:(بسمة جانبية)الحب هاداك.. مروى:اه ماختلفناش ولكين كل دقيقة ..امتى غادي تجي.؟؟ ساليتو،؟؟...جي خلاص...وناااااااري... هبة:(ضحكة من قلبها)السيد موحشك شنو بغيتي كتر ... مروى:يرخف شوية راه كبرنا زعمة..بنتي عمرها 28 دابا ..كيعاملني بحال الى كانت عندي 18 عام هبة:(بسمة جانبية)عادي حتا نتي..هوما رجال كلهم هكا.. فاش كييغو من قلبهم كيضعفو.. مروى :راه مابقيناش ديال هادشي ..اه اهتم بيا ولكين ماشي يخنقني هكا..انا راه خاصني نزوج ولدي وشكون قال يمكن يتزاد ليا حفيد وانا راجلي كيعاملني بحال شي بنيتة صغيرة هبة (ضحكت من تفكيرها)ههه ايوة صافي غير يتزاد شي وليد عند سامي ويدير الجد لوكاس عقلو... مروى:(كتهضر بجدية)والله ماكرهت اهبة نزوج ولدي ونفرح بيه ونهز وليداتو..(شافت فيها)علاش نتي كارهة تزوجي بيبرس ؟؟ هبة:(تنهدت)نهار لكبير عندي يتزوج بيبرس..متمنية هاد نهار يجي دغيا..ولكين ولدي صعيب بزاااف..كنحس بيه قاصي..ماعرفتش فيه شي حاجة مضلمة..مشاعرو ماكيبينهاش..وهادشي ماخاصوش يكون بين راجل ومرأة. مروى:وراه لمراة هيا لي كتغير راجل.. شحال من واحد كان قاصح رجع التعامل ديالو لين.. نسيتي راجلك كيف كان؟؟(رشفات من كاسها وكملات كلامها)هضري معاه يتزوج خلاص لعمر كيجري .. هبة:شحال من مرة كنهضر معاه فهاد لموضوع...ماكيبغيش يتناقش فيه نهائيا..كيقولي ماكنفكرش فزواج..كيخليني نهضر بوحدي ويخرج... مروى:(صغرات بعينيها)اهيااتا.. هادشي ماشي طبيعي..اي راجل كيفكر فزواج وخصوصا فاش كيبغي يوصل تلاتين..ياك ما كاينة شي حاجة عندو ؟ هبة:(بخوف)كيفاش زعمة؟؟ مروى:وامنعرف..شي مشكل ماعارفينوش..شي وحدة سحرات ليه مايتزوجش..شي حاجة مخبيهاا عليكم ؟ هبة:(شدات فقلبها بخوف)شنو غادي يكون عندو.. عارفة شي حاجة ومخبياها عليا؟؟ مروى: اويلي اهبة من نيتك.. ماعارفة والو غير كنحط احتمالات وصافي..فاش نرجعو انشاء الله خاصنا نهضرو معاهم (كتهضر بلهفة) حتا سامي خاصو يجمع راسو ويخرج من حياة العزوبية .. هبة:(هزات راسها بالايجاب)عندك الحق.ضروري نهضر مع هولاكو يهضر معاه.. مروى:(رشفات من كاسها) يلاه نوضي نمشيو.. هبة:(ناضت من مكانها..رتبات نفسها بخفة هزات صاكها وتيلي ديالها وخرجو في اتجاه حيهم القديم.) (صوت رشاشة كيستمع من داخل الجناح الفندقي..حاط يديه على الحيط..مهود راسو لتحت..ومياه باردة نازلة مع اطراف جسدو...رفع راسو بهدوء..وطفا لما بصبع يدو..جر فوطة من جنبو...وخرج بثبات كينشف شعرو...نشف جسمو وشعرو... ولبس حوايجو بصمت...كيتسمع غير صوت رجليه فلارض..رمقت عينيه ميدة محطوط عليه فطورو الخاص..كتفى بشرب كاس ديال لقهوة السوداء يصحصح بيها.خصوصا بعدما دوز ليلة كارثية بامتياز....حط تيلي ديالو على ودنو بعدما سمع صوتو كيرن.. البنت:صباح الخير مستر .. بيبرس:(الصمت) البنت:.(صرطات لقمعة ونطقت بسرعة)ميستر طايرتك الخاصة جاهزة..لغيت مواعد ليوم..وصيفط لك لائحة بأسماء المشتركين فندوة ليوم..تبغي مني حاجة اخرى؟ بيبرس:(سمع ليها حتا كملات وقطع..هكا طبعو..راسو كيتبخ عليه خصوصا مع كثرة الهضرة..كيبغي الشخص يختاصر ليه دغيا..مايبقاش يطول ويعرض فالهضرة...رشف رشفة أخيرة من كاسو..وشد لاسونسير في اتجاه الطابق السفلي.. الكسندرا:(كتعض ظفار يديها..عارفة نهار كيغاادي يدوز.. بعدما رجعو ليها لبنات دغيا من عندو..وخصوصا فاش شافت حالتهم والخوف لمتملكهم...جات لاخبار بلي كيتسناها فالغرفة الخاصة..جرات رجليها لعندو بكل خوف كل خطوة كتحس بيها مسافة سنة..وصلات لعندو...كتشوف فيه واقف قدام نافدة زجاجية..كينفخ دخانو وعينيه كيتفحصو لوحة حائطية أمامو.. الكسندرا:(نطقات بصوت خفيف متغلب عليه الخوف)ص..