.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `ليل فاش كيرخي خيوطو..كيعطي لمعنى لبني ادم يحط راسو على لمخدة وينعس فسلام"وجعلنا الليل لباسا وجعلنا النهار معاشا"..كلام الله عز وجل لخلقه..ولكين ماشي كلشي كيغمض عيونو وينعس..بحال هنية وبناتها كمثال مزال مقردين بلاصتهم ودموع على خدهم..هنية راسها مجموع بزيف وبناتها كل مرة وحدة فيهم تمسدو ليها...عينيهم ورمو بلبكى..اول مرة مصطفى يغيب عليهم هكا..خلاهم مشطونين ماعرفينش شنو يديرو..فين غادي يسولو عليه وفين يمشيو...لينا حتا هيا عينيها حمرين باركة فبيتها ومقدراش تنزل معندهاش جهد ليهم..باراكا عليها غير تأنيب الضمير لي كتحس بيه...يعلم الله شنو واقع لهبة فهاد الساعة..ميشو ناعس جنبها مرتاح رمقاتو بنظرة خفيفة ودوزات يدها عليه..رجعت كتشوف فهاد لخاتم لمنحوس لي فصبعها شافت فيه بكره وحاولت تخرجو من صبعها..حلف لاطلق منها هي تجر وهو مكنزز فيدها..تأفأفات بضجر وجرات رجليها لباب..خلات ميشو ناعس وجرات كرسي صغير جلسات فوقو وطلعات عينيها فسما كتراقب سواد ليل ونجومو..حاسة بحاجة كتنغزها فقلبها وكرشها..بحالا كانت شي تحذير من الشي لي جاي..حطات راسها على الحيط وبقات سارحة فنجوم... مروى شادة راسها بين ايديها وإلين جنبها كطمنها بلي ماغادي يوقع والو... كرهات راسها وكرهات تشجيعها لهبة تزوجو ليها..هاهيا جنات نتيجة رايها وفكرتها.. هبة كانت مربوطة فلكرسي كتجي تغفى بيها عينها ترجع تفيق من جديد من ساعة لي ربطوها مابقاو زاروها خلاوها.فظلام والغبرة دايرة بيها..باغات غير تريح عينيها وتروي ريقها لعطشان مالقات لي يسقيها... سماء كتبان ليه من شرجم الطائرة غالب عليها اللون الاسود القامت..كون نافسها فظلمة لي فخاطرو كون فاز عليها.. عينين خضراء متخللها عروق حمراء رقيقة...لونات بياض لعين بلون دماء ..دلالة على قمة الغضب ولهيب النيران لي فقلبو..باغي يقطعو طراف طراف..ويسلخ جلدو من على عظمو ويرجع يشرب من دمو..وهادشي كولو مايشفيش غليلو...كل دقيقة كيشوف ساعتو لي فيدو كيحسب دقايق ايمتى غادي يوصلو....مقادرش يصبر كتر..كان فسما غادي ينزلو كان فلارض غادي يخرجو...... (هاهو نهار جديد جا..لي عندو شي شغل ناض ليه ولي عندو شي صوالح بدا فيهم..بزاف ديال لعينين سهرات تحلل وتفسر فدماغها نوم ليل غاب عليها.... جالسة على اعصابها تمشي وتجي على طول لبيت دقائق بسيطة وغادي يوصل لعندهم..معرفاش كيغادي تشرح ليه لي طرا وجرا وهيا براسها مفاهمة لي وقع..كتحس براسها فمنام ومكرهاتش لي يفيقها منو..سمعات صوت طوموبيل تحردو روايضها بجهد ..قلبها زاد فدقاتو...إلين جالسة كتشوف مها ماشية جاية قدامها كتعض ظفارها ومعارفاش هاد الشي لي طرا باش غادي يسالي.. خرجو عينيها بلهفة فاش شافتو وقف عليهم..طلعات فيه عينيها من رجليه لحتى لوجهو..صرطات ريقها بخوف فاش شافت ملامحو لغير مفهومة..سمعات صوتو نطق بصوت هادئ غالب عليه غضب مدفون... بيبرس:تبعيني!!!...(كملة وحدة رماها لمروى ونزل في اتجاه طوموبيل) مروى:(صرطات ريقها ومسحات على جبينها بتوتر شافت فبنتها ونطقات)جلسي هنا حتا نجو.... إلينا:(ناضت من مكانها)غادي نمشي معاكم... مروى:جلسي ابنتي الله يرضيك عليك...انا براسي ماعارفاش فين غادي بيا... إلين:(هزات تيلي ديالها وتبعات بيبرس غير مبالية بهضرة مها ركبات فلكرسي لخلفي وشافتو رمقها من لمرايا ...عينيه حمرين مقرص حجبانو بغضب ... بيبرس:هبطي...