.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `(مييدة طويلة وعريضة فوقها مالذ وطاب من لمأكولات لمغربية لبساطل على نوعين وشلايط رويال الدجاج المحمر وشعرية سفة وجنب لاخر فيها انواع الديسيرات ولحلا...هبة كتبغي ماكلة بلدها دوزات عامين كتقلب على شي شيف مغربي فروسيا يكون يتقن ماكلة بلادها واخا لقات شيف جورج لي هو فلاصل لبناني ولكين عندو دراية كبيرة بطبخ لمغربي وحتا لعالمي.. لخدامة:لالة لغدا واجد هبة:واخا...(شارت بيدها)ايوة تفضلو الين:طاتي نتسناو بيبرس يجي(على اثر هاد لكلمة دخل عليهم طولو سابقو وبتسامة خفيفة على جنب فمو برزت غمازتو لخفيفة...شافتو داخل مشات لعندو تجري وترمات فحظنو..عصراتو بين ايديها وهو محاوطها بيديه وكيدوز على ظهرها بيدو.. بيبرس:لفريزة توحشناك.... الين:(رفعات راسها فيه)حتا انا توحشتك وبزاااف!!! مروى:(شنفات بفمها)وانا زعمة شنو ديكور هنا ؟؟ بيبرس:( جر رجليه لعندها وسلم عليها باس ليها جبهتها ونطق)حاشا واش نخلوك نتي راك تاج راسنا.. هبة:ايوة زيدو تمعشقو قدامي بلا حشمة بلا حيا!! الين: (رجعات تخشات تحت دراعو محاوطة صدرو بيديها كنحس بعضلات بطنو تحت ايديها فرحتها خارجة من عينيها وقلبها كيضرب فستين)متغيريش اطاتي راه 8 شهور مشفناهش مروى:شنو زعمة تخشاي غير بوحدك حيدي خلي ليا ولدي توحشتو(تخشات ليه فجنبو لاخر وبيبرس كيضحك على غيرة ماماه وتصرفات مروى والين..قلبوها ضحك وتوجهو لميدة لغدا..كيهضرو ويتعاودو والين عينيها متبعين كل حركة وكل شبر وكل تفصيلة فبيبرس جاذيبينو طاغية وسامتو وطولو وكتافو لعراض اكتر مايجذب فيه.. الين:(نطقات بصوت محلون)بيبرس فراسك غادي نكمل دكتوراه هنا!! بيبرس:.الله يوفق (هكا طبعو كلمة وحدة كيخسرها بينما الين تبسمات على جنب فكرة انها تكون جنبو عندها بالدنيا ومافيها..) هبة:(حطات لفورشيطة من بين ايديها وجهات كلامها لالين ) الين.... ملي لوكاس ومروى ماغاديش يجلسو هنا فروسيا وانا وهولاكو غادي نمشيو لامريكا جي جلسي هنا مع بيبرس وحتا سامي يجي يجلس هنا.. جلسو كلكم مجموعين بينما جات دادا حورية من لعمرة... الين:(عينيها كيشقشقو بلفرحة بحالا ربي عطاها فرصة عمرها تخيلتها غادي تصرا يلاه جات مروى تهضر باعتراض سبقاتها الين)الله يكبر بيك اطاتي...صراحة انا مكنبغيش نبقى بوحدي سامي مع لخدمة مغاديش نشوفو غير مرة فشحال وكل مرة فين مسافر فإلى كان بيبرس موافق طبعا فأنا موافقة نجلس هنا مروى:حتا نهضر مع لوكاس وسامي ونشوف راي ديالهم!! بيبرس:مرحبا بيك فأي وقت(قال كلامو ومسح جنب فمو وستاذن منهم..هز تيلي ديالو وسوارتو وخرج وخلاهم كيهضرو) هبة:ايوة قوليها ليهم والين بنتنا وحدة منا مروى:عارفة لكاين اهبة..غير هو راك عارفة بيبرس ماعندوش مع لبشر بزاف وهاد لمشيشية (شافت فبنتها)غادي تبقى تبرزط ليه راسو بكترة لهضرة هبة:ماتقوليش هكا علاش بيبرس يلاه غادي يعرف الين هاديك راه ختو فنفس عمرو وكبرو وترباو مع بعضهم..وبغيتها نيت تونس دادا حورية بينما جات.. هبة:عارفة لكاين اهبة ولدي بيبرس غادي يحطها فوسط عينيه ومغاديش نخمم من جهتها ولكين ضروري نهضر مع باها وخوها وحتا سامي ناخد راي ديالو واخا عارفاه ماغاديش يبغي يجلس فمكان غير مكانو طبعو راك عارفاه هبة:(حطات ايديها على ايد مروى)تشاوري مع راجلك ولدك والين مرحبا بيها فأي وقت هي بنتنا والى مهزاتها هاد لعين تهزها لوخرا الين:(كتسمع لحوار لي كيدوز قدامها وفرحتها كبيرة قلبها غادي يخرج من مكانو عينيها كيبريو بسعادة..