صبا.. صباح الخير بيبرس:(بعد صمت مدة..رمى سيچارو تحت رجلو ودار لعندها بكامل جسدو...بهدوء شديد)كتعرفيني!!! الكسندرا:(صرطات ريقها)اااه... بيبرس:(بثبات)شنو قلت ليك لبارح؟ الكسندرا:(حسات براسها غادي تسخف ليه..قلبها كيضرب بزربة والخوف تملكها.. دغيا طاحو دموعها..ونزلات على ركابيها مغطية وجها بيدها..) سمحليا... ماعرفتش علاش دارو هكاك (كتبكي بشهقة) ..عطيتهم تعليمات كلها وشنو تبغي وشنو تكره....سمحليا نواعدك عمرها تصرا مرة أخرى .. بيبرس (غمض عينيه بغضب ورجع حلهم نطق بصوت غليض)نوضي!!! الكسندرا:(ناضت من مكانها كتمسح دموعها..حسات بفلوس ترمات على وجها ..غمضات عينيها وحدرات راسها..شافتو خارج من عندها زدح لباب بجهد وخلاها شادة قلبها..كترد النفس بزز..هادي دوزها ليها مرة أخرى ماتظمنش..تحنات على رجليها كتجمع لفلوس لي رمى بسرعة قبل مادخل لعندها شي حد..اكيد غادي ديرهم فجيبها اما لبنات غادي تغمق عليهم بجوج كلمات باش مرة أخرى يرضو لكليان.) (فوسط حي شعبي..متواجد عدد هائل من العوائل البسيطة مستقرة فبيوت فقيرة وسكن عشوائي..لي عندو شي زهر راه باني دار بطوب..ولي ماعندوش بانيها بلحديد ولقصب..نسا جالسين مجموعات شادين النميمة والتبرگيگ...لي مخرجة بزولتها قدامها ترضع ولدها...ولي قدامها طبسيل ديال لعدس تنقي وترمي...ولي شادة بين ايديها لبرة والخيط..كتنسج حبات العقيق والسفيفة ...دراري حتا هوما كانو مجموعات..صحاب لكيف بحدهم...صحاب لكالا بوحدهم... وصحاب الحبة الحمرا حتا هوما بوحدهم..كل خلية وعالمها..لاخدمة ولا صنعة..هادي حياتهم لفراغ ولحشيش والزطلة..والى كان شي واحد فايتهم بشي حاجة فاگيد الشفرة هيا راس مالو..براهش كيجرو ويلعبو منوضيين بلبالة فوسط لحي...ماكاين غير ولد ولوح.. سيارة بيضاء من نوع(رانج روڤر)كتلمع من بعيد..كتقدم بصعوبة وسط الحي لمحفر من كل جانب..كلشي وقف من مكانو..ماعرفو هادشي من فين خرج ليهم.. أول مرة فحياتهم تدخل لوطو من هاد النوع وبهاد الشكل للحي عندهم...كلشي خرج يتفرج..لي عندو شي حاجة خلاها وخرج يعرف..شكون؟وعلاش؟وديالمن؟ استغراب كبير كيبان على وجوهم.. دراري تابعين لوطو وتجمعات جقلة..شيفور مرة مرة كيكلاكصوني..عصبوه بكترتهم وجودهم قدامو مانعين عليه رؤية... مروى:(نطقت بأسى)مزاااال الجيران هوما هوما...لفضول فدمهم كيجري هبة:(بسمة جانبية)فنظرك غادي يعرفونا؟؟ مروى:مانظنش(رمقات باب دارهم هضرات بصوت خفيف)وقف هنا. هبة:(رفعات راسها كنحاول تشوف ماكيبانش ليها مزال لباب ديال دارهم) مروى:يلاه نهبطو. هبة:(حركات راسها بالايجاب.وشافت الشيفور كيجري حل ليها لباب وسط مجمع كبير من سكان ..كلشي كيسول..شكون هادو؟وشكيديرو هنا؟ومن فين خرجو؟..رفعات راسها لجهة مروى لي كانت كتشوف فباب دارهم مزال كما هو..ماتبدلات فيه حتا حاجة حتى من لونو مزال كيما هو..ازرق غامق مع صدأ كيبان فيه بشكل كبير..رمات عينيها لجهة دارهم..ورجع شريط حياتها من جديد..صرطات ريقها..غمضات عينيها ورجعات حلاتهم.. كتفكر فحياتها وكأنها لبارح..كان باب دارهم كيفصل مع دار مروى غير گراج صغير...كانو فنفس الصف السكني..جرات رجليها وشدات بيد مروى.. مروى:شنو نسبقو فداركم اولا دارنا؟ هبة:نمشو لعندكم حسن! مروى:اوكي(جرو رجليهم لعند دار مروى..بعد دقات عديدة تحل لباب) (بنت فعمر 15سنة.كتدي شوية من مروى.. كتشوف فيهم بإستغراب شديد..اول مرة تشوفهم نطقات بصوت هادئ) سارا:شكون نتوما؟ مروى:(مدات ليها ايديها كتسلم عليها)لاباس عليك؟ سارا:(بدلاتها السلام)الحمد لله..(كتشوف فلبشار وراهم كيطل بغاو يعرفو شنو علاقتهم بعائلة لويميني..هضرات بإستغراب)ماعرفتكمش شكون نتوما؟؟ مروى:هاد دار مزال ساكن فيها خالد لويميني؟ سارا:اه..هادي دارو..هاداك بابا مروى:نتي بنتو؟ سارا:اه بنتو..ونتي شكون؟ مروى:(كتشوف فيها وتتفحصها بدقة كتشبه ليها شوية..خصوصا فالعوينات ونغمة صوتها.. جاوبتها مع بسمة حماسية)انا مروى... بنت عمتك زوهرة. سارا:(خرجو عينيها بصدمة)واش نتي بنت عمتي..؟ مروى:اااه.. سارا:ولكين... ولكين بابا كان شحال هادي كيقول لينا بلي نتي توضرتي سنين هادي مابقاوش لقاوك... مروى:(شافت فهبة وحدرات عينيها..صرطات ريقها وسكتات اكيد ماغاديش يقول ليهم هو لي جرا عليها بعد موت مها.باش ياخد الدار ويسكن فيها...حسات بيها جراتها لعندها وحظناتها) سارا: (معنقاها وكتبوس فيها )الحمد لله ملي رجعتي ابنت عمتي.. دخلو ماتبقاوش واقفين(كتشوف فيا وجراتهم يدخلو..يلاه جات تطلع حتا حسات بشي حد جرها من دراعها) مروى:(دارت بجهامتها وعلامات لاستغراب على وجها...حطات عينيها فعينين الشخص لي جرها.. الحاجة:(عينيها مجموع فيهم دموع)هادي نتي امروى؟ مروى (كتشوف فهبة وترجع تشوف فلمراة بإستغراب)اه انا مروى شكون نتي؟ الحاجة:ماعرفتينيش؟ مروى:(حركات راسها بالنفي)لا.. الحاجة:(بسمة جانبية) انا الحاجة..الحاجة شامة..صاحبة زوهرة .. نسيتيني ؟ مروى:(بمجرد مانطاقت الحاجة باسمها..ترمات عليها مروى تبوس وتبكي..فكراتها فدكرياتها مع مها وليام الزوينة لي دوزو..باست ليها يدها وجبهتها..ونطقت بصوت باكي.) سمحيليا اخالتي...(رجعات ترمات عليها كتبوس فيهاو تسول عن حالها واحوالها..دارت لعند هبة وجراتها حداها هضرات بصوت حماسي)عرفتيها شكون؟ الحاجة:(بقات شحال كتشوف فيها هادوك العينين الزرق ماغريبينش عليها...نطقات بكل ثقة )بنت العربي... هبة؟؟ هبة:(تبسمات ليها وسلمات عليها حتا هيا ..باست ليها راسها) شخبارك الحاجة؟ الحاجة:الحمد لله ابنتي كلشي بخير...وملي شفناكم نشكروه ونحمدوه.. مروى:الله يكبر بيك اميميتي..(هضرات بصوت هادئ) حناا غادي نطلعو نسلمو على مالين الدار.. وقبل مانمشو بغينا نهضرو معاك الحاجة:انشاء الله ابنتي..الله يسر لامور مروى:(تبسمات ليها وجرات رجليها هي وهبة طالعين مع دروج تابعين سارا) الحاجة:(دارت لعند الجقلة لي وراها كلشي كيسول شكون هادو لي جاو؟وشكيديرو عندهم؟؟كلشي تجمع عليها وكيحوم فوق راسها..برزطها صوتهم وكتحس براسها كيطنطن عليها..جرات ولدها لكبير وهضرات فودنو ونصارفات بشوية عليها..تسمع صوتو كيهضر بصوت عالي .. رشيد:(بصوت عالي)سمعو الناس الحاضرة...والحاضر يعلم الغايب..غادي نجاوبكم بلسان الحاجة.(بعد صمت رجع هضر)..النسا لي دخلو لوسط الحي...منكم وفيكم...وحدة منهم هبة بنت العربي...ولوخرى مروى بنت زوهرة...(رمى كلامو وخلاهم واقفين مصدومين من الشي لي سمعو...) مروى:(كدور عينيها على كل قنت فدارهم كلشي هو هو ماتبدل والو من غير لفراش .. عينيها على كل قنت..كتسترجع دكريات طفولتها وايامها مع مها... تبعات سارا لي دخلاتهم لبيت لجلوس..لي كان مفرش بفراشهم القديم ماتغير فيه والو من غير لوحة قرآنية معلقة..جلسات بشوية عليها وحداها هبة فجنبها حتا هيا كتفكر هاد الدار لي حماتها من لعصى ديال لعربي شحال من مرة...دقائق قليلة ودخلات عليهم سارا..هازة صينية بكيسانها وبراد اتاي ونعناع والسكر...حطاتو وجابت قريشلات ودواز اتاي...وهضرات بصوت خفيف .. سارا:(كتكب فلكيسان)ماما كدوش دابا تخرج.. مروى:(هزات راسها بالايجاب ورجعت نطقات) وخالد ؟ سارا: بابا..مازال ماجا من سوق..معاه خويا حمد دابا يجو. مروى:(صرطات ريقها وسكتات.. كتشوف كل شبر فدارهم والحنين كيهزها ويحطها...توحشات مها وايامها معاها..حسات بشي حد دخل عليهم ...كانت خديجة مرات خالها... خديجة:(بإستغراب شديد.. ماعرفاش شكون هادو لي جالسين عندهم وسارا كضايفهم..