(بصوت غليض) إلين:(بتوتر)ماما لي قالت ليا نمشي معاكم..(شافتها حلات لباب جنبو وركبات.. تنفست بارتياح وشافتو عفط على لوطو مخلي لعجاج وراه شدات فسمطة ديال لكرسي خايفة على راسها... مروى:(كتحس بخوف متملك داتها دايما كتسمع عليه لغموض وقلة الوضوح..صعيب على شخص يحلل داكشي لي كيفكر فيه والصعوبة لكبيرة تعرف خطوتو الجاية كيغادي تكون.. نطقات بصوت خفيف) مروى:عافاك اولدي بشوية(شادة فصمطة الكرسي كتحس بمصارنها تشقلبو بقوة السرعة لي غادي بيها) بببرس:(عينيه مركزهم على طريق و ضعوو على حالو نطق بصوت غليض) فين كاينة دارهم؟؟؟؟؟ (كتحس بشعاع دخل عليها من تقبات فلباب..راسها مال من قوة التعب ولارهاق..غفات عينيها بلما تحس..شعاع برزطها ..غمضاتهم بجهد وبدات تحلهم بشوية عليها..كدور بعينيها فكل اتجاه كتحس بالجوع والعطش..ماكالت ماشربت..ريطوها وخلاوها مرمية...حسات بيهم مضاربين مع لباب يحلوه عليها...غمضات عينيها بجهد فاش ضربات فيها أشعة الشمس لي مقابلة معاها...دخل عليها بيديه عامرين..جايب ليها لي يروي عطشها ويسكت جوعها.... مصطفى:(وجه كلامو لزريقة)حل ليها يديها... زريقة:ورجليها؟ مصطفى:(بدا يعصبو)زريقة راه غادي ندير فديلمك شي امارة..علاش انا قلت ليك رجليها...؟ زريقة:وصافي أصاحبي...غير بقات فيا مسيكينة!! مصطفى:(خنزر فيه)خرج تقع&& من هنا... زريقة:علاش؟؟ مصطفى:اسير انم خرج تسنى فطوموبيل دابا نجي... زريقة:(خرج وخلاه مضارب مع لحبل كيفكو من يديها...حط قدام رجليها ميكة فيها مسمن مع عصير وشي سقاطة) مصطفى:كولي دغيا خليني نمشي... هبة:(حلات لميكة وبدات تنقب بشوية عليها..عينيه مراقبين حركتها وتفكير عميق كيدور فبالو.. سمع صوتها هضرات بطريقة هادئة.... هبة:شنو غادي دير ليا ؟؟ مصطفى:كولي وسكتينا... هبة:(سكتات شحال ورجعت نطقات)مصطفى انا مكنتش عارفة بلي كتبغي لينا..كو كنت كنعرف ماكنتش غادي نخطبها لولدي... مصطفى:(زفر بغضب)كولي لخ&&وسكتي عليا دلقوشك.... هبة:(حدرات عينيها وسكتات رجع سمع صوتها بهدوء)عافاك خليني نمشي فحالي...غادي نخلي لينا..ملي كتبغيها ماغاديش نديها عليك...غير طلقني نمشي.. مصطفى:واش قالوليك عليا واكل ودن لحمار...هانتي مشيتي ؟وهاداك ضريب الصداق لي تسنى شنو؟؟ هبة:(صرطات ريقها وسكتات ملي حطات سنيتها فمايمكنش تقدر تغير اي حاجة من غير لينا هيا صاحبة القرار..عاد فهمات بلي هيا شدها عندو كورقة رابحة يضغط بيها على لينا تتراجع على كلشي وتبقى معاه ماتخليهش..رجع ربط ليها يديها وخلى دموعها كيتجمعو..رمقها من بعيد وسد لباب بجهد دور ساروت مامرة ماجوج..وجر رجليه لعند زريقة لي كان متكي على لوطو كيتسناه... مصطفى:يلاه زيد... زريقة: مصطفى...شنو غادي نديرو؟ مصطفى:(تنهد بجهد وشاف فيه)ركب خلينا نمشيو عارف شنو كندير.... (صقيل عجيب غالب فدار هنية هاد النهار.. جالسة شادة راسها بين ايديها وجسمها كيتهز.. بناتها حاولو معاها كتر من مرة تاكل شوية..وهيا حالفة بحلوفها لادازت ليها لقمة ومصطفى مكاينش...ستسلمو ورجعو جلسو جنبها بهدوء شديد لكأبة غالبة عليهم ماعرفينش شنو يديرو..يديهم مربوطين وماعندهم جهد للشي لي غادي يكون وقع لهبة..عارفين بلي نيران غادي تشعل من كل جانب عليهم خصوصا وحدة بحال هبة يدها واصلة ومزوجة بواحد قادر يدفن خوهم حي..حسو بشي حد كيدق فلباب بشوية.. جوج دقات بهدوء تبعاتهم دقة وحدة دبات فيهم رعب... اسماء: اويلي شهاد الشي... سمية:(ناضت من مكانها)شهادشي غادي يهرسو علينا لباب... هنية:(وقفات من مكانها لخوف تملكها)متحلوش...