اخر حاجة كانت تتوقعها هي تكون معاه تحت سقف واحد.. حبها لكبير لبيبرس مخلياه فقلبها معندهاش لجرأة تقولو لشي حد..من جهة كتقول مغاديش يشوفني من غير اخت بنسبة ليه ومن جهة أخرى كتقنع راسها بلي تعاملو معاها وحنيتو عليها وحنانو ورأفتو عليها ماشي حنية اخ لاخت..ملي الناس كلها كيعاملها بقصوة وهي لا يعني اكيد كيحس بشي حاجة من ناحيتها..اصلا شكون سماها لفريزة من غيرو ...تبسمت على جنب وشافت فهبة ونطقت)الله يكبر بيك اخالتي عارفة معزتي عندكم فلقلب(باست ليها يدها وكملات ماكلتها) لينا:(مكوانية فوق ناموسية وجامعة رجليها لعندها..كرهات هاد لعشية لي عايشاها معاهم..ياما صبرات وميكات وتحدات ولكين ماقضا فيهم والو..كرهم ليها عما ليهم لعين كيتسناو غير السبة عليها..شنو دنبها الى تولدات من رجل غير معروف عاشت فوسط بعيد كل لبعد عن لحنان..فاطنة توفات فليلة لي كانت كتولدها فيها خلاتها تقاصي مع خالتها هنية..لي مقدراتش تحافظ على وصية ختها قبل ماتموت..لي لقاتو لينا من عند هنية وبناتها خلاها تكره شي حاجة سميتها عائلة..كيرشو سمهم عليها لوقت لي بغاو لولى مصطفى لي كيوقف ليهم بحال شوكة فلحلق..كون راه شحال هادي خرجو فيها عاهة مستديمة..وهاهو حتا هو مشارك فهاد لفعلة..مادارت لا بيديها ولا بسنيها..لقات راسها مضلومة وممسوسة فشرفها وشكون يرضى يشك فشرفو. وتتهان كرامتو..حسات بساروت فوسط لباب..رفعات راسها تشوف شكون لي داخل عندها لقاتو داخل وايديه عامرين بلميكات... سمية واسماء وراه كيبحلقو فشي لي جايب..مافزعهم غير صوتو... مصطفى:تقو** شوفو شغلكم لاش تابعيني؟(هضر بعصبية عليهم حتا غبرو من قدامو..وطلعو لعند هنية فسطاح يعلموها بلخبار) مصطفى:(جر رجليه لعندها وجلس فجنب لفراش) سمحيلي الينا صدقت كلامهم وكدبتك.. لينا:(كتفات انها تشوف فيه وترجع تخشي وجها فوق رجليها متحاشيتو تماما) مصطفى:(رجع هضر باسى)نتي عارفة معزتك عندي قداش..وعارفة بلي نفدي بروحي على قبلك.. وضربة تجيا فيا ماتجي فيك..مسحيها فوجهي ابنت خالتي.. وهاد ليد لي ضرباتك بربي حتا نحرق زام** بوها مرة اخرى الى تمدات عليك لينا:(كتفات انها ترفع راسها وتشوف فيه نطقات بصوت شبه مسموع)حتا نتا وليتي بحالهم؟ مصطفى:(باسى)عمرني نكون بحالهم..نحطك فوق راسي الينا.ونتي عارفة لكاين..الغضب عما عينيا..شمتوني ..نواعدك عمرها تسرا مرة أخرى(جر لعندها لميكات وهضر)هاكي شوفي جبتليك داكشي لي يعجبك..وفلعشية نديك لبحر تفوجي شنو قلتي لينا:(تبسمات على جنب وجرات لميكات عندها..هو لوحيد لي كيحن فيها..عارفاه كيبغيها ويموت على تراب رجليها لولى هنية لي كل مرة مخرجة ليه بزولتها وتحلف بحلوفها لا تزوجها ولا كانت ليه..وهادشي كلو ماكيهمها.. واخا مصطفى قاصح وشمكار وشفار من لفوق ولكين على لاقل كتشوف فيه لمنقذ ديالها وكيعوضها على شوية لحنان لمفتاقداه فحياتها..هو سندها فلحياة..وظهر لي تسند عليه وسط هاد لعيشة لمضلمة لي عايشاها... لينا:(هزات تشيبس وحلاتو كتاكل منو وتعطي لمصطفى حتا هو ياكل..كيشوف فيها. ويبحلق فالزين لي عطاها سيدي ربي..عوينات زرق متوسطين لحجم..رميشات طوال يطلعو وينزلو مع كل رمشة كترمشها...نيف مقاد وفيم صغيور ومطيبز تتشهى غير تجر فيه..شفتها سفلية مقسومة بخط رقيق..وهادشي صفة كتميزها هي ومماها خلا شكل شفاها مغري..وخصوصا مع ديك شامة لي عندها تحت شفة مباشرة غير مازادتها اغراء على اغراء...رفع مصطفى عينو فشعرها كيتفحص كل شبر فيها...خصلات عسلية كثيفة وطويلة كيعصبها فاش ينزل على عينيها كتنفخ على خصلات شعرها باش يرجعو لبلاصتهم تبسم فاش شافها فداك لوضع خايفة لاتوسخ شعرها بشيبس لي تاكل..