نطقات بصوت خفيف) خديجة ؛السلام مروى:(ناضت من مكانها) وعليكم بالسلام.. سارا:(بلهفة)ماما عرفتي هادي شكون؟؟ خديجة:لا..غير سمحوليا والله ماعرفتكمش سارا:بنت عمتي زوهرة ... مروى.. وهادي بنت لعربي...هبة خديجة:(خرجو عينيها فيهم بصدمة..مامصدقاش الشي لي كتسمع..ياك قالو ليها توضرات ليهم وعتابروها في عداد المفقودين..شكادير دابا قدامهم؟؟) خديجة:(مخرجة عينيها)واش نتي مروى بنت زوهرة؟(على اثر هاد الكلمة دخلو عليهم مصدومين من الشي لي نطقات بيه خديجة) (شاحنات سوداء طويلة..دايرين صف وحدة ورا وحدة..عليهم حرف N ..كيدخلو على اقل من مهلهم المستودع... اشخاص هازين سلاح كيراقبو عملية دخول الشاحنات للمستودع... شخص1:(هاز كلاش فيدو وكيهضر فسماعة لاصقة فودنو)(بالألمانية)راقبو الجهة الخلفية للمستودع؟؟شخص2:(حط يدو على سماعتو مركز معاه) الجهة الخلفية آمنة.. شخص1:(حرك راسو بالايجاب وجر رجليه لعندهم) كلشي امن نبداو عملية لانزال. بيبرس:(كيصوط دخان وعينيه فكل قنت.عطاهم لموافقة وبداو فعملية لانزال.. مكاين غير صناديق لكبار عامرين بسلاح..عزل وتخير..حاجة هاربة ومديراش فسوق.!!ماداروش معاه الشراكة حتا عرفو علاش؟ السيد عارف شنو كيدير.شاد الميدان بيديه ورجليه.. جامع عندو احسن الشركات العالمية فصنع لأسلحة.عارف الشي لي كيدير مزيان.السيد لي عاقد معاه شراكة شاد طابليط فيدو..كيماركي اي حاجة دخلات عندهم فسطوك..ساعة وهوما كيعزلو ويحسبو..ماجاو يوصلو لاخر صندوق.حتا شافوه كيحرك يدو بتوقف..كلشي سكت والحركة توقفات..طلق ودنيه.. وحرك الدكاء وسرعة البديهة لي عندو...تقدم ببطىء شديد...ورمى عينيه لجهة الخلفية للمستودع.احساسو فمحلو..وحتا خبرتو ماخانتوش..بسرعة البرق جر سلاحو لي كان ورا ظهرو..ودارو بيه رجالو...كيتسمع غير اصوات القرطاس..عطى إشارة لڤيكتور..يحمي الشريك لالماني..وداكشي لي دار..هبطو تحت احد الشاحنات.. ووقف قدامو كيحميه ..كيشوفهم كتار هاجمين من كل جانب.. خاصهم يفشلو عملية تسليم ويشدو بتارهم منو..ولكين مع شكون؟؟مع واحد حالف فيهم لاخرج واحد منهم حي..لجثث مشتة ودمايات بحال شي ضايات..حسو براسهم دارو اكبر خطة غبية..ماجاو فين يجمعو افكارهم حتا شافو جهدهم كلو مات.. بيبرس:(حط سلاحو فاش شافهم هازين يديهم مستسلمين جوج لي بقاو من اصل 20 واحد..جروهم رجالو لعندو..وعطاهم إشارة يدوهم حتا يسالي ليهم...جر رجليه بشوية عليه كيطمئن على شريك لالماني..لقاه مخبي تحت لوطو بحال شي فار صغير..عطاه يدو وعاونو باش يخرج..كيمسح لعرق من جبينو وقلبو غادي يسكت اول مرة يحضر لشي حاجة بحال هكا..هضر ببرود) كملو لحساب وصيفطو مجموعة لحماية مع شريك فيگتور: واخا (كيشوف الدم خارج ليه من دراعو)شي رصاصة جديدة هادي!!(شار ليه براسو لجهة دراعو) بيبرس:(عاد سرات معاه بلي تصاوب ..شاف فدراعو بعدم اهتمام وجر رجليه لعند رجالو عطاهم لاوامر يجمعو لجثث وينقو لمستودع..وتوجه لعند اخر ضحيتين بقاو) (هازة ايديها لسما كترقص وتمايل مع اصوات لموسيقى..شادة كاس فيدها ومنادمجة مع عالمها الخاص..صوت عالي فلبواط وكلشي عايش السعادة..حسات بيها جراتها.. تمارا:(كتهضر فودنها بصوت عالي)صافي باراكا خلينا نمشيو إلين:(ضحكت من قلبها ورجعت غوتات بحماس مع لموسيقى) تمارا:(رجعات جراتها من جديد)عااافاك يلاه نمشيو... إلين:(بعدم اهتمام)من شنو خايفة ؟ تمارا:(حكات عنقها بخوف...معرفاش واش تصارحها بلي وصلات لخبار لسامي بلا قصد منها اولا تسكت..بقات شحال ورجعت نطقات فودنها)عافاك يالله نمشيو قبل مايجي؟؟ إلين:(بإستغراب)شكون؟؟ تمارا:(صرطات ريقها وخرجاتها من فمها)س...