متحلوش...اكيد جايين على قبلها...(دقات تزادو بجهد وبشكل سريع..اسماء من خوفها طلقاتها واقفة بلما تحس...) سمية:(برعب) اويلي اسماء شنو درتي؟؟؟ اسماء:(كتشهق)قلبي ...قلبي امي غادي يسكت... هنية:شوووش سكتو...ماتهضروش..... لينا:(سمعات صوت دقات ترفعات من مكانها...الرعدة سرات مع داتها ماعارفاش الشي لي واقع...رمات لغطى بخفة...وخرجات حافية طل من شرجم صغير فصطاح... كتبان ليها طوموبيل كحلة مامعروفش مولاها شكون... كتحاول تشوف شكون لي تحت...بانت ليها مروى وإلين...يلاه جات تمشي...شافت يدو كضرب بجهد لباب غادي يهرسو...وشام طالعين حتا لدراعو... كتحاول تشوف شكون هادا لي داير هاد الحالة مقدراتش..صغر شرجم ماكافيش يخليها تبرگك على خاطرها..نص دراع لي بان ليها مولاه لابس تيشرت كحل مزير شوية على عضلاتو...جرات رجليها لبيتها ودخلات تلبس نيقابها.. ماعندها جهد للسان هنية وبناتها مقدراش على صداع...تسمع صوت لباب تضرب بجهد حتى تلاح...ترفعات من مكانها وميشو قفز لعندها خايف...شدات فقلبها برهبة....وحاولت تستجمع نفسها وتنزل تعرف لواقع... هنية:(مخشيين فيها بناتها والرهبة خارجة مع صوت انفاسهم لغير منتظمة...طلقوها بغوتة وحدة جماعية فاش شافو باب دارهم مليوح قدامهم...قلبهم كيزدح بلخلعة فاش سمعو صوت رجليه طالع مع دروج تقول وحش كان مسدود عليه لقفص وحلو عليه...بسرعة البرق وقف قدامها وبناتها مخشيين فيها مروى وإلين كيجرو وراه كيحاولو يوصلوه... تتمة: هنية:(شجعات نفسها وتقدمات شوية لعندو هازة حاجبها مبينة الشجاعة قدامو عكس لخوف لمتملكها) شكون نتا؟؟شهاد الدخلة داخل عليا وسط داري؟؟؟!! بيبرس:(نطق بغضب مجموع) فين ولدك...؟؟؟ هنية:(صرطات ريقها)شكون نتا لي كتسول على ولدي؟؟ سمية:(داك لسان طويل لي عندها قرر انو ينطق فوقت غير مناسب وقفات قدامها حاطة يدها على جنبها كتشوف فيه ومطلع حاجبها..كتبان قدامو بحال شي بخوشة صغيرة) سمية: مالك اسيدي على هاد الدخلة لي داخل علينا...وهاداك لباب عارو على من...؟؟ بيبرس:(غمض عينيه بغضب مابغيش يحط يدو على نسا وليكن باينة هاد طاسيلة غادي تخرجو عن طوعو..دفع بيدو سمية حتى ترمات لجهة لاوخرى هنية خرجو عينيها سيد غير دفعة منو خلاها مرمية كون دار فيها يدو كون بجغها ليها تماك حسات بالخوف تملكها ورعب سرا مع داتها...سمعات صوتو هضر بطريقة صارمة اكتر من لي قبلها... بيبرس:زا&&ديال ولدك فين؟؟ هنية:(دغيا تسرسبو دموع عينيها قدامو ماعرفت مادير من غير انها تجاوب بطريقة كلها خوف)والله ماعرفت من لبارح مابقى بان... مروى:(دخلات كتجري شافتها مرمية. اسماء باركة عند رجليها سروالها فازگ بلبول من قوة الخوف والرعب لي خلاهم يحسو بيه..نطقات بصوت خفيف كتحاول تهدنو)ولدي بيبرس خليهم عليك..اخرتو غادي يبان... لينا:(هبطات هازة ميشو بين ايديها...رمات عينيها جهة لباب كتشوفو مرمي فدروج خرجو عينيها بصدمة من الشي لي شافت...نيقابها مغطي وجها وجلايلها كيتجرو وراها...شافتهت جاية داخلة عندهم..الجنون لي فيها بداو يوسوسو ليها ...الشيطان لي داخلها جمع رجليه فعقلها وختار يخطط ويفصل معاها فبالها...نطقات بمكر شديد ممزوج بسم وحقد... هنية:(شيرات بصبعها لجهتها )هاهيا السباب...هيا السبب فشي لي طرا لهبة...سولها هيا تعرف فين كاين مصطفى.... لينا:(بحلقات بعينيها من تحت نيقابها بصدمة كبيرة علاش ترمي عليها لباطل وهيا ماعارفة والو!!...