هبط عينيه لعنقها لي كان طويل وممشوق لبيضوة لي فيه تغريك من مسافة بعيدة صرط ريقو وغمض عينيه..الى امتى غادي يبقى صابر..لبنت غادي طير من بين ايديه..الى مامشات ليوم تمشي غدا..هيا ديالو بوحدو..وخاصو يزرب يضمها ليه قبل لايجي لي ياخدها ليه..حس بيها واقفة عليهم رفع راسو فيها وشافها مكشكشة) هبة:(واقفة قدام لباب كتودع ضيوفها)ماتغبريش عليا امروى بقاي طلي مروى:وانا نقدر نغبر عليكم هاد الشهر غادي نطلع فراسكم الآلة ههه هبة:مرحبا بيكم فاي وقت.. انا غادي نهضر مع هولاكو على حساب السفر لمغريب وغادي نحاول نأجل لخدمة ديالي حتا نرجعو مروى:واخا الله يسر..المهم سيمانة الجاية نكونو واجدات هبة:انشاء الله (كتبوسها)سلمي ليا على سامي ولوكاس وتهلاي ليا فراسك مروى:مبلغ حتا نتي تهلاي ليا فراسك..نتشاوفو من بعد هبة:انشاء الله (كتشير بيدها ليهم )بسلامة(رجعت دخلات وطلعات لبيتها ترتاح..بدلات حوايجها ولبست بيجامتها وبقات مقابلة شي ملفات فلبيسي وكتهضر مع سكرتيرة ديالها تأجل ليها شي لقاءات وتلغي ليها مواعيد... بقات مركزة مع شغلها حتا حسات بيه حضنها..تبسمات على جنب وباستو.. هبة: توحشتك تعطلتي بزاف..!! هولاكو:عارف... نعوضوها مرة أخرى هبة:كنت بغيت ناكلو مجموعين حتا من لوكاس ماجاش! هولاكو:(تنهد باسى)كان معايا!! هبة:(شافت فيه بتركيز)واقعة شي حاجة؟ هولاكو:مواقع والو..انا ندخل ندوش (دخل لحمام وخلاها مراقباه عارفها حسات بيه ماشي على طبيعتو..كيغايدير حتا يقول ليها ولدك لوحيد رئيس مافيا.؟؟.تبع خطوات باه السابقة ولا محتاكر سوق الأوروبية..كيغايدير يعلمها بلي وريثها باني إمبراطورة خاصة بيه فكل ماهو ممنوع وحرام ..هاد طريق هبة عارفاها مزيان وعارفة شنو شافت فيها وشنو قاصات ياما خطفوها من بين ايديه ياما هدوها بيه ياما كانت غادي تموت شحال من مرة بسبب طريق من اختيارو...مابغيش لماضي يرجع يتكرر ويحرمو من اغلى حاجة كيملك مرتو ولدو لي بسببهم هولاكو خرج من هاديك طريق وبعد منها...وقف تحت رشاشة ولما بارد مهود مع ظهرو لممشوق غير مبالي ببرودتو كيحاول يطفئ النار الشاعلة فقلبو...غمض عينيه ورجع حلهم وخرج لعندها داير عليه فوطة فنصو تحتاني عضلاتو كيتهزو ويتحطو وشعرو كيقطر مشات لعندو تجري وشدات لفوطة بين ايديه وبدات تنشف ليه شعرو... هبة:عمري واش مأكد ماواقع والو(كتهضر وايديها فشعرو كتنشف ليه) هولاكو:(جمع وجها بين ايديه وباسها فجبهتها)غير رتاحي مواقع والو غير ستريس لخدمة وصافي هبة:(تبسمات على جنب ورجعت هضرات)اه بغيت نقولك واحد لخبار؟ هولاكو:(مركز معاها) هبة:لاسبوع الجاي غادي نهبط انا ومروى لمغريب هولاكو:ياك لاباس؟ هبة:غير بغيت نمشي نخرج صدقة على ميمتي وخويا وحتا مروى بغات تمشي تزور قبر مها وتعرف شنو وقع لعايلتها..(جلست فوق الصوفا لي فجنب وشبكات ايديها)كيما كتعرف الشي لي شفناها انا ومروى ماشي قليل..فقررنا نرجعو لاصلنا ونزورو لي دفناهم ونسيناهم(نزلت دمعة من عينها بلما تحس...صبعو كيدوز على خدها وكيمسح دمعتها وخشاها تحت دراعو) هولاكو:احسن مادرتو ..(شاف فيها)بغيتي نمشي معاك؟ هبة:لا ماشي ضروري عارفاك عندك خدمة بزاف ...وأصلا غادي نبقاو غير شي ايام ونرجعو هولاكو:واخا حبيبتي (باس ليها راسها ورجع خشاها تحت دراعو مزير عليها)غير ماطوليش لجلسة تماك.. هبة:وانا نقدر...!!! هولاكو:(كيشوف فيها بشهوة) عرفتي شنو مشهي مورا هاد الدوش هبة:(فهمات قصدو)للاسف خالتك جات(حابسة ضحكة بزز) خولاكو:ماشي مشكيل نعديو بلكاين..(يلاه جا يتلاح عليها شافها هربات ليه كضحك... تبعها وصوت ضحكاتهم مسموعة من اخر غرفة......) هنية:(حاطة يدها على جنبها ومعلية حاجبها)مزيان تبارك الله..كوزينة مك مافيها لي يتحنجر ونتا بارك على سقاطة شاريها لبنت لكلب مصطفى:(ناض من مكانو) لواليدة خلي ديلمي مهدن...مزال مانسيت الشي لي درتيه هنية:تقادو لكتاف اولد كرشي مزيان تبارك الله..(شافت فلينا)ونتي ابنت لحرام..مابغاش تحشمي ..ماعند لكلبة تاع بوك لمراگات..شايفة لكوزينة مافيها ريحة دغمة وجالسة تشرطي عليه يجيب ليك سقاطة... لينا:انا ماقلت لحد يجيب ليا شي حاجة (ناضت من مكانها صاعرة واخا لي يدرو فيها لينا لسانها سابقها ومكتبقاش فيها ) هنية:اشوفي ابنت فاطنة راه والله وماتحشمي على عرضك يحتا نعاود جد بوك لكلب ترابي من جديد لينا:لي فجهدك ديريه وشتي هاد سقاطة(جرات لميكات عندها)ديالي..ومن حقي..وجابهم ليا سيد رجال مصطفى(كتهضر وتقلي ليها سم قصدات تورك ليها على لوتر لحساس عارفة بلي ولدها مزعوط فيها وقصدات تجبد فسميتو قدامو...خلاتها تاكل جنابها مصطفى واقف حداهم ممصدقش الشي لي كيسمع سميتو خارجة من فمها سمنة على عسل وهاديك سيد الرجال لي نطقات بيها خلاتو يحس براسو شي حاجة قدامها..) هنية:(حسات براسها غادي تخلطها يلاه رفعات ايدها لجهتها قاصدة تصرفقها ماحسات غير بيدو سابقاها وشدها) مصطفى:عمرك الواليدة تفكري ديريها .. هنية:(مخرجة عينيها فيه)اويلي شنو واقع ليك؟اويلي اوليدي باش سحراتك؟واش تسطيتي.... مصطفى:(صرخ باعلى صوتو)لوااااليدة اخر مرة تمدي يدك عليها نتي وبناتك...ونقسم بالله ويوقع عكس هادشي نخلي ليك الدار وبلي فيها... هنية:(ترمات عليه)لا اوليدي لا انوارت داري الا هادي عمرك تنطق بيها..راك عوينة وحدي لعندي(بدات تبكي وتخنن)عمرك تفكر تمشي وتخليني وتخلي خواتاتك نتا راجل الدار لمن غادي تخلينا الى مشيتي(كتبي بشهقة) مصطفى:بغيتيني نبقى..لينا عطوها بتساع...!! هنية:(شافت فيها عاقداهم عشرة حطها فموقف عمرها توقعات تتحط فيه...لينا شافت فيها وتبسمت على جنب بحال كتقول ليها عرفت منين نحكمك أهنية هزات لميكات معاها وبدات تعيط لمش ديالها لي جا يجري هزاتو بين ايديها وطلعات لبيتها لفوق سطح حاسة بقليل من لانتصار) "لايام كيجرو بسرعة غريبة... شهر ولا نهار ونهار ولا ساعة.. والى رزقك ربي بصحة فهادي اكبر نعمة يعطيها ليك ... عينيها مراقبين لخدامة لي كتجمع ليها حوايجها فلباليزة مشاعرها مخلطين معرفاش واش تحس بالفرحة بعد هاد سنين غادي تزور قبر مها وخوها اولا تحس بعذاب الماضي لي داز عليها ...دغيا نفضات بالها من افكارها وتوجهت لحمام تاخد دوش خفيف بينما لخدامة ايديها خدامين فالحوايج كتجمعهم..دقائق قليلة وخرجات لعندها هبة:هبطيهم لوطو انا شوية وننزل لخدامة:واخا الآلة(جرات لباليزة وراها وخرجات بينما هبة بدات تنشف جسمها من قطرات لما دهنات لحمها بكريم مرطب بنكهة لياسمين وبدات تلبس حوايجها وتحط لمسات خفيفة من لمكياج هزات صاكها وتيلي ديالها وتأكدات من باسبور ديالها ووتائق سفر..وخرجت في اتجاه الطابق السفلي..لمحاتو واقف كيهضر فتيلي هبطات على أقل من مهلها وابتسامة خفيفة على فمها حس بيها هابطة ورجع بجهامتو ناحيتها قطع الاتصال وجر رجليه لعندها مد يدو ليها وباسها.. هولاكو:(كيهضر على مهل)صافي غادي تخليني وتمشي! هبة: (شنفات بفمها)مغاديش نبقى بزااف اسبوع ونجي هولاكو:(خشاها تحت من دراعو وتم غادي بيها باتجاه لباب)اسبوع غادي يدوز عندي بحال شهر..ماتعطليش عليا هبة:(حدرات راسها بخجل من يومها وهيا هكا خجلها لحاجة لوحيدة لي مقدرتش تبدل فيها حسات بيه طلع دقنها بيدو وحط شفايفو على ثغرها صغير كيمص شوقو منها غمضات عويناتها وستسلمات ليه ماخرجهم من لحظة رومانسية لي عايشينها غير صوت لوطو ديال مروى لي بدا شيفور كيكلاكوصني عليهم..حلات عويناتها بخجل ودارت لعند مروى لي بدات تشير بيدها باش يمشو) هبة:تعطلت غادي نمشي.. هولاكو:تهلاي ليا فراسك..ماتعطليش عليا هبة:(تبسمات ليه وباستو على خدو..جرات رجليها لعند مروى لي هبطات الجاج لوطو مروى:تعطلنا اهبة يلااااااه هبة:صافي هاني واجدة سبقيني لمطار وانا نتبعك مروى:علاش!!!!زيدي نمشو فلوطو وحدة. هبة:واخا (شارت لشيفور براسها يهز لباليزة من طومبيلات ويحطها فلوطو مروى وركبات حداها في اتجاه لمطار) هنية:(رابطة راسها بزيف ومحاوطة جوانبو بالحامض كاتندب وتضرب ففخادها)اويلي وعدي.... اويلي اسيدي ربي ولدي تقلب عليا.. امي اجي تشوفي بنتك هنية ولي جرا ليها..على اخر ايامها بنت زنقة تخطف ليها ولدها...اسيدي ربي انا شنو درت تجازيني هكا..عوينة وحدة عندي غادي يطير من بين ايديا بسبابها...(هزات يديها لسما وبدات تدعي)ياربي انا مزاوگة فيك الى ما غبرها من هاد دار ياربي راني طلبتك ورغبتك تعطيها شي غبارة مانشوفش خليقت جدها قدامي....(رجعات تندب وتضرب ففخادها وبناتها حداها) اسماء:ياربي امين...الله يتقبلك دعائك امي(بقات شحال ساكتة ورجعت نطقات)....مي هاد خيتي الى بغينا نتهناو منها عندنا حل واحد !! هنية:(دارت لعندها بإستغراب شادها الفضول تعرف شنو هو هاد الحل لي غادي يهنيها من هاد لمصيبة) اسماء:نزوجوها بشي شارف بلا عرس بلا غنى يهزها من هنا ونتهناو من صداع.. سميةء:ياااااه على افكار مصدية بحالك وهاحنا زوجناها خوك ماغاديش يعرف؟وكيغانديرو حتا نخرجوها بلا علمو!وشكون هادا لي غادي يتزوج بيها؟؟؟ اسماء:وعلاش هادشي صعيب... بنت لحرام لي شافها بغاها وماشي صعيبة نلاقاو لي يغبرها من هنا ونحطوشرطنا بلي مابغيناش لعرس يقراو لفاتحة ويهزها من خليقتنا(شافت فهنية)والى جات غير على خويا امي فحلو ساهل شي سيرو يدوخو بنعاس ماسمع ماشاف... هنية (كتشوف فيها بتركيز ورجعت شافت قدامها.كلام اسماء بدا يدور فراسها صغرات عينيها وخلات مخيلتها تسرح فشي لي سمعات) "نعلم سيادتكم عن وصولنا لمطار محمد الخامس الدولي المرجو لاستعداد للنزول..."(نزلات الطيارة على اقل من مهلها فمكانها لمخصص وبداو لمضيفات يتستفو في اتجاه المقصورة لي فيها مروى وهبة.. مضيفة:لحمد لله على سلامتكم الالة وصلنا بخير هبة:(تبسمات ليها بسمة خفيفة)شكرا(شافت فمروى لقاتها ناعسة ضحكات بلا هواها مزال كيما كانت غير طلع طيارة تضربها بنعسة..بدات تفيقها بهدوء حتا فاقت مروى:(كتكسل فمكانها حيدات لبانضة من عينيها وشافت فهبة)فين وصلنا!!! هبة:الله يجيبك على خير راه وصلنا خلاص يلاه خلينا نزلو مروى:سبحان الله دغيا وصلنا هبة:(ضحكت من كلامها)من لوقت لي طلعنا ونتي ناعسة طبيعي تحسي براسك وصلتي دغيا مروى:(كتجبد فمكانها)امممم والله ماحسيت بطريق هبة:(جرات صاك ديالها وهزات تيلي ونزلات من طيارة ومروى تبعتها ستنشقات ريحة بلدها لي سنين هادي وهيا غايبة عليها.. مشاعرها تخلطو عليها من جديد وقلبها كيضرب بسرعة ماعرفتش باش تفسر هادشي لي واقع ليها حسات بيد مروى تخشات فيدها.. مروى:الله ريحة لبلاد ماليها متيل(كتستنشق الأكسجين وعينيها مغمضين) هبة:معرفاش شنو واقعلي امروى كلشي مخلط عليا(شدات فقلبها) مروى:عادي.. حاجة طبيعية راه سنين هادي ماجينا هنا هبة: كلشي مخلط عليا امروى الماضي ولالام ديالو والفرحة والسعادة لي حاسة بيها مانقدرش نوصفها مروى:كلنا هكاك..الماضي نسايه دابا خلينا فالحاضر وشي لي غادي نعيشوه بعد هاد سنين كلها هبة:ماعنديش صبر ..بغيت نمشي نزور ميمتي امروى كنحس بروحها كدور حدايا مروى:(بسمة باهتة)حتا انا..كنحس بنفس شعور(دغيا مسحت دمعة نازلة من عينها وجرات هبة معاها)دابا يلاه لوطو كتسنانا برا نرتاحو شوية ونمشيو للمقبرة!! هبة:(هزات ليها براسها وتوجهو لجهة الخروج.نفس الشعور والاحاسيس كيعيشوها.الماضي ديالهم ماكانش ساهل شافو فيه بزااف وبمجرد ماتحطات رجلهم فبلادهم رجعو شريط حياتهم بين عينيهم..كلشي يفوت بنهاية هاداك ماضي ولاساس دابا عندهم يزورو لميت لي من نهار دفنوه مابقاو زاروه.توجهو لجهة لوطو وكلها شدات مكانها هبة حطات راسها على زاج لوطو وخلات عينيها يراقبو لمدينة لي كبرات فيها كل شبر فيها كيفكرها فماضيها تعيس.) "رجليه مكبلين بسلاسل كبار ويديه مفرقين كل يد مشدودة بحديدة وجهو كلو دم وعلامات التعذيب فكل شبر من جسمو...حوايجو عامرين دم..وحدة من عينيه محيدة من بلاصتها كيطلب ويرغب يرحموه ويرحمو ضعفو... شخص:(ضربو بكروشي لوجه وهضر بصوت غليض يزعزع)هضر.... فين السلعة...؟؟؟ ....:(كيبكي بصوت شبه مسموع علامات الألم والضعف باينة فيه)انا ماعارف وااالو...ماعارف وااالو شخص؛(رجع ضربو بكروشي فلحنك لاخر حتى داز دم من فمو)جاااااك ...فين السلعة!!!!!!! جاك:ماعااااارف واااااالو.... والله.ماااعارف وااالو شخص:(شاف لجهة لأخرى وتعطاتو إشارة من شخص اخر واقف فطرف حرك ليه راسو بالايجاب.. جبد سلاحو وحطو على راسو..تسمع صوت رصاصة بجهد... دمو شرشر وفاض المكان بحال شي روبيني كيخوي لما.) بيبرس:(هاز تيلي بين ايديه ومراقب كل خطوة كيقومو بيها رجالو شاف دمو مشرشر وطفى تيلي بجهد وزدحو مع لحيط..كيحك ليحتو بطرف صباعو.. عينيه مفيكسين على نقطة وبالو كيخطط بعيد..شكون لي قدر يتجرأ عليه!شكون هاد الفار لي سخى بحياتو يطاول عليه ؟؟حس بيها دخلات هازة شي وراق بين ايديها.. سكرتيرة:سيدي هادو خاصهم توقيعك ليوم! بيبرس:(هيا شوفة وحدة دارها فيها خلاها تخرج طايرة من عندو وسدات لباب مازادت حرف معاه وشكون يقدر عليه وهو فهاد لحالة.بقا شحال على هداك لوضع...عينيه نقطة وحدة وبالو خدام كيخمم ويفكر....بسرعة البرق تهز من مكانو وخرج من مكتبو..بخطوات محسوبة وهدوء شديد عكس الغضب لي فالداخل ديالو..جامع غوباشتو ومرة مرة كيدوز يدو على لحيتو...عينين للموظفين مراقبينو من كل ناحية كلشي مركز مع حركاتو وخطواتو الهادئة والسريعة فنفس لوقت..حل لاسونسير وخشا يديه فجيوبو.. عرق فوسط جبينو تنفخ ويديه مجموعين على شكل قبضة كيتسنى ايمتى يتحل لاسونسير معندوش الصبر ..فيكسى عينيه على الارقام مع كل طابق كيوصل ليه ...واخيرا وصل لطابق لارضي..تحل ليه لاسونسير وخرج كيتهز ويتحط دغيا وصل لوطو خلى شيفور ينزل وركب هو مكانو عفط على لوطو طار بيها مخلي غير لعجاج وراه...يديه على لفولون بكل عصبية وعينيه بدا لون بياضهم يتبدل لاحمر بقوة لغضب..مضنهاش منو! يشك فكلشي الى هو مايشكش فيه!سرعة البديهة لي عندو خلاتو دغيا يربط لاحداث فراسو ويجمع وينظم لمواقف لي وقعو مع هاد شخص ودغيا قدر يوصل ليه..رجع زير على لفولون بيديه وجبينو برزو فيه بضع قطرات كدليل على النار لي شاعلة فيه قليل فين كيتيق فشي حد.ونهار لي تاق لشخص لي خلاه يدو ليمنة يغدرو ويطعنو..وليومة قبل غدا غادي يلقى جزائو. هبة:(وقفات قدام لمرايا وشافت راسها لابسة كسيوة كحلة وزيف كحل على راسها مغطي شعرها..شدات نفس وطلقاتو وجرات رجليها ناحية لباب هازة صويك فيدها وتيلي فيد لوخرا.. هبطات مع دروج في اتجاه مروى لي كانت حتا هي لابسة كلشي كحل .وهادي عادة خداوها من لاجانب الجنازة او زيارة لميت لابد من زائر يلبس لاسود عكس عادات لمغريب. مروى:(هضرات بصوت خفيف)واجدة!! هبة:(حركات ليها راسها بالايجاب وخرجو في اتجاه لمقبرة.. قلبها كيضرب بسرعة كلما قربو يوصلو قلبها كيتهز من بلاصتو...حسات برعشة كتسري من جسمها..نفسها كيطلع وينزل بزز... مروى:هبة ترخاااي...شدي نفس وطلقيه(حطات يدها على ظهرها كطبطب عليها)ترخااااي اهبة ترخاااااي هبة:اوووووف اوووووف (كترخي نفس وترجع تاخدو)مقدرتش نتنفس امروى مقدرااااش.. مروى:بشوية عليك اهبة(كتمسح على راسها)بغيتي نرجعو.نخلو حتا لغدا ونجيو هبة(حركات راسها بالنفي)لا لا....انا بخير .غير...غير متوترة شوية مروى ؛انا معاك كلشي غادي يدوز مزيان غير ترخاااي هبة:انشاء الله(وقفات لوطو قدام لمقبرة ونزلو منها مروى شادة بيد هبة ومزيرة عليها ومرة مرة كطبطب عليها..وصلو لعند قبر زهرة وهنا مروى عينيها تجمعو فيهم الدموع نزلات على رجليها وهبة حداها قراو لفاتحة وبدات مروى كتعاود لماماها اي حاجة وقعات ليها من نهار لي خرجات فيه من لمغرب وكيدارت حتا خرجات وتزوجات تبكي وتنهج وهي تعاود وهبة حداها كطبطب عليها ودموعها مجموعين فعينيها... مروى:توحشتك امي لحنينة..توحشت صوتك وضحك..توحشت كل حاجة فيك (كتبكي بشهقة)علاش مشيتي وخليتيني علاش... هبة: مروى مديريش فراسك هكا..(دوزات يدها على ظهرها.شافتها ناضت من مكانها وترمات فحضنها تبكي وتنهج)هادا زهرنا امروى الله يرحمها ويلقينا بيها فالجنة مروى ؛(مسحات دموعها بكف يدها) امين ياربي هبة:(خشات يدها فيد مروى وجرو رجليهم لعند قبر مها وخوها هبة بمجرد ماشافات اسم مها مكتوب على لقبر رجعات شداتها رجفة من جديد مروى حداها عينيها حمرين بكترة لبكى كتحاول تشجع راسها وتقوي نفسها صاحبتها فحاجتها ويمكن وضعها كتر منها...هبطو على رجليهم وقراو لفاتحة هبة عينيها مرة على قبر مها ومرة على قبر خوها لي مدفون جنب مها..دوزات ايديها على وجها بعدما قرات لفاتحة وخلات دموعها يشدو راحتهم على خدها..تبكي وتقول مابكيت صوتها كيقطع فلقلب..تبكي وتعاود لمها على كل حاجة دازت منها عينيها ولاو حمر بقوة لبكى ومروى خلاتها على خاطرها خلاتها تخرج لي فقلبها .لي داز عليها ماشي قليل وحاجة طبيعية تتفكر الماضي ولي شافت منو..هزات حفنة من الرمل لي كانت مغطية قبره مها وشماتها مغمضة عينيها وكترجع بذاكرتها لسنين قديمة وشي لي عاشتو فيها..رجعات رملة مكانها وعينيها بقوة لبكى رجعو نقطة حمرة..شنايفها توردو وخدودها حمارو بقوة لبكى ماعرفاش شحال ديال لوقت وهوما فلمقبرة مروى رجعت لقبر مها تبكي وتعاود ليها وهبة حتا هيا كتعاود لمها وخوها لشي لي شافتو من بعدهم كل وحدة فيهم غارقة فبحر الماضي ومأسيه كيعادو من قلبهم.. ساعات كتمشي بسرعة وهوما مازال على نفس لحال شميسة غربات وضلمة بدات طيح محاسينش براسهم ولا بلوقت لي كيمشي بسرعة مروى:(طلعات عينيها فشخص لي وقف على راسها) لعساس:ختي هاد لوقيتة كنسدو خاصكم تخرجو مروى:(مسحات دموعها وشافت فيه عاد سرات معاها بلي ظلمة بدات طيح وماكاين غيرهم فلمقبرة رمات عينيها لجهة هبة لقاتها حاطة راسها على قبر مها وغارقة فعالمها الخاص)واخا اخويا سمحلينا دابا نخرجو (شافتو راجع لمكانو وجرات رجليها لعند هبة .تحنات لعندها وحطات يدها على ظهرها نطقات بصوت مبحوح غالب عليه لبكى)هبة..يلاه نمشيو .. الشمس غربات ومكاين غيرنا هنا.. هبة:(رفعات جسمها من فوق قبر مها..ومسحات دموعها شافت فمروى وشدات بيدها عاونتها توقف رمقات قبر مها وخوها ونطقات بصوت مبحوح)الله يرحمكم ويوسع عليكم..نوعدك اميمتي نبقى نجي نزورك ..نتلقاو فلجنة انشاء الله...(شافت فمروى وصيبات زيفها وجرو رجليهم في اتجاه باب الخروج) (عينين جاحضة برزت فيها عروق دم صغيرة. حواجب كثيفة معقودة بحال شي سيوف ماضية..جر رجليه بخطوات محسوبة..وعينيه متجاهلة نظرات خوف كاتختارق كل شبر فيه.. جر كرسي وجلس عليه..حط رجل فوق رجل..وجبد باكية الگارو من جيبو ..حط سيجارة على شيفاهو وجر منو بكل ما أوتي من قوة.... مارك:(كيحس بقلبو غادي يخرج من مكانو..لعرق كيصب من جبينو...ورجليه مابقاوش قادرين يهزوه..هز يدو لجبين كيمسح قطرات لعرق بهدوء عكس الخوف لمتملكو...نطق بصوت مرعود) بي...بيبرس.. مرحبا ..ماكنتش متوقع غادي تجي لعندي(لكلمات كيخرجو من فمو بزز كيحس بصعوبة فنطق الحروف) بيبرس:(نتر نترة طويلة من گاروه..حتا طاح رمادو..عصرو فوق لمكتب ودار إشارة بيدو تعني الجلوس..) مارك:(جر الكرسي لي مقابل معاه وجلس بهدوء كيصرط ريقو..كيتسنى شغادي يجرأ) بيبرس:(كيلعب بصباع ايديه فوق لبيرو..مكلفش راسو يشوف ولا لمحة لشخص لي مقابل معاه..نطق بكل بهدوء وانسيابية) عرفتي شنو اكره حاجة عندي فهاد دنيا...!!! مارك:(كيصرط ريقو بزز ويدو مرة مرة كدوز على جبينو تمسح قطرات العرق) بيبرس(على حالو ايدو كتلعب فوق لبيرو وعينيه متفادية مارك..رجع نطق بهدوء)طعنة في الظهر...(وقف من مكانو بهدوء ودخل ايديه فجيبو..تمشى قدام الواجهة الزجاجية للمكتب وعينيه مراقبين المارة والسيارات من بعيد..) مارك:(ناض من كرسيه بسرعة وهبط لعند رجليه يبوس صباط رجلو...عينيه دموعهم تسرسبو..وقلبو زاد فدقاتو...) الله يخليك رحمني...غلطت..وغلطي كبير...غراوني بالفلوس ونسيت خيرك..ليد لي عاونتني غدرتها...سمحليا ..رأف على حالي وحال وليداتي...(كيبكي بحرقة).. بيبرس:(جبد گارو جديد من جيبو ورجع ينفخ لفوق من جديد غير مبالي بحالو ولا بشي لي كيقول...كتفى يجر رجليه من تحتو..هيا لحظات بسيطة حتا تحل لباب.. مارك:(وجهو نظرو لباب..شافهم داخلين صرط ريقو وعرف نهايتو قربات..بزربة رجع ترمى لعند رجليه يبكي ويطلب ويرغب فيه)ارحمني...ارحمني... رحم وليداتي ماتيتمهش ...كنترجاااك ارأف على حالي..(حس بيه تجر من عند رجليه..كيرغب ويطلب يشوف من حالو ويسامحو على الشي لي دار..ولكين مع من!! مع شخص لي الرحمة ماكيعرفهاش خصوصا فلغدر...) ...:(نطق بصوت غليض)سيدي....شنو نديرو ليه؟؟ بيبرس:(نتر نترة أخيرة من لگارو رماه تحت رجليه...نطق بهدوء وهو على وضعو عينيه مزال مراقبين المارة من الزجاجة الطويلة للمكتب)كما العادة...بداو بصباع رجليه...وكل طرف منو حطوه فبلاستيكة ورموه لكلاب يتعشاااو... مارك:(عينيه خرجو من الشي لي سمع)لا..لا..لا...عاافاك بيبرس...لا ..انا صاحبك...ماديرهاااش...لا(كيحس براسو كيتجر من رجليه حتى خرجوه من لبيرو في اتجاه مصيرو المحتوم...لغدر كلمة صعيبة وطعنة فظهر اصعب من ذاك..والشي لي دار مارك خلاه يحصد نتيجة الطعنة لي طعن بيها اليد لي عاونتو وعاونت عائلتو..وكيف كيقولو كل واحد يجني نتيجة افعالو..ومارك نتيجة افعالو خلات منو عشاء مشبع للكلاب لي كتسنى الجثة ديالو توصلهم مقطعة.) `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