سامي إلين:(خرجو عينيها فيها بصدمة ماجات فين تستفسر حتا شافتو جارها من دراعها خارج بيها من وسط الناس لي كلها فعالمو لخاص..عينيه نقطة حمرة وعروق جبينو بارزة..كيحس براسو غادي يعجنها ويخليها كفتة بين ايديه..تمارا كتجري وراهم تبعاهم كتحس بخوف شديد.رماها فلوطو... وشاف فتمارا كتشوف فيه بخوف.. نطق بصوت مزلزل حسات براسها غادي طلقها فحوايجها.. سامي:طلعيييي(ماجا فين يكمل كلامو حتا شافها طلعات لور..شدات مكانها وصقلات) إلين:(كتبكي وتخنصص)واش نتا تصطيتي.... شوهتيني... سامي:سكتي الله يحرق جد بوك الكلب..(اول مرة فحياتها كتسمعو يسب خرجو عينيها فيه بصدمة)بقاوليك غير ليبواط دخلي ليهم..ماعندكش لي يحكم فيك.. إلين :واش سوقك فيا ..ندير لي بغيت ... سامي:(ضرب يدو مع فلون)حتا نموت وديري لي عجبك..مدامني حي والله لاعشتيها كيف بغيتيها تمارا:(كتحس بالدموع مجمعين فعينيها كلشي بسبابها ماعرفت شنو تقدم وشنو توخر..يلاه جات تهضر شافتها ضارت لعندها عينيها مجلخين بلمسكارا ودموع مهودين مع عينيها .. الين:كلشي بسبابك..نتي سباب(مخرجة فيها عينيها وكتهضر بكل غضب) تمارا:(بدات تبكي حتا هيا بلما تحس) بلا قصد مني..ماقصدتش إلين:(غوتات عليها حتى ترفعات من مكانها)سكتتييي...انا لي حمارة مخرجة معايا برهوشة بنت لبارح..سر مك غير تقعدي بوحدك بلاصحابات..ولكين دنب دنبي درت راسي فيك البرهوشة...مزال مكتعرفي حتا تمسحي خر**عطيتك قيمة وخليتك جنبي ماتستاهليش..ولكين انا انا(كضرب لصدرها بصبعها) انا لي نستاهل..وحدة بحالك خلاوها والديها عايشة بوحدها تستاهل تبقى بوحدها حياتها كلها..!!! تمارا:(صرطات ريقها ورمقاتها بنظرة حزن كبيرة حسات بلحگرةوقلة الحيلة..هيا ماقصدات والو..بمجرد ماشافت سميتو كيصوني على ختو مرات فمرات وهيا ممسوقاش كتشطح جاوبات بحسن نية..ولكين مكانتش متوقعة بلي لامور غادي توصل لهنا..ولي جرحها كتر هو هضرت إلين لي قلات منها وجرحتها قدام الشخص لي كتبغي..مسحت دمعة نازلة من عينيها وهضرات بصوت باكي.. تمارا؛عافاك وقف هنا!! سامي(عاقدهم عشرة.متسوقش ليها) تمارا:(رجعات هضرات من جديد) عااافاك..بغيت نهبط هنا إلين:(هضرات بصوت عالي)وقف خلي زبالة تهبط علينا سامي:(خنزر فيها حتا جمدات فمكانها..حط عينو فلمرايا وجاوبها بغضب..)ماغاديش نوقف حتا توصلي لباب دارك.(عفط على لوطو وطار بيها لدارهم.) مروى:(ناضت من مكانها فاش شافت حالو..كان جالس على كرسي متحرك ولدو احمد سايق بيه..جرات رجليها لعندو وهيا مصدومة من لوضع لي ولا فيه...) خالد:(هضر بصوت مخارج الحروف غير مفهومة)م..مر...مروى مروى:(هزات ليه راسها بالايجاب وطاحو دموع عينيها بلا هواها فهاد اللحظة نسات كلشي وقعات ليها معاه..الماضي كلو رماتو وراها..ترمات فحظنو طالقة العنان لدموعها ..كتشم فيه ريحة مها زوهرة لي ماتت وخلاتها ليه امانة وهو معطلهاش رماها وسكن فدارها..ناضت من مكانها ومسحت دموعها... سلمات على حمد وعلى خديجة وحتى هبة سلمات عليهم معارفينش شنو يقولو وشنو يخلو... كسر صمت صوت حمد... حمد:الحمد لله على سلامتكم..متوقعناش نشوفوكم على قيد الحياة من بعد هاد سنين كلها هبة:(بسمة جانبية)الله يسلمك اخويا..المكاتيب رجعاتنا.(سكتات شحال ورجعت نطقات).قررنا نزورو واليدينا لي شفناهم ونخرجو صدقة عليهم..ونصلو رحم عائلتنا... خديجة:احسن مادرتو..مرحبا بيكم دار داركم مروى:(بعدما تهدنات ومسحات دموعها رجعت نطقات)انا جيت نطل عليكم وعلى احوالكم..توحشت دار مي وجيت نزورها ونخرج صدقة. خالد:(باغي يهضر ولكين ماقدرش فمو عواج ليه و حتا يديه نفس الشي) سارا:(جلسات حداه)بابا مالك..شنو بغيتي تقول؟ مروى:(بفضول شديد)شنو وقع ليه حتى ولا هكا ؟ خديجة:(بأسى)شي 4 سنين هادي وقعات ليه كسيدة تقاص ليه سلسول وتبوشاو ليه شي عروق هبة:مسكين الله يشفيه مروى:(بقا فيها حالو.واخا لي شافت منو.فكيبقى خالها..ناضت من مكانها وجرات حمد..هضرات معاه..وعطاتو ظرف عامر بالفلوس..وتافقات معاه ضبر ليه على شي خدمة يصوفي راسو بلما يبقى كل نهار جار كروسة ديال سردين ومعدب معاه باه..وتكلفات حتا بقراية سارا..واي مصاريف علاجية لخالد...وحتى خديجة مانساتهاش..عطاتها حتا هيا مبلغ معتبر تشري بيه دهب تخبي فيه فلوسها... حلو عينيهم من شي لي شافو وسمعو..مصباح علاء الدين ومادارش هادشي..كيفاش!! وبحلاش !!مافهموش..ربي مرة وحدة عطاهم اكتر ملي كانو كيتمناو..مروى بالنسبة ليهم بحال شي عفريت سحري جا حقق ليهم احلامهم وغادي يرجع لمكانو...تفاهمات مع خديجة وحمد يوجدو راسهم لصدقة لي غادي تكون كبيرة وتعليق بمقام مها وعائلة هبة..سلمات عليهم..وخرجو في اتجاه منزل هبة لي كان فاصل بينهم غير گاراج صغير. لينا:(حانية راسها على طبسيل ديال زنجلان كتنقي فيه..ميشو حداها كيتمحكك عليها.وهيا مرة مرة كضحك ليه..هدوء عجيب هاد النهار..كلشي صاقل هنية وبناتها جالسين فلبيت كيتفرجو فمسلسل ..مصطفى خرج يجيب تقدية..ولينا عطاوها تنقي ليهم قوام لحلوة.. حانية راسها على طبسيلها ومركزة معاه..سمعات اصوات فالزنقة ودراري صغار كيصفرو..فضولها رماها تعرف شنو واقع..يلاه جات تنوض من مكانها.شافت هنية وبناتها كيتسابقو على الشرجم يطلو يعرفو شواقع..جلسات مكانها ورجعات لطبسيلها تنقيه... اسماء:(مزاحمة مع ختها على الشرجم كلها كطل نوبتها..كيشوفو قوة لبشر فزنقة ولبراهش تابعين شي لوطو بيضة. سمية:وصافي بعدي خليني نشوف؟(كدفعها) اسماء:وصبري نعرف شهاد طوموبيل لي عندنا!!! سمية:وعافاك بعدي خليني نشوف حتا انا..(غوتات ربي لي خلقها فاش حسات بلحمة تجرات من فخدها..سمعات صوت ختها حتا هيا كتبكي وتحك ففخدها) سمية:(كتشهق) حرام عليك امي..علاش قرصتينا؟ هنية:(مكشكشة)بعدو الله يغبر لبوكم شقف..مزاحمين على تقبة..وانا شنو(دفعاتهم بيدها حتى ترماو..وطلات من شرجم تشوف شهاد الشي لي واقع.. كتحاول تفهم وتعرف شنو كاين.. شافتهم دخلو لدار زوهرة..بفضول شديد معارفاش شكون هادو صحابات لألبة لي جايين لعند دار لويميني..دغيا خرجها ولد الحاجة من افكارها..فاش سمعاتو نطق بسميتهم..قلبها كيضرب بزربة.. وعينيها خرجو..واش الشي لي كتسمعو حقيقة ولا كتخايل..كيفاش مروى بنت زوهرة وهبة بنت لعربي رجعو!!...شدات فقلبها وجلسات وبناتها جالسين حداها.. سمية:مي مالك؟؟ اسماء:(كتشوفها مخرجة عينيها مصدومة)وااامي مالك!! هنية:(افكارها تخربقو ماعرفاش واش تصدق الشي سمعات..ياك كانت محبوسة مؤبد فحبس طنجة.؟ياك هيا لي قتلات خالها العربي!!شنو كدير هنا.مافيقها من سهوتهاا غير صوت دقات فلباب.... إلين:(دخلات لڤيلا كتجري كلها مجلخة ودموعها سابقينها..) لوكاس:(كان جالس كيتفرج فصالة متبع لاخبار ...رمى عينو ناحيتها داخلة كتبكي ناض من مكانو مخلوع...)إلين شنو واقع ؟؟ إلين:(ترمات لعندو تجري ودخلات فحضنو تبكي وتقول مابكيت) سامي:(دخل مدرم عليهم عاقدهم عشرة.. توجه لناحيتهم وشار بصبعو باتجاه لاب ديالو)بنتك ربييها اولا انا نربيها؟؟ لوكاس:(بعدم فهم )شواقع؟؟ إلبن:مابقيتش بغيت نبقى هنا (كتبكي بشهقة) حرر عليا لعيشة..اي حاجة عندو ممنوع.. كيتحكم فيا بحال شي بنت صغيرة وأنا كبر منو لوكاس: فهموني شواقع ؟؟ سامي:(بغضب شديد)لقيتها فبواط كتشطح..واش ترضاها لهاد العائلة تكون بنتهم سهرانة ومقصرة فلكباريهات؟؟؟؟ إلين:علاش شنو درت؟؟جالسة مع صاحبتي كنفوجو بحالنا بحال الناس كلها... علاش نتا معقد ومريض فمخك وبغيتي تعقدني معاك (دموعها على خدها ماقدراش تخليهم) سامي: لواليد سمعتيها شكتقول(بغضب) بحالا ماديرة والو ؟؟ لوكاس:(خنزر فيه )بنتي تحت جناحي انا لي نغوت عليها ونفرض عليها شنو دير وشنو ماديريش..زدتي فيه بهاد لحكام.اااه هيا ختك تخاف عليها ولكين ماتنساش هيا كبر منك..ومن ليوم ماعندك سلطة عليها. سامي:(لقرودة كيشطحو فوق راسو..خنزر فيهم ونطق بغضب)ماقلتي عيب...(جر رجليه لجهة لباب وزدحو بجهد وخرج) إلين:(عرفات بلي هادي هيا فرصتها..وتفرض على باباها الشي باغية.. بدات تبكي وتخنصص..وهو حاضنهانها فحضنو وجارها معاه لجهة الصالون ..بقات شحال جالسة بصمت وحاطة راسها على صدرو..جلسات مقادة وهضرات.. إلين:(كتمسح دموعها)مابقيتش بغيت نجلس هنا الى بقيت معاه غادي يخرج فيا شي مرض نفسي!! لوكاس:(كيطبطب عليها)غير كيخاف عليك داكشي لاش كيدير هكا إلين:انا ماشي صغيرة ابابا..(كتمسح دموعها بطرف يدها)راه فعمري 28 سنة عارفة شنو كندير.. لوكاس:(رجعها لحضنو ورجع هضر)صافي احبيبة..من ليوم مبقى غادي يهضر معاك إلين:(بقات شحال ساكتة ورجعات هضرات)نتا وماما غادي ترجعو لالمانيا..وغادي يبقى معايا هنا.. اكيد غادي يحرر عليا لعيشة لوكاس:ايوة صافي ابنتي قلت ليك مبقاش غادي يهضر معاك إلين:وابابا واش ماكتعرفش سامي!!!..نتا معانا وشوف شنو كيدير فيا..الى مشيتي اكيد غادي يمرضني فحياتي ويبقى مقابلني. لوكاس:وشنو المعمول ؟؟؟ الين:(كتلعب بصباع يديها وكتشوف لتحت)خليني نمشي لعند لقصر...اصلا طاتي هبة قالت لي بيبرس ماكيكونش اغلب لوقت تماك..ودادا حورية غادي تجي من العمرة...معندكش مناش تخاف ابابا..بيبرس راه خويا وانا ختو واش نسيتي راه كبرنا مجموعين..وهو اصلا ماشي من الرجال لي يطمعو فحاجة بالتخبية..راك عارفة ربيتيه على يديك لوكاس:(بقا شحال سارح فهضرتها كلامها كلو منطقي والشي لي قالت كاين هو رباه على ايديه وعارف طينتو من رجال..وأصلا طبيعة لخدمة لمشبوهة لي عندو فاغلب لوقت ماكيكونش فلقصر كل مرة فدولة..وأصلا بنتو الى كانت تحت جناح بيبرس فغادي يكون مهني ومرتاح عليه كتر ملي تكون مع خوها...لحراسة على طول لقصر وفاش غادي تجي إلين فهو غادي يزيد لحراس لي يحموها من أي حاجة ممكن توقع ليها..وهادشي حاجة مستبعدة ملي وسط دارو فماكينش لي يقدر يقرب ليها...هز ليها راسو بالايجاب وهضر باقتناع شديد..) لوكاس:فاش ترجع هبة ومروى غادي نهضرو مجموعين فهاد لموضوع إلين:(حسات بسعادة نسبية على الاقل بدا يغير رأي ومباقا ليها والو تسكن معاه تحت سقف واحد) (خبطات خفاف كيتسمعو فلباب..بقات شحال سارحة.. وطلبت من سمية تمشي تفتح خرجت لعند لينا لي مزال على وضعها... هنية:(بلغة امر)هبطي نيقابك..وماتخرجيش الى ماعيطتش ليك! لينا:(هبطات على وجها نقابها وشدات ميشو بين ايديها متفادية الصداع ولمشاكيل..) سمية:(هبطات كتجري مع دروج تحل ليهم..بقات شحال كتفحص هاد النسا لي اول مرة تشوفهم..كطلع فيهم من صباع رجليهم حتا لراسهم..حالة فمها وساهية فلحطة والاكسسوارات لفخمة لي فيديهم وعنقهم..ماكاين غير لالماس والدهب..سمعات صوتها نطقات.. هبة:(بهدوء)سلام... سمية:وعليكم بالسلام هنية:(تسمع صوتها من بعيد)طلعيهم اسمية!!! هبة:(شافت فمروى وجرو رجليهم تابعين سمية لي سبقاتهم فدروج..كدور عينيه فدار لي كبرات فيها وعاشت فيها لويلات..شحال من حاجة تبدلات ومبقاتش كيما كانت..باينة فيهم هرسو لبيت ديالها وجمعوه مع صالون صغير..بيت ماماها حولوه لبيت نعاس ديال لبنات..طواليط بدلو مكانو..كلشي تبدل مابقاش كيف كان..رمات عينيها لجهة لكوزينة...هيا الوحيدة لي بقات كيما كانت..وهاد لكوزينة طاحت فيها الروح..روح باها لعربي لي قتلاتو بيديها ..صرطات ريقها ودخلات ورا سمية لي دخلات لبيت لجلاس صغير..هنية جالسة كتسناهم كلها مخربقة..بنت خالها قدامها..لبنت لي قتلات باها داخلة لعندها لوسط دارها فضولها قالتها تعرف شكادير هنا..كان خاصها تكون فلحبس ابد الحياة..ياك عطاوها مؤبد كيف دارت حتا خرجات ؟؟كتشوف فزينها ولباسها واناقتها وفصالتها وهيا كلها استغراب.. السيدة باينة فيها بوكو حبة..غير الخاتم لي فصبعها يعطيك العربون..صرطات ريقها..وشافتها جلسات هي ومروى وعينيهم كيدورو فكل حاجة محيطة بيهم..كسرات عليهم حبل تفكير وهضرات... هنية:مرحبا ابنت العربي..نهار كبير هادا (بسخرية) هبة:(عرفات قصدها)ترحب بيك الجنة ابنت عمتي.. هنية:ايوة كيدرتي حتا خرجتي من الحبس ابنت خالي..كون عرفنا كون مشينا عندك. هبة:(صرطات ريقها ونطقات)قصة طويلة..ماكان لاش تعرفيها؟ هنية:(حسات بسخونية طالعة معاها)ايوة حنا غير قلنا زعمة نمشيو نرحبو بيك وصافي..(بفضول)عطاوك العفو الملكي؟؟ هبة:(راسها كيتبخ ماعندهاش مع لفضول ولاستفسار فشي حوايج ماكتعنيش بنادم..غيرات لموضوع وشافت فبناتها لي كانو كيبرگو فيها وفمروى) سمية:(مخشية فختها وكتهضر بشوية)شوفي لمك على صيكان هازين.. اسماء:واااايه..باينة ماركة... سمية:علاش غادي يلبسوا لمدرح هوما غير لخواتم لي دايرين يشرو دوار بناسو... اسماء:هاداك صاك لي هازة الى ماخفت نكدب.(كليفين كلاين) سمية:(شافت فيها بسخرية)كليفين كلاين..زعمة واتقة من راسك بلي عارفاه...ماسميتوش كليفين كلاين.. اسماء:وشنو سميتو؟؟ سمية:(بكل ثقة)كلوفين كلاين..(ماجات فين تكمل هضرتها حتى سمعتها كتهضر عليهم) هبة:(كتشوف فيهم)هادو بناتك؟؟؟ هنية:اه..توام..هادي اسماء وهاديك سمية (كتشير عليه بيدها) هبة:(تبسمات ليهم ورجعات سولاتها) ومصطفى فين ؟كنعقل عليه صغيور بزااف هنية:غير هنا ساكن معانا.. هبة: وراجلك؟ هنية:مات شي 4 سنين دابا.. راجل الدار دابا هو مصطفى هبة:الله يرحمو..مصطفى خدام فشي حاجة ؟ هنية:(بكل فخر تقادات فلجلسة وبدات تنفخ فيه)ولدي اي حاجة يعرف ليها.. ميكانيك. تريسيان.بلومبي.سيكيرتي...كلشي خدم فيه وعندو خبرة ..ولدي سيد رجال هو لي موقف هاد لعائلة على رجليها.. هبة:تبارك الله.. ودابا فاش خدام هنية:(صرطات ريقها وتخربقات..شنو زعمة تقوليها كيكريسي عباد الله ويوكلها ويوكل بناتها من الشفرة مجاتش)دابا...دابا موقفين لخدمة..حط ضوسي ديالو فواحد الشركة وكيتسناهم يعيطو ليه.. هبة:(بسمة جانبية عرفاتها كتكدب..دغيا خرجات من حبل افكارها فاش سمعاتها كتعيط ليها) هنية:ليناااا...جيبي الضيافة لينا:(دخلات عليهم كلها مغطية حتا من عينيها مكيبانوش...هازة صينية اتاي والحلوى وداخلة حادرة راس وسط انظارهم) هبة:(كتشوف فمروى ومروى كتشوف فيها مستغربين من هاد المنقبة لي دخلات عليهم بهاد لباس...مامعاهم رجال غير نسا بيناتهم علاش مخبيينها وسط هاد الخيمار وجلايلها كيتجرو وراها...حطات ليهم ضيافة ونصارفات) هبة:(بفضول كبير)شكون هادي؟؟ اسماء:(نقزات تجاوبها)هاديك بنت خالتي فاطنة!! هنية:(دارت لعند اسماء كتحلف عليها بعينيها) هبة:كيفاش؟؟ فاطنة تزوجات.. هادي بنتها!! هنية:(مرضاتش تقول ليهم ختها ولدات بلا زواج حتا بابات لبنت مامعروفش 18 سنة هادي...هضرات بصوت خفيف)اه بنت فاطنة.. هبة:وفين هيا فاطنة؟؟؟ هنية: ماتت فاش كانت كتولدها... مروى: سميتها لينا؟! هنية:اااه....لينا مروى:لينا.... لينا (بدات تعيط ليها بصوت عالي) لينا:(دخلات لعندهم من جديد حانية راسها..ماعرفاش شنو دير سمعتها كتنطق بوضوح تام) مروى:زولي هاداك النقاب نشوفوك!!!!!`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; } </script>