حسات براسها ترفعات مع لحيط..تنفسها كتشدو بزز ورجليها كيفركلو يديه محاوطين عنقها بحال شي دبيحة معلقة فسقف كتسنى صيادها يسلخها..عينيها خرجو وتنفسها كيدياق.. ميشو ترمى من بين ايديها وبدأ فلمواء كيحوم حولها بخوف... مروى:(حطات يديها على دراعو كتحاول تفكو)خليها عليك...عافاك ابيببرس خليها عليك... بيبرس:(مخرج عينيه فيها كيبان ليه نيفها مرسوم من تحت نيقابها..ماباين منها والو..نطق بصوت زاد خلعها) مصطفى فيين؟؟؟؟؟ مروى:(كتبكي بشهقة حداه خافتو يجيفها)عااافاك رخيها...لبنت غادي تموت على يدك رخيها... هنية:(رجعات وساويس شيطان تدق مسامرها فعقل هنية حالفة بمعزة مصطفى عندها لاخلاتها تتهنى فيها دنيا وولدها غايب عليها..جرات رجليها لعندو وقفات حداه ) هنية:(هضرات بطريقة صارمة مشجعة راسها ومبينة فكلامها بلي عارفة عليها شلا حوايج خاصو يعرفهم) هنية:طلق منها...بغيت نهضر معاك بوحدك(قدرات تشتت انتباهو وتشد زمام لامور..شاف بيها بنص عين ورخى من عنق لينا لي كانت على شوية وتجيف ليه..كحبات كمحاولة منها ترد التنفس ديالها...ميشو ترمى لعندها يجري كيجر حوايجها باغيها تنوض.. هنية:(جرات رجليها لبيتها وخلاتو تابعها ليومة تفدي فيها لي طرا بسبابها) (دخلات جارة رجليها لبيتها..ناوية على خزيت..عرفات بلي هو عريس الغفلة.. وملي لعريس جا برجليه حشومة ماتكبرش بيه.. وهنية الشر لي فيها ماغادي يهنيها حتا تنتاقم لولدها...سمعات صوتو هضر بطريقة مزلزلة ترفع جسمها بخوف... بيبرس؛طلقينا هضري ولا ندفن مك مكانها....!!! هنية:(صرطات ريقها وشافت فيه..جميع ملامح وجها تغيرو خاصها تخليه يصدق كلامها ومايشك فحتى حرف غادي تنطق بيه..هضرات بصوت مبدل مسقي بالاقناع ولكذب لمرصوص... هنية:فاش جات هبة تخطب من عندي مابغيتش نعطيها لبنت..ماشي حيت مابغيت ولكين حيت عارفة العلاقة لي بينها وبين ولدي..(حدرات راسها ورجعت نطقات)انا ماغاديش نجي من صف ولدي وننصرو...هيا بنت ختي ربيتها على يدي وانا اكتر وحدة عارفة طبعها والشي كيدور فبالها...غوات ولدي وخلاتو يطيح فيها.. بببرس:(راسو كيتبخ اش هاد القصة لي كتعاود ليه ماسوقو لافيها لافيه..يموتو گاع اش يعنيه فيهم.. اهم حاجة عندو هيا مو ويشد لقطيط ديال ولدها يسلخ لحمو..حاجة اخرى ماتهموش.. هضر بطريقة صارمة) بيبرس:(مسح وجهو بيديه)واش باغية ندفن مك ؟؟ هنية:(صرطات ريقها بخوف ..حسات بتوتر ورجعات نطقات)..ااااا..لي..لي بغيت نوصل ليك..هو مراتك لي كنتي قاج من شوية هيا سبب فهادشي...شافت لفلوس وطمعات..ضحكات عليك وعلى ولدي.. قنعاتو بلي كتبغيه... وملي كبرات بيها هبة وشافت الهدايا لي جاوها تخلات عليه وغدراتو(حدرات راسها ورمات جوج دميعات على خدها كتحاول تلعب على مشاعيرو وتخليه يرأف على حال ولدها)ولدي مظلوم تصرف بطيش ولكين سباب هيا..كون ماضحكات عليه وعلى هبة كون ماوقع هادشي كلو.. بيبرس:(رمقها بنظرة كيعبرها ويعبر طريقة كلامها وتصرفاتها خنزر فيها حتا حدرات راسها بخوف...جر رجليه من عندها ورمقهم واقفين على اعصابهم..هنية وراه كترد النفس كتحس براسها غادي يوقف قلبها...شاف فمروى وإلين واقفين علامات التوتر بادية عليهم..دور عينيه كيقلب عليها...شافها حاطة يدها على الحيط كتحاول توقف..ماجات فين تقاد وقفتها حتى حسات بدراعها تجر من مكانو...جرها من وسطهم قدام توتر وتساؤل وعدم فهم لشي لي داير بيهم...وقف مقابل مع هنية ويدو فدراع لينا غادي يحيدو من مكانو...شاف فهنية ورمى ليها جوج كلمات خلاها مسمرة فمكانها ... بيبرس:(بهدوء شديد عكس البركان لي فيه) فاش ترجع حاجتي غادي نرد لولدك حاجتو...(حلات فمها بصدمة كتشوفو مخرجها معاه ومروى إلين وراه مصدومين من الشي لي دار..السيد دماغ ولي بغا يلوي دراعو غادي يلويه كلو) (حط راسو على شرجم طوموبيل.. وشعل كاروه يتنشوى على خاطرو..راسو كيتبخ بقوة الافكار والاحتمالات ...خاصو يتلاقى بيها ويهضر معاها..جوج احتمالات مخلينو كيفكر فشي خطة لي تخليه يشوفها ويرمي الهضرة لي فحلقو ليها... لاحتمال لاول تكون مروى علمت لبوليس وقالبين عليها الدنيا؟ لاحتمال التاني يكون شي حد من عائلتها جا وكيقلبو عليها؟؟.افكار ترميه وترجع تجرو...سمع صوتو نطق.... زريقة:شنو دابا؟؟واش نمشو للحي؟؟ مصطفى:(بعد صمت وتفكير معمق)صبر...ماتمشيش!!! زريقة:ايوة شنو المعمول...!؟ مصطفى:خاصني نعرف شنو طرا ملي مشينا... زريقة:فاش كتفكر!! مصطفى:هضر مع مبارك يضرب شي دويرة فسيكتور ويجيب لاخبار... زريقة:(هز تيلي على نية يصوني ليه شدو منو) مصطفى:حبس..يمكن يكون مراقب...خاصنا نحسبو خطواتنا... زريقة:(بخوف)كيفاش مراقب؟؟واش لقضية فيها لبوليس!! مصطفى:لا فيها حفل تنصيب مصطفى ولاشبين ديالو...واش مريض فمخك أزمر... راه واقيلة خاطفين مرأة!!! زريقة: مصطفى انا ماعندي جهد لشي صداع..مي وختي ماعندهم من غيري... مصطفى:(لاعصاب بداو يطلعو ليه)سير ضرب شي خمار ودخل سيكتور..ضرب فيه ضويرة وعرف لواقع..وجيبلي لاخبار بتفصيل زريقة:(بتردد)نخافهم يشدوني؟؟ مصطفى:بربي حتا نمرمقها مع ز&&بوك... ولاش مدخل كمارتك معايا من لبداية ملي خايف زريقة:(بتردد)صافي... صافي غادي ندير لي قلت ليا.. مصطفى:وهيا دابا...غادي تلقاني نتسناك عند شاطو زريقة:واخا(خرج من طومبيل فاتجاه سوق يشري شي خمار بسندري ديالو ويتبع هضرة مصطفى..ندم على كلمة مغامر معاك لي خرجت من فمو ليه.. مصطفى طلاه بعملية خطف وابتزاز وشوف شنو اخر غادي يكون مكتوب ليه فلمحضر السيد سلم امرو بلي خبارهم وصلات لبوليس وكيقلبو عليهم...ماجايب خبار بلي لي كيتسناهم .. البوليس ارحم منو الف درجة) (حسات بدراعها تحيد من مكانو الجرة لي دار ليها خلا طبعة زرقة فيها..رماها فلوطو حتى تزدح راسها مع لكرسي..ميشو جا يجري وراه وطلع لعند رجليها تمخشش فيها جسمو كيتهز تحت منها...إلين ركبات حداها بينما مروى ركبات لقدام حداه...عفط على طوموبيل وطار ليها...حتا حد ماحل فمو كيتسمع غير صوت شهقتها تحت خيمارها... دموعها على خدها..ودراعها كيضرها...جسمها كيتهز مع كل شهقة البكية كتخرج من خاطرها...رمى عينو فلمرايا جهتها شهقاتها برزطوه...هضر بطريقة غاضبة خلاتهم ترعبو منو... بيبرس:سكتيناااااا.... لينا:(مامسوقاش ليه راسها حجرة لعناد لي فيها غادي يجيب اخرتها على يدو.. زادت فشهقتها كتحس بلحر فدراعها الى مابكاتش وخرجت لي فخاطرها تشدها لحالة تاني...حسات بيه حبس طوموبيل بجهد حتى تضرب راسها مع كرسي مروى لقدام... بيبرس:(شاف فيها من لمرايا ورجع نطق) نقسم بربي ونسمع النفس ديالك....ندفن ديلمك بلاصتو!!!! مروى:(كتحاول تكالميه )تهدن اولدي الله يرضي عليك..(ضارت لعندها بشوية هضرات بصوت خفيف) عافاك الينا سكتي..عافاك ابنتي تهدني مابغينا صداع الله يرضي عليك... لينا:(كانت على نقشة كلام مروى عفط على حجرة لينا وعطاتها لبكى والشهقة تسمع صوتها نطقات بطريقة باكية) لينا:شنو باااغيين فيا؟..انا معارفة والو!!...ونتا لاش كتغوت عليا وتجر ليا دراعي قصحتني...!!! بيبرس:(حك وجهو بيديه كيكالمي راسو غادي يعجنها فمكانها اكتفى انو يضربها ليها بتخنزيرة فلمرايا.ماعندوش مع لمعاطية يدو سابقاها..مايبغيش يحط يدو على شي مرا ولكين باينة هاد خيتي غادي تخرجو عن طوعو ويخرج فيها عاهة مستديمة.... مروى:صافي ابنتي صافي...عافاك حتا نوصلو وبكي على خاطرك(قربات عندها بزاف ونطقات يشوية مبغاتوش يسمعها)عافاك تهدني...شري السلامة لروحك مازال ابنتي ماعرفتي راسك مع من...تهدني يرضي عليك.... لينا:(كلام مروى حرك فيها لخوف المحبوس داخلها..دوزات يدها من تحت خيمارها ومسحات دميعاتها...دراعها كيضربها..حسات بيه عند رجليها متكي على عليهم...هزاتو لعندها وحطاتو فحجرها كطبطب عليه... الين كتخنزر فيها مكرهتش يدير فيها يدو ويفش غليليها...كون غير تقطع فيها النفس فاش خنقها كون رتاحو منها... (كاسكيطة فوق راسو وزربان فلمشية ديالو....كيحاول يهرب من عينين الناس لي كيعرفوه..دخل السوق وهو فقمة لاحراج كيقلب على شي بوتيكة كتيبع حوايج النسا على اخر ايامو غادي يلبس النقاب... مصطفى ردو ولية غادية برجليها تجيب ليه تبرگيگ...جر رجليه لمحل..وشرا نيقاب بسندري ديالو...وخرج كيقلب على شي زنقة خاوية يلبسو فيها...دفل على راسو من لوضع لي رماه فيه مصطفى...لمحت عينيه طارو دزبل تخبى وراه.. وبرك كيلبس بزربة قبل ماشافو شي حد وتكون فضيحتو على كل لسان... زريقة لي كان قبل تبدل ولا ولية بنقابها وماجاتش لولية تمشي مشية رجال كيحاول يخفف فرجليه ويتقل...كيبانو غير عينيه ورموشو يطلعو وينزلو.... شخص:تبارك الله على عوينات... زريقة:(كيتغدد من تحت نيقاب)دعيتك لله امصطفى هادشي لي بقى... شخص:(تابعو كيتلوط عليه وزريقة حابسها فخاطرو)وقفي الزين..امولات العينين...جوج كلمات ونمشي... زريقة:(كيزرب فمشيتو والسيد مزال تابعو...محس براسو حتا حس بتخويرة طالعة معاه...خرجو عينيه بصدمة من الشي لي حس بيه..مجا فين يدور لقاه مشا كيجري مخلي لعجاج وراه...صرط ريقو بصدمة وعينيه مصدومين... زريقة:خورني....والله الا خورني...طلع صبعو...خورني(مصدوم من الشي لي جرا ليه كيحس بشمتة وقلة الحيلة...جا يصوني على مصطفى تفكر بلي لبوليس يمكن يكونو مراقبين لاتصالات...رجع تيلي تحت لبسو.. وجر رجليه بصدمة... على اخر ايامو يتحرشو بيه قدام الناس... حبسها فخاطرو...ووقف فزنقة لمخبزة كيتسنى يشوف إيمان ختو لعلى وعسى دوز لعند افران لي حداه تجيب لخبز...دقائق قليلة شافها هازة لاطة فوق كتافها وجارة رجليها كتمايل لجهة لفران وقف قدامها.. إيمان:(شافت فيه باستغراب)مالك اختي نعاونك فشي حاجة؟ زريقة:ايمان انا زريقة دوزي لهيه نهضر معاك... ايمان:شنوو؟؟؟واش خويا؟؟؟؟ زريقة:سكتي يعطيك لقوى سكتي...دوزي لهيه غادي تخرجي عليا(جر رجليه لجهة لحيط وايمان حداه) ايمان:علاش اخويا مشيتي مع مصطفى...لاش رميتي راسك فناار....!!! زريقة:خلينا من هادشي دابا ؟؟قولي ليا شنو وقع فلحي؟لبوليس جاو !كيقلبو علينا؟؟ ايمان:لا لبوليس ماجاوش ولكين... زريقة:شنو؟؟ ايمان:راجل لينا جا وداها معاه..على ماقالت ليا سمية الى مارجعش مصطفى هبة لينا ماغاديش ترجع.. زريقة:(كيشوف بعيد ويفكر بصوت عالي)ببففف...كيغادي نوصل ليه هاد لخبار دابا ... إيمان:خويا عافاك بعد من هادشي...راجلها باينة فيه ماشي ساهل راه هرس باب دار عليهم..عافاك اخويا ماعندنا غيرك... بعد من مصطفى ومصايبو.. زريقة:متخافيش...تهلاي غير فالواليدة..انا مشيت دابا(زرب فمشيتو وتوجه لشاطو لعند مصطفى معارف كيغادير يوصل ليه بلي داها معاه صرط ريقو وزرب فميشتو ناحيتو) (تسمع صوت روايض تحردو مع لارض وقف بجهالة خلاهم كيردو النفس ديالهم..مروى نزلات وحتا إلين بقات هيا فمكانها حاطة ميشو فحجرها... حالفة بحلوفها لانزلات ليه... شاف فيها من لمرايا نظرة عابرة دغيا قرأ لي فدماغها..خرج بزعفة وسد لباب وراه بجهد حل لباب ونطق بصوت غليض: بيبرس:هبطي؟ لينا:(راسها حجرة قاصحة بقوة لعناد لي فيها)مابغيتش.. ردني من فين جبتني!!! مروى:(حطات يدها على فمها بصدمة عيات معاها تسد فمها وتشري السلامة لروحها..عيات توصي فيها تلجم فمها حتا تعرف هاد الراجل لي هو راجلها طبعو كيف داير..وروح لي فلينا ماخلاتها تتهنى لسانها طويل وراسها حجرة قاصحة تعيى ترطب فيها وتقول واش ترطاب.) بيبرس:(بدا لغضب يسيطر عليه تهدن مامرة ماجوج وهاد خيتي غير زايدة فيه..رجع جرها من نفس لبلاصة لي كان شادها منها..تسمع صوتها غوتات بحر جهدها..زاد زير على دراعها وخلاها كتلوى بلحر.. جارها وراه بحال شي قنية ...طاحت على رجليها لي مبقاوش قاديرين يهزوها...رجع كيجرها مع لارض حتى تحرد لحمها مروى تبعاه تطلب وترغب فيه يخليها..وإلين كتجر مها... ألين:خليه عليك...راجل ومراتو ماسوقناش فيهم... مروى:(جرات يديها من قبضة بنتها ورجعت تجري تطلب وتزاوگ فيها ولينا غواتها كيتسمع من بعيد..ماوقف بيها حتا دخلو وسط لڤيلا ورماها...كلو كيغلي دمو فاار ناار شاعلة فيه غادي يحرق لي قدامو ولي وراه... مروى:(وقفات قدامو كتبكي وتزاوگ)عافاك اولدي...انا مزاوگة فيك باراكا... خليها عليك... لينا:(دخلات يديها تحت نقابها كتمسح دموعها.. كتحاول توقف ومروى كتعاون فيها..حسات بالحريق فدراعها ..غير جرة خلاها كتوزوز علم الله داتها شنو وقع فيها بعدما حردها مع لارض ...عطاتهم بظهر ورفعات كم السندري لي لابسة تشوف دراعها وشنو جرا ليه...حبسات لبكية فخاطرها فاش شافتو زرگ خلى فيها طبعة شادة دراعها كولو..هبطات حوايجها على دراعها وحطات يدها عليه كتخفف من لالم لي حاسة بيه..شافت فيه ورجعات هضرات بغضب..لسانها غادي يجيب ليها تمام معاه... لينا:بغيتلك گردة...خليتني زرقة...الله ياخد فيك الحق(إلين حطات يدها على فمها بصدمة هادي لأخرى ليها كتقلب على خلا عيشتها..مروى خرجو عينيها فيه صرطات ريقها عارفاه مغادي يدوزها ليها.. السيد مايقدر حد يحل عليه لفم حتا من مو وكتنقي لحروف ولكلمات باش تهضر معاه ..جات هادي بلا سلطان بلا دستور لي جاب ليها لسانها ترميه.. شافتو جمع يديه قبضة وقرص بحجبانو..جر رجليه قاصدها يفدي فيها.كل حرف خرجاتو مع فمها... لينا:(كتشوفو من تحت خيمارها جاي قاصدها مشات تجري وتخبات ورا مروى تخاف ماتحشم.. هاداك لسان عندها غادي يجيب ليها مصيبة طيح فوق راسها... مروى:(حطات يديها على صدرو كتحاول تبعدو) ملي شدات لامان خليها... رغبتك اولدي تخليها.... بيبرس:(رمقو عينيه راسها كيبان ورا مروى مخبية وراها تخاف ماتحشم.. نطق بغضب موجه كلامو لمروى) بيبرس: بربي ماتسرط لسانها لابقى عندها... مروى:صافي اولدي كون هاني...عافاك خليها... بيبرس(بعد شوية ورجع نطق)عينك عليها... إلين:(نطقات بلهفة كبيرة)ماتخافش ابيببرس انا غادي نراقبها حتا تجي... بيبرس:(خنزر فيها وجر رجليها لباب لخروج..ضرب واحد ديكور برجلو محطوط عند لباب حتا تشتت قدامهم خلاهم قفزو كل وحدة شادة قلبها من لخوف...شافوه خرج من عندهم كيردو النفس بزز) (دخل طوموبيل وسد عليه غمض عينيه بغضب ورجع حلهم مسح وجهو بيديه..وعفط على زر فشاشة ديال لوطو كتعطيه لوكال على لوجهة ديالو..دقائق بسيطة وكان واقف قدام ساحة كيدور عينيه كيشوف فهاد الشعب لي قدامو اول مرة يحط رجلو فهاد لبلاد عمرو جا لهنا..كان يتمنى يجي فظروف غير هادي ولكين لقدر كان ليه رأي آخر..شافو جاي لجهتو عطاه إشارة براسو يركب حداه.. الشخص:كلشي وصيتني عليه درتو... بيبرس:شحال حطيتي من واحد ؟ الشخص:4..جوج فلحي عندهم...وجوج فلحي لي وراهم.. بيبرس:(بهدوء)حطيتي رجال ولا فراكس؟ الشخص:كون مهني..مايقدر حد يدخل ولا يخرج من عندهم بلا علمنا كلشي مراقب ..تهنى من هاد الناحية... بيبرس:(هضر بغضب)تيلي ديالها خلاتو عندهم فدار... الشخص:ايوة فهاد الحالة ماعندناش كينديرو نجبدوها...الدراري لي معايا تبعو حركة تيلي ديال مصطفى لقاوه مرمي فجردة مليوح... بيبرس:قلبو الجردة وحطو شي وحدين فجوايها..اكيد غادي تبان شي حاجة... الشخص:واخا كون هاني(شافو جبد رزمة ديال لفلوس وعطاها ليه..خرج فحال سبيلو يكمل خدمتو لي كلفو بيها ) &&&&&&&& (بالو مشطون افكارو مخربقة عمرها غابت عليها هكا...تيلي ديالها طافي عمرها صرات اول مرة يبقى ليلة ونهار ماسمع صوتها...ماباغيش يكبر لموضوع ولكين بالو ممهنيهش هاديك مراتو نصفو لاخر... حاسة بلي واقعة شي حاجة..جمع يديه قدامو بتوتر شديد.. خايف لاتكون وقعات ليها شي حاجة بلا علمو...شافها داخلة بعبايتها هازة تسييحها لمعهود ليها... حورية: لعشا واجد اولدي... هولاكو:(بلما يشوف فيها باقي على وضعو)مافياش... حورية:(عبراتو بعينيها وعرفات واقعة معاه شي حاجة..شافتو كيقلب على تيلي.. تفكر بلي خلاه محطوط فصالة لأخرى خطوات سريعة جروه لعندو...وخلا حتى فضول حورية يتبعو.. تخبات ورا لحيط..وحطات ودنها كتصنت ليه.. هولاكو:الو مروى لاباس... مروى:(شادة راسها بيديها وبنتها حداها عينيها فلينا مراقباها مغفلاش عليها...سمعات تيلي ديالها دب الرعب فيها فاش شافتو سميتو مكتوبة ..حطاتو على ودنيها ونطقات بصوت خفيف عكس حالتها لي كانت عليها... هولاكو:مروى لاباس.. مروى:الحمد لله..(حكات رقبتها بيدها)نتا مزيان؟ هولاكو:الحمد لله..كنصوني على هبة تيلي ديالها طافي!! مروى:(ستجمعات نفسها ونطقت بهدوء عكس حالها)اه توضر ليها فاش كنا فسوق...عاد غادي تمشي تشري واحد جديد... هولاكو:فين هيا... حداك دابا ؟؟ مروى:(خرجو عينيها وصرطات ريقها رجعت جاوبت بهدوء)لا فالحمام كدوش فاش تسالي نقول ليها تهضر معاك... هولاكو:(بالو ممهنيش حاس بلي كاينة شي حاجة مخبينها عليه قطع معاها لاتصال وحورية مخشية ورا لحيط كتسمع..جرات رجليها بشوية ناحية لميدة وتسبيح فيدها كدوزو..حادرة راسها وكتشوف فيه بنص عين متقدم ناحية لميدة) مروى:(تنفست براحة حمل وساستو عليها)اووووف (شدات فقلبها) مابقيتش قادرة نصبر..عقلي غادي يحبس... إلين:تهدني اماما كلشي غادي يتقاض(شافت فلينا مربعة يديها وساكتة رجعت كملت حديتها)ملي بيبرس هنا كلشي غادي يرجع كيف كان...`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.riwayatichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
كملي القصة من فضلكككك
ردحذفمتى الجزء الموالي متشوقة للتتمة
ردحذفشنو سميت الكاتبة عافاكم